الشعور بالدونية مع زوجي

[مشكلتي]

السلام عليكم
انا فتاة من اسرة ذات مستوى مادي محدود و الحمد لله
يعني تقريبا 20السنة اللي مضت من عمري مخرجتش فيهم من الولاية الا لزيارة الطبيب معندناش سياره والديا محافظين و ساكنين في بلدية صغيرة وحتى هاديك البلدية مانعرف فيها كان دارنا لاني نخرج غير للضرورة نشالله نكون وصلت الفكرة
الان عرسي قريب حاسة عندي عقدة نقص عييت نتجاوزها خطيبي كان عايش في الخارج و شايف الدنيا كامل حتى كي يقلي وين تحبي نفوتو لفواياج نرتبك و كي يبقا يناقش فيا ع الخطوط الجوية و الوكالات نحس بضيق شديد لاني ببساطة مانعرف والو
بصراحة كي نخمم بللي رايحين لتركيا وهو راحلها قبل مرات نحقر روحي و نحس بللي راح نكون عبئ عليه ساعات نحس روحي نكرهو و ساعات نغير منو و ساعات نحس بللي راح نبقا طول الوقت في الفواياج ننكد عليه و نصمطلو قولولي واش ندير مع العلم هو مليح معايا بزاف

[hichemhad]

يا اختي الكريمة هذا الشخص اختارك من بين الكثير من الفتيات بغض النظر اين تسكنين وما قيمة ما ترتدين لانه يدرك تماما ان قيمة الفتاة بفكرها و اخلاقها لا بقيمة ملابسها او مستواها المعيشي.

اعلمي ان بالاخلاق الحسنة والقلب المحب ستكونين اغنى البنات في نظره و هذا الشخص قد اتى لاجلك و مقتنع ان سعادته معك ليست مرتبطة بمستواك، لاننا لم نختر امنا ولا ابونا، ولم نختر مستواهما، بل ولدنا ووجدناهم اهلنا، افخري بنفسك و بأهلك ولا تسمحي لاحد ان بقلل من شأنك.
و من جهة اخرى هذه فرصة انعمها الله عليك لتسافري و تمرحي و اكيد ان زوجك سيجد متعة و سعادة كبيرة بان يكون هو اول من عرفك على هاته الاماكن.
ربي يهنيكم ....

[رَكان]

كل زوج يجب أن يكون بما لديه مكملا للآخر ..الأصفر والزرق يعطيان اللون الأخضر ..فإن أراد الصفرة أن تحوز الزرقة فهل سنحصل بعد ذلك على الخضرة ؟
حتما أن زوجك بما عنده وجد ما هو بحاجة اليه عندك...فلا تغوصي في اعماق التوجس والوسوسة ..وأبدا لن تكوني دونية أمامه ..إن تحلّيت بالحكمة والتعقل ..وعلى ما أنت فيه من مستوى فقد قيل ..يوجد في النهر ما لايوجد في البحر ..

[sunshine2013]

السلام عليكم
اختي دايمن تكون المرة الاولى في اي شيء و مبعد تتعلمي و توالفي و هو تاني مازادش يطير كانت عندو اول مرة في اي حاجة و هادي هي الحياة في كل وقت نتعلمو برك كل واحد وقتاش تجيه الفرصة
ربي يهنيكم

[hodayena]

اختي علاش عليك حبيبتي استمتعي عادي حاجه متعرفيهاش عادي نورمال نص بنات الجزائر كيفك وعايشين
هادي جارتنا كانت اسوء منك الحزايج معندهمش يتسلفو الماكله بالقله خطبها واحد ورلها جزائر بلاصه بلاصه صح ناس دارها زعما حابين يحقروها مي هيا كانت دات شخصيه قويه متعمرش راسها بيهم والمد لله
متخليش الشيطان يلعب بيك عادي روحي استمتعي حوسي حاجه متعرفيها نورمال متقلقيش روحك وتكرهي حياه انتي مزال مبديتسهاش
حاجه وحده لا تغرك المال والتحواس ابقاي بنت اصل وبنت ناس ودات اخلاق

[همسات ايمانية]

