لا اقبل الزواج الا من رجل له سكن مستقل

[Asmaa.B]

"لا اقبل الزواج الا من رجل له سكن مستقل"
عبارة نسمعها من العديد من الفتيات في سن الزواج.. فهل هن معذورات لما شاع عن ان الحياة في وسط عائلة الزوج غالبا ما تكون جحيما و وكرا للمشاكل ام ملومات بالنظر لصعوبة او استحالة تحصيل السكن بالنسبة لغالبية الشباب الجزائري

ما رايكم ??

[elhosseyn3483]

كي كانت في دارهم كانت ساكنة وحدها

في دارهم تصبر على كلش
ولكن عند زوجها تحب تتشرط وتتحسس للمشاكل


انا عن نفسي قاع لي تشرط دارها وحدها متدخلش داري ومتستاهلش الزواج
حاب الحرية والاستقلال

(انا استثني لي لقات مشاكل كبار في بيت زوجها
الله يكون في عونها
انا اتكلم عن من تفتعل المشاكل)

ولكن الزمن دوار كي تحب تزوج ولدها تعرف طعم المرارة
ان شاء الله قاع لي دارت المشاكل في دار راجلها متتهناش مع ولادها
وتعيش في كبرها كالكلاب الضالة

[Infosys]

و ما هو رأي صاحب الموضوع ?

[ع.عيسى]

ههههههههههههه اصلا اين هو السكن ،البلاد تعيش ازمة سكن حادة ، والموضوع طرح وكان السكنات راهي طايشة.

[تاج الهناء]

الوقت راهو صعيب بزاف و الكرا راهو غالي و المعيشة ما نحكيوش عليها و الي ماعندوش مستحيل يتزوج انا نقول للبنات الي بغاو يسترو رواحهم ما يديروش الدار شرط يشرطو الخدمة ................حوايج اخرين و حتي مالين الزوج يوفرو لوليدهم الهنا وانشاء الله ربي يحط رحمتوووووو امين يارب

[fatehbougaa]

hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhh

[اريج 07]

ههههه ربي يهدينا والله صح عادت لي تجي تقول داري وحدي حابة حريتي خخخخخخ كيما قال الاخ وعلاه في ديارنا رانا ساكنين وحدنا ههههه انا خطيبي العكس قتلوا نحب العائلة و نسكن معاهم مانسكش وحدي

[رجل الازمات]

السلام عليكم ,الراجح هو قول" لا اقبل الزواج الا من رجل ميسور الحال" لان اغلبية الشباب الجزائري متوسط الدخل و يعمل بكد من اجل توفير مبلغ من المال لاتمام مراسيم زواجه فاذا بالمسكين يصطدم بشرط اراه تعجيزي في بداية الحياة الزوجية و في بلد يعرف بغلاء المعيشة, ربي يكون في عون الشباب الجزائري.

[Asmaa.B]

و ما هو رأي صاحب الموضوع ?

الحقيقة اني اسكن مع اهل زوجي منذ 4 سنوات و قابلة بالوضع حتى يفرج الله و اذكر جيدا انه حين وافقت على خطبته لي عارضتني اغلب نساء عائلتي من عازبات و متزوجات و استغربن في قبولي لعدم استقلالية السكن و كانني قبلت بالعيش في غوانتانامو.. الا ان الواقع يعطينا من الدروس ما يجب ان يكون لنا عبرة.. فانا و الحمد لله متفاهمة مع زوجي رغم وجود بعض السلبيات و الشعور بعدم الارتياح نتيجة السكن الجماعي الا انه و للاسف ابنة عمي التي تزوجت قبلي بقليل تطلقت رغم انه كان لها سكن منفرد من البداية..
انا مبدئيا ضد البنات اللاتي يحملن هذا الشعار لانه لا يتماشى مع واقعنا تماما و لكني لا اهمل ان مخاوفهن في محلها خصوصا للغرائب التي تسمعن عنها و الحل الوسط الا تجعل هذه النقطة سببا لرفض الصالحين من الشباب رغم ان الامر ليس بالهين فمن تسكن مع اهل الزوج عليها ان تكون صبورة و تتغاضى عن الكثير مما ترى و تسمع حتى تستمر سفينة زواجها.. نحن لا نسيء الظن و نقول انهم سيؤذونها و لكن مجرد اختلاف الطباع و رغبة المراة المتنامية في ان تكون سلطانة حرة في بيتها يخلق المشاكل و ينغص عيشها

