حاجة نورمال هدي ولا غير انا لي معقدة؟

[مشكلتي]

سلام ندخل في الموضوع مباشرة

انا عمري 25 سنة واحد متقدم يخطبني مع العلم اني ناس ملاح ومتحجبة هو صح سمينة مي مش سمنة لي تبشع عادي وزينة مقبولة الحمد لله

مي لحاجة لي مدوختني ديما تقولو نحوسو على بنت فاميليا وووو وفي الاخير تتزوج غير لي تخرج مع هذا وهذاك ولي متخرجش من دار ومتربية تريح في دار باباها ويرجعو يعايرو فيها


المهم ربي يرزق كل وحدة بزوج صالح ويفرج على كل مومن ومومنة

[Adel didou]

سلام ندخل في الموضوع مباشرة

انا عمري 25 سنة واحد متقدم يخطبني مع العلم اني ناس ملاح ومتحجبة هو صح سمينة مي مش سمنة لي تبشع عادي وزينة مقبولة الحمد لله

مي لحاجة لي مدوختني ديما تقولو نحوسو على بنت فاميليا وووو وفي الاخير تتزوج غير لي تخرج مع هذا وهذاك ولي متخرجش من دار ومتربية تريح في دار باباها ويرجعو يعايرو فيها


المهم ربي يرزق كل وحدة بزوج صالح ويفرج على كل مومن ومومنة
يا اخي كلشي مكتوب

[احلام قد تتحقق]

الزواج قسمة ونصيب لذلك لا تربطي تأخر الزواج بالحشمة أو الحياء .عليك الإكثار من الدعاء والإستغفار ولا تنجري وراء من يدعوك إلى مخالفة الشرع من أجل الزواج فلم تكن يوما معصية الله مجلبة للرزق " ومن يتق الله يجعل له مخرجا ويرزقه من حيث لايحتسب "
أسأل الله أن يرزقك زوجا صالحا تقر به عينك .

[sunshine2013]

السلام عليكم
اختي الزواج قسمة و نصيب و كي ديري هادي في بالك. ترتاحي انا نعرف وحدة تسكن في الريف جامي خرجت و تزوجت في الماريكان شوفي المكتوب و كاين اللي دل برا والو و العكس صحيح يعني مكاش قاعدة نتبعوها في هاد الامور اصبري و ادعي ربي و اشغلي نفسك. بامور مفيدة هوايات تعلمي صنعة و مرة على مرة اخرجي في كاش مناسبة بلاك يخطبوك و كلش بالمكتوب ماكي معقدة ماوالو انسانة عادية

[حميد.ص]

سبحان الله

في الواقع الزواج قسمة ونصيب و الواحد ما يدي غير الي كتبلو الله

و صراحة المشكل تاع الزواج موجود عند الراجل و المراة على حد سواء و انا شخصيا عندي اكثر من عام نبحث عن زوجة صالحة و مازال مالقيتش

الواحد يتوكل على ربي و يكثر من الدعاء و ربي يهني كل واحد

[ع.عيسى]

سلام ندخل في الموضوع مباشرة

انا عمري 25 سنة واحد متقدم يخطبني مع العلم اني ناس ملاح ومتحجبة هو صح سمينة مي مش سمنة لي تبشع عادي وزينة مقبولة الحمد لله

مي لحاجة لي مدوختني ديما تقولو نحوسو على بنت فاميليا وووو وفي الاخير تتزوج غير لي تخرج مع هذا وهذاك ولي متخرجش من دار ومتربية تريح في دار باباها ويرجعو يعايرو فيها


المهم ربي يرزق كل وحدة بزوج صالح ويفرج على كل مومن ومومنة

شوفي اختي حذار من اتباع النصائح الهدامة ، حذار من بناء اية علاقة او تعارف بدعوى انك تبحثين عن الزواج ، لانك قد تصادفين من لا يخاف الله ويوفعك في شركه حينها لا ينفع الندم ، وقليل من الشباب يتزوج من صادقها او صاحبها ، بنات الفاميليا كما انت مطلوبين بالريق الناشف ، لاداعي لان تتعبي نفسك بالبحث ، لانهم سيجدونك بسبب او اخر فقط الصبر والدعاء كفيلان بالنتيجة

