مشكلتي في الزواج

[مشكلتي]

السلام عليكم و رحمة الله و بركاته
هل للدهب المطبوع اهمية كبيرة لقد اشتريت دهب عادي و غالي الثمن مند شهر لكن اهل العروس غاضهم هدا و قالو كلام جارح فهل اخطئت انا و ما العمل هل افسخ كل شيء فالعلاقة تدهورت
يرجى حدف الموضوع بعد 3 ايام

[منى27]

نعم الذهب المطبوع له أهمية كبيرة لكن الذي يريد تسهيل الزواج المهم يكون ذهب فقط

[أم سلوى]

ههههههههههه غريب فعلا
ناس. تموت على المال.....

[اريج 07]

هههههه افسخ كلش واش راك تستنى هاذو اكيد تاع مادة

[رجل الازمات]

اذا وصل الامر الى حد التجريح فانتظر الجحيم مع مرور الوقت

[الرحالة المغامر]

رغم أنني لا أعرف ماهو الذهب المطبوع أو لا أدري . لكنني أنصحك بالتريث أخي الكريم الأمور لا تسير هكذا كما علق الإخوة الكرام يعني إفسخ كل شيء بهذه البساطة ؟ تحدث مع زوجتك أو خطبيتك وأنظر رأيها لعل هي ليس لديها مشكل في الأمر فهي من ستعيش معها وليس عائلتها ....

[kaderr09]

لا حول و لا قوة إلا بالله
اللهم اهدنا و قنا حب الدنيا

[mrmilano1984]

المهم ياك دهب وهادو بقاو يعسو في الدهب الا مصبوع وحر وماعلاباليش ولا مدرح وو

[الاريام]

ربي يهدينا نشالله
الفرق بين الدهب المطبوع و المحلي انه دهب مستورد و جودته عاليه وغير مغشوش و تجده متقون واجمل بفرق كبير عن المحلي حتى في اللبس تجد مثلا الخاتم لا يجرح اما المحلي يجرح في الاصبع في غالب الاحيان و مصنوع في الورشات
لكن لم يكن ابدا هدا مسالة مهمة في الزواج و لم اصادف هدا الامر من قبل لانه شيء صطحي لا معنى له والله انه امر تافه لا يهتم له الا ناس جيعانه او ملهوفة اعتدر اخي لانه جارنا اعطى لصديقتي شرطها 15 مليون اشترته دهبا و اعطته له ليحضره في الحنة و هناك من يحضر بالتفاهم مع اهل الزوجة plaque or في الحنة لان الدهب الان صار سعره غير معقول 7800 دج للغرام نتاع الخارج هباااااااااااال لي دار الدهب دارو بكري و حنا يا اخي اهلنا لي دارولنا الدهب رحنا من مجاميعو و لم نطمع في الزوج ادن قل لزوجتك عندما تحضرها لبيتك تنعتلي دهب لي دارهولها باباها يعني محزمة و الخواتم و السلاسل و الاقراط و الخلبخلات هادو كامل ديرهم لمرا تديهم معاها بالاك حبت ديرهم على ضهرك

[أناييس الربيع]

معنداش في منطقتنا الراجل يشري الذهب للمرأة

غريبة

[النجمة القطبية]

يا جماعة ماشي هكا النصيحة واحدة تقولو افسخ والثانية جيعانة ومعلاباليش واش رغم انو اغلب البنات يشرطو
يا اخي كل شئ بالتفاهم الغضب والتسرع ميجيب حتى نتيجة
بالاك الاهل خافو ان الدهب ميكونش اصلي او انهم في اسرتهم متعودين يقدمو دهب من نوع معين
انت درت اللي عليك اخي ومنلومكش انك جبت دهب غير مطبوع كلش غالي
انت اتكلم مع الخطيبة تاعك واستفسر عن الامر بالاك تتسهل الامور يهديهم ربي سبحانو
او عندك حل اخر تروح تبدل هدا الدهب باخر مطبوع وانتهى الامر او اطلب من السائغ اللي شريت عندو بالاك يقترح عليك حل
بالتوفيق

[هدآية]

الذهب المطبوع هو ذهب الخارج
و أغلى ثمنا
الواضح انها تهتم كثيرا بالماديات و الشكليات
ربما في وسطهم المظاهر تلعب دور هام
و أظن هاذا السبب
اخبرها بجهلك بالامر
ربي يصلح الامور