[أم سلوى]

زوجة اخي و الأخريات...تعيش مع العائلة..ولا تصرف شبئ
ابي هو الذي يتكفل بالمعيشة زهو يجمع المال...اية خسارة هذه
اما عروسة خالي بقيت 20سنة مع 10افراد العائلة واولادها الاربعة...تأكل وتخدم نهار وتقعد خمس ايام....العمل بالدالة هي وأخوات زوجها...وحتى انهم كرهوا وجودها لكن عايشة باطل...وتجمع مال زوجها للمستقبل...
تحن هكذا نعيش.....المستفيد الوحيد الابن الذي يعيش بدم أبيه...مثل اخي...مرتاح للآخر...

[Asmaa.B]

ههههههههههههه اصلا اين هو السكن ،البلاد تعيش ازمة سكن حادة ، والموضوع طرح وكان السكنات راهي طايشة.

راني معاك يا اخي و قلت "استحالة توفير السكن" و انا شخصيا نسكن مع العايلة و علا بالي اذا قدرنا ندبرو سكن من هنا 10 او 20 سنة رانا ملاح... لكن كثرة سماعي لهذا الكلام من المقبلات على الزواج هو ما دفعني لطرح الموضوع

[Asmaa.B]

أظن أنها من حقها طلب بيت منفرد وليس من حقها في نفس الوقت وذلك يعتمد على قناعتها
البيت المنفرد يجنب العديد من المشاكل يخلقها أطراف خارجيين
وأيضا تشعرالزوجة انها ربة بيت لايتحكم في أحد و لها كل المسؤولية
ومن أكثر مزياه الراحة والحرية التامة وكلما كان الزوجين بمفرديهما كانت العلاقة وطيطة
خلاف على ذلك من الصعب على الشباب توفير مسكن في ظل غلاء العقار ولو كانت كل بنت
تشترط بيت مستقل الكثريين من الشباب لايتزوج على الأقل تمكث مع اهله حتى يجد حل ومع الوقت يشتري بيت
الأمر متعلق حسب القناعة والظروف لكن لايوجد شخص لايحب الإستقرار


رايك خلاصة القول

[دنيا الامل 18]

اللي يقول كي كانت عايشة في دارباباها ماشي وحدها ماشي كيف كيف هدوك اهلها ابوها وامها لو كان تقيسها حاجة صغيرة يضحيو على جالها بكل شيء انا اقول العيش مع الاهل صعب لكن ادا كان محتم لازم الزوجة تصبر

[ع.عيسى]

قالك وحدة مع راجلها راحوا للقاضي قاتلوا المراة حابة نطلق ، قالها القاضي ما تطلفيش مادابيك تتفاهمي مع راجلك الطلاق ماهوش مليح ، قاتلوا امالا نشرط حاجة ، قالها واش تشرطي ، قاتلوا نحوس على سكنة وحدي ، ومن بعدها القاضي شاف الراجل قالوا ونتا واش تقول ، قالوا انا تاني نحوس على سكنة وحدي .

