معاناة زوجة

[nadine0159]

قبل ان اكتب هذه الاسطر شبعت بكاء في الحقيقة احس بالوحدة القاتلة و الغضب الشديد لمن اشكي همي زوجي ف الخدمة ديما عامين وانا على هاد الحال كرهت حتى الصبر نفذ مني العام الاول كان ف الصحراء يجي من شهرين و نص و يبقى 10ايام و يروح كنت بالحمل و صبرت و العام الثاني ولدت راني نربي في ولدي وحدي صح عايشة مع دارهم بصح مانيش مليحة معاهم و تخيلو انا من الشرق تزوجت في الغرب و يا يريت اهلي قراب كنت نتونس بيهم شوية انا غلطت في زواجي ظروف زوجي كارثية و يا ريت هاد العام تغيرت الاحوال بقيت كيما راهي يجي 4 ايام ف 20 يوم و المصيبة درك ما يحبش يجي لانه مريض و حكاية مرضو وحدها تخيلو يقولي راني مريض ما نقدرش نجي يا الاهي من نهار تزوجت ما تمتعتش حاملة بزاف لمزية راني نخدم و مع العلم ممنوع عليا نروح هاك ولا هاك من الخدمة للدار دراهم برك يهمو فقط كي نقولو مصرو ف ولدي خلص يقولي روحي اجبدي و تخيلو دارهم داخلين خارجين جامي غلطو و قالولي اخرجي معانا و هو اذا قلتلو نحب نخرج يقولي مكانش نقولو نروح نحمم يقولي لا نقولو راني مقلقة يقولي اطلعي فوق ف السطح درك يتنحى عليك واش نقولكم رحت لدارنا بالسيف قالي ما تروحيش كي شافني مصرة وموجدي كابتي قالي روحي 15يوم برك تخيلو من الشرق للغرب 15يوم دارنا كرهوه من تصرفاتو و نقول مريض مسحور وووو لكن اين انا اين احاسيسي مشاعري انوثتي كرامتي نحب نطلقو و يغيضني ولدي بصح ف الصح ولدي عايش بلا بيه ايه قلتلو نكريو قالي ممنوع عليا نكري خدمتي هاك قلتلو و الحل قالي مامدوليش سكنة اصبري نروح لسطيف 3 اشهر و يبدلوني و يمدولي سكنة يبدا السطاج في ديسمبر و يكملو في مارس يعني حتى للعام الجاي واش ندير مانقدرش نصبر كرهت الزواج انا نعتبرو عقوبة ليا كل شيى مكانش وهو يقولي ماكيش حامدة ربي حتى الماكلة مكان مكان في دارهم انا نخدم نصرف على روحي وهو كي يكون هنا يشري لولدو كل شيى و كي ما يكونش كل شيئ فوق راسي وين راح الزواج حتى كي يمرض ولدي نسهر معاه وحدي المهم والديا ماهمش راضيين حتى اني نسيت اني امراة متزوجة في تفكيري الهربة برك هادا ظروفو مابغاوش يتسقمو خممت نروح لدارنا كي نهار يكمل حكاياتو و يلقى سكنة و يكمل سطاج تاعو نوليلو بويسك نزيد نبقى عام اخر راح نمرض بالاكتئاب متاكدة تفكيري دائما سلبي صغري قاعد يضيع الراجل مريض بصح انا تاني مرضت نحب نحس بالدنيا بلاك تقولو ماهيش صابرة و ماهيش مؤمنة بصح صدقوني ايماني كبير بالله سبحانة و يشفني بصح نشوف في روحي رحت فيها قاعدة غير نضحي و هو ماهو شايف والو ماهو حاس حتى يحاجة ماذا افعل نسيت نوضحلكم هو مريض بسبب السحر كل ما يجي هادوك الايام غير نجريو عند الرقاة غير الخلعة نبات نتقلب من التفكير و الخوف دخلني توسويس شعرا هبلت بصح بالادعية و الصلاو و القراان راني مليحة شوفو خاوتي و خواتاتي حتى دراهمي نخلص 4ملاين ماني ندير بيهم والو السكنة ومادرناش ما يسمعليش باش ندير يدينا في يد بعض واش نقول الحمد لله على نعمة الصحة واسمحولي طولت حاولت نختصر

[ع.عيسى]