يا اختي لا بد ان تثقي في نفسك ، فالشعور بالنقص شعور سيدمر حياتك لأانك ستقعين دائما في المقارنة ,, والذي يقارن نفسه باخر دليل على ضعف شخصيته ..كوني انت فقط ولا تكوني شخصا اخر ، كل انسان مميز فقط عليك ان تكتشفي نقاط القوة عندك وتعملي على تدعيمها , وعليك ايضا ان تعترفي بنقاط ضعفك وتحاولي معالجتها ,,,انت فقط من يمكنك مساعدة نفسك
على العموم اختي معرفة الخطوط الجوية واجراءات السفر ليست دليلا على قوة أو مدعاة للفخر او العكس ,,بل هذا امر يمكن تعلمه ,,,وزوجك تعلمه بسبب خرجاته وتنقلاته ... وكلنا لم نكن نعرف كيف تتم الاجراءات ,,الا انه وبعد السفر تعلمنا وهي امور عادية وروتينية جدا ,,,وبما أن زوجك سافر من قبل ويعرف كيف يدبر امورة فهذا امر في صالحك .وهو محبب . وزوجك هو القوام عليك وهو الذي يفترض ان يقوم بكل تلك الامور ...
على العموم أختي مازلت في سن صغير ,, والحياة أمامك لتتعلمي وتكتشفي ,, وبعد مدةة باذن الله ستعلمين ان كل هذه التوجسات ليس لها محل من الاعراب في معترك الحياة وستبدو لك بسيطة جدا بعدها
ربي يوفقك ويسعدك

[أم سلوى]

تأكدي انه..يشعر بالفخر معك..كوني طبيعية جدا..انبهري بالشئ الذي لم ترينه من قبل ..واستمتعي معه بالرحلة لما يشوف فيك منبهرة يفرح موت...وليس العكس.. .
يعني لا تتضايقي منه ابدا لكي تحسي بالسعادة...
اتركيه يستمتع معك ويجول الدنيا بك كي يفرح هو بما انه زارها من قبل. هذا افضل..كي يكون مرشد سياحي وليس العكس..
عيشي حياتك دون عقد..كي لا تتعقد بطبيعتك الفطرية...

[دنيا الامل 18]

لازم تكون عندك ثقة بالنفس ماشي الناس كامل خرجت وشافت هدا شيء عادي استمتعي بحياتك وبوقتك مع زوجك

واقول لك ايضا الدنيا تجارب ونتعلم من تجاربنا استمتعي ادن وتعلمي من الحياة غدا ستضحكين عندما تتدكرين موضوعك هدا وتقولين كيف كتبت شيئا كهدا

[صبرا13]

السلام عليكم و رحمة الله و بركاته
كلنا من آدم و آدم من تراب، هذا عن النسب اما عن المال، ان الغنى الا لله و الباقي ايام تتداول بين الناس، يبقى الفرق في سعي و عمل الناس، فلا مشكل انك لا تعرفي اسماء المطارات و غيرها من التفاصيل، و لكن المشكل الحقيقي اذا لم تعرفي كيف تحسني رفقة زوجك لانه هنا مربط الفرس.
يقول او العتاهية: كن ابن من شئت واكتسب أدبا/ يغنيك محموده عن النسبِ/ إن الفتى من يقول ها أنذا/ ليس الفتى من يقول كان أبي/ لكل شيء زينة في الورى/ وزينة المرء تمام الأدبِ/ قد يشرف المرء بآدابه/ فينا وإن كان وضيع النسبِ
اولا كي تغيبلك هناك قسم دردشة البنات و اسألي من ذهبن الى تركيا من قبل و ما هي احتياطات السفر، مثلا يجب ان تعرفي ماذا تاخذي في حقيبة السفر و لا تنسي شيء من الضروريات حتى لا يسخط عليك زوجك، ثم اعلمي انه هناك من المتاع ما لا يسمح به داخل الطائرة حيث المقاعد و يسمح به فقط في قسم المتاع الكبير و يجب دائما أخذ حاملة وثائق صغيرة و متينة و آمنة حيث توضع الأوراق الهامة من جوازات السفر و بطاقات التعريف، تكون عند متناول اليد
الباقي كما نصحتك البنات من قبل، يجب ان تظهري الاهتمام لما يعجب زوجك، مثلا زوجك يحب الاثار و انت قد تنامين عند التطرق للآثار و هذا ليس لأنك من بلدية صغيرة و لكن الله خلق الناس تتخلف طبائعهم و اهتماماتهم، يجب ان تظهري الاهتمام لاهتمامه، و هذا من الأدب و التكلف المحمود، يجب ان تقفي على احتياجات زوجك، مثلا ماذا يريد ان يلبس، ماذا تاخذي في حقيبتك قبل الخروج، قرورة صغيرة للماء، نهضت و جدت زوجك كأنه مزكوم، تنتبهي انه يجب أخذ مناديل ورقية بزيادة، ليس المشكل ان تكون المرأة من جحر في قرية ما دامت ليست بلهاء.
و العلم بالتعلم فلا تقفي مكتوفة الايدي و اسألي تعرفي، و عَل كل مؤخرا التقيت سيدة من بلد عربي تزوجت رجلا اوروبيا اسلم، فسألتها كيف فعلت في الاختلاف الكبير في الذهنيات و العادات، فأجابت كان جواز سفري في الاول كثرة الابتسامة، و هي على كل خير معه ادام الله ودهما، فلكي في قولها عبرة و الله الموفق.