[الجواهر]

الزواج مكتوب .. حاولي تنقصي السمنة و ديري لاتاي ... الاستغفار و الدعاء حتى قضاء الحاجة ان شاء الله

[{ حديث الوجدان }]

نهار يجي مكتوبك تولي تضحكي على روحك كي تقراي هذا الموضوع

ياو كلشي بالمكتوب وتحيا المرا المحتشمة وبنت الفامليا

[kaderr09]

السلام عليكم و رحمة الله وبركاته
ليكن في علمك أن لكل ذوقه الخاص فهنالك من يفضل الرقيقة أو السمينة و ما إلى ذلك ، وإياك والتحليل فإنه لا يفضي إلى خير.
فالحيلة و الخداع أصبحى من العادة في أيامنا هذه، و ارضي بما قسم الله لك ، فبحكمي رجلا أغلب الذين عرفتهم وأعرفهم يفضلون الفتاة الحيية المتخلقة فإياك والتهور.
الحياء للرجل جميل وللمرأة أجمل.
والحمق داء ما له دواء

[خالد عنابي2]

كي تعود وحدة مخبية فالدار على مدار السنة شكون لي رح يعرفها باه يتقدم ؟

وحتى لو عرف فلن يتقدم لانه لا يعرف اي شيئ عنها ولا احد يتقدم لمجهول

في المقابل لا يجب ان تجعل المراة نفسها سلعة معروضة للبيع

وبين هذا وذاك جدي طريقا لنفسك

[دنيا الامل 18]

الزواج مكتوب كيلحق ما كان حتى واحد يحبسو

[روح المي]

زواج قسمة ونصيب
ومزال مكتوبك
توجهي بالدعاء
ابذلي اسباب البسي ملابس انيقه في اعراس
وفي داركم
وحاولي تكبري دائرة معارفك اخرجي ادخلي
باه تشوفك ناس
ولا تكثري طبعاوانخرطي حتى في جمعيات مثلا تحفيظ قران
منها تكسبي اجر للاخرة
وربما يكون سبب لخطبتك اعرف كثير من بنات تمت خطبتهم في جمعيات لقران لان بها كثير من نساء

[إنسانة بسيطة]

قلناها وعاوناها
الزواج مكتوب ربي مكاش لي لبست الميني جابت راجل الا ربي مكاش حاطو في طريقها كرزق ومكتوب
وزيد عفسة بنت فاميليا معندهاش تعريف جامع مانع كل شخص ويكفاه يشوف ليها كاين لي تلبس جلباب يقول هاذي هي كاين لي تكون بنت ناس معروفين يعني الأب تاعها ناس ملاح يحكموا على الأب تاعها بغض النظر عنها وعن شكلها .

[FELLA BIO]

بادئا ببدا دعيني أقول انك لازلت صغيرة والمستقل كله امامك
كنت اتمنى ان اعكس كلامك وأقول أن الواقع ليس كما قلتي لكن للأسف هو كذلك تقريبا كل من تأخر زواجها ستجدينها ممن تحافظ على الجدية والعفة و التي لم تقم في حياتها بشئ قد تخجل منه
عندما نقرأ هنا مواضيع الأخوة من الرجال استغرب وأقول ربما رجال منتدى الجلفة قادمين من كواكب أخرى لازال فيها الرجل يعبر عن الرجولة الحقة لكن بمجرد ولوج الواقع والالتفاف من حولي أجد أن الكل يمارس عكس المبادئ التي أقرأ عنها في منتدى الجلفة ،،هذا لا يعني أن كل من تتزوج ستكون صاحبة علاقات لكن و كان الشيطان يبرز لنا فقط قصة تلك التي تتزوج أحسن زواج وهي التي كنا نسمع عنها ونرى منها ما من المفروض لا يقبله رجل
يبقى أن أقول أن الله يرزق من يشاء بغير حساب ،و هي اولا أرزاق و دار الدنيا لا تساوي جناح باعوضة ..ربي اجعل غدنا خير من يومنا و اهدنا سبل الرشاد

[راما شهد]

للاسف هدا هو الواقع ربي يرزقنا ازواج صالحين

[sarl02]

الى صاحبة المشكلة صفي قلبك وادعي ربي باش يرزقك بالزوج الصالح ...وتاكدي لو اتى نصيبك حتى احد ما اوقفولك...واخطيك من مراقبة الناس وقذف بنات جنسك اللاتي تزوجن عن طريق اقامة علاقات ووو...ياخي هذو اتزوجو ودارو ديارهم ولا يعيشون في الحرام بل في الحلال انت ما دخلك. ؟؟...او انك تريدين اقامة علاقة وما طارتلكش؟؟..لا يا اختي دعي العباد لرب العباد وكلنا خطاؤون وخير الخطائين التوابون ....وفقك الله في مسعاك.

