هل تتقدم لها؟ هل تقبلين به؟

[مشكلتي]

السلام عليكم جميعا


السؤال الذي أطرحه عليك اخي هل تتقدم لفتاة كانت على علاقة سابقة مع احد ما وامام مرأى الجميع وعلم اهلها واهله ولمدة سنوااات لكن حدث الانفصال بينهم؟ وانت اختي هل تقبلين بهذا الشاب ان تقدم لك؟ علما انهما محترمان جدا والجميع يشهد لهما بحسن الخلق لكن خطاهما انهما دخلا في علاقة مع بعض كانا (متاكدين) انهما سينهيانها بالارتباط الرسمي لكن لاسباب مجهولة لم يحدث ذلك وحدث بينهم الانفصال


ملاحظة من الإدارة
كل الردود المقتبسة للأعضاء تحذف دون الرجوع لأصحابها

[مياسم الصمت]

السلام عليكم ورحمة الله وبركاته

يا أخ الأمور لا تؤخذ هكذا
هل تقبلين ؟
هل تقبل؟
الموضوع يخصك وحدك
فوجه السؤال لنفسك
هل يمكنك أن تتزوجها وتتحمل كل التبعات الناتجة عن ذاك الارتباط السابق

هل شكوك لن تؤثر على علاقتك معها
هل غيرتك لن تتقد وتشتعل نار الغضب ليؤثر على يومياتك كلما لمحته أو التقيا صدفة في الطريق

هل ستتجاهل السؤال المحرج
هل ما زالت تفكر فيه وهي على ذمتك

ان استطعت ان تتخطى كل ذلك يمكنك ان تقرر بمفردك ان كنت ستتزوجها ام لا

[ع.عيسى]

مستحيل ان اتقدم لهذا النوع من النساء

[اريج 07]

السلام عليكم
الا عدنا نحاسبوا كيما هكا مكانش مرا ولا راجل راح يزوجوا لانوا مكانش لي دارتش علاقة و مكانش لي مهدرتش حتى في الهاتف ولا الفايس الا من رحم ربي قايل وين تلقا لي مدروش علاقات
انا عن نفسي نقبل لاني متاكدة انو رجال كامل داروا علاقات و نساء كذلك و ماشي كي قلت هكا سما راني نشتم فيكم لا لكن كامل حبينا و كامل هدرنا لا بغا غير بالرسائل

[الرأي الاخر]

بصراحة انا اقبل بفتاة كانت على علاقة برجل اخر ثم انتهت العلاقة بينهما وذلك لسبب واحد لانه لا تةجد فتاة دون علاقة سابقة مايوجد فقط هو اان البعض نراه والبعض يعرف كيف يتخفى ,

[*أم سجى*]

الجواب بسيط جدا........بالنسبة للشاب أكيييييد سيتزوج وفي الحين وأي وحدة تقبل بيه .........بالنسبة للفتاة اذا كانت جميلة ذات قوام رشيق سوف تنخطب وتتزوج بسهولة أما اذا كانت قبيحة فهي لن تتزوج مطلقا خاصة وأن ماضيها سيئ.... قالك سيدي مليح وزادو الهوا والريح ههههههههههههه

[ساجده 82]

سلام .سامحوني خاوتي ولكن والله نتعجب من بعض الردود .تاع ماكانش راجل مادارش علاقه وماكاش امراه .لاكاين .وكاين ومازال كاين .الحمد لله رانا مسلمين .
فرق بين الاعجاب.اللي تعجبي بفلان .اوحتى تحبيه وبين ديري علاقه رسائل وهاتف وووو
لا سامحوني كاين علاش تعمو وماتقولوليش قليل .قضيتو على الخير .ياختي اذا حبيتي واحد وجاك خبر انه يحبك ولكن لاكلمتيه ولاراسلتيه فرق كبير علاش تربطي قلبك ولا يربطو ولكن انك شابعه علاقات اللي جي تحبيه قلبك رجع طعام مفتت اللي يجي وراه والراجل كيف كيف . سميوني كيما تحبو معقده متخلفه ...ولكن هدا هو الصح دينا ماكاش حاجه حللها وحرمها الا لحكمه او حتى ويزوج بيك .والله اللي مايتبنى على لحلال غي يلحق للذريه .عيشو سعداء خمو على ولادكم ووو لا جحا تخطي راسي..المهم هذا راييي

نجي للاخت .الراجل تبانلي .قليل اللي يقبل .بحكم هو يقدر يخطب وووو
اما الفتاه .نظن تقبل .وتبقى هذيك الغيره .شويه ههههه والله اعلم.

