ادعولي انا على وشك الطلاق

[اياد حياتي]

السلام عليكم هذا الزوج الي ضحيت كلشي على جالو وهو مستعرف بهذا ووو اختو خربتلي داري حاوزتني وحاوزاتو بصح ما حبش يخرج ويكريلي وانا تحملت ذل وهو عارف بلي اختو وانا نضريت وما قدرتش نصبر سورتو دوك راني حامل طردتني وسبتني وسبت بابا بكلام كبير ونا رحت لدارنا وبابا قالي والله ما ترجعي وراجلي قالي والله ما نكريلك ماشي كيما يقول باباك انا ما نطيحش بنيفي يرحم والدين الي يلايم وليداتو هذا تطياح بدون تجريح ادعولي كل واحد يصلي فجر راجلي يلين قلبو ويفرج عليا وربي يحفظكم منيش قادرة نزيد نهدر

[nesrine rahmani]

السلام عليكم
ربي يفرج عليك حببتي
رايحة نصلي صلاة العشاء
ان شاء الله اول دعاء يكون لك
ربي يجمع شملكم
والله يا اختي غير تأثرت بك

[bounour21]

السلام1

ربي يقدر الخير أختنا الكريمة

لابد من الزوج أن يتصرف تصرف رجولي لائق , الطلاق ليس هو الحل و خاصة أنتِ حامل

ليس هذا وقت {{ نطيح قدري و يطيح قدروا }} الموضوع أهم و أكبر من ذلك , مصير حياة زوجية ينهار

ربي يقدرلك الخير أختِ , ربي يقدر الخير

الخاتمة1

[دنيا الامل 18]

امين ربي يفرج عليك ادا كنت تحبين زوجك قدمي بعض التنازلات

[اياد حياتي]

بارك الله فيكم والله حالتي ما يعلم بيها غير خالقها ياريت نقدر نكتب كثر راني عيانة

[الاريام]

الله المستعان
و الله يا اختي ما لقيت ما نقول ربي على الظالم لم استطع ان افهم ما يحدث في وقتنا تجدي اخت الزو مثل الغولة تحب تاكل زوجة اخيها ربي يعافينا منهم نشالله و لا تجدي ام واب يحكم فيها و لا يهدر و ادا تكلم اخوها تغلبه بصراخها و نويحها واحد لا يقدر عليهم ولات الطفلة مترجلة لا حشما لا حياء حنا كي يدخل الاخ الهدرة نهدرو بالعقل و ما ناقشوهش و وولا اله الا الله و يحبو كي يتزوجو يطيحو في بلايس ملاح نشالله تذوق ملي ذوقاتك و انتي ربي يكون في عونك نشالله ربي يفرج عليك و يلين قلبو لانو يحاول الهروب من المسووليه و يمسح فيها في باباك

[اسما38]

ربي يفرج عليك اختي ويلم شملك مع زوجك، ادعي ربي رد لي زوجي ردا جميلا

[malake1967]

السلام عليكم ورحمة الله وبركاته
يا رب يفرج عليك ويجمع شملكما على الخير والبركة
ويكمل لك حملك وييسر أمورك كلها
وربي يهدينا إلى ما فيه خير الدنيا والأخرة
اللهم اجعل لنا من كل ضيق مخرجا ومن كل هم فرجا ومن كل بلاء عافية

[اياد حياتي]

الي قال قدمي تنازلات الله يخليكم انا طلبت لا امرت ان تدعو لي فقط واكررها حالتي لا يعلم بها غير خالقها فلو سمحتم

[lalib40]

ربي افرج عليك
مشكل السكن مشكل هدم بيوت وضاع الاولاد

[bahi65b]

الأخت إياد حياتي
- أسأل لك الله عز وجل من كل قلبي
ستر العيوب و لين القلوب و تفريج الهموم و تيسير الأمور
الهم أمين

[أميرة الورووود]

الله يسهل كل أمورك أختي

و أخت زوجك ربي يهديها

[rayen73]

رب يفرج عليك ويلم شملك مع زوجك لا تقلقي اخيتي فهذا ما هو الا ابتلاء من الله اصبري واحسني الظن بالله فهو يعلم ملا نعلم اكتري من الاستغفار والله ترتاحين نفسيا ورددي لا حول ولا قوة الا بالله وان شاء الله خير احذري من التوتر ولا تنسي انك حامل وهذا يؤثر تأثيرا كبيرا على جنينك ،،،،والله كلنا مررنا بهذا ،،،اكتري من دعاء اللهم سخر لي زوجي اللهم من أراد بي سوء اجعل كيده في نحره ،،،،،،رب يهدي زوجك وينير بصيرته ويهدي اخته اللهم آمين ،،،صبرا جميلا اختي رب معاك ،،،،

