نحشم بيه.....!!!

[مشكلتي]

السلام عليكم يا جماعة، واش رايكم فوحدة تحشم براجلها؟؟ الله غالب فوق طاقتي ما يبانش قدام بابا و خاوتي لا ثقافة لا زين... كي يجبدو هدرة يبقى ساكت حتى عايلتي الكبيرة كامل لاحظوه و عايروه!! حتى وليت منديهش معايا، في كل المناسبات وحدي، و الله كرهت و قبلت بيه بلا منعرفو بزآف على جال سني!! تزوجت به وندمت لا جملة مفيدة لا قرارات صائبة لا هدرة في محلها... كي يكون وسط الرجال يبقى غير يضحك معندوش لغة الحوار ميشرفنيش قدام دارنا،كي يبداو يقارنو بين رجال قريباتي نحب نموت يا ناس كرهت افهموني، كاين رجال هكذا؟ كفاه ندير معاه!! مع العلم انو جامعي لكن الثقافة،0000 عييييييييت نحشم بيه بزاف!!!

[نعمة الله15]

لا حولة ولا قوة الا بالله يا بنات الجزاءر راكم تخلعوا وفي نفس الوقت تخوفوا لي حبت تخلع زوجها ولي تحشم قدام الناس بزوجها لو كان عندكم ذرة ايمان مدخلوش ديروا مواضيع كيما هادي

[♥ياسمين عاشقة العلم3]

ختيتي أنا نقولك الحقيقة ونصارحك ماكانش لازم تتزوجي ببواحد علاجال سنك برك ☺☺☺نتي سيي أهدري معاه بلطافة احكي معاه افهميه ....احكوا مع بعض ...وراح توالفيه اكييييد ....♥♥♥هادي هي نصيحتي ليك حبيبتي

[مينو 05]

اختي ربي يهديك اذا كان معاك مليح وميظلمكش وش يهمك فالناس اذا قدرتي اهدري معاه مبصح بلاك تجرحيه صدقيني المهم يكون معاك مليح هدرت ناس والله ماتهمك

[إسلام الفاروق]

للاسف

ربي معاك اختى زوجك تربي على مفهوم خاطئ للرجولة و جيل القادم راح يتصرف كامراة على انه التصرف الصحيح

المهم

حاولي بالرقية و طبيب نفسي حتى يفرض نفسه امامك و امام الاخرين ارمي عليه المسؤلية و اتخاذ القرارات حتى التافهة و اذا اصاب امدحيه

لا تخربي بيتك اتفهم استياءك من الرجل غير حازم ولا يفرض نفسه امام الاخرين

[azpak]

اختي ربي يهديك اذا كان معاك مليح وميظلمكش وش يهمك فالناس اذا قدرتي اهدري معاه مبصح بلاك تجرحيه صدقيني المهم يكون معاك مليح هدرت ناس والله ماتهمك
+1

للاسف

ربي معاك اختى زوجك تربي على مفهوم خاطئ للرجولة و جيل القادم راح يتصرف كامراة على انه التصرف الصحيح

المهم

حاولي بالرقية و طبيب نفسي حتى يفرض نفسه امامك و امام الاخرين ارمي عليه المسؤلية و اتخاذ القرارات حتى التافهة و اذا اصاب امدحيه

لا تخربي بيتك اتفهم استياءك من الرجل غير حازم ولا يفرض نفسه امام الاخرين
+1 ...

[azpak]

أختي الكريمة أنتي في نعمة عظيمة لم تريها بعد...صدقيني أختي أتت منزلنا اليوم وهي تبكي لأن
زوجها متسلط وصعب ...كانت معجبة به لكن الآن ندمت وقالت ياليتني تزوجت شخص لطيف مثل رجلك
لا تخطئي ...أنت في نعمة عظيمة ورجلك نسان طيب جدا ولكن الناس تحتقر بالعين لأنه يقدرهم ليس لأنه ليس مثقف
وما همك أنت في الكلام والثقافة والمواضيع التافهة التي يناقشها البعير يوميا ...
فالكلام يبقى كلاما تافها مهما وصل لا كلام الدين والسنة فقط
افرحي لأن الله رزقك زوجا صالحا مثله ...
بالتوفيق