[حبيبة]

يا جماعة ماشي هكا النصيحة واحدة تقولو افسخ والثانية جيعانة ومعلاباليش واش رغم انو اغلب البنات يشرطو
يا اخي كل شئ بالتفاهم الغضب والتسرع ميجيب حتى نتيجة
بالاك الاهل خافو ان الدهب ميكونش اصلي او انهم في اسرتهم متعودين يقدمو دهب من نوع معين
انت درت اللي عليك اخي ومنلومكش انك جبت دهب غير مطبوع كلش غالي
انت اتكلم مع الخطيبة تاعك واستفسر عن الامر بالاك تتسهل الامور يهديهم ربي سبحانو
او عندك حل اخر تروح تبدل هدا الدهب باخر مطبوع وانتهى الامر او اطلب من السائغ اللي شريت عندو بالاك يقترح عليك حل
بالتوفيق

إياك تفعل ماقالته الأخت لأنّني أرى أنّها إهانة ...إن فعلتها تأكد أنها لن تكون الأخيرة

المشكل لو فسخت الخطبة لن يرجعوا لك شيئا ،رايح يولي الذهب غير المطبوع غنيمة بعد أن كان غير مقبول !!!
ربما راي البنت مخالف لراي أمها لا تظلمها تحرّى أولا
الله يكون في عون العرسان

[~رآقية بأخلآقي~]

والذهب فيه انواع ثاني ؟؟!!!!!!

لا حول ولا قوة الا بالله

شوف أخي أنتَ وروحك إذا كان في خطيبتك صفات و مميزات تخليك تتمسك بيها تجاوز عنهم هاته وإلا فلا جدوى من إتمام الميثاق معهم !!!!!!!!

[دنيا الامل 18]

ادا كان البنت لا علاقة لها لا تتركها بسبب اهلها

[فاصلة]

ربي يهدينا ان شاء الله

[om_nour]

ذهب مطبوع يتباع اغلى كما جى تبعه

والذهب انتاع دزايز يقولوا لنقص نصوا

[*أم سجى*]

أنا تبانلي هذ الناس مهمش تع نسبة ومن الافضل تركهم والانصراف....حنا عندنا عيب باش دار الطفلة يبداو يديرو في هذ البوليتيڨ ....ياختي يلا معجبكش الذهب ابلعيها واسكتي ولا اهدري مع خطيبك بيناتكم بصح باش توصلو للسيد وتعطوه كلام جارح مجاش يطلب فيكم جا ناوي الحلال .....نقولك حاجة أخي طيش عليك هذو ناس قالي وقتلك بنت ماما وبابا اخطيهم ترتاح...يلا قعدت معاهم ياكلولك القلب وكل حاجة تشريهالهم استنى منهم تعليقات وملاحظات وانتقادات ....تبقى تخاف غير من ردهم ....الباب لي يجيك منو الريح سدو واستريح كاين شي بنات راها تطلب غير الهنا

[ثلجَة]

الحوار أفضل شيئ أخي تحاور معهم بالتي هي أحسن و لا تستعجل لأن العجلة من الشيطان لعنه الله

[bello angel]

الدهب كاين لوكال و غرازيلا
و اللوكال سعره اقل بكثييييير من الغرازيلا
يعني parrure
كامل لوكال ب 3 ملاين
هما الاكيد انو عيب عليهم الشي لي داروه حتى و معجبهاش تخليها في قلبها و تسكت و اللي مش شبعانة في دار باباها مش رح تشبع ع ظهر الراجل
بصح كلمة حق انت غالط و الشي اللي عملتو يطيح من قيمتك
و بما انو وصلت لحكاية انهم هدرو نقلك راه طاح القدر
زيد خمم مليح

[نوال زهرة]

انا جابلي ربي الفايدة في الهنا مشي ذهب مطبوع ولالا اخي ننصحك صلي صلاة الاستخارة

[Ahlam Sou]

اخي حاول انك تحكي مع خطيبتك و تسمع رايها فالموضوع هدا
و لازم تتاكد ادا اهلها ماديين صح و يحبوا المظاهر
و تاني بلاك تغلط و تفسخ الخطبة على هد السبب لانك رح تخسر كل شي " الدهب هذاك يحكموه هم و تزيدلهم دراهم لي خسروهم فالتحضيروووو"
يعني ادا فسخت رح تكون الخاسر الاكبر
و ربي يسهلك امورك كلها