[*أم سجى*]

الله يفرج عليك اختي اتصلي بزوجك وحاولي تلمي شمل العائلة الطلاق مش حل اختي الله لايوريهلك والله يبعدو على كل مومنة

[أم سلوى]

فترة. ....فقط ويرجع لا تحملي هم....
الايام تساعدك..لكن لا تجعلي أباك يعلم التفاصيل.....ابعديه عن مشاكلك قدر الامكان...هو يدافع عنك..لكنه سيضرك..كل مشاكلك لا تحكيها له ولا لأمك ه...الا ثلثها فقط عن تجربة...

[اياد حياتي]

امين يارب العالمين والله ثم والله دعاءكم وكلماتكم هزتني. يارب حقق كل من دعا لي حتى ولم يكتب ردا ما يتمناه في قلبه

[أم الشَّيماء]

السلام عليكم ورحمة الله وبركاته

أختي هوّني عليك عسى الله أن يجعل لك مخرجا ، بل سيجعل لك حتما مخرجا بحوله وقوّته وهو القائل ( فإنّ مع العسر يسرا إنّ مع العسر يسرا ) فلن يغلب عسر يسرين بإذن الله .
لا تضيقي على نفسك كل هذا الضيق ، ولا تقنطي من رحمة الله قد تكون هذه المشكلة أول مشكلة كبيرة تواجهينها في حياتك الزوجية لذلك تعتقدين أن لا حلّ لها
كلا ، ولو نظرت فقط حولك لوجدت من كانت له هموم أضعاف همومك وكشفها الله عنه ، و أنت قد يأتيك الحل من حيث لا تحتسبين
ثقي فقط بالله وأحسني الظن به وادعه مخلصة أن يفرج كربتك وأن يلين قلب زوجك الذي هو بين إصبعين من أصابع الله يقلّبه كيف يشاء
أكثري من الاستغفار ورددي دعاء سيدنا يونس عليه السلام وهو في بطن الحوت (لا إله إلا أنت سبحانك إني كنت من الظالمين)
أسأل الله العظيم رب العرش العظيم أن يفرج همّك ويزيل كربك وأن يجعل لك من كل ضيق مخرجا .
طمّنينا عنك عندما يفرجها الله عليك بحول الله

[اريج 07]

ربي يفرج عليك

[مصطفى_س]

اسال الله العلي القدير ان يفرج همك و ان يجمع شملكم

حاولو بحكيم من اهلك و حكيم من اهلو بالاخص لي يتفاهم معاه باش تحاولو تحلو المشكل

[zineb_saib]

وش دخل اختو بيناتكم هذه قمة الوقاحة ربي يهديها برك وهو كيفاش يسمحلها تتدخل
استغفري وادعي ربي خيتي وصفي نيتك مايربح غير صاحب النية واهدري مع زوجك بالعقل والتفاهم

[aml salam]

السلام عليكم
اختي راني حاسة بيك خاطر مريت وراني نمر بظروف مشابهة
ننصحك ان تتمسكي براجلك ولو كنت غاضبة منو ولو سكارة في اختو المهم تشوفكم مع بعض فتزيد تشعل نارها
الراجل تفكيره للقدام هو راح يخمم في صغيركما ومصاريفه وصعوبة الكراء اذا كان عندك مدخول وتقدري تأمني مبلغ الكراء اكري انت ولا فرق بين المرأة وزوجها
اذا مكانش مدخول اصبري اتصلي بزوجك وكلميه عادي وكان شيء لم يكن وتحججي بوحام الحمل وديري الغلطة منك وانت أسفة اوالتحقي بزوجك بلا ماتكلميه وهو يدبر راسو حتى ولو يجيب قرطونة ويفرشها على الارض
ونصيحة مدخليش اهلك في المشكلة راها تكبر
ربي يسخرلك زوجك ويجمع بينكما في خير ارجعي لدارك راه مكانش مستقبل للمرأة المتزوجة وخاصة الي تنتظر مولود الا مع راجلها وفوتي الفرصة على اعدائك الي يعمرولو في راسو

[Oum nour el islem]

ربي يفرج عليك اختي و يسلكك بخير و عافية
ربي يرزقك بدارك تدخليها عروس معززة مكرمة
امين