[هدهد74]

السلام عليكم كل فتاة وطريقة تفكيرها ونشرتها للحياة المستقبلية، انا شخصيا لما تزوجت لم أطلب سكن منفرد لأنه كانت فكرة مؤجلة حتى تكبر العائلة انتاعو والوضع يفرض علينا نديرو سكن منفرد لكن بعد مرور شهرين بدأو المشاكل مع اخوات الزوج والام صبرت حتى كرهت و ولدت ولدي الأول وفي هذا رمضان حاولت اخت الزوج ضربة هي أمه أمام زوجي وزوجها وكل أولادها بحجة اني في منزلها ولها الحق في التعامل معي كما تشاء وكنت حامل وتسببت في اجهاضي بسبب ارتفاع ضغطي مما جعلني اطلب سكن مستقل أو الطلاق ولكن فضل زوجي السكن المستقل للحفاظ على اسرته،مرات عديدة نقول ياريتني طلبت سكن مستقل من الاول كان احسن بأه نحافظ على صحتي لي راحت في عامين

[ع.عيسى]

ماذا لو كان الرجل يسكن مع امه واخوته بنات فقط ، اي يكون هو الكفيل الوحيد للعائلة ماديا ومعنويا ، فهل في هذه الحالة من حق الزوجة ان تطالب بسكن وحدها ؟؟؟

[رَكان]

"لا اقبل الزواج الا من رجل له سكن مستقل"
عبارة نسمعها من العديد من الفتيات في سن الزواج.. فهل هن معذورات لما شاع عن ان الحياة في وسط عائلة الزوج غالبا ما تكون جحيما و وكرا للمشاكل ام ملومات بالنظر لصعوبة او استحالة تحصيل السكن بالنسبة لغالبية الشباب الجزائري

ما رايكم ??

نعم معذورات وأكيد ذلك ..لقد ولّى الزمن الذي كان فيه العيش ضمن العائلة الموسعة ..ليس الأمر مطلقا بالطبع ولكن ..أكثر مشاكل الحياة الزوجية عائدة لعدم استقلال الزوجين بسكن يجمعهما حصرا ..

[yasso_213]

لا ننكر ان منزل مستقل فيه رفاهية لكن السؤال الحقيقي هل هو اساس السعادة?فما رايت من الواقع بعض العائلات تعيش حياة تعيسة رغم ان الزوجين يعيشان في منزل مستقر ما اريد ان اقوله هل ياايتها الفتاة مستعدة لتقدمي الماديات عن المعنويات اي تتزوجي برجل لديه منزل مستقل رغم سوء خلقه وشخصيته وطبعا يمكن العكس ونعم حتى ان عشت في بيت اهله يمكن ان تلاقي صعاب لكن هناك دائما حلول(كسب ودهم كما قال الكاتب روبرت قرين يمكن ان تجعل شخصا يحبك بمجرد تقديم هدية له او فعل حسن في الوقت المناسب) المغزى الدي اريد ان اصل اليه شئنا ام ابينا ان رايت الدين والخلق في الرجل وعائلته والله لايهم اين تعيشين في قصدير ام في فيلا ستعيشين سعيدة وفي صحة فهدا الدين لم باتي عبتا فهو حكمة من عند الله فلنحاول ان نتامله فعلا ونعمل به

[اياد حياتي]

انا معهن مائة بالمئة لو عاد الزمان لوراء لطلبت ذلك والي تقول انا افضل السكن مع العائلة نقولها سترين

[حليم1980]

ماذا لو كان الرجل يسكن مع امه واخوته بنات فقط ، اي يكون هو الكفيل الوحيد للعائلة ماديا ومعنويا ، فهل في هذه الحالة من حق الزوجة ان تطالب بسكن وحدها ؟؟؟



السلام عليكم

ماذا لو كان الرجل يسكن مع امه واخوته بنات فقط

هذه تسمى قنبلة موقوتة ستنفجر في أية لحظة، يعني الرجل هذا جايب زوجة للمقصلة

في هذه الحالة للزوجة الحق في طلب مسكن مستقل

[ع.عيسى]