[----------]

حسب رأيي ...ا
لفتاة التي لها علاقة سابقة و انتهت ستقبل ان خظبها شخص كانت له علاقة و انتهت
اما تلك التي ماضيها نقي و لم تدخل في اي علاقة مع شاب
لا أظن انها ستقبل

[الفردوس غايتي الاسمى]

لقد سجلت خصيصا في المنتدى ليتسنى لي الرد على هدا الموضوع
"لا يوجد من لم يكن على علاقة" هل هده اصبجت قاعدة و لمادا التعميم ؟؟؟؟؟؟؟؟؟
الحلال بين و الحرام بين
فالطيبون للطيبات و الجزاء من جنس العمل
فانا لم اكن في حياتي على علاقة بأحد و الحمد لله و انا على ثقة تامة بربي انه لن يخيبني في اختيار الزوج المستقبلي
اما عن السؤال فسأرفض بدون تردد
و يبقى الزواج مكتوب و كل واحد واش مكتبلو ربي

[إسلام الفاروق]

ربما لا ادري
أظن على حسب شخصيتها و تصرفاتها فلا اريد ان اكون الخطة ب فتقارنني بحبيبها السابق خاصة بعد مرور السنوات

اما اذا كانت عاطفيا منجذبة نحوي و تحاول بتصرفاتها ان تكون العلاقة الزوجية حميمية اكثر فلا ارى مشكلة

اغلب البنات يواعدن الشباب سرا و علانية فلا يمكن ان تتوقع اذا كانت زوجتك منهم


سلام

[دنيا الامل 18]

انا عن نفسي اقبل ادا كانت علاقة محترمة

[~رآقية بأخلآقي~]

إذا كانت مرت فترة طويلة عن الانفصال و هي لم تتزوج بعد أقبل لأن ذلك يعني أنه لا يفكر فيها مرة اخرى..أما إذا كان قرار زواجه بعد زواجهها هي فلا أقبل...

وبالنسبة اللي يقولو انو مكانش اللي مدارش علاقة راكم غالطين فالحمد لله مزالو كاينين وكاينين بزااف تاني والشخص ميعممش كي شاف نفسو دار هذاك الشيء والا الناس المحيطين بيه معناها انو الناس كامل دارت...!!!

وربي يهدي الجميع

[طيور الجنان]

عن نفسي مانقبلش ابداااا ماشي انا نحافظ على روحي من اي علاقة و مع الاخر نقبل لالا ابداااااا و كل واحد و قناعاتو

[أم سلوى]

زوجي.كان سيتزوج من اخرى...
أما انا فلم أكن على علاقة بأي انسان....ولل اعرف اي واحد الا زوجي..
لذا..انا قبلت بشرط يعتدل...ويحترم وضعه مستقبلا..
وهو ما حصل....

[chahinez benyahia]

لا أكيد ما نقبلش

[الرأي الاخر]

يانساء كن صريحات ولو في المنتدى ؟

[bello angel]

مفهمتش علاه الرد اللي نحطو يتحدف ؟؟؟

على الاقل كون راه من عندي
مقتطفات لاحمد الشقيري

من أروع مآقآله أحمد الشقيري : ..... إذا لم تتزوج حبيبَتك فَكن على يَـقين أَنك تَزوجت حَبيبة شَخص آخر [♥] ...
فنَحن في زَمن لا يخلو مِن الحب.. يعآب آلزوآج من رجل أحبتھ آمرأھ ! ويعآب آلزوآج من آمرأھ أحَبھآ رجل ! و آلرسول يقول :- ( لآ أرى للمتحابين إلآ آلنكآح [♥] ) و مجتمعنا لا يرا للمتحآبين إلآ آلعقآب ..

هل انتم ضدي ام ضد الاعلامي احمد الشقيري ؟؟؟ الدي يتابع ارائه ملايين الناس حول العالم و ساهم في بناء فكر شعوب تجو نتوما في منتدى الجلفة تحدفو كلامو ما عجبكمش ؟

[سفير الأيام]

بصح كفاه لازم تزيد شوية توضيح
ادا كانوا ا مخطوبين والجميع يعلم نورمال بصح استنى شوية ماشي تظل في الخرجات معاه وكالطابع البريدي

خطوبين بصح كل واحد شاد روحه ماشي داخل خارج من بيتهم وهي من بيتزيريا للبحر ورجليها ولاو 45 وممبعد تقولي عادي

لالا

ديجا مخطوبة التلفون وما نحبوهش يكون بيناتنا حتى تعقد تولي حلال


وما بالك الجري في كل مكان

[Abe_sparrow1]

القضية هي ماذا تقصد بعلاقة أمام الجميع والأهل لمدة سنوات؟ هل هي خطبة أم ماذا؟ إذا كان الأمر مجرد إعجاب ووعد بالزواج ثم لم يكتب الله أن يتم الأمر، فيمكن تقبل الأمر لأن القلوب بين أصبعين من أصابع الرحمن يقلبها كيف يشاء. أما إذا كان الأمر أكثر من ذلك وفيه ما فيه فـ: لا شكرا.

[مسلمة بالفطرة]

اذا كانت العلاقة كيما قالت احدى الاخوات من فترة زمنية طويلة ومع شخص واحد ماشي كل مرة مع واحد وفي حدود الاحترام ماشي مشكلة لانو الانسان يغلط ماشي ملايكة وساعات تكون الظروف اللي عاشتها فيها ضغط كبير او الصحبة السيءة بصح اللي متربية تعود الى اصلها والخطا تاعها يكون بسيط. ...... اما الشاب فييتزوج عادي فالمجتمع تاعنا ما يتحاسبش على هاذ العلاقات هذا رايي و يبقى مجرد راي