الله يفرج عليك يا اختى ، امامك حلين على حسب وجهة نظري ، الحل الاول : ان زوجك يتخلى عن عمله اذا استطاع ويسكن معاك والحمد لله انت راك خدامة يعني تقدري تمشي احوالك الى ان يجد عمل ...الحل الثاني انك انت تروحي تسكني معاه في مقر عمله حتان يفرج ربي ..............لانه حقيقة ان تبقي في حالتك فهذا امر صعب جدا ، والله يجعل لك مخرجا من حالتك

[أم سلوى]

روحي عند اهلك..بسيف عليه..دراهمك يبقاو جميعهم وليس تصرفيهم على وليدو....وعلى الدار...

[azpak]

جميل ...كلام من القلب واضح جدا...
أُختي الكريمة لن أُكثر الكلام ...كما نعرف المرأة قليقة الصبر ..
وطبعا الجزع أتعب من الصبر ...لكن فقط ...لا تنتظري حلا خرافيا أو وصفة سحرية تحل مشاكلك
ومشاكلنا جميعا ...وتقولي أنا صبرت كثيرا ولا تحدثوني عن الإيمان بالله والصبر لأني صابرة ومؤمنة... لا...
لكن ...الله تعالى يُغير من حال إلى حال ...فالموضع الذي أنت فيه الله تعالى من وضعك فيه
ولا شيئ يدوم فالبطبع هذا الوضع لن يبقى طويلا ...
أما مشكلتك هي عجرك التام وإستسلامك لهذا المشكل
لكن اُعطيك الحل :كل ما أكثرتي من الإستسلام والشكوى
كل ما زدتي هما وغما وضعفا وحزنا وكل ما سيطر الشيطان عليك حتى لو كنت مؤمنة
فالحل الأمثل والذي لا يوجد حل آخر يُشابهه
هو إصطناع القوة ومواجهة المشاكل بها يعني أثبتي لنفسك أنك قوية على هاته المشاكل العادية
فالبطبع ستتجدد الطاقة لديك وتواجهين المشاكل بأكثر حيوية ونشاط وسعادة
مثل ماكان يفعل كبار السن ...
فسأُعيدها ..الشكوى والاستسلام لا تزيدك الا ضعفا وهما وحزنا ووساوس
إصطنعي القوة وعيشي حتى يغير الله حالك إلى الأفضل
أما فكرة عصيان زوجك والطلاق وأُمور مثل هذه فلا أنصحك بها
لكن فقط حاولي إقناع زوجك بالذهاب لأهلك ..تعلمي طرق إقناع الرجل
إستخدمي أساليب ..إيتيكات.. فالرجل سهل عندما تفهمي كيفية إقناعه
مادام يُحبك أُختي ...
فالطلاق أُختي تطالب به إمرأة يخونها زوجها ..لا يحترمها ..يهينها
مثلا وليس مثلك في ظرف صعب معين
والله لا يضيع أجر الصابرين ...والصبر حيلة لمن لا حيلة له ...
بالتوفيق

[فاصلة]

ربي يفرج عليك أختي. تخيلي كون جيتي قاعدة في الدار وما تخدميش. على الأقل راكي خدامة . وتأكدي بلي دوام الحال من المحال

[nadine0159]

نشكركم بزاف على الرد يا ريت نقدر نصبر هاد العام تاني المشكل حالة زوجي الصحية تتدهور رانا حايرين و هو ديما يخدم نحسو راح يضيع راهو ما يقدرش يدير ابسط وظائفه كزوج نحسو ساعات واحد من خاوتي عايس معايا و الله كارثة و لا ادري ما الحل واشنو هو الحل مافهمتش علاش الدنيا قسات علينا بزاف

[دنيا الامل 18]

ربي يفرج عليك

[مصطفى_س]

حاولي تقنعيه يروح للطبيب و الحمد لله العلم تطور و كاين حلول و كاين اطباء و مكاش مشكلة معندهاش حل و حاولي تقنعيه يدي عطلة لمدة معينة و ثم يعالج نفسو و حاولي الاهتمام اكثر بيه
حلك انو ياخذ عطلة مرضية و من حقو و يعالج و تكوني معاه انت و شجعيه اذا حاس روحو موش مليح

أسأل الله العلي القدير أن يفرج همك و يجمع شملك مع زوجك

تلاي في زواجك

[طيور الجنان]

ربي يفرج عليك اختي و يسهلك حياتك.
اختي قولو يدي عطلة و يعالج روحو ختى يشفى تماما سواء كان سحرا و مرض عضوي لانو خياتكم بالطريقة هاذي رايحة تشتت و انتما عندكما طفل حاولو تحافظو على علاقتكم على جال وليدكم ربي يهنيكم يارب.