[مصطفى_س]

السلام عليكم و رحمة الله

اختي في عوض تساعديه وليتي تحشمي بيه
و رجالكم لي هوما سياد دياركم و توقفو معاهم كرهتوهم الله يهديك اختي

اذا شفتي بلي هذا عيب انت هي كلشي مرتو قومي بيه اعرفي كيفاش تعلميه يهدر مع الناس او مع اهلك
اذا مرض داويه
اذا شفتيه طاحت بيه اوقفي معاه لاخر لحظة موش تهربي و تكرهي

قومي بزوجك انت هي كلشيء بالنسبة ليه هو تزوج بيك انت مراحش لواحدة اخرى و اكيد ميخممش في واحدة اخرى
تحاوري معاه قريه خليه يقرا كتابات التنمية البشرية

ايااااك و تقارني زوجك بخاوتك اياك زوجك في شوط و خاوتك في شوط
و الناس اذا شفتيهم ضحكو عليه دافعي عليه انت بدلا من تحشمي بيه

يا للاسف

[imen rg]

إذا قعدتي تقارن فيه بالرجال عمرو ولا يقنعك

[*أم سجى*]

انا طريقة السرد جاتني تع راجل مش تع امراة ولو كنتي بالفعل امراة وش راح نقولك الرجل انتي تصنعيه بقدراتك وطاقتك القوية الضعيفة وادا زوجك راه داير هاك هدا كامل منك وادا انتي عندك زوج كاين نساء تتمنى نصف ربع زوج هيا استغفري مولاك واطلبي السماح بينك وبين روحك مش زوجك عطالك النت وعطالك الحرية في يدك ودار فيك الثقةونتي هناي تفرحي بيه فالغاشي ربي يفتح عليك ويهنيك ان شاءالله

[طاعة زوجي ..]

فَرَضًا لو كان العكس ، لوكنت أنت من فيها تلك الصّفات هل كنت ستقبلين لو قال عنك الشّيء نفسه ، أكيد لا ، المقارنة مؤلمة كثيرا ، وما دُمت قد وضعت مشكلتك هنا ، فلا بُدّ أنّ السّيل بلغ الزّبى بالنّسبة لك ، وأكيد هذا واضحٌ له


نصيحتي إرضي بما قسمهُ الله لك ، هناك من زوجها متسلّطٌ لأبعد الحدود ، لا تذهبُ إلى بيت أهلها إلّا نادرا ولا تبيت إلّا في السّنة مرّتين فقط أو ثلاث على الأكثر ، لا خروج عند الأقارب إلّا للضّرورة القصوى ، لا نزهة لا رحلات ، يتركها في البيت ويذهب للتنزّه ولا يأتي إلّا ليلا
لا تخرجُ بمفردها أبدا حتّى وإن كان لزيارة الطّبيب وأمور كثيرة ، الملخصّ لا تخرج من البيت بالشّهر أو أكثر ، ومع ذلك هي راضية ، حتّى وإن استاءت ، تقول الحمد لله عسى اللّه أن يبعث من عنده فرجا تفرحُ به

لذا نصيحة أختي أنت قبلت به مضطرّة يعني لم تجدي غيره ، إبحثي عن محاسنه فهي موجودة أكيد وحاولي تحسين علاقتك به ومع الوقت سيتغيّر ، على أن تُقنعي نفسك به فالتّغيير لن يكون إلّا إن أردت أنت ذلك
وفّقك الله

[لحن الحياة.]

راجلك وما عَلَّمْتي .

[سفير الأيام]

نفصوا شوية من المسلسلات ولا راكم ترقدوا وتنوضوا ببراد بيت ومهند

انعلوا الشيطان واقيلا صندوق الهجالات خلعكم ورجعتوا تخموا غير كفاه تليكيدواااا الرجال




المرة القادة ستتطرقون لما يلي


اود خلع زوجي لان

ضحكته غير جدابة


لانه اقصر مني وكنت اظن انه مع الوقت ممكن يزداد طولا


عينيه كانوا عاجبيني ولقيته مركب عدسات لاصقة


حاباته يرجع صغير يشوك شعره ويلبس سروال مقطع وهو ما حبش يحقق لي امنيتي




...........................................

