واش رايكم بصراحة

[مشكلتي]

باختصار أنا إنسانة متزوجة و عندي بنوتة مشكلتي بسيطة لكن حبيتكم تعاونوني براي صائب في وحد الموضوع .
عندي خويا كرا دار في بجاية هذا الصيف لمدة 15 يوم باش يفوت فيه يامات في البحر
اليوم عيطلي في التيليفون و اقترح علي نروح أنا وزوجي و نقعدوا معاهم يومين على خاطر علابالو إمكانياتنا المادية ما تسمحش باش نخروجو ا نحوسو
المشكلة في مرتو أنا تلاقيت بيها يوم قبل ما يروحو ا لبجاية و فصرت معاها و ما جبدتليش نهائيا بلي راهي رايحة تكومبي في بجاية
الصراحة أنا تحمست باش نخرج على خاطر ذاق خاطري و زاد جات قراتوي لكن في نفس الوقت خايفة مرة خويا ما يعجبهاش الحال و تحس بلي دخلت في خصوصياتها و فسدت عليها عطلتها و بالاك حتى ندير مشكلة بينها و بين خويا .
حبيت برك تشورو علي يعني عادي نروح و الا لالا ........
علما أنو إذا رحت رايحة نبات ليلة و الا زوج برك و نزيد نقولوا لراجلي ملي نخرجوا صباح ما ندخلوش حتى لليل يعني للرقاد برك باش ما نقلقوهمش
واش رايكم ؟

[زهرة الاوراس]

اولا احيي اخاك لانه ابن اصل، واحييك لانكي اخذتي برد فعل زوجة اخيك، فانتي من النساء المتخلقات ومن اسرة كريمة فبارككم الله،
ثانيا اعتقد ان هذا الامر لا يشكل مشكلة ابدا، وانما هو اقتراح يمكنك القيام به او الاعتذار عنه، نصيحة مني لا تعطي للامر اكثر من حجمه، لان اخوك هو رب البيت وهو ادرى بجو اسرته، خاصة انه سيمضي 15 يوم بينما ستمضين يومين فقط، اذهبي واستمتعي ولا تبالي كثيرا بزوجة اخيك، وديري وجه لاخوك لانه دعاك وغيري الجو، وربي يسهلكم.

[----------]

بلاك زوجة أخوك حبت تروح و اتشوف المكان قبل ربما ما يكونش متسع ؟ ربما غير مناسب لاشخاص اضافيين
و كي راحت و شافت المكان مناسب قالولك
على كل في رأيي ما فيها والو .. روحي عادي اختي

[*أم كوثر*]

مادام خوك لي عرضك تقدري تروحي وراسك مرفوع
وممكن جدا عرضك بعلمها او باقتراح منها
يعني لامكان لحساسيتك
عطلة سعيدة

[ع.عيسى]

عادي جدا جدا ، ونفس الحالة حدثت معنا ، ........ جاتك فرصة ما تراتيهاش ، البجاية مليحة ومناظرها خلابة ، وما علابالكش بمرت خوك ،واذا صبتي اقعدي 4 ايام ، وما فيها حتى انتهاك للخصوصيه

[نعمة الله15]

سلام اختاه روحي وحوسي واستغلي الوقت مع زوجك وربي يخليلك خوك وزوجك

[~رآقية بأخلآقي~]

ما شاء الله عليكي أختي ربي يحفظكم ويخليكم لبعضكم

وأقترح عليكِ تعملي مثلما قلتِ تروحي مدة يومين أو ثلاثة ولا ترجعين إلى المنزل إلا للمبات حتى لا تضعين أخاكِ في موقف محرج مع زوجته وربي يطيب عشرتكم ياربي ^_^

[أم عروة]

الله يبارك ياريت كل النساء كيفك اختي

شوفي من رايي مادام انت مشي تاع مشاكل وخوك عرضك مافيها والو روحي وماطوليش وخلاص
ولكن من الاحسن تروحي هدا رايي

ويلا قعدتي 3 ايا ماتبانش قدام 15 يوم

[Sou sousou]

توكلي على الله وروحي لا تضيعي الفرصة و كيما قلت للمبيت فقط و مدة قصيرة يعني تكون زيارة خفيفة ضريفة . صحا تحويستك

[chahinez benyahia]

سلام عليكم
ياأختي مدام خوك الي قالك روحي و نحي على خاطرك و زوجة خوك انتي أدرى بعقليتها اذا حبت حبت و ادا كرهت انتي اكي لقيتيلها الحل بنفسك و في الأخير يبقى خوك هو الي عرضك يسما ... .......

[اريج 07]

والله نفرح كي نلقى خوت كيما هكا كيما خوتي ربي يحفظهم

ربي يخليكم لبعض
روحي حبيبتي مافيها والو ديجا نوضي وجدي روحك ههههه عطله سعيدة حنونتي ازهاي انت وزوجك و بوسيلي البنوته الصغنونه ربي يحفظها هههه

[sunshine2013]

روحي ختي و بصحتكم مسبقا و الامر عادي خوك عرضك. و اكيد راه شاور زوجتو يعني ماكيش رايحة تزدمي عليهم و ماعندكش دراري بزاف بنوتة ربي يخليهالك فوتي 3 ايام ابروفيتو اخرجو مصباح لليل ديجا رايحين تحوسو واش قعدكم في الدار و ديرو نهار فوتوه مع خوك و مرتو و لا نص نهار و شرولهم هدية رمزية كذكرى و ربي يهنيكم

[sarl02]

هاته هي عزة النفس التي لا تقدر بمال والتي افتقدها الكثير في وقتنا هذا...تفكيرك سليم وتكهناتك منطقية لكن لا تبالغي في الامر وجولة قصيرة لا ضرر ولا ضرار فيها .