[زهور عز الدين]

و انا اقرا معاناتك دمعت اعيني
و الله صدقا شعرت بحرقتك
كانت كلمات من القلب فوصلت لقلوبنا

لا تقفي مكتوفة الايدي و تدعين الايام تمرّ بشبيهاتها
المعاناة و المآسي تسحب منا اجمل ما فينا
الحّي عليه ان يتدوى
و اجلسي معه حين يعود جلسة هادئة
تحدثي معه دون عصبية او بكاء
اشرحي له معاناتك و ان صبرك نفذ

افعلي ما في مقدورك حتى لا تُهدم اسرتك
و استنجدي باهلك ايدا .. كبارهم و عقلاءهم حتى يساعدوك في وضع حلا لماساتك

الحياة ليست سهلة ..و كلنا لا يخلو من الهموم
لكن بعض التضحيات تستنزف عمرا باكمله
و حين ننتبه نجد اننا خسرنا الكثير و نحن نحاول ان نحافظ على اشياء لم تكن لنا

فقط ليكن قرارك و موقفك وليد تفكير و دراسة منك حتى لا تندمي بيوم من الايام
اعانك الله و بدّل حزنك فرحا و همّك سعادة
و عوّضك خيرا على صبرك هذا

[naima2011]

السلام عليكم...........والله يا اختي قصتك قطعتلي قلبي وملقيت واش نقولك غير انشالله ربي يكون معاك ويفرج عليك

[ندرومة49]

اصبري أختي,,ولك جزاء من الله على صبرك.,,كوني مرحة مع أهل زوجك واطلبي منهم الخروج معهم ,,بوسي الكلب من غمو واقضي صلاحك منو,,, حاولي كم من مرة ستنجحين وتتمعين مع اهله

[ثلجَة]

رب يفرج عليك عاجلا غير اجل

[النسي الهلالي]

ربي يفرج عليك

[hamoudz86]

ربي يفرج عليك اختي ، حالتك كثيرة في المجتمع واش نقولك ربي يصبرك.

[فاطمة شلف]

السلام عليكم ورحمة الله وبركاته
اختي الفاضلة ربي يفرجها عليك ان شاء الله وزدي صبري والصبر مفتاح الفرج
وحمدي الله على انك عاملة ساع يفرج وتعودي لاباس
والله لو تعرفي معناتي تنسي همك
وانا خير مثال 26 سنة وانا نعاني اي مغبونة نحدم كاالعبدة في الدار ولا واحد
يرحمني حتى زوجي كما تقول اموا نطلع 8 صباح و8 في العشية ونرقي
الكوشة تاع الطين ونهار مريحونشي بشري الخبز
حسبيني بربي نرقها من وراء الاذان الثاني وربي في ولادي ونرفدلهم فراشهم
وندير الفطور ونخبز في الصباح 6 فطيرات سبعة بنات و2 ذكور ونخدم
حتى على اولاد اولادهم كي نسيق حشاكم يعفسولي اولاد بنتها كي نزعف
تقلي راكي شارطة في بناتي باش مايجوش نلتزم الصمت تغبر العجوز زوجي
يضربني تحسبي سيارة ضربتني نروح نغضب وامي بنية علينا نبكي حتى
ورجعوني ناس الخير نعاود نعرض في ذيك الدار نفتل الكسكس والبركوكس
ننفض الدقيق وكرشي لفمي وصبرت قلت مانيتمش اولادي يكبروا ويقلولي
ماصبرش علينا
والله نحكي واكاد ان ابكي ودقلي عجوزتي مترقديش حتى تغسلي المعين
وزوجي حتى لليل باش يدخل ويقلي ذي امي
ضربي كثيرا وقلي خرجي في الليل رمتلي ابنتي حجابي وانا حافية الارجل
وابني يتبع فيا والكلاب تنبح في الطريق شافتني زوجة ابنت عمته جاب السيارة
وداني لدرنا ورجعت بالجاه وطلب السماح اعادوا معي نفس الكرة ذات يوم
كنت عيانة بت ساهرة مع اولادي ربي فيهم في الصباح ماقدرش نوض
ماطيبش القهوة عند الاذان خاصمتني عجوزي وقاتلي ماطيبتش القهوة لبنتي
راحت بلا قهوة للمدرسة وانا لي نقرها 4 ايام على التوالي لم تشرب القهوة
كي نقلها صباح الخير متردهاش والله تعذبت هذي غير القليلة كي روح ضيفة
لدرنا نصبهم لبسلولي كسوتي هما وصحباتهم ودروا فيها فطوات دون علمي
واش نقلك يااختي وديرين الشيخ والعجوز خزانتهم عندي مرة على مرة يجوا يبدلو ويقسوا الكسوة في بيتي تعذبت تحملت صبرت
كي نتكلم يضربني زوجي كي كبروا اولادي يديروني في وسطهم واولادي
يدوروا بيا باش متلحقنيش الضربة تخيلوا معي انا في الوسط واولاد الضرب
فيهم 26 وعشرون سنة معنات
وربي فرج 27 درت الدار والحمد لله وكبرت اولادي زادتني معنات اخرى
خدعني زوجي مع جارتي درت فيها الخير كانت ابنتها مريضة ستغلت
الموقف وخاني وكانت كارثتي
واليوم اني اربي في اولادي فقط عيشين فقط دون بنة
والحمد لله على نعمة الاولاد وعلى نعمة الصحة هل مشكلتك ام مشكلتي
وفوزت بصبري واصرار
والحمد لله الحمد لله الحمدلله والله اكبر تغلبت على مشاكلي بدعاء بالقران
بالصلاة والصبر
وشكرا اسمحولي طولت عليكم هذا جزئ من القصة
لازوم يااختي تصبري وتصبري وربي يفرج

