اريد الزواج ولا اعرف [الأرشيف] - منتديات الجلفة لكل الجزائريين و العرب

مشاهدة النسخة كاملة : اريد الزواج ولا اعرف

مشكلتي

2016-08-22, 15:24

السلام عليكم ورحمة الله
مشكلتي هي حاب نتزواج ومعرفتش كيفاه ابداء انا الحمد لله عطني عمل مستقر و وبراتب الحمد لله جيد وكل مقومات افتح بيت بصح مشكلتي معنديش خاوتي بنات وامي متوفية من كنت صغير ان ما اعرفت كيفاه ابداء نحوس على بنت... انا عمري مخلطت في بنات حتي كي كنت في الجامعة وكي نتلقا اي واحده في طريق نهبط عيني يعني جمي لصقت فطو وحدة في راسي كـــــــــــقولت لزوجت عمي تحوسلي على طفلة ديركتمو لصقتلي بنتهاااا احرجتني كثير وقلتلهااا بطلت ( يعني نعرفهااا مش من نوع لنحوس عليه وكان كانت في راسي رني جيتك ديراكت ...) ومن هذاك وقت عدت نخاف نقول اي واحد حوسلي ليدرلي كزوجت عمي ويحشمني كيفاش ندير

اريج 07

2016-08-22, 22:08

والله غضتني ياخويا معندكش جداتك تشوفلك والله كون صبت راني عاونتك مي الله غالب ملقيت مانقلك غير ربي يصلحلك و يرزقك بنت لحلال لي تستاهلها امين يارب

تصفية وتربية

2016-08-22, 22:09

~رآقية بأخلآقي~

2016-08-22, 23:14

إسأل أصدقائك أو إمام مسجد حيكم وأخبرهم بشروطك وان شاء الله رايحين يساعدوك ويدلوك على بنت الحلال أخي..

Amouna.DZ

2016-08-23, 00:05

ربي يعينك أخي قبل ماتبحث عن الزوجة أبحث أولا عن الصديق أو القريب الذي تثق فيه و تعرف بلي يحبلك مصلحتك و خلي هذاك يسقسيلك و يشوفلك و الزواج من المفروض مافيهش حشمة وتقبل غصبا عنك حتى إذا قالولك على بنت سقسي عليها و شوفها و طبغا أستخير ربك
ربي يسهلك إن شاء الله

أم أحمد محمد

2016-08-23, 00:10

استخر الله اولا اخي الفاضل
كان تعرف امام او رجل صالح ممكن يرشدك الى انسانة تقدر تشوفلك الفتاة الصالحة
الاستخارة ثم الاستخارة في كل خطوة تخطوها واحذر كون يطيحوك على راسك انت انسان تقي نتمنالك الفتاة الصالحة ابحث جيدا

سهيلة2013

2016-08-23, 00:18

انت تريد الحلال يعني مشي عيب ادا شوفت روحك

يسمينة الزهور

2016-08-23, 00:18

الطيب الجزائري34

2016-08-23, 00:52

ان شاء الله ربي يفتح عليك بالخير . . ممكن ان تعتمد على نفسك في البحث لكي تتجنب الاحراج لن لم تكن من النوع الذي تريده.

bounour21

2016-08-23, 07:56

السلام1

يا أخي الكريم أنا أنصحك شوف أنت لنفسك الزوجة ألي تناسبك ,

حتى لا قدر { إن شاء الله يحصل غير الخير } تعرف كيف تتصرف

للأن كل واحد تحكيلو . راح مباشرة يوجهك لقريبتوا هو . { مرأة أو رجل } و هذا بديهي

أفضل أنت شوف المرأة ألي تناسبك أخي

لا إمام و لا أصدقاء أخي , عندك تغلط , هاذ حياتك أنت و لا أحد يعلم و يعي رغابتك و ميولاتك و ذوقك بالضبط

ربي يوفقك أخي

الخاتمة1

rose de sable s

2016-08-23, 08:14

سلام عليك
اكيد بما انك تريد حلال سيوفقك الله
اختر انت لوحدك اكيد ستجد من تعجبك
انت شو ف شروط لي حابه في شريكة حياتك
ابحث حولك اين تعمل او حيران وغيرها

