أنا في دوامة العمل أو الدراسة إنصحوني

[مشكلتي]

السلام عليكم ورحمة الله وبركاته أرجو نصحكم و افادتكم

فقد نجحت في مسابقة توظيف الأساتدة أستاد متوسط لكن المشكلة تكمن في انني لازلت أدرس في الجامعة في سنة ثانية ماستر ولازال أمامي سداسي كامل لأدرسه لكن المشكل أنني عينت بعيد ولا يمكنني التوفيق بينهما
وهنا وقعت في دوامة أن أضحي بالماستر أو بالعمل و اقدم الإستقالة وتلك مشكلة اخرى
انا أستاد متربص لا أعرف إدا ما كان بإمكانني الحصول على عطلة لاتمام الدراسة او مرضية أو ما شابع لمدة شهرين أو ثلاثة
دوامة دوامة لا أتوقف عن التفكير خصوصا انني متفوق في الجامة و رتبتي الثانية في الدفعة

[ام رضوان]

السلام عليكم
عليك اخي بالاستخارة وتوكل على الله
اناعن نفسي انصحك باتمام دراستك والله اعلم
ربي يوفقك ويرسيك على بر الامان اميييييين

[ع.عيسى]

انصحك بالتمسك بالعمل والتخلي عن دراسة الماستر ، لان الذين يدرسون الماستر هم يدرسون من اجل العمل وانت وجدت العمل ...اذن لا تتخلى عن عملك فهو مستقبلك خاصة في زمن التقشف وغلاء المعيشة وشح مناصب العمل ، اذا تخليت عن منصب عملك ستندم كثيرا ..لانه يمكن ان تكمل دراستك بعد سنوات في تخصصك او تخصص جديد ، ولكن ليس هناك ضمان ان تجد عملا في السنوات القادمة .ولا يمكنك الحصول على عطلة مرضية على ما اعتقد

[semayaalg]

الماستر لا يمنع من العمل

تقدر تدير تسجيل إداري بتقديم طلب للعميد

يعفيك من حضور الحصص و تقدم فقط الامتحان

و المذكرة ساهلة تقدر تخدمها دون التواحد المستمر في الجاامعة

[meriemanoucha]

استاد احسن الخدمة راهي صعيبة
اما عن الدراسة بلوكي العام
ولما تتمكن من الاسمرار ولي

[دنيا الامل 18]

العمل افضل لانه غير مضمون وحاول التوفيق ربما تستطيع ادا عاونك المدير بتوقيت مليح

[NIGHTINGALE]

إذا كنت محتاج ماديا فعليك بإعطاء الأولوية للعمل أما إذا كنت مرتاح ماديا فعليك بمواصلة الدراسة
وليكن في علمك أنك لو تقدمت بالاستقالة فستكون محروما من العمل في القطاع العمومي لمدة ثلاث سنوات
وبالتوفيق إن شاء الله

[نسيم الريح ش]

دير عطلة مرضية مدفوعة الاجر لسبب ما لمدة سنةواكمل دراستك من بعد ارجع للعمل لانو ادا تخرجت غادي تندم على الخدمة راهي صعيبة في هاد الوقت

[Espérancia]

''أضحي بالماستر أو بالعمل''
كنت رايحة نقولك اكيد العمل واش الفرق بين ليسانس و الماستر
لكن قريت الجملة هادي ''متفوق في الجامعة و رتبتي الثانية في الدفعة''
ساهلة لا دوامة لا والو
ادا اكملت دراستك يمكن ان تجد عملا في السنوات القادمة
اما ادا تخليت عن الدراسة مشكيتش راح تنسى بلي راك كنت في يوم ما على بعد خطوة من الدكتوراه

[fella111]

انا نقولك واش تدير شوف بما انك راك في فترة ستاج لا انصحك بالدراسة في الوقت الحالي دير عطلة اكاديمية للماستر هذه السنة و العام القادم بحول الله عد للدراسة و دير احالة للاستيداع في عملك مدة سنة و هكذا تربح الاثنين ملاحظة فقط اذا ما قبلولكش العطلة الاكاديمية يعتبروك معاود لانه في الماستر عندك الحق تعاود مرة وحدة المهم تفوت مرحلة التربص بنجاح في العمل ما تخلي والوا نصيحة اياك .الموظف اثناءفترة التربص لا يسمح له بالاحالة على الاستيداع . بما انك متفوق في دراستك لازم تبلوكي العام باش ما تضركش الاعادة في حالة ما اذا حبيت تكمل دكتوراه . و ما تكتلش سبب البلوكاج انك تخدم راك تريكلامي على روحك دير شهادة طبية نتاع 5 اشهر و حطها

[في أمل]

اختار العمل و الدراسة تواصلها لاحقا

[صمت الرجوله]

الحل الامثل يا اخي هو ان تعمل حاليا و لما تترسم تقدر دير طلب وقف الراتب لمدة سنة مثلا و اكتب فيه لاسباب خاصة ...راه كاين هاذ القانون وهو من حق الموظف و ناس بزاف ماتعرفوش
ماتنساش تبلوكي عام الماستر و لما يعطوك الموافقة على وقف العمل مع تجميد الراتب ...لثمة كمل قرايتك
و ان شاء الله لما تدي الماستر ...ضع طلب الترقية بالدبلوم المتحصل عليه بعد التنصيب في العمل و هذا في مصلحة الموظفين عندكم ...رايحين يرقوك بقوة القانون
بهذه الطريقة تضرب تلاث عصافير بحجر واحد
موفق

[باهي جمال]

الاختيار صعب جدا
قال تعالى فاذا عزمت فتوكل على الله
المهم هو التوكل على الله واعزم ولا تتردد
اذا كنت ذا راي فكن ذا عزيمة فان فساد الراي ان تترددا
احب مواصلة التعليم لكن الواقع يجعلنا نفضل التمسك بالعمل

[محفوظ البسكري]

ياراجل الناس اي تحوس على الخدمة بالضو و انت حاب تكمل الماستر ؟ ابلوكي يا راجل
لعاه تقرا يخي باش تلقى وظيفة او عطا ربي احسن و ظيفة و في المتوسط تاني انصحك ان تبقى في خدمتك وابلوكي العام تاعك في الجامعة

[ثلجَة]

استخر فماخاب من استخار

[تاج الهناء]

يا اخي انا انصحك بما نصحك به اغلبية الاعضاء انت درست من اجل العمل و الحمد لله انت الان في منصبك لا تتخلى عنه مهما كانت الظروف
يمكنك تقديم طلب عطلة اكاديمية و في العام القادم ان شاء الله اكمل دراستك ولان الماستر 2 تدرس سداسي واحد فقط والثاني تحضر فيه مذكرة التخرج

[saydek xxo]

تضحي ؟؟؟؟؟؟؟؟؟؟؟؟؟؟؟؟؟؟؟؟؟؟ كاينة عفسة فالجامعة كي تكون تخدم تمدلهم شهادة العمل بلي راك خدام تولي تقدر تحضر غير الامتحاتات والدروس دبرهم وراهو سداسي واحد وامبعد ميموار ساهلة ما تضحي بحت حاجة حت الامتحانات لي تقدر تحضرهم جوزهم والي ما تقدرش اعطيهم المبرر يعاودهملك حت بعد ما يفوت الراطرباج

[LogicielsPlus]

يمكنك التوفيق بينهما واتركها للوقت