[nadine0159]

الكل ادعالي بالفرج ربي يفرحكم و يفرج عليكم انتم تاني و صحا عيدكم و راح ندير بنصائكمو

[طيور الجنان]

اختي فاطمة علابالك تشووووكيت قصتك بكاتني حقيقة ربي اعطاك الصبر تاع الصح وحدة ماتقدر تعيش 26 سنة و هي هكذا الحمد لله كي مازلت بصحتك و بعقلك و دوك ربي يحفظلك ولادك و تشوفيهم في اعلى المراتب و ان شاء الله يعوضوك على واش عانيتي و زوجك ربي وكيلو خليه يتمادى كاين ربي اللي يحاسبو.

[djazia87holi]

لااله الا الله محمد رسول الله حكاااااااااااااااااااااااايتك حكااااااااااااااااااااااااااية والله غير نقرا وانا ندعيلك خلي ايمانك اقوى نمن قبل كلشي يفوت ومادام راجلك حابك وانت نفس الشي الصبر دوا ليكم وربي يسمع دعائنا ليك بالفرج ياااااااااااااااااااااااااااااااااااااااااااارب

[ام رضوان]

السلام عليكم
اختي ربي يفرج عليك
ادعي ربي سبحانو راه هو العليم بالحال
بصح واش الديري من اجل ابنك اصبري راهي شدة وتزول باذن الله
وخلي ايمانك بربي ووكلي امرك ليه مفرج الكربات
ربي يقويك ويعينك اميييييين

[دكتورة حبيبة]

أحمدي ربي ياختي حتى لوكان تسكني معاه متشوفيهش كل4 أيام ولا كثر وقصة راه مسحور نفس البوستيش دايرها راجلي معايا مكاش منها لي خانو سعدو يقول السحور بي ختي لعزيزة متدخليش في لعبو يهبلك عيشي حياتك وأعرفي كيفاش تسيري

[*سندوسة*]

والله في هاد الدنيا تشوف لعجب
انتي من الشرق وتزوجتي فالغرب وانا من الغرب وتزوجت فالشرق زوجي كان مانعني نجيب الاولاد حتى بعد 5 سنين زواج وانا بعيدة على اهلي ماعندي لا انيس ولا ونيس هو فالخدمة ويقولي ماتعيطيليش وماتسقسيش عليا مكانش لي يزورني ومانزور حتى واحد لا جيران ولا هم يحزنون لا مكياج ولا دهاب للحمام او حلاقة نساء
النوم فايام الاولى بعد زواج بعد العشاء مباشرة او احيانا قبل وبعدها لما انا تاقلمت على الوضع اصبح هو يسهر
ليس لدي الحق في تغيير اي شيء فالبيت ووووووو
انا عروسة وهو اقنعني من اول يوم بفكرة التعدد
اصبح ينطبق عليا مثل من يقولون لهم ارتدو حزام ناسف وفجرو انفسكم في سبيل الله ومصيركم الجنة

