تسجيل الدخول

مشاهدة النسخة كاملة : وصفات لطلبة الجامعات

mariamalak
2016-08-10, 22:27
السلام عليكم
بعد فرحة النجاح بالباكالوريا و التسجيلات بدا التخمام فى المطعم الجامعي و ما يقدمه من اطباق شهية هعهععع
اختى بنتها جابت الباك و راهى تخمم عليها واش تاكل قاتلي خاصنى وصفات ساهلين تقدر ديرهم كى ماتاكلش فالمطعم الجامعي قلتلها نسقسيلك حباباتى فى منتدى الجلفة و نردلك الخبر
هيا الفحلات قولولي واش تقدر تطيب فى شمبرتها
فردوس الرحمان
2016-08-10, 22:41
فريت اوملات
darkangel
2016-08-10, 22:53
كلشي تقدر ديرو عليها و على شطارتها و باش ما تكلفش روحها الا كان لعشاء مليح تاعهم تخرجو و تعازدلوا الطياب و دايمن تخرج اللحم و الخبز و دير لعشاء واش حبت احنا الصح كان sles pâte ما تخطيناش باسكو كنا عايلة كبيرة
أم سلوى
2016-08-10, 23:09
بصل يقلى....حتى يحمر...يضاف اليها الطماطم..ثم بيضتين مع الملح فقط....امممممم
حاجة ساهلة ماهلة...
أم سلوى
2016-08-10, 23:21
بطاطا..في الماء وبيضتان زائد الزيت
om mouez
2016-08-11, 13:26
اول شئ مبروك عليها الباك اختي نعطيلك واش كنت ندير انا في الشومبرا هههههه كنت نطيب العجائن بانواعها حتى الكسكسي و مراقي تاع خضر كيما نقولو جواز بطاطا مع جريوات مرات لي فريت اوملات وهذه وصفة تقدر اطيبها في الشومبرا
http://www.djelfa.info/vb/showthread.php?t=1981259
كنا نطيبو حتى المحاجب في الويكاند ههههه فكرتيني في هذوك الايام الرائعين كنا شغل في الدار قوليلها تاخذ معاها مقلة صغيرة متلصقش و 2 صحونا و كسرونة صغيرة بالغطاء تاعها باش اطيب فيها الجواز وبرمة وكسكاس صغار و بول تاع حليب و براس تاع قهوة تاع 2 فناجن وكسرونة باش تفيض الحليب و مغرف و فرشيطة و تشري ريزيستونس من النوع الجيد او بلاك شوفونت احسن هذو لازم تديهم لانها تحتاجهم
فانيليا
2016-08-13, 15:50
حنا كنا نطيبو كلش كيما في الدار كنا نطيبو ف لاسيتي
كان عندنا فور و فريجيدار كانو معاويننا ميخسروش الماكلة

كنا نديرو طعام , جواز بطاطا و كورجات , شوفلور مقلي بالبيض , شكشوكة, فريت اوملات , جلبان, حريرة , ماسيدوان , معقودة بطاطا مشوطة, لاييري , لي غراتان .
الفطير القلي في الظيت و معسل , المسمن ,
كل جمعة طعام , الفطور مرات لي تبقا في العشا نحموها و ناكلوها
لابيري تقدر تشري هاديك الواجدة لي تتاع ف لي بوات
كنا نشرو الديول و شوية لحم مرحي نديرو البوراك مع الحريرة
درنا البركوكس , الليتزا
باختصار قوليلها تقدري طيبي كلشي
خصك كوكوت و مقلا و طاجين
فانيليا
2016-08-13, 16:01
قلي البصل حتى يذبل و زيدي عليه 2 حات تومات مرابيين ولا مقطعين كي طيب هاديك الطماطم و تروحلها الحموضية تفقس عليها حبات بيض
تقطع البطاطا مكعبات و طيبها في الماء و ديرهافي المقلى مع الفرماج تاع الريسطو ههه و تدير عليها البيض
كروكات الارز . طيب الرزو مليح ومبعد تهرسو بالفرشيطة ملييح ملييح تزيدلو الملح و حبة كحلة تعمرو بالفرماج و تديرو في البيض و لاشابلير و تقلوه. كنا نجيبو لاشابلير من الدار, ,
بطاطا مشوكة : ترابي البطاطا مع الزرودية تعرها مليح و تزيدلها الملح و البصل و لي زيبيس و تشكلها المغر ف و ترميها في الزيت
كي نكرهو الخضرة قاع لي عندنا نديروها في الكوكوت مع ليزيبيس و تومات كونسوتري الماء و نغعلقو عليها و نخلوها طيب
كنا نصنعو عجينة بالسميد و الفرينة و الملح و شوية زيت و ندلوكوها مليح و نخلها تريح رمبعد نشكلها كويرات صغااااار و نخليها تريح. ومبعد حليها كيما المسمن بصح هي تجي صغيييرة كيما ورقة البوراك و احشيها بلي عندك و روليها طيما البوراك , ديفوا نديرو لحم مرحي مع فرماج . مرات طاطا مقلية مع بيض طايب نبلعوها و نطيبوها في مقلى فيها مغرف زيت فقط’ ,
marwadjo
2016-08-14, 23:46
يعطيكم الصحة افدتوني حتى انا ديت باك وكنت غي تخمم شكرا
فاتي تيارت
2016-12-05, 17:46
ديرو الروز السباقيطى الفول الحمص
محمود بريم
2016-12-06, 08:10
انا بعرف اعمل اكثر من هيك
nariman155
2016-12-08, 19:13
merciiiiiiiiiiiii
Yara 26
2016-12-17, 17:26
حنا نديرو شربة بالحليب وبيض مغلي و سياغتي و طعام المغموم بالسكر
esp153
2016-12-21, 01:13
chokrannnnnnnnn
فاتي تيارت
2017-02-01, 09:44
ديرو يا لبناة روز زيدولو فرماج كاشير لحم
و ديرو مقارون طايبة مع ياغورت و جبن
و ديرو كسكس غسلوه و خلوه يقطر مليح بعد ساعة ديروه فى كسكاس و تحته طاجين و نفرغو عليه ماء طابخ يرتاح ساعة بعدها تسيبيه واجد ادهنيه كولو