ربي يهديكم

[وسيمツ]

لا تلومي زوجك كثيرًا أختي ، فكما ترينه غير مثقّف ، الكثيرٌ هنا في المنتدى سيراك كذلك لأنّك لو كنت مثقّفة و علمت أن الزواج تعاون و تكامل ما وضعت الموضوع و لراكي نعتيلوا
تحاوري معاه باه يتعلم منك
حبّبيه في القراءة باه يهز حوايج و يقدر يهدر -مادام ذلك يسرّك-

ليس من عادتي الرد في مثل هذه المواضيع لكن آلمني فعلا كيف أن الزوجة من المفروض عندما ترى في زوجها نقصا أو انتقادا من الخارج تحتضنه و تحميه و تضمّ نفسها و صوتها له مهما كان لا عليه! لا تعبدي الناس و المظاهر لتكن مبادئك قويّة.

[nounounounou]

اختي ...............ربما زوجك خجول وتربى وسط الخجل اوكتوم ............وكما قلتي بما انو جامعي يعني من المستحيل انو معندوش تقافة ولو حتى القليل .........لكن اولا هو زوجك ولا يجب ان تخجلي به بل بالعكس تتقبليه بحسناتو وسيئاتو ......وحتى لو فرضنا انو مهوش متقف وانو جاهل حاوريه علميه اتناقشي معاه ووجهيه متتجاهليهش .... ....يا اختي اسمحيلي على ما ساقوله لكن هناا انتي لي تقافتك خانتك في هاد الحاجة .......مهما كان هو زوجك وهو ستارك هو كلش وانتي تحت جناحو ..........وهو لي يدوملك ........بالعكس بفعلك هدا تخلي عايلتك تحتقرو و يعفسو عليه ......لا لا اختي من غيرك انتي شكول لي يوقف معاه ......؟؟؟؟؟؟.......واهم شيء القناعه هي كلش اقنعي بالشي لي كتبهولك ربي ومتقارنيش روحك بالناس ......وصدقيني الظواهر خداعة و ميغركش الشيطان وفي الاخير نتمنى اني افدتك واسمحيلي على صراحتي.

[abdelkader90]

ارضاء النس غاية لا تدرك
الله يهديك ويكون في عون زوجك

[Chiba moh]

ربي يهدي ماخلق والله تتأسف ان تسمع كلام مثل هذا فان كان لا يحب ان يشارك الناس اطراف الحديث فلا يعني انه غير مثقف بل لترفعه عن التفاهات والكلام الذي لا يسمن وصدق من قال ان كان الكلام من فضة فالسكوة من ذهب:1::1:

[sarl02]

للاسف هذا هو الحاصل الان وقد لامست شخصيا حالات واقعية لمتزوجات ازواجهن لا يملان اعينهن الى اين لا ندري ربي يستر وخلاص .

[زينة نور]

علاه تسمحي لنفسك اولا ولناس يدخلوك في هاذ المقارنة التافهة
راكي تتلاقاي باهلك من مناسبة لمناسبة المهم تكوني هانية في دارك معاه الباقي معندو حتى معنى حاولي تعكسي الوضع لو جاء زوجك صعيب ويهينك ووووو هل تلقاي فاميلتك واقفة معاك منظنش راح اقولولك اتحملي واصبري هذا اختيارك
حاولي تخرجي من هاذ المقارنة التافهة وعيشي حياتك
ربي يهنيك

[دنيا الامل 18]

اختي زوجك لا عيب فيه ربما هو خجول بعض الشيء لكن انت لم تري جميع الصفات الايجابية رايت فقط هده ويا للعجب تقولين نحشم بيه وكانه فعل شيئا يخجل منه ربي يهديك حافظي على زوجك واقبليه كما هو انت قلت قبلته بسبب السن يعني وجدت انسان بهده المواصفات وجامعي هو من قبل بك رغم سنك ارجعي لعقلك وحطي زوجك في عينيك