[nadine0159]

يا لطيف الدنيا بمشاكلها انا درك عندي تقريبا 3سنين زواج و الحالة هي هي فقط غيرت شوية من شخصيتي ما نقبل حتى واحد يغلط معايا بالهدرة يسمع واش يستحق راجلي كمل السطاج بصح مازال ماتميتاش للاسف راني نستنا هادو الايامات لكان مدولو سكنة نروح نجري لا بغا بالحفاء كرهت المعيشة تاعهم كرهت الكذب تاعو هو تاني هو يلم ف الدراهم باه يفينيو دارهم تحت و انا يقولي ماكفاونيش الدراهم راني ناكل برا و ديما يدي و يسلف و مازال ماردليش حتى دورو كرهت راهم يستغلو فيه و هوما علابالهم مانبقاش عندهم تخيلو زوجي يدي قريب 5ملاين و انا 4 و ديما يقولي ماكفاونيش و جامي خبينا تخيلو انا وحدة صبرت 3سنين بصح مانزيدش عليهم هادي مذلة

[السعادة قرار]

انا حسيت بيط اختي و نقولك روحي لداركم و اقعديبالشهر شهرين و عودي غيري الجو عندهم و الله المستعان نشالله

[محمد جديدي التبسي]

اللي يسمع قصص المتزوجين يكره الزواج؟؟
ربي يكون في عونكم ويهديكم

[قرويجة]

أختي من وراء كلامك وكلام العديد من الأخوات في المنتدى لاحظت أنو معظم النساء التي لديهن مشاكل هن متزوجات من عاملين في الجيش أو الدرك أو مختلف أسلاك الامن و الذين يغيبون عن البيت لفترات طويلة ولا يأخذن زوجاتهن معهم أنا عالجت الكثير من النساء كن على حافة الجنون بسبب أزواجهن إن شاء الله في القريب العاجل سأعرض لكن بعض المشاكل في التعامل مع هذا النوع من الرجال و أهلهم كما سأعرض لكم الحلول و التوفيق على الله

[nadine0159]

أختي من وراء كلامك وكلام العديد من الأخوات في المنتدى لاحظت أنو معظم النساء التي لديهن مشاكل هن متزوجات من عاملين في الجيش أو الدرك أو مختلف أسلاك الامن و الذين يغيبون عن البيت لفترات طويلة ولا يأخذن زوجاتهن معهم أنا عالجت الكثير من النساء كن على حافة الجنون بسبب أزواجهن إن شاء الله في القريب العاجل سأعرض لكن بعض المشاكل في التعامل مع هذا النوع من الرجال و أهلهم كما سأعرض لكم الحلول و التوفيق على الله
سلام اختي ان كنت طبيبة نفسية قوليلنا و ان مرت عليك حالات مثل هاته الحالات اعرضيها لنستفيد طبعا بسرية و ان امكن التواصل

[قرويجة]

سلام اختي ان كنت طبيبة نفسية قوليلنا و ان مرت عليك حالات مثل هاته الحالات اعرضيها لنستفيد طبعا بسرية و ان امكن التواصل

نعم أنا طبيبة نفسية لكني عضو جديد عندما أدخل لدردشة البنات إن شاء الله سأحكي لكي أمور يشيب لها الرضيع و سنتواصل بحول الله و قوته

[ام كمال]

ا
السلام عليكم
لصبر فى حدود
الاخت لى كانت تحكى على قصتها 26 سنة وهيا صابرة على العيشة المرة على قهر عجوزها على معناتها وفى الاخير وبصبرها نتيجة تزوج عليها زوجها انا ضد كلمة الصبر استغفر الله واتوب اليه لان الصبر راه يوصل للقبر فى وقتنا الحالى
اختى ربي يفرجها عليك والله انا فى موضيع كما هدى ما نقدرش نعبر خاصة عشرة تاع 26 سنة و30 سنة ويقولك اصبري خافو ربي فى هدى المخلوقة كاع حياتها صبر ومعناةوتزيد تصبر ايييييييييه بزززززززاف

