المساعد الشخصي الرقمي

مشاهدة النسخة كاملة : دفترالتوفير

maiar
2016-09-03, 20:53
السلام عليكم و رحمة الله و بركاته

ساعدوني بالاوراق اللازمة باه نفتح كارني لبنتي ووين نروح للابوسط و الا للبانكا او تع التوفير و الاحتياط
softech
2016-09-03, 23:09
يا بنت الناس اخطيك من صندوق التوفير و الاحتياط هذا راه صندوق ربوي ..
اعلاش تخبي لبنتك مال حرام لا بركة فيه و تاتي من وراءه الا المصائب.
اشتري لها ذهب او حاولي ان تدخيليهم في تجارة يكون ربحها حلال و مبارك.
أم معاذ أم معاذ
2016-09-04, 18:42
يا بنت الناس اخطيك من صندوق التوفير و الاحتياط هذا راه صندوق ربوي ..
اعلاش تخبي لبنتك مال حرام لا بركة فيه و تاتي من وراءه الا المصائب.
اشتري لها ذهب او حاولي ان تدخيليهم في تجارة يكون ربحها حلال و مبارك.



أنا مع الأخ أختي ميار

أنت في غنى عن المال الربوي اشريلها بيهم حاجة ذهب تقعدلها كي تكبر و الذهب راهو كل يوم يزيد
أم ياسين69
2016-09-05, 20:53
التوفير ماهوشربوي : اعمل لدنياك كأنك تعيش ابدا و اعمل لدينك كأنك تموت غدا. كل البنوك تقدم دفاترالتوفير بدون فائدة. يعني تخبي دراهمك في الحفظ و الصون. كيما يقولو. الان ادا كانت البنت mineur يلزم التصريح الابوي او الموكل القانوني عن البنت لانه سيكون لديه حق التصرف في الحساب المفتوح اما ادا كانت راشدة فقط صورة عن بطاقة التعريف و شهادة الاقامة. بعض البنوك تطلب شهادة الميلاد.
maria-miss
2016-09-06, 16:55
بالتوفيق لك
maiar
2016-09-09, 12:28
شكرا ليكم على الرد علبالي بلي فيها ربا بصح انا في نيتي نخبي برك صوارد و كي نجبد نجبد لي حطيت برك لي زايد مانديهش
ربي يبعد علينا اي حاجة حرام وينها نجيبها لبنتي بيدي حت فكرة الذهب جات في بالي نخمم و نشوف
mrmilano1984
2016-09-09, 17:53
من قال لكي انه بدون فائدة اي ربا غالطة اختي تحطي مالك وعندك نسبة كل عام تديها مثلا انا حاط في بنك خارجي حاط وفاتح دفتر توفير اوك وطبعا واحد النهار الموضف قال لي عندك نسبة كدا طبعا قتلو مانديهاش رغم انها جد بسيطة صدقوني يعني كلواحد ونيتو الا نيتها تخبي مش مشكل النية هي الصح
أم ياسين69
2016-09-09, 20:36
صحيح هدا كان من قبل. Bdl دخلت هدا التوفير بدون فائدة فقط مند شهر جوان الفارط. و للمواطنين حق الاختيار انا فتحت دفاتر لاولادي بدون فوائد. و لعلمك سالوني قبل دلك اي نوع اريد. و هو حساب التوفير بدون فائدة.اما cnep banque فزميلاتي هن من قلن لي عن القانون الجديد في التوفير لديهم و بطبيعة الحال طبقوه مند شهر ماي على ما اضن. باقي البنوك لا ادري. اما عن الربا نحاول الابتعاد عنه بكل الوسائل و الحمد لله. اما التوفير من اجل التوفير لايام الشدة و لوقت الحاجة ليس بحرام. ارجو اني افدت.
ahmed5555
2016-09-09, 22:52
من قال لكي انه بدون فائدة اي ربا غالطة اختي تحطي مالك وعندك نسبة كل عام تديها مثلا انا حاط في بنك خارجي حاط وفاتح دفتر توفير اوك وطبعا واحد النهار الموضف قال لي عندك نسبة كدا طبعا قتلو مانديهاش رغم انها جد بسيطة صدقوني يعني كلواحد ونيتو الا نيتها تخبي مش مشكل النية هي الصح

لا يا اخي كاين بنك cnep عنده حساب التوفير بدوف فائدة وما يقطعولكش اي مبلغ يعني كيما تحط كيما تجبد ما ينقص مايزيد هذا العرض ان سجلت فيه اسمه عرض راسمالي تسلك 5000 دج حق فتح الحساب وثمن البطاقة ويعطوك بطاقة مغناطسية بدل الكارني القديم بطاقة حديثة ومتطورة تسهل العمليات الحسابية ......
لازم قبل ماتتكلم تسقسي اولا باه متغلطش الناس....
maiar
2016-09-10, 10:03
والله زدتو حيرتوني وين نروح زيدو فهموني
الواثقْ بالله
2016-09-10, 10:11
افتحي دفتر توفير باحد مكاتب البريد