ربي يرزقك

دنيا الامل 18

2016-08-23, 09:28

ادا شفت بنت عجبتك مباشرة اسال عنها وعن اهلها ادا كانت مليحة توجه مباشرة لخطبتها هدا هو الحل ابحث بنفسك

رجل الازمات

2016-08-23, 15:06

اخي الكريم انصحك بالاعتماد على نفسك في البحث و ابدا من مقر سكناك فهنالك حتما بنات الجيران التي تسكن في حيك فانت ادرى بهن و يمكنك الحصول على المعلومات بسهولة كما يمكنك التقدم لهن لمعرفتك باهل الفتاة و عنوانها من دون اي صعوبات هذا في حال اعجبتك احداهن طبعا و يبقى هذا راي الخاص و شكرا

أم درين

2016-08-23, 15:59

السلام عليكم ورحمة الله وبركاته
يبدو من خلال ما قلته والله اعلم انك شاب سائر على الفطرة باذن الله ربي يثبتك ويقدرلك اهل صالحين يا رب
اذن أخي أول أمر استخر الله صل ركعتين وادع الله دعاء من لا حول له ولا قوة ولا علم ولا قدرة
واحرص على دعاء السحر (الثلث الاخير من الليل) فيه الله تعالى يستمع لك ويجيب دعوتك ويقضي لك حاجتك بفضله وكرمه
وتحر اوقات الدعاء فالدعاء سلاح المؤمن
وان كان لديك صديق متزوج تعلم صلاح دينه وتعلم انه يحب الخير لك
او امام
فاطلب منه ان يسأل زوجته لتساعدك
كم من اناس اعرفهم هداهم الله الى اهل صالحين باصدقائهم
***
بالنسبة لكون الناس يعرضون عليك اقاربهم فهذا امر عادي ربما لانهم يعلمون امرهم اكثر من الناس البعيدين
وطبعا ثق بالله انه سيهديك الى الصلاح
***
اما الفكرة التي اقترحها عليك الاخوة هنا بالبحث عنها بنفسك فلا اظن انها جيدة بل اعتقد انها مكيدة من مكائد الشيطان
قد تدفع بك الى قضاء اليوم كله في المقهى تتبع بنات الناس
لذا احذر ووكل امرك لله
لا تخرج بحثا عنها ولكن ثق بالله وادعه
وباذن الله ستجدها دون الحاجة الى رفع عينيك الى كل البنات
فقط توكل على الله
واذا كنت تملك مالا فتصدق لييسر الله عليك

doba

2016-08-23, 16:55

ربي يسهلك اخي ويفتح ليك ابواب الخير

*أم سجى*

2016-08-23, 19:22

أنا مع كلام الاخ bounour21...الزوجة المناسبة تبحث عليها انت بنفسك ولا تكلف بهذا احدا.....لأن الاهل منطقيا راح يعطولك بناتهم والاصدقاء يعطولك نسيباتهم والاجداد راح يكون مقياسهم قديم لايساير مقاييسك الحالية ....وعليه البنت انت لي تختارها مين والمساعدة تجيك مالاخرين ....ربي يهنيك