[إشراقة جزائرية]

السلام عليكم
لحل أي مشكل يواجه الانسان عليه بالصبر والدعاء والاستخارة ثم الاستشارة لكن الأخيرة أقصد الاستشارة تطلب من ذوي الاختصاص وعليه أنصحك يوضع استشارتك بموقع اسلام ويب أو شبكة الألوكة فيه أناس ودعاة ودكاترة تختفي مع نصائحهم الهموم والمشكلات...
أنا أوافق الأخ الذي طلب منك أن تواجهي المشاكل بروح قوية فذلك سينعكس ايجابا عليك أنت ماشاء الله عاملة وأم لطفلين لذلك لا ينبغي أن تخافي من المستقبل...
عيشي أيامك بتفاؤل وقناعة وحاولي البحث عن الأمور الايجابية في حياتك واكتبيها في ورقة حتى تهون أمامك كل مشكلاتك....
بالنسبة لمسألة((السحور))أنا لا أوافقك فيها...احنا العرب كل مشكلاتنا نعلقها على السحور بدل أن نواجهها بحكمة...
الأمر الثاني انتي راكي تقولي وعلاش الحياة راهي ماشية معانا كيما هاك؟
أنا نقولك لأننا نحلمو بزاف من دون سعي واجتهاد....ولأننا ننظر دوما لنصف الكأس الفارغ ...ماتشوفيش للناس لخرى ظاهريا يبانو سعداء لكن لديهم من المشاكل ربما أضعاف مالدينا....
في الأخير تأكدي أن كل شيء سيمر الأوقات الصعبة وحتى السعيدة ببساطة لن يدوم الحال كما كان...أكثر ماسنندم عليه بعدها أننا فرطنا في حقوق الله والواجبات ولم نعش يومنا فقط برضى وأريحية وقناعة .

[نور الصباح]

ربي يفرج على كل مهموم

[أم أسماء وعبد الرحمن]

السلام عليكم
ياأختي نادين إن شاء الله ربي يفرج عليك ودوام الحال من المحال والدنيا إبتلاءات لأنها ليست جنتنا و تونسي بقصص لي أكثر منك
شفتي قصة الاخت فاطمة؟
الله يبارك ياأخت فاطمة نقلك أنت مثال في الصبر

[صُبح الأندلس]

السلام عليكم ورحمة الله وبركاته
اختي الفاضلة ربي يفرجها عليك ان شاء الله وزدي صبري والصبر مفتاح الفرج
وحمدي الله على انك عاملة ساع يفرج وتعودي لاباس
والله لو تعرفي معناتي تنسي همك
وانا خير مثال 26 سنة وانا نعاني اي مغبونة نحدم كاالعبدة في الدار ولا واحد
يرحمني حتى زوجي كما تقول اموا نطلع 8 صباح و8 في العشية ونرقي
الكوشة تاع الطين ونهار مريحونشي بشري الخبز
حسبيني بربي نرقها من وراء الاذان الثاني وربي في ولادي ونرفدلهم فراشهم
وندير الفطور ونخبز في الصباح 6 فطيرات سبعة بنات و2 ذكور ونخدم
حتى على اولاد اولادهم كي نسيق حشاكم يعفسولي اولاد بنتها كي نزعف
تقلي راكي شارطة في بناتي باش مايجوش نلتزم الصمت تغبر العجوز زوجي
يضربني تحسبي سيارة ضربتني نروح نغضب وامي بنية علينا نبكي حتى
ورجعوني ناس الخير نعاود نعرض في ذيك الدار نفتل الكسكس والبركوكس
ننفض الدقيق وكرشي لفمي وصبرت قلت مانيتمش اولادي يكبروا ويقلولي
ماصبرش علينا
والله نحكي واكاد ان ابكي ودقلي عجوزتي مترقديش حتى تغسلي المعين
وزوجي حتى لليل باش يدخل ويقلي ذي امي
ضربي كثيرا وقلي خرجي في الليل رمتلي ابنتي حجابي وانا حافية الارجل
وابني يتبع فيا والكلاب تنبح في الطريق شافتني زوجة ابنت عمته جاب السيارة
وداني لدرنا ورجعت بالجاه وطلب السماح اعادوا معي نفس الكرة ذات يوم
كنت عيانة بت ساهرة مع اولادي ربي فيهم في الصباح ماقدرش نوض
ماطيبش القهوة عند الاذان خاصمتني عجوزي وقاتلي ماطيبتش القهوة لبنتي
راحت بلا قهوة للمدرسة وانا لي نقرها 4 ايام على التوالي لم تشرب القهوة
كي نقلها صباح الخير متردهاش والله تعذبت هذي غير القليلة كي روح ضيفة
لدرنا نصبهم لبسلولي كسوتي هما وصحباتهم ودروا فيها فطوات دون علمي
واش نقلك يااختي وديرين الشيخ والعجوز خزانتهم عندي مرة على مرة يجوا يبدلو ويقسوا الكسوة في بيتي تعذبت تحملت صبرت
كي نتكلم يضربني زوجي كي كبروا اولادي يديروني في وسطهم واولادي
يدوروا بيا باش متلحقنيش الضربة تخيلوا معي انا في الوسط واولاد الضرب
فيهم 26 وعشرون سنة معنات
وربي فرج 27 درت الدار والحمد لله وكبرت اولادي زادتني معنات اخرى
خدعني زوجي مع جارتي درت فيها الخير كانت ابنتها مريضة ستغلت
الموقف وخاني وكانت كارثتي
واليوم اني اربي في اولادي فقط عيشين فقط دون بنة
والحمد لله على نعمة الاولاد وعلى نعمة الصحة هل مشكلتك ام مشكلتي
وفوزت بصبري واصرار
والحمد لله الحمد لله الحمدلله والله اكبر تغلبت على مشاكلي بدعاء بالقران
بالصلاة والصبر
وشكرا اسمحولي طولت عليكم هذا جزئ من القصة
لازوم يااختي تصبري وتصبري وربي يفرج




