الشبه طبي ام لغة انجليزية [الأرشيف] - منتديات الجلفة لكل الجزائريين و العرب

مشاهدة النسخة كاملة : الشبه طبي ام لغة انجليزية

~~ كَمَا الوَدْقْ~~

2016-08-10, 16:38

سَلَامٌ مِنَ اللهِ يَغْشَاكُمْ وبَركةٌ مِنهُ تَحفّكم ():
أخوتي أعضاء منتداي الغالى
أنا في حيرة من أمري ولااعرف لحالتي مخرجا مما أنا فيه بين ضغط الاهل ورغبتي الجامحة للوصول الى مرادي
انا متحصلة على شهادة البكالوريا علوم تجريبية بمعدل 14.34 وتم توجيهي لغة انجليزية ال ام دي
أهلي يطالبونني بدفع الملف لدى معهد الشبه طبي أما انا فرغبتي هي أن أعيد البكالوريا للمرة الثالثة وان اجمد السنة الدراسية للمرة الثانية
انا تحت ضغط كبير ولا ازال حائرة
رجاءا دلوني علها تستنار لي السبل

{ حديث الوجدان }

2016-08-10, 17:46

وعليكم السلام ورحمة الله ..

عليك بالإستخارة .

~~ كَمَا الوَدْقْ~~

2016-08-10, 18:01

شكرا أخي افيدوني بآرائكم

سارة ايروكا

2016-08-10, 18:35

~~ كَمَا الوَدْقْ~~

2016-08-10, 19:41

شكرا لك اختي ايروكا أرجوك أخبريني كيف استطعت التوفيق بينهما

سارة ايروكا

2016-08-10, 20:07

لا شكر على واجب
استطعت التوفيق بينهما من خلال استغلال وقت الفراغ في حل تمارين المواد العلمية كالرياضيات والفيزيا
بالنسبة للسنة الجامعية فالسيماستر لول ركزي على قراية الجامعة وفي نفس الوقت نحي عليك زوج مواد كيما انا رياضيات كملتها في اواخر ديسمبر اما الفيزيا كملت نضها في نفس الشهر
مي فسيماستر تاني نقصت تركيزي على الجامعة وركزت تركيزي على الباك اكثر
هي يا ختيتي لحكاية لازمتلها ارادة نحي من بالك فكرة "مانقدرش نوفق بين زوج حوايج" لالا تقدري ورغما عنكي فوق هكاك الباك كي تعاوديه رح تعتمدي فقط على المراجعة لانو عندك خبرة وتجربة كبيرة وعندك فكرة على الدروس والقوانين
كثري برك من التمارين ومادابيك الاجتماعيات ابداي اقرايهم من درك هاذي المادة نكرها بزاف بسك كون تخليها لمنبعد رح تضيعي وقتك فيها

اسئلة اضافية راني هنا ^_^

نان كيومي

2016-08-10, 20:57

يا اختي انا العام لي فات ديت الباك ب13.98 ودرت بيولوجي ومابلوكيتش العام قريت للباك وللجامعة في نفس الوقت والحمد لله خرجت عامي ب11 وديت الباك ب 15.60
نفس الشي بالنسبة لصحبتي داتو ب13.52 وقرات باراميديكال وفي نفس الوقت عاودت الباك وداتو ب15.30

اذا حابة تعاوديه ننصحك ماكالاه تبلوكي عامك اقراي من جهتين

اما كي نقارنو بين شبه طبي ولغة انجليزية لزوج راهم ملاح
شبه طبي تقراي تكملي تلقاي خدمتك واجدة وفيه تخصصات بزاف تخصص تمريض ولا قابلة ولا مخبر
ااما الانجليزية تاني مليحة كي تتخرجي تقدري تولي تقري

لكل واحد رايه لكن اختي انصحك تجربة ابلوكي العام و تفرغي للباك و صدقيني لولا القضاء و القدر و ان كل شيئ مكتوب لقلت ان الاخت كانت ستحصل اكثر لو تفرغت للباكالوريا وكما يقول خير البشر اعقلها و توكل اي خذ بالاسباب اي اذا اردتي اعادة الباكالوريا تفرغي لها فما الفائدة من افراغ طاقتك في شيئين احدها لن تنظري له العام القادم ... تجربة شخصية