السلام عليكم

ماذا لو كان الرجل يسكن مع امه واخوته بنات فقط

هذه تسمى قنبلة موقوتة ستنفجر في أية لحظة، يعني الرجل هذا جايب زوجة للمقصلة

في هذه الحالة للزوجة الحق في طلب مسكن مستقل



جايب زوجته للمقصلة ؟؟؟ ولماذا ليس العكس جايب لنفسه ولامه ولاخوته سلاح دمار شامل يفرقع ويشتت العائلة .....لمذا دائما تصورون الزوجة هي الضحية المسكينة و ان الام هي الشيطان الاكبر ، والاخت هي الدجال الاعور ..........في حين ان اغلب الحالات تكون الزوجة هي البادئة بالمشاكل لاعتقادها انها اصبحت سيدة المنزل الاولى وعلى البقية السمع والطاعة ...........وفي الحالة التي انا ذكرتها لا اعتقد ان الزوجة من حقها ان تطلب سكن منفرد مادام الزوج هو الكفيل الوحيد للعائلة .

[fedoi zinai]

تكوني قد اختصرت الكثير من المعاناة :24:

[fedoi zinai]

تكوني قد اختصرت الكثير من المعاناة :24: الزواج نصف الدين والسكن نصف الزواج

[Asmaa.B]

السلام عليكم

ماذا لو كان الرجل يسكن مع امه واخوته بنات فقط

هذه تسمى قنبلة موقوتة ستنفجر في أية لحظة، يعني الرجل هذا جايب زوجة للمقصلة

في هذه الحالة للزوجة الحق في طلب مسكن مستقل



ههه و الله جبتلي ضحكة مدمعة كما قال المتنبي "وَلَكِنَّهُ ضَحِكٌ كَالبُكا".. انا شخصيا نعيش هذه الوضعية و هنا يصعب على الزوجة اكثر فاكثر طلب استقلالية المنزل و " بنت الفاميليا" و الله لا تقبل بان تكون سببا في تفريق زوجها عن امه و غضبها عليه ... خليها على الله

[Asmaa.B]

جايب زوجته للمقصلة ؟؟؟ ولماذا ليس العكس جايب لنفسه ولامه ولاخوته سلاح دمار شامل يفرقع ويشتت العائلة .....لمذا دائما تصورون الزوجة هي الضحية المسكينة و ان الام هي الشيطان الاكبر ، والاخت هي الدجال الاعور ..........في حين ان اغلب الحالات تكون الزوجة هي البادئة بالمشاكل لاعتقادها انها اصبحت سيدة المنزل الاولى وعلى البقية السمع والطاعة ...........وفي الحالة التي انا ذكرتها لا اعتقد ان الزوجة من حقها ان تطلب سكن منفرد مادام الزوج هو الكفيل الوحيد للعائلة .

في الحقيقة احتمال ان يكون راس المشاكل الزوجة او الاهل متساوي و لا يحق ان نعمم لا على هذا و لا على ذاك..

[النجمة القطبية]

الحقيقة ان نعم البنات معدورررررات في دلك لكثرة ما نسمع ونرى
لانه من النادر ان تجد فتاة تقولك راني عايشة في بيت شيخي وكاني في بيتي
خاصة لو كان الزوج من النوع المتواكل يا سلام
تلقاه لا يصرف فلسا وقاعد ياكل ويشرب ويخرج مع صحابو والمراة مثل الطنجرة فوق النار !!!!!
وين راه مبدا الزواج هنا الله يهديها
لا بيت تستقبل فيه ضيوفها ولا واخدة راحتها في ماكل او ملبس او نوم او عمل
ما تقدر تطيب واش تحب
ما تقدر تسهر مع راجلها
ما تقدر تناقشو في امر خوفا من اهل الزوج
وخايفة من خيالها مثل الفار
حتى الماء متقدرش تستخدمو كيما تحب بحجة مكانش وو
اليس هدا هو حال كثير من الاسر الجزائرية !!!!!
ولكن بالمقابل صحيح كاين عجايز مثل العسل والنسمة الباردة تلقاها فااااااهمة من عند ربي سبحانو
قارية بلا ما تدخل للمدرسة
كيما يقولو ريحة الجنة فيها
واحيانا ايضا يكون الرجل معدور في الماديات والظروف هدا نعدروه
لكن هدا لا يعني انو يسكن مع دار باباه يتواكل
ما يصرف ما يعاون يبهدل بمرتو وين راهي الرجولة والمسؤولية هنا
المهم خلو البير بغطاااه كامل نعرفو البير واش فيه
مالا صح معدورررررررررررات ونص