[لحن الحياة.]

ياو انا خطبتني وحدة لخوها واومبعد كي سقسا عليا قالو عليا هذيك راها حشااااااااااااااااااااااااااااااااااااامة بهلولة
امالا السيد دا في بالو كلمة بهلولة وجايحة وذهب ولم يعد وجاتني اختو وتضحك بيها الحرج تاع الموقف قالتلي تعرفي المكتوب والله كي خطبناك رحنا حضرنا سوتنونس تاع صاحبة اختي فلانة وكي شاف وحدة صاحبتة صاحبتة اختو محسوب مكيجة وتضحك وكذا وتسربي قالهم هذي اخطبوهالي هههههههههههههههههههه أيا لي تفسرهالي هذي نستعرف بيها
انا بهلولة وافتخر معليهش و ضرك عمري 56 سنة
يا اخت مشكلتي
نتي احضري لعراس يشوفوك النسا كيما بكري وكوني محتشمة واخطيك من العرا و الصوالح هذو او كي يجوكم نسا ضيفات سربي و قصري معاهم ما يدوش عليك نضرة تاع حزن بصح ثاني متعوديش غالقة على روحك في داركم و مكتئبة و ++++++ مزلتي سغيرة

[mrmilano1984]

شكون قالك الراجل مايحوسش علي مراة محتشمة مستورة تستر دارو وعارو ومتدينة صح وماتخمسش مع اي راجل كان الا زوجها وتقبل الا زوجها وووو تاخد رايو وتطيعو وماتكونش خلاطة وتنافق وتلعبها سيريوس وبنت فاميليا ووو وهي ربي لي عالم اخلاقها وتربيتها وتدينها وووو راكي غالطة كما كاين نساء يحبو رجال كما يتصوروهم في مخيلتهم كاين نساء يحبو رجال كما راكي تتكلمي عليهم مش بشوشة وصارمة
راكي غالطة ريحي ماتغلطي في البنات وتخوفي فيها ماعنداك والله كاين رجال يحوسو علي المراة العفيفة الطاهرة المحتشمة تاع الصح لي تخاف ربي انا خطبت وحدةبمثل هاته الصفات والحمد لله كاين رجال يحبو صنف هدا اوك وكاين رجال يحب صنف اخر من نساء كما كاين نساء يحبو رجال مش صارم ولي يخليها تعمل واش تحب ووو المهم صاحبة الموضوع الا كنتي كما راكي يجيك راجل ان شاء الله حساب نيتك وقلبك وعقليتك ماتخافيش ماتسمعيش للردود المحطمة

[mrmilano1984]

علاش حتي تجي نتي تقوليلي شكون لي راه يتزوج ولا نون علابالنا مليح مليح شكون لي راها تتزوج ياسبحان الله العضيم انا نعرفو مليح عقلية النساء كما نتوما تعرفو عقلية الرجال
قاتلو الله غالب الوقت يقول هاك لا لا الوقت مايتبدلش العقلية تاع نسائنا وواقعنا لي يقول هاك للاسف الشديد خسارة رانا نشوفو كل شيء بالمقلوب خسارة كبيرة

[noussa_94]

ماعلاباليش علاه تفهمو البنت لي تلبس وزهوانية خارجة الطريق

امل راها تحكي على لي تلبس وزهوانية وتماكيي لكن في الخرجات والمناسبات لي ثما يشوفوها وتعجبهم شطارتها وشخصيتها ومعاملاتها مع الناس ..