اسمحي لي يا أختي
الأولاد ليس حجة لتحمل كل أنواع الضرب و الإهانة و فوق ذلك الخيانة
و لا يكلف الله نفسا إلا وسعها
يا أختي الآن فات الوقت لكن لا تجعلي من تجربتك قدوة للآخرين لأن التي ترخص نفسها و ترضى بالذل والله واحد ما يحترمها لا زوجها و لا أهله و لا غيرهم
لازم المرأة تحافظ على كرامتها و تطيع زوجها في حدود ما أمر الله فقط و خدمة أهل الزوج تفضلا منها و ليس واجبا عليها لا شرعا و لا قانونا

[صُبح الأندلس]

لا أظن الأمر يستحق الهربة كما قلت
الكثيرات يحسدنك لأنك متزوجة و أم و تعملين و زوجك يعمل
فماذا تقول العانس و العاقر و التي زوجها بطال...
انظري إلى النصف الممتلئ من الكأس
حتى واحد ما وجدها كيما حب
لا توجد واحدة تعيش في النعيم و لو حلفت لك على المصحف ببساطة لأننا في الدنيا لا الجنة
أخيرا عندما تزوجته كنت تعلمين بعمله الشاق و البعيد و كنت تعلمين أنك ستبتعدين عن أهلك
لكن نحن معك في أنه من حقك أن تروحي عن نفسك و من حقك الطعام الطيب و من حقك أن يصرف عليك و إن كنت تعملين

[nadine0159]

لا أظن الأمر يستحق الهربة كما قلت
الكثيرات يحسدنك لأنك متزوجة و أم و تعملين و زوجك يعمل
فماذا تقول العانس و العاقر و التي زوجها بطال...
انظري إلى النصف الممتلئ من الكأس
حتى واحد ما وجدها كيما حب
لا توجد واحدة تعيش في النعيم و لو حلفت لك على المصحف ببساطة لأننا في الدنيا لا الجنة
أخيرا عندما تزوجته كنت تعلمين بعمله الشاق و البعيد و كنت تعلمين أنك ستبتعدين عن أهلك
لكن نحن معك في أنه من حقك أن تروحي عن نفسك و من حقك الطعام الطيب و من حقك أن يصرف عليك و إن كنت تعملين
يا اختي نهار خطبني قالي نديك معايا لكن هو كذب عليا بويسك دارهم قالولي بلي قالهم ماعندي وين نديها تبقى هنا و علاش راني نبني هادي اول كذبة اكتشفتها بعد عام و نص زواج و تانيهو ما مدولوش سكنة ايعامي الاول كمل 3سنين صحراء و اللي بعدو ميتاوه و مكانش سكنة و اللي بعدو تاني مكانش سكنة. وقالي الكراء غالي و ممنوع نخرج نكري و العام هادا يميتيوه بربي ان شاء الله يمدولو سكنة لكن بعد ماذا يا الاهي انتم لا تتخيلون معاناتي الى يومنا هاذا مانكثرش عليكم ربي يفرج عليا و على كل مغبون