mrmilano1984

2016-08-23, 20:36

يااخي واش نقولك حساب نيتك وواش تحب وحساب نتا وعقليتك صراحة الا تحوس صح بنت فاميلية ماصلو وتاع دار ولي عمرها ماعملت ودارت وتخاف ربي ومتدينة وملتزمة مش ساهل لازم تكون عندك حداقة وتمييز جيد باش ماتطيحش علي راسك قبل مايوقع الفاس علي الراس ماتخليهش يطيح كما قالك الله لايركب الفاس علي الهراوة فهمت ان شاء الله تطيح في وحدة مليحة ونقية هدا واش نقدر ندعيلك واكد تلقا واخطيك من نتاس يشوفولك نتا لازم تشوف بنفسك احسن هادي نصيحتي منك في وجه الله باسكو كاين لي يشوفلك وحدة من قصد او غير قصد وكاين لي يطيح ويشوفلك وحدة يشكرلك فيها ومانعرف وووووووو وهي خباياها والله مخك يحبس صدقني وكاين لي يشةفلك وحدة ويصيب يعني فيها حظ
حاجة وحدة نعاودها ونكررها هادي مسالة حياة كاملة وعشرة كاملة مش نهار لازم تشوف وحدة لي توالمك صح باسكو كاين بزاف عملو وعملو ويحبو يتزوجو باولاد الفاميليا باش زعما تستر روحها وتسقم عيوبها وتصلح دنوبها علي ضهر واحد وليد فاميليا ومتخلق تاع الصح
وماتسمعش لاي واحد اسمع لعقلك ومنطقك ونحي العاطفة من قلبك صدقني تنجح انا زوجة تاعي تعبت باش لقيتها كما تتعب باش تلقا خدمة وووو هكا مي حلاوتها خويا مش خسارة تتعب وتكد تحوس علي بنت الاصل الفحلة وتلقاها تنسي التعب باسكو تستاهل اك فاهم خويا
ربي يسرلك امورك ويرزقك بها

aylin bac

2016-08-23, 20:49

ربي يرزقك ببنت الحلال

الماسة النادرة

2016-08-23, 21:26

شوف اخوات صحابك ولا قول لصحابك يرورلك

sabi foufa

2016-08-23, 23:06

يا اخي المنتدى تعنا فيه بنات مشاء الله خير وختار منهم انا ههههههه :1:
ربي يوفقك يااخي وتلقى الي تستاهلك نصيحة مني ماتعول حتى على واحد الزوجة تاعك المستقبلية لازم انت الي تخيرها بيدك

سفير الأيام

2016-08-23, 23:33

حاجة مليحة كي ما خالطتش بصح خيا الزوجة المستقبلية انت لازم تتحرك شوية وتشوف عينك ميزانك ادا اول حاجة شكلا مقبول تقدم مباشرة لبيتها وما تتقلقش كي تريح مع المحرم ديالها احكي ما تحشمش على كامل كي حاب تعيش وواش الامور راهي صعيبة في طريقك

افهم بلي انت راك جاي طالب الحلال ازدم يا خوااا ماراكش داخل من التاقة

تحركوا ترزقواااا . ادا انت ما نجمتش تلقى اللي تعجبك وتحشم بزاف باه تتقدم في الحلال ................... وغدوة مشاكل الاسرية تحشم باه تقولها ممنوع السروال

فيق شوية الناس راهي طير في الحلال

وسيمツ

2016-08-24, 12:46

إذا كان لديك أصدقاء متزوجين وتعلم صلاحهم وصلاح زوجاتهم فأطلب منهم البحث
أو اتجه لإمام مسجد تثق فيه وفي دينه واطلب منه أن يساعدك في البحث
يسّر الله أمركم ورزقكم الزوجة الصالحة التي تقر بها عينك

السلام1

يا أخي الكريم أنا أنصحك شوف أنت لنفسك الزوجة ألي تناسبك ,

حتى لا قدر { إن شاء الله يحصل غير الخير } تعرف كيف تتصرف

للأن كل واحد تحكيلو . راح مباشرة يوجهك لقريبتوا هو . { مرأة أو رجل } و هذا بديهي

أفضل أنت شوف المرأة ألي تناسبك أخي

لا إمام و لا أصدقاء أخي , عندك تغلط , هاذ حياتك أنت و لا أحد يعلم و يعي رغابتك و ميولاتك و ذوقك بالضبط

ربي يوفقك أخي

الخاتمة1

السلام عليكم
لا أحد يعلم أين ا"الخير" كما نقول بالعاميّة
ربما كما قال الأخر الكريم أو كما قالت الأخت الكريمة
لكن أنصحك بشيئ واحد ، إياك أن تكون "حشّام"
لأنك صدّقني لو كنت خجولا فستقع في الإختيار الخطأ بنسبة عالية لأن الخجول اختياراته تتكون من اختيارره مضاف إليه تأثيرات أو آراء الآخرين ...
ان لم يعجبك أمر قل لم يعجبني سواء إمام مسجد أو عمتك أو مهما يكن
ربي ييسّر لك ان شاء الله
بالتوفيق.