ماراناش نحكو على لي تلبس الفاضح وتخرج بالماكياج لانو هذيك اصلا مايتحكاش عليها


أختي الغالية 25 سنة مازالك صغيرة ماكبرتي مابرتي
مازال الدنيا طويلة
عيشي حياتك ،، أفرحي واخرجي ودوري


ربي يرزقك ان شاء الله بلي يتمناه قلبك

[bello angel]

هههههههههه عجبوني الردود
ياو واشبيكم رح تجهلو هي كلمة وحدة الزواج رزق و مكتوب من عند ربي و كل رزق يجي بساعتو
الاخت امل هدرتلك صحيحة مليار بالمية

انا متربية و بنت فاميليا و منقيم حتى راجل و مع ذلك انيقة و نلبس اخر حاجة و مهتمة جدا بنفسي و ندير اخر العطور و نسوق السيارة و خطبوني والله اكثر من ثلاثين خاطبا و كلهم اطارات
حبيت نقول بللي الراجل يعرف الطفلة المتربية و اكبر غلطة تسيبي ع روحك الهانة يااااو حبو رواحكم ع جال رواحكم مش عاجال الرجال و اهتمو بالجوهر
راهم بالميني جيب ماشيين مع والديهم و يهزو الراس ماصلين صح و جماعة الجلباب دايربن لعجب ولا اعمم
التدين في الروح لا في الملابس و بركاو من التخلف لي راكم فيه
كوني متربية ع جال روحك الفايدة كي تعرفي روحك انسانة اي راجل يتمناها باخلاقك الفايدة كي تعرفي تربي ولادك و تخرجي جيل صالح ولا تجعلي حلمك رجل بل اصنعي من نفسك حلما لكل رجل

[النجمة القطبية]

يا اختي زيني نيتك مع ربي سبحانو واخطيك من وساوس ابليس
لازم تامني بالمكتوب
كاين اللي تخرج صباح وعشية وتلبس كل يوم لبسة ومكتوبها مجاش
وكاين اللى عمرها ما تخرج مالدار وجاها احسن مكتوب للباب
من يقدر ارزاق البشر الله وحده مالا اياك والجهل
وكلي امرك للرزاق

[همسات ايمانية]

يا أختي ديري في بالك الزواج قسمة ونصيب و نصيبك يوصلك , كثيرات خطبن مرات كثيرة ولم يتزوجن وأخريات خطبن مرة واحدة فقط وتم الزواج على اثرها
يعني العبرة ليست بكثرة الخطاب وإنما بتيسير الله في الامر ... وكيما يقولو ساعة لقدار تعمى لبصار ,, ويكون هناك سبب لتيسير الزواج ,,فلا تلتفتي للرأي القائل بضرورة التعارف ,, وعرض النفس ,,, فصحيح رزقك اتيك ,,فاحرصي على اخذه في الحلال

[صبرا13]