الشبه طبي ان فكرت في العمل القريب الانجليزية ان اردت الدراسة ثم العمل ولو بعد حين حيث تتطلب الماستر و الدكتوراه لمناصب جيدة

استخيري

~~ كَمَا الوَدْقْ~~

2016-08-10, 21:21

شكرا على ردودكم أسعدتموني وافدتموني

~~ كَمَا الوَدْقْ~~

2016-08-10, 21:26

أختي ايروكا انا أتسائل عن المراجع المهمة التي استخدمتها في العلوم والرياضيات
وكيفاش نرتب وقتي لانو سمعت في الشبه طبي اغلب الوقت يكون ستاج كيفاش ندير

شوشو 11

2016-08-10, 21:29

رايي ...انجليزية ا م د لازم تكملي للدكتوراه ولازم معاها ارادة فولاذية وان شالله تتفتح لك افاق انك درسي فالثانوية او حتى الجامعة
اما الشبه طبي تكوين 3 سنوات مع التوجيه للعمل وهو متعب ويحتاج الى ضمير حي في زمن موت الضماءر
اما الاعادة فهذا عين الصواب بشرط ان تبعد ي عنك اراء الناس المثبطة ...ولتتفرغي له وتركزي جيدا
موفقة

~~ كَمَا الوَدْقْ~~

2016-08-10, 21:31

شكرا لك أختي شوشو على النصيحة مرورك أسعدني

سارة ايروكا

2016-08-10, 21:39

يا ااخي نتا نصحتها تبلوكي وتتفرغ للباك فرضا ربي ما سهللهاش فيه وماداتوش كيما حابة هكاك رح تخسر عام كامل باطل

اختي بالنسبة للمراجع فالعلوم كاين كتاب احمد امين خليفة انا ماحليتش تمارينو مي اكتفيت بقراءة التمرين ونجاوب في راسي ونروح للاجابة نتمعن فيها ونفهمها مليح على خاطر معظم اسئلة البكالوريات جاو مشابهين لاسئلة التمارين فالكتاب هاذاك
مي فالرياضيات اعتمدت اكثر على تمارين تع ليكور تع العام لي فات وكثرت من المواضيع تع الثانويات الاخرى والبكالوريات بشرط يكونو مع حلولهم باش نتأكد من اجوبتي

كل ما تلقاي وقت فراغ ومايكونش عندك كونترول اجبدي ريفيزي للباك
كوراج برك وتلحقي
اذا راكي خايفة منبعد على الوقت ابداي نقصي عليك حوايج خفاف من درك

طالبة2013

2016-08-10, 21:41

افضل قرار شبه طبي

انا جبت باك و عاودتو و جبتو و لقيت بلي شبه طبي افضل ليا

درت تخصص مخبرية

و تخرجت الحمدلله و رايحة نبدا خدمة

و فهذا وقت خدمة صعيييييبة مكانش
مادام عندك فرصة تخدمي و يعود عندك منصب ديري حاجة لفيها مستقبل

لويكت و نتي تعاودي فباك؟؟؟؟

و زيد شبه طبي كل عام زايدين يطلعو معدلات قبول العام الماضي ادنى معدل كان بين 13 و 13.5

كامل يروحو ليها

انت لديك فرصة تدخليها

و لجايبين اقل من 13 مساكن وش يديرو

اختي خممي مليح و داركم يحوسو على افضل ليك و مستقبلك يكون مضمون

بتوفيق

Maroua Mona

2016-08-10, 22:22

اعتمدي على الاستخارة اولا
فيما يخص التجميد على ما اعتقد لديك فرصة واحدة فقط في التجميد يعني لكل باك سنة واحدة فقط لا يمكنكي ان تجمدي سنتين بنفس الباك و الله اعلم
لمزيد من المعلومات اطلعي على هذا الموقع :

http://www.ency-education.com/conge-academique.html

بالتوفيق

Maroua Mona

2016-08-10, 22:29

اختي سارة ايروكا ممكن تتواصلي معي
هذا حسابي :
https://www.********.com/nessmatjannah

مكان النجوم اكتبي فيس بوك

~~ كَمَا الوَدْقْ~~

2016-08-11, 09:19

شكرا لكم افدتموني
أسأل الله أن يقضي حاجياتكم