المساعد الشخصي الرقمي

مشاهدة النسخة كاملة : مشكلتي في زواج

مشكلتي
2016-09-02, 21:33
شاب ابلغ 24 من سن اريد ان افاتح عائلتي في تقدم لفتاة لكنﻻ اعرف كيف خاصة انني لم اكمل دراستي
bello angel
2016-09-03, 09:36
احكي لعمتك ولا لخالتك تجي يحكي مع ماماك (على الطفلة اللي عجباتك) يقولها شفت عروسة لفلان (ليك) كون تضيعوها ماتزيدوش تلقو كيفها و تشكر فيها
و هنا قلهم انت ايه صح شفتها مرة من بعيد راهي ماشا؛ الله
nasser26
2016-09-03, 12:45
كرأي شخصي لك :

- كمل الدراسة تاعك و استقر في عملك وبعدها فكر في الزواج

ان كنت مقتدر ماديا الأن وقادر على تحمل المسؤولية فلا حرج
تاج الهناء
2016-09-03, 12:49
انا نمد لك رايي اخي و ما تقلقش مني في راي اكمل دراستك و وجد روحك على خاطر اذا خطبت البنت في هذا الوقت لازم تعقد قبل ما ادير الفاتحة و من بعد اهل العروسة يزربوك بش تهز الطفلة و هذا هو الصواب عندهم الحق و الطفلة اذا طولت الخطوبة تاعها اكثر من الازم هذا ما هوش في صالحها خمم بعقلك ووجد روحك مليح و اذا راهي من مكتوبك تسناك و ربي يوفقك خويا الى كل ما فيه الخير و الصلاح
أندلسيات
2016-09-03, 13:53
لم تكمل دراستك يعني لا تعمل و من يصرف عليك؟
*أم سجى*
2016-09-03, 14:03
مفهمتش مشكلتك بالظبط اخي اذا 1/حشمان مالعايلة بسبب صغرسنك أو حيائك2/خايف رفض عايلتك بسبب دراستك وعدم عملك3/خايف تضيع منك البنت لي تعجبك بعد مدة الدراسة 4/خايف متقدرش للزواج ومحتار من الناحية المادية ......وعليه نبداو نعالجو فالمشكل رقم 1/اذا حشمان من يماك عادي هذا مش مشكل اصلا استعين باختك اوبعمتك او خالتك مثلما ذكرت الاخت سابقا 2/واذا خايف رفض والديك حاول كفاش تقنعهم وبلي هذي حياتك وراك مسؤول عليها وقادر على شقاك ومكش صغير الله يبارك 3/اذا خايف تضيع منك البنت عادي جدا اهدر مع باباك ويروح لعايلتها ويتفاهمو بلي مدولكم الطفلة وتفاهمو عالعرس ولو يكون بعيد المهم تتقفو 4/اذا محتار من الناحية المادية والدراسة والعمل .....يعني مدام تتفقو عالعرس راح يكون بعيد تكون مرتاح ومش مقلق وحاول تجد عمل ولو بسيط خلال تلك الفترة وربي يفتح عليك ان شاءالله
إسلام الفاروق
2016-09-03, 17:13
في القرن 21 صاحب 24 سنة ليس ناضجا

اكمل دراستك و اعتني بنفسك
ثم اعمل
صل الى اهدافك
اشتري سيارة فالمراة تعجب بالرجل الذي يملك سيارة و منزل و ناجح في عمله و مكمل دراسته الخ من تحقيق الاهداف قبل الزواج سيثيرها كثيرا
تجاوز ال30 كلما كبر الرجل زادت خياراته في الزواج زاد نضجه و فرصته في اختيار الاحسن كبيرة

سلام
دنيا الامل 18
2016-09-03, 19:49
عادي احكي مع واحد اللي ما تحشمش منو يهدر مع يماك او باباك وربي يسهل
mère des jumeaux
2016-09-04, 06:39
اكمل دراستك اولا، ثم اعمل وبعدها قول نتزوج..... كي تروح تخطب و تتزوج شكون الي يصرف عليك؟
kaka9999
2016-09-04, 18:32
اكمل دراسك و خدمة وطنية ودير مستقبل لعمرك
الناس في 30 سنة ودايرين ديار وحدهم وخايفين من مسؤولية
باش تخطب طفلة يعني واج عام عامين على اكثر
ربي يسههلك
أم سلوى
2016-09-04, 19:02
بالتوفيق...
من استطاع منكم الباءة فليتزوج
اللهم افتح له الابواب وارزقه من حيث لا،يحتسب
لا تعلمون ان الزواج جالب للرزق..ولهذا الكثير يبقى فقير..لان الشيطان يعده الفقر...
ثلجَة
2016-09-05, 16:46
أشاطر الأخت كاملة في الرأي " من استطاع منكم الباءة فليتزوج"

اذا كنت ميسورا ماديا فالله يبارك

و اذا لم تكن فحاول التوفيق بين العمل و الدراسة...

و في خصوص فتح الموضوع مع والديك حاول مع أمك فالأم دائما حنونة و ستفهمك و تنصحك أفضل من أي شخص كان.

سهل الله أمورك