[~أمة الله~]

الحقيقة ان نعم البنات معدورررررات في دلك لكثرة ما نسمع ونرى
لانه من النادر ان تجد فتاة تقولك راني عايشة في بيت شيخي وكاني في بيتي
خاصة لو كان الزوج من النوع المتواكل يا سلام
تلقاه لا يصرف فلسا وقاعد ياكل ويشرب ويخرج مع صحابو والمراة مثل الطنجرة فوق النار !!!!!
وين راه مبدا الزواج هنا الله يهديها
لا بيت تستقبل فيه ضيوفها ولا واخدة راحتها في ماكل او ملبس او نوم او عمل
ما تقدر تطيب واش تحب
ما تقدر تسهر مع راجلها
ما تقدر تناقشو في امر خوفا من اهل الزوج
وخايفة من خيالها مثل الفار
حتى الماء متقدرش تستخدمو كيما تحب بحجة مكانش وو
اليس هدا هو حال كثير من الاسر الجزائرية !!!!!
ولكن بالمقابل صحيح كاين عجايز مثل العسل والنسمة الباردة تلقاها فااااااهمة من عند ربي سبحانو
قارية بلا ما تدخل للمدرسة
كيما يقولو ريحة الجنة فيها
واحيانا ايضا يكون الرجل معدور في الماديات والظروف هدا نعدروه
لكن هدا لا يعني انو يسكن مع دار باباه يتواكل
ما يصرف ما يعاون يبهدل بمرتو وين راهي الرجولة والمسؤولية هنا
المهم خلو البير بغطاااه كامل نعرفو البير واش فيه
مالا صح معدورررررررررررات ونص
ربّي يحفظك أختي النّجمة
أنا مع هذا الرأي 100%
والمطالبة بالاستقلالية لا تعني السكن المُمَلّك، فيمكنهم الكراء حتّى يفتح الله، والواحد يخسّر دراهمو في الكرا خير من المشاكل، قتلونا بكلمة الكراء خسارة الدراهم والمشاكل يومية، الدراهم مديورين لراحة الإنسان، ويُستثنى هنا مثلا لي عندو إيطاج وحدو...

وفي الأخير المرأة لها الحقّ في اشتراط هذا الأمر والرّجل إمّا يقبل وإمّا لا، كيما هو يقدر يشرط واش حبّ، فلا داعي للمزايدات والتكلّم في بنات النّاس، فكلّ حرّ في اختياراته

[كاميلا]

بالمقابل راهو يقول نسكن مع والديا هههههههههههه وهو داير في سكن عدل او سوسيال

[كاميلا]

المشكل مش في اهله المشكل في التدخل المستمر الكنة هي في نظرهم عبدة

[مومي23]

من حق المراة اشتراط سكن خاص حتى عن طريق الكراء شرط ان يكون من اول مرة اي يوم الاتفاق
و من حق الرجل القبول او الرفض

[فاطمة شلف]