[صمت الرجوله]

يا اختي يداك اوكتا و فوكي نفخ الخطا خطاك منذ البداية لانك تزوجتي بعسكري و لا تملكين الان الا الصبر والطلاق ليس حل
انا اعجب لغباء البنات و سامحيني على كلامي .. اغلبكم دايرين في بالكم كي تدو عسكري ولا خدام في الصحراء راحين تعيشوا حياة النعيم حتى انو بعض البنات يشترطوا في الزوج ان يكون عسكري...و في الاخير حياة زوجية بين اربعة اسوار بالية و فارغة من محتواها تحرمون فيها من ابسط حقوقكم الشرعية

[فاطمة شلف]

السلام عليكم ورحمة الله وبركاته
يااختي صبح الاندلس .
انا من النوع التي لاتسقط بكرمتها اذهب واعود بسبب
الجاه وتعذره لكن ندمت على ذلك اشد الندم ونحن في منطقتنا لاترجع الجاه
انا عندي اسبابي
لو تعلمين قصتي الناس تبكي على الاموات لكن انت تبكين وانا حية
السبب الاول تخليت اي تركت عملي رغبة لزوجي
ثانيا خمسة اولاد الله يحفظهم اين اذهب بهم
وامي عملت على 9اولاد الله يحفظهم من قبل بسبب سماح الزوج فيها
والله انا لااجعل من تجربتي قدوة كما ادعيت بل الصبر مفتاح الفرج
والحمد لله انها عاملة فلها حلول
اما مشكلتي ليس لها حل او علاج
مشكورة اختي الكريمة

[nadine0159]

سلام عليكم زوجي دركي وليس عسكري اعرف ان حياتهم مليئة بالمعانة لكن مكتوب

[أَحمــد]

قبل ان اكتب هذه الاسطر شبعت بكاء في الحقيقة احس بالوحدة القاتلة و الغضب الشديد لمن اشكي همي ..........

الحمد لله على نعمة الصحة واسمحولي طولت حاولت نختصر

السلام عليكم ورحمة الله وبركاته
اختي الفاضلة ربي يفرجها عليك ان شاء الله وزدي صبري والصبر مفتاح الفرج
وحمدي الله على انك عاملة ساع يفرج وتعودي لاباس
والله لو تعرفي معناتي تنسي همك

وشكرا اسمحولي طولت عليكم هذا جزئ من القصة
لازوم يااختي تصبري وتصبري وربي يفرج


وعليكم السلام ورحمة الله
-----------------------
كان الله في عونكن
--------
ان شاء الله يصلح لكن اولادكن .. احتسبن اجر الصبر
أحد النساء القريبات كانت تعاني مما تعانينه وأكثر ..صبرت ثم صبرت واحتسبت
الآن كبر أولادها وعوضوها كل شيئ ..
أمهم هي كل شيئ بالنسبة لهم .. لا يتركها أحد لاحد الى درجة المنافسة على خدمتها
الاسبوع قبل الماضي تزوج أحد اولادها وهي سعيدة به غاية السعادة وهو كذلك سعيد بسعادة امه
---------------

[صمت الرجوله]

سلام عليكم زوجي دركي وليس عسكري اعرف ان حياتهم مليئة بالمعانة لكن مكتوب
و عليكم السلام....لا يوجد فرق الدرك تابع لوزارة الدفاع و حياتهم عسكرية بامتياز
الله يعطيك الصبر

[ام احمد اياد]

ربي بفرج عليك وعلينا جميعا
حتى انا هكذا اعاني ولكن زوجي قداميمي امو مانعاتو عليا عندي عام ونصف زواج ماعشتتش مع ه ديما في دار اهلي ديما تفرقني عليه ودركا راهي طالب فيه باش يطلقني نوكل عليها ربي