المساعد الشخصي الرقمي

مشاهدة النسخة كاملة : كل وحدة تحطلنا طريقتها في الروز

صدق العطاء
2016-08-11, 17:16
سلام لبنات
جات عندي فكرة كل وحدة تحط طريقتها في روز وتقولنا واشمن روز تستعملو


نبدا
احنا نديرو ارز المفور ذاك اللي يجي في الصاشي

نطبخوه فالماء و من ثم كي نعرفوه هشاش نصفوه في الكسكاس ونديروه يفور وانتم :1:
صدق العطاء
2016-08-14, 10:11
اين مشاركتكم ؟؟؟؟
غيمة بيضاء
2016-08-14, 12:00
السلام عليكم
ماما عندها طرق بزاااف منها نتاع تسقيها بلاصوص
ولا تطيبها داخل الكوشة ولا تطيبوا فالكسكاس وما علاباليش هههههههههه
المهم اومبعد نسالها
صدق العطاء
2016-08-14, 17:08
السلام عليكم
ماما عندها طرق بزاااف منها نتاع تسقيها بلاصوص
ولا تطيبها داخل الكوشة ولا تطيبوا فالكسكاس وما علاباليش هههههههههه
المهم اومبعد نسالها

ههههههه مادابيك تجيبهم كل و تقوليهم بالتفصيل
منى27
2016-08-14, 20:20
أنا نستعمل روز لابال نطبخو و نطيب لاصوص حمرا خاثر بالدجاج نحط في زرودية مقطع صغيرة وجلبانة و نقلي بطاطا مكعبات ونخلطهم مع روز ومن بعد نديرها في كوشة تحبي ديريلها فورماج من لاخر
صدق العطاء
2016-08-14, 21:34
أنا نستعمل روز لابال نطبخو و نطيب لاصوص حمرا خاثر بالدجاج نحط في زرودية مقطع صغيرة وجلبانة و نقلي بطاطا مكعبات ونخلطهم مع روز ومن بعد نديرها في كوشة تحبي ديريلها فورماج من لاخر

تطبخوه وديروه في الكوشة ؟
اختي اذا قدرتي ديري موضوع مفصل عنو حطيه واعطينا الرابط وشكرا لمرورك
فاتي تيارت
2016-08-20, 10:24
انحبه بالخضار كى طيب الخضرة نرميه و نقس النار نحسب 15د نطفى يكمل طيابه فىحرارة المرق
منى27
2016-08-20, 19:06
[quote=ماريا2;3995985273]تطبخوه وديروه في الكوشة ؟
اختي اذا قدرتي ديري موضوع مفصل عنو حطيه واعطينا الرابط وشكرا لمرورك[/quot
سلام أختي لا هذي طريقة علمتني فيها مرت خويا روز نطيبو في الماء نص طياب ومن بعد ماطيبي المرقة تسقيه وديريها في كوشة خليه واحد ربع ساعة وهو في الكوشة ومن بعد الكمية لبقات من لاصوص زيديها للروز حتى ينشف عليه ومن بعد خرجيه من الكوشة إذا كان أي استفسار ابعثيلي
ome houssem
2016-08-20, 21:25
انا نستعمل ارز الوسام نقيه ثم نغسلو عدة مرات بالماء باش يزول النشاء تاعو تماما ثم نغمرو بالماء البارد ونخليه يتشمخ مدة ساعة تقريبا. بعدها نصفيه من الماء ونحطو في صوص بيضاء بها الجزر والجلبان والزيتون الأخضر المقطع ونتركو يجمر في قدر ونغطيه بورق الألمنيوم
ome houssem
2016-08-20, 21:34
طريقتي الثانية نغلي الروز في الماء نصف طياب ثم نكملو الطلاب بالتفوار اي نفورو حتى يطيب مليح ونحضرلو المرق التالي
بصل وثوم مقطعين مكعبات صغيرة لحم بقر مقطع مكعبات صغيرة جدا بحجم رأس الأصبع زيت ملح فلفل اسود توابل كرافس مقطعين فلفل حلو مقطع مكعبات حمص جزر جلبان قلي جيدا ثم اضيفي طماطم مرابيا ثم الطماطم المصبرة والهريسة قلي جيدا امرقي بقليل من الماء اتركيها طيب جيدا بعدها اضيفي مكعبات من القرعة المقلية وشرائح الزيتون الاخضر يجب ان تكون الصوص خاثرة بزاف سقي بيها الأرز المفور طبعا بعدما تعودي الأرً تاعك بقليل من الزبدة وشهية طيبة
sonia 1981
2016-08-21, 00:13
أنا نستعمل روز صوص
نطيبو في ماء + زيت ملح كركم ثم نصفيه ونفورو راهو يجي لونه اصفر
في نفس الوقت نفور جزر جلبانة بطاطا الي نكون درتهم قطع مكعبة و صغيرة
الان جاء دور لاصوص
شوية زيت نقلي البصل اللحم المرحي الملح الفلفل الأسود و لا تنسي الرند ومن ثم أضيفي الماء حوالي كاس و نصف و خليه يعقد
و في الاخير في قصعة كبي الأرز المغفور و الخضر و الصوص.
كل واحد عمريلو الصحن نتاعو وحيطيلو المايوناز قدامو لكان يحب
hassibabiba38
2016-08-21, 14:51
ربي يحفضكم لبنات علموني كيفاش نقدر نحط تصاور في المنتدى تعيشووووووو
دنيا الامل 18
2016-08-22, 18:28
شكرا لكم كنت ابحث عن طريقة طبخ الارز اللي عندها المزيد بالتفصيل تفيدنا و مشكورين