السلام عليكم ورحمة الله وبركاته
موضوع مهم جدا
من خلال تجربتي في الحياة 27 سنة زواج عشت 26 سنة مع العائلة حتى العام
الماضي باش سكنت وحدي لكن قاصيت ياابن عمي ياربي رحمني
7 بنات وولد المليحة غير من عندي
اذا كان لديه سكن منفرد معليش تسكن وحدها
واذا مكاش عندوا الله غالب تتحمل وتصبر والعائلات مهمش كفكيف
الكبار تصبهم دواء يعاملوا الكنة كاابنة لهم والبعض الاخر يعملها كاعبدة عندهم
والسلبيات اكثر من الاجابيات
انا مثلا اذا حبيت نزوج ابني وكان قادر على المسؤولية مذابيا يعش حياتو خير
لااعترض في ذالك
واذا عاشت معيا ندرها كما ابنتي لي فات عليا مايفوج على ابني واذا غبنتوا
نغبن روحي لاني تعذبت باه نلت هذوا الاولاد
ولازم نكون عادلة في حياتي بين الذكور والاناث لي مر عليا مهوش ساهل
واذا كان قادر على توفير السكن ربي سهل على وليدي
وفي اخر الامر مكاش كما الاستقرار لاحياء في الدين كل شئ من الساس
حتى ولو كنتي في وسط العائلة حسب الرجل هو لي يعطيلك الاحترام
وذا كان عكس ذالك راحت عليك حتى الضوئ طفتولي عجوزي صدقوا
ولا تصدقوا صبتني ندرس في اولادي قتلي متقرهمش على الضوئ
افتحي النافذة وهل عند المغرب نفتح النافذة
كي نجي خارجة للعرس ندير السشوار يطفوه عليا وبنتها يديروا السشوار
كي جوا بناتها تقلي نضي طيبلهم جاو باش يريحوا في دار مهم وانا
ربي في اولادي والشابة قاع كنت بل لحمل طيبتلهم ومقدرش نوض
ونجلس قللها خوها رفدي الصحن عليها قالت الام راك خايف عليها رفدت
وكمدتها لقلبي وسكنت
وانا رايح نزيد طيبت الفطور لحماتي وعجنت وطيبتها وفطرتها
وقالت الام روحي طيبلها القهوة وهما رحو للعرس وخلاوني مريضة
يعني باغي نزيد رحت انا وزوجي فقط سلاك الغلبة ونجبت صهيب
وكبر وتهل في جدو وحملوا على ظهرو كي مرض ويغسلوويديه لحمام يدوشلوا ونا حتى رجله نغسلهملو ودينادعوة الخير ومخلناش بغبونين والحمد لله هو وانا حتى مات في حجرصهيب وسبحان الله
مغير الاحوال انا نافسة ونغسل ونطيب والحمة عليا ويدي ترتعش
وللحديث بقية وهذا ميبنش مع الغبينة الي تليها
وكي جوا اهلي متقبلهمش نحشم على روحي
البراني يفوتك بكل بساطة ام الاهل محال يضروك
هذا مجرد راي ليس الاخلاصة القول لي وحدها احسن باش يبقى الاحترام
مابين الكنة والعجوز
الله يجيب الخير ويصلح الاحوال
تقديري

[Asmaa.B]

الحقيقة ان نعم البنات معدورررررات في دلك لكثرة ما نسمع ونرى
لانه من النادر ان تجد فتاة تقولك راني عايشة في بيت شيخي وكاني في بيتي
خاصة لو كان الزوج من النوع المتواكل يا سلام
تلقاه لا يصرف فلسا وقاعد ياكل ويشرب ويخرج مع صحابو والمراة مثل الطنجرة فوق النار !!!!!
وين راه مبدا الزواج هنا الله يهديها
لا بيت تستقبل فيه ضيوفها ولا واخدة راحتها في ماكل او ملبس او نوم او عمل
ما تقدر تطيب واش تحب
ما تقدر تسهر مع راجلها
ما تقدر تناقشو في امر خوفا من اهل الزوج
وخايفة من خيالها مثل الفار
حتى الماء متقدرش تستخدمو كيما تحب بحجة مكانش وو
اليس هدا هو حال كثير من الاسر الجزائرية !!!!!
ولكن بالمقابل صحيح كاين عجايز مثل العسل والنسمة الباردة تلقاها فااااااهمة من عند ربي سبحانو
قارية بلا ما تدخل للمدرسة
كيما يقولو ريحة الجنة فيها
واحيانا ايضا يكون الرجل معدور في الماديات والظروف هدا نعدروه
لكن هدا لا يعني انو يسكن مع دار باباه يتواكل
ما يصرف ما يعاون يبهدل بمرتو وين راهي الرجولة والمسؤولية هنا
المهم خلو البير بغطاااه كامل نعرفو البير واش فيه
مالا صح معدورررررررررررات ونص