[إسلام الفاروق]

ان ارادت ان تخبركي فقد اخبرتكي و الا ففلن تفعل و مقصود واضح و انتي فهمته

اخطيك اشكري اخاكي و اخبيريه انكي مشغولة

رتبي مع زوجك يوم للذهاب الى البحر وحدكم او اخذ الوالدة ايضا

[دنيا الامل 18]

اتصلي بها و تحسسي رايها ان كانت على علم بان اخاك عرضك ان كانت على علم ادهبي والا الزمي بيتك احسن ما تنكدي عيشتك و عيشتك خوك

[سجل أنا جزائري]

في رأيي اذا كان ليس هناك مشاكل مع مرت أخوك فعادي لبي دعوة و أشكريهم في زوج أكيد يكون خوك خبر زوجتو بهذا العرض و ممكن هي اللي اقترحت عليه هذا العرض

و بخصوص ما قتلكش بيلي راحيين ربما لما شافتك حالتكم ما تقدروش تروحو ما حبتش تغضيكم

[mariamalak]

السلام عليكم
انا من رايي تخليهم حتى يفوتو ايامات وحدهم و مبعد الحقيهم و كي تروحي بالعكس رايحة تونسيهم البحر بلا لافامى صامط و حاولي تكوني خفيفة ترتبي حوايجك بلخف و تعاونيها مشي تروحى كيما الضيفة ههه هكا هي تولي ما تخرجش بلا بيك و بصحتكم

[ندرومة49]

عاديى جدا تشيرين أو تحدثي مع زوجة أخيك أنكما ستذهبان بعد يومين أو ثلاث
من رايي تذهبي أسبوع عادي جدا وخلي الأسبووع الثاني خوك مع زوجته عادي جدا وخاصة اذا خرجتوا من الصباح للمساء

[صبرا13]

السلام عليكم و رحمة الله و بركاته
لفت انتباهي في سردك كلمة غراتوي(مجاني)، فلا اعلم عن اي مجانية تتحدثين، الأماكن السياحية تشهد الغلاء الفاحش في الإقامة و الاكل، فان وفرت في تكاليف الإقامة لن توفري في الاكل، ثم حدثتنا عن زوجة اخيك، ماذا عن زوجك؟
أهو سهل المعشر، عزيز النفس بحيث تتأكدي انه لن يتعكر صفو علاقة اخيك بنسيبه و هذا أدهى و أمّر، انا اتفهم انك قلت ان إمكانياتكم محدودة، و ان اخوك بارك الله فيك، حرص على ان يدعوكم للترفيه عن نفسكم و لكن النفس في طبعها الا من زَكَّيت تميل الى البخل
قال تعالى (( قُلْ لَوْ أَنْتُمْ تَمْلِكُونَ خَزَائِنَ رَحْمَةِ رَبِّي إِذًا لَأَمْسَكْتُمْ خَشْيَةَ الْإِنْفَاقِ ۚ وَكَانَ الْإِنْسَانُ قَتُورًا))
معناه حسب ابن كثير يقول تعالى لرسوله صلوات اللّه وسلامه عليه، قل لهم يا محمد: لو أنكم أيها الناس تملكون التصرف في خزائن اللّه، لأمسكتم خشية الإنفاق، قال ابن عباس: أي الفقر، أي خشية أن تُذْهبوها، مع أنها لا تفرغ ولا تنفد أبداً؛ لأن هذا من طباعكم وسجاياكم، ولهذا قال: { وكان الإنسان قتورا} قال ابن عباس وقتادة: أي بخيلاً منوعاً، وقال اللّه تعالى: { أم لهم نصيب من الملك فإذاً لا يؤتون الناس نقيراً} أي لو أن لهم نصيباً في ملك اللّه لما أعطوا أحداً شيئاً، ولا مقدار نقير، واللّه تعالى يصف الإنسان من حيث هو إلا من وفقه اللّه وهداه، فإن البخل والجزع والهلع صفة له، كما قال تعالى: { إن الإنسان خلق هلوعا إذا مسه الشر جزوعا وإذا مسه الخير منوعا إلا المصلين} ولهذا نظائر كثيرة في القرآن العزيز.
فمثل هذا الامر فيه من جهاد النفس ما فيه، فان كان اخوك و زوجك أهل لان يجاهدا نفسهما في ذلك، فاللهم بارك، اذهبي و لا تطيلي، اما اذا كان غير ذلك و انت ادرى بأهلك، الزمي بيتك، فالأيام دول، اسألي الله من فضله، و ان شاء الله سياتي اليوم الذي تذهبين فيه الى السياحة الى أغلى الأماكن و ما ذلك على الله بعزيز.

[طيور الجنان]

اختي نحيييييك ياريت كامل النسا كيما انت و الرجال كيما خوك الحمد لله .
مافيها والو اختي عادي كي تروحي و احتمال كبييييير تكون زوجة اخوك علابالها و انت ماش راح تقلقيهم لانكم تباتو برك و كل عائلة راح تحوس وحدها روحي اختي و بدلي الجو ربي يهنيكم ان شاء الله

[الجزائريه]

روحي_عادي_نظن_خوك_راهو_قال_لزوجته

[Amouna.DZ]

شوفي لو كانت عندي أخت زوجي بهذي العقلية نقبلها و نقبلها وبلا مزيتي نحب ناس لتفهم روحها كيما نتي حقا ماشاء الله عليك .... حاولي فقط ماتحتكيش بيهم أقصد أخرجي نتي و زوجك و بنوتك حوسو و أزهاو و أرجعو ريحو و تنفسو ف دار أخيك يومين راني نشوف فيها قلال بزاف ....ربي يخليكم لبعضاكم ياااارب