قال تعالى(
وَاضْرِبْ لَهُمْ مَثَلًا رَجُلَيْنِ جَعَلْنَا لِأَحَدِهِمَا جَنَّتَيْنِ مِنْ أَعْنَابٍ وَحَفَفْنَاهُمَا بِنَخْلٍ وَجَعَلْنَا بَيْنَهُمَا زَرْعًا * كِلْتَا الْجَنَّتَيْنِ آَتَتْ أُكُلَهَا وَلَمْ تَظْلِمْ مِنْهُ شَيْئًا وَفَجَّرْنَا خِلَالَهُمَا نَهَرًا * وَكَانَ لَهُ ثَمَرٌ فَقَالَ لِصَاحِبِهِ وَهُوَ يُحَاوِرُهُ أَنَا أَكْثَرُ مِنْكَ مَالًا وَأَعَزُّ نَفَرًا * وَدَخَلَ جَنَّتَهُ وَهُوَ ظَالِمٌ لِنَفْسِهِ قَالَ مَا أَظُنُّ أَنْ تَبِيدَ هَذِهِ أَبَدًا * وَمَا أَظُنُّ السَّاعَةَ قَائِمَةً وَلَئِنْ رُدِدْتُ إِلَى رَبِّي لَأَجِدَنَّ خَيْرًا مِنْهَا مُنْقَلَبًا * قَالَ لَهُ صَاحِبُهُ وَهُوَ يُحَاوِرُهُ أَكَفَرْتَ بِالَّذِي خَلَقَكَ مِنْ تُرَابٍ ثُمَّ مِنْ نُطْفَةٍ ثُمَّ سَوَّاكَ رَجُلًا * لَكِنَّا هُوَ اللَّهُ رَبِّي وَلَا أُشْرِكُ بِرَبِّي أَحَدًا * وَلَوْلَا إِذْ دَخَلْتَ جَنَّتَكَ قُلْتَ مَا شَاءَ اللَّهُ لَا قُوَّةَ إِلَّا بِاللَّهِ إِنْ تَرَنِ أَنَا أَقَلَّ مِنْكَ مَالًا وَوَلَدًا * فَعَسَى رَبِّي أَنْ يُؤْتِيَنِ خَيْرًا مِنْ جَنَّتِكَ وَيُرْسِلَ عَلَيْهَا حُسْبَانًا مِنَ السَّمَاءِ فَتُصْبِحَ صَعِيدًا زَلَقًا )
الأيام دول بين الناس، و العسر واليسر سنة في الحياة الدنيا، ليمحص الله اللذين آمنوا من اللذين كفروا و يجازي كل بما صنعت إيديه، و بشر الصابرين
أمل 95 بنيتي ما قرأت لك فيما قرأت من قبل الا و رأيت بذور كل خير، و لكن كما يقال لكل جواد كبوة، تجادلين الفتاة في كلمة حق ربما ارادت بها وجه الله، الا تخشين على نفسكً، انا اعلم انك تريدين نفع صاحبة السؤال، و لكن من يريد نفع الناس بما يضره لا يعدو الا ان يكون في باب الحمق، اي بنيتي ما عدت الطفلة اللتي تقول فلا تحاسب على قولها، بل امرأة في باب زواج عسى الله ان يبارك لك فيه، فلا تبتغي بركة الله في معصيته.
قد يبلغ الضالع شأو الضليع. و يعد في العاقلين المتعاقل الرقيع
و معنى الشطر الاول انه قد يبلغ الضعيف شأو القوي، فلا شيء ثابت في هذه الدنيا الا وجه الله، فلا تخافي على صاحبة السؤال فلها رب اسمه الرزاق، و لكن لسانك ان صنته صانك و ان خنته خانك.

[ساجده 82]

سلام..صراحه جذبني العنوان .دخلت .قريت ردود وجعني قلبي قسما بالله .بغيت نقرا على الدنيا السلام الله الله .الله الله .
يقولها المصري الزواج . قسمه ونصيب ورزق من عند الله
انا تزوجت والحمد لله اقسم بالله ثلاثا درست في الجامعه لم اقم علاقه في حياتي اول رجل في حياتي زوجي .كنت جد مشاكسه بمعنى نقصر ونضحووووو .مع لبنات .نكره العبس.لباسي محتشم ولا اضع ماكياج.رزقني الله زوج خطبت على الطريقة التقليديه.ياختي
تحافظي على عرضك ودينك مش معناه معقده هذا الشئ الحلال بين والحرام بين.صح تروحي لمناسبه اتجملي الدنيا فيها الخير .تجي واحده تخطبك لليستاهلك قالك المتبرجات اللي يزوجو مانعرف علاه كثر الطلاق.الله يستر أمه محمد ديري ربي في قلبك والواقع .خليه لماليه.ديري واقع ليك وحدك. كثري من الاستغفار.الحمد لله .

[doba]

الواحد يتوكل على ربي و يكثر من الدعاء و ربي يهني كل واحد

[نور لاتراه]

السلام عليكم
جميعنا يعرف انها ليست نورمال لكن من اراد ان يصوّغ لنفسه بداعي التفتح يراها نورمال
وعلى اي حال الرزق لاتحكمه هذه المصوّغات وان كنتِ في قفار
رزقكِ الله من حيث لاتحتسبين

[**د لا ل**]

السلام عليكم

ردي بسيط وغير معقد

**إن الله لا يُنال فضله بمعصية **

والزواج فضل ورزق من الله يا اختي

ثقي فقط أن بعد العسر يسرا وبعد الشدة يأتي الفرج باذن الله

لا تتركي الدعاء والاستغفار وجعل الله لكِ ولنا فرجا قريبا