قلتي الصح.. الصراحة راحة

[randa3]

على حساب وش رانا نشوفو ونسمعو الشباب هوما الي ولاو يحبو يسكنو وحدهم للاستقلالية أكثر وباش يبقى القدر بين الاهل والكنة
ربي يجيب الخير

[hamoudz86]

انا درت سكن مستقل في دار الشوابين ( ايتاج وحدي ) و امي هي اي فرضت عليا نبني و قالتلي باش كي تتزوج ما تصراش المشاكل.

[الاريام]

السلام عليكم
اختي هدا حق اعطاه الله للزوجة ممكن ان تشترطه و على الزوج ان يسكنها حيث يسكن هو و ان يحعل لها بيتا محترما بحسب مقدوه مهما كان عند ابويه من جااااااااه عليه بذلك في الدين
و هو افضل شيء بالنسبة للزوجين من اجل الخصوصية في حياتهما وحياة الابناءوعدم وجود اشخاص ثانويين ياخذون دور الزوج او حتى الزوجة بفرض اراءهم في مختلف الامور وتعكير الجو على الزوجين

[nounousky]

هههههههههه

[nabil.novi]

انا من وجهة نظري اريد أن اقول صحيح أن أغلب البنات الجزائريات يطلبن سكن منفرد بداعي راحة البال و تفادي حدوث بعض المشاكل.. لكن أيضا هناك أسباب كثيرة سلبيه أغفلت منها.. هاذ البنات تجد أغلبهن فنيانات يعني ماذابيها تسكن وحدها باش دير الشغل وقت ما حبت خطره فالأسبوع أو وقت ما تبانلها ديرو.. تغسل المواعن تاع العشاء غدا ماشي اليوم و غيرها من أشغال البيت التي تتهرب منها لكن لو كانت في بيت الأهل سيكون عليها ضغط لتقوم بكل شيء في وقته و هذا يتعبها بحكم التفنيين.. لذا تحبذ منزل خاص باش حتى واحد ما يلومها... و هذه حقيقة لا داعي تقولولي أحنا ماشي هكا و شاطرات و منعجزوش ﻻنه حقيقة النساء تاع هذا الوقت ما يقدروش للشغل كيما تاع زمان و خاصه لي تخدم برا الدار.. تلقاها تدخل عيانة و الدار أغلب الوقت هاملة و خلي و خلي..

[صفيان 11]

خاوتي واش نقول انا انتمي الى عائلة ترية و معروفة و كل شيئ متوفر و الحمد الله عل هد النعمة كي كنت نروح نخطب و نشرط المراة تحبس الخدمة و تدير الحجاب الشرعي و تعيش مع امي و ابي مكاش لي كانت تقول لا او تقولي نشرط نخدم او منلبس الحجاب الشرعي او بيت مستقل الكل كان يطمع يصهر عائلتي و دخول لي عالم الرافهية مقابل تنزل عن كل شروطهن من هد التجارب الفاشلة و التي ادت بي الى تعليق مشروع الزواج الى اشعار اخر عرفت بلي المراة الجزائرية الا من رحم الله من اجل المال هي تستطيع ان تعيش معك او مع عائلتك بدزن اي مشكل يا خاوتي عندي ابن عمي ربي يغفرلو معيش زوجة تاعو حياة الرفاهية بي اتم المعنة مي هناك ضريبة غالية عال هد المعيشة و الرفاهية الزوجة تاعو داير فيها التير مرخسها قدام العائلة و امه ربي يهديها تانيت داير فيها حالة مي هي صابرة و جامي ولا هدرت وعلاش المال و الرفاهية تقدر تصبر و تحمل الدل مي كي جي اخي متوسط الدخل و ميقدرش يحل مسكن تقولو منعيش معا اهلك بي الله عليكم واشنو هدا قالك المال يبدلو النفوس يا اخي