[امل12]

اختي ربي يسخرلك وهدا هو الصح
مي الشي لي قلتيه نورمال بزاف ناس نعرفهم كانوا مايخرجو مايدخلو مي ازواجهم عايشين ديفيغون عليهم كيما راكي تقولي انت ومن مور الزواج تعودو ولات عندهم حاجة عادية
ماتتحيريش اختي حتى انت رح توالفي

[إيزابيل]

كامل زدنا مانعرفوش وتعلمنا , وهو ثاني مادام خطبك او علابالو بحوالك وكي مليح معاك اكيد يتفهم
وثاني نقلك ماتبينيش على روحك وش راكي تقولي سينو هو بعد يحقرك , لازم تكون شخصيتك قوية وتبدي الإعجاب بالمكان الذي تذهبون إليه بصح بدون مبالغة ( مادوخيش فيه بزاف تبيني على روحك تقول جيتي من تحت الارض ) واقراي فالنت ثقفي روحك اتعلمي شوي اللغات كيما قالت الأخت قبلي على الاقل كي يهدر معاك يكون عندك وش تهدري ,,

موفقة

[doba]

شئ عادي يا اختي الكريمة لا تتعقدي حاولي التعلم من زوجك
وربي يهنيك

[إنسانة بسيطة]

لو كنت مكانك بدل اني نبقى ربع ساعة نكتب في الموضوع امامي الكمبيوتر نحوس في الانترنت على السياحة وتركيا ونثقف روحي شوي ونحاول نرفع من نفسيتي ونحاول نلقى طريق تواصل مع الخاطب مش نبقى نننظر من زاوية مظلمة

متزعفيش من رأي يا الأخت

[ع.عيسى]

هههههههههههههه يا اختي مادام راكي قادرة ان تتاوصلي معنا من خلال هذا المنتدى فهذا دليل على انك (متحلبة) ، صدقيني خواتاتي ما يعرفوش حتى يشعلوا الميكرو ومع ذلك تزوجوا برجال دا مستوى عال وخرجوا حوسوا من دون الشعور بالنقص ، اذا فلا داعي لان تشعري بالنقص كوني انت كما انت وحدار من الابتذال فتسقطي في عين زوجك ، فالعفوية هي اهم ما يجذب الروجة الى زوجها ومبروك عليك والله يسجي الاحوال

[**وحدها غريبة **]

اختي اريد التواصل معك اذا رغبتي
بانتظار مراسلتك

[Amouna.DZ]

إذا حبيتي تعيشي مرتاحة في حياتك تعاملي بطبيعتك . وءي حاجة متعرفيهاش خلي زوجك يفعلها قبلك و أنتي ركزي عليها

[كريم الخلوق]

سلام عليكم : لا ادري كل شيء سهل تستطيعين تعلمه واي مكان تسافرين له ولو للاول مرة ستتعرفين عليه بشوية كما انه سيستمتع باعطائك معلومات عن كل شيء لا تخافي مكانش الي زاد متعلم انا سافرت عدت مرات مع اني اول