و لكن اخبريهم امك تريدين فتح الدفتر دون فوائد

هوما مدابيهم تفتحي جساب بدون فوائد

وهك المبلغ لي تحطيه تلقايه هو هو بدون فوائد
ahmed5555
2016-09-10, 10:33
والله زدتو حيرتوني وين نروح زيدو فهموني

روحي لبنك كناب وقوليلهم نفتح حساب توفير راسمالي
أم ياسين69
2016-09-10, 17:28
يا سيدتي كيما جا في المعلومات المقدمة عن طريق كامل الاجابات راه عندك بزاف اختيارات شوفي البنك الاقرب الى سكناك وينو و على هدا الاساس تقدري تقرري وين تروحي. cnep banq .bdl.
softech
2016-09-10, 22:50
يعطيكم الصحة.. يعني بنك ربوي ربي غاضب عليه و على لي يعملو فيه تروح انت تزيد دعمهم بدراهم و تزيد تخليلهم الفائدة!!!
يا جماعة الحرام كأي نبات اذا سقيتو يزيد يكبر و حنا كشعب مسلم نقاطعو نهائيا هذه البنوك..
و لي خايف على دراهمو يزكيهم ربي يحفظلو مالو و يباركلو فيه.
و نصيحتى للأخت اذا كان بامكانك تشتري عقار ولو دكان بسيط تكريه يخدم على بنتك خير من الربا واخواته.
سطايفية بكل فخر
2016-09-10, 23:58
لا يا اخي كاين بنك cnep عنده حساب التوفير بدوف فائدة وما يقطعولكش اي مبلغ يعني كيما تحط كيما تجبد ما ينقص مايزيد هذا العرض ان سجلت فيه اسمه عرض راسمالي تسلك 5000 دج حق فتح الحساب وثمن البطاقة ويعطوك بطاقة مغناطسية بدل الكارني القديم بطاقة حديثة ومتطورة تسهل العمليات الحسابية ......
لازم قبل ماتتكلم تسقسي اولا باه متغلطش الناس....

ولي كان تابع للنظام القديم يقدر يتحول للجديد بلا فوائد او لا
يعني يرجع توفير راسمالي
سطايفية بكل فخر
2016-09-11, 00:04
اعتذر لكلامي هذا ولكن لازم معليا نقولو
لي يشوفكم تحكيو على الحلال ولحرام تاع البنوك يقول علينا رانا منتعاملوش بيها خلاص
ياخاوتي ياخي الصح النية انما الاعمال بالنيات وكلنا كبار ونعرفو صلاحنا واذلا حابة توفر ومتهزش الفوائد ولا دير توفير بلا فوائد وينهو المشكل جات غير فيها هي تدعم البنونك
زيد زعما غير البنوك لي راهي حرام
لو تبعنا اراكم اخوتي اكلنا وشربنا حرام
الملابس لي نلبسوها باش تدخل للجزائر يدفعو عليها الرشاوي
الاكل لي يدخل من برا تدفع فيه فوائد
كل المعاملات التجارية في بلادنا في رشاوي وربى
حتى الدولة راهي تخلص الموظفين بمال ربوي من استثماراتها مع الخارج
هكا رانا ندعمو فيهم وحرام علينا
ياخاوتي نصفيو نيتنا ونحاولو نبعدو على الحرام قدر الامكان وربي راهو شايف وعارف
وربي يقدرنا على طريق الخير
بصح باش نبقاو نحلو ونحرمو ونفتيو على بعضانا والعيب فينا
ماشي عفسة
اعتذر مجددا للرد
ولكن بزاف كل موضوع ندخلو فيه بنك ولا دراهم ولا لونساج ديرو منو حبة وقبة
ولو نبحثو في الاصل نلقا كاين شخص في العائلة على الاقل يتعامل بهذا الشكل
ربي يهدينا لطريق الخير
والدين راهو يسر
احتراماتي للجميع
أم ياسين69
2016-09-11, 18:20
أكيد تقدر تغلق الحساب القديم و تحولو للبديل او الراسمالي.
maiar
2016-09-12, 15:45
بارك الله فيكم على الردود و كيما قلت المهم النية و نبعدو على الحرام
skynetwork2010
2016-10-02, 00:06
اذهبي الى cnep واسئلي على حساب اسمه

"رأس مالي" بدون فوائد
mrmilano1984
2016-10-02, 13:33
انا فاتح في بنك الخارجي bea مند سنتين وطبعا عامل حساب توفير اي كارني وطبعا فيه فوائد يخدمو بمالي طبعا ولكن عمري ماسالتهم علي الفائدة رم انو فيه وطبعا عندي قيمة معتبرة من مالي هناك لكن لم اشا طبعا ان استفيد منه طبعا النيات هي الح