[نور الصباح]

الحقيقة اني اسكن مع اهل زوجي منذ 4 سنوات و قابلة بالوضع حتى يفرج الله و اذكر جيدا انه حين وافقت على خطبته لي عارضتني اغلب نساء عائلتي من عازبات و متزوجات و استغربن في قبولي لعدم استقلالية السكن و كانني قبلت بالعيش في غوانتانامو.. الا ان الواقع يعطينا من الدروس ما يجب ان يكون لنا عبرة.. فانا و الحمد لله متفاهمة مع زوجي رغم وجود بعض السلبيات و الشعور بعدم الارتياح نتيجة السكن الجماعي الا انه و للاسف ابنة عمي التي تزوجت قبلي بقليل تطلقت رغم انه كان لها سكن منفرد من البداية..
انا مبدئيا ضد البنات اللاتي يحملن هذا الشعار لانه لا يتماشى مع واقعنا تماما و لكني لا اهمل ان مخاوفهن في محلها خصوصا للغرائب التي تسمعن عنها و الحل الوسط الا تجعل هذه النقطة سببا لرفض الصالحين من الشباب رغم ان الامر ليس بالهين فمن تسكن مع اهل الزوج عليها ان تكون صبورة و تتغاضى عن الكثير مما ترى و تسمع حتى تستمر سفينة زواجها.. نحن لا نسيء الظن و نقول انهم سيؤذونها و لكن مجرد اختلاف الطباع و رغبة المراة المتنامية في ان تكون سلطانة حرة في بيتها يخلق المشاكل و ينغص عيشها
السلام عليكم انا مثلك تماما اسكن مع اهل زوجي واخوته و زوجة اخيه واولادها الاربعة و زوجة اخيه الصغير ... نحن معهم منذ اربع سنوات طبعا تاتي بعض المشاكل ولكن ننساها

[Asmaa.B]

السلام عليكم انا مثلك تماما اسكن مع اهل زوجي واخوته و زوجة اخيه واولادها الاربعة و زوجة اخيه الصغير ... نحن معهم منذ اربع سنوات طبعا تاتي بعض المشاكل ولكن ننساها

على قول جدتي "الله يعطينا تيساع الخاطر"

[silent scarf]

ما رأيكم في ان تتحجب من راسها الى اخمص قديمها امام اخوة الزوج و ابنائهم عند البلوغ و لا يجوز لها حتى ان تتكلم معهم و يحرم عليها حتى وضع كحل تتزين به لزوجها و ناهيك عن اعمال البيت بالحجاب و هل يتقبل اهل الزوج ذلك منها و كيف سينظرون اليها و من هذا تتنامى المشاكل و يدخل الزوجين في صراع فكري و ديني
ما ذنبها ان تعيش حياتها العادية مع اجانب فكروا في الامور من منطلق آخر و عقلانية ااكثر

[نصرالدين الايوبي]

إخوتي اخواتي من وجهة نضري ان الزوجة عند طلبها السكن المستقل يعني انها تريد كرامتها اولا وخصوصيتها ثانيا وحريتها في بيتها اذا من لم يستطع توفير سكن فليحاول توفير ما تريده مثلا ان ضلمت من اي طرف من اهلك دافع عنها وحاول ان توفر لها بعض الخصوصية ويجب ان تعرفها بعقلية كل فرد من اهلك وان حدث خلاف بينكما لا تعلنه امام الجميع المهم كل واحد يعرف واش كاين في دارو كما يقول المثل اذا عرف السبب زال العجب

[زوجي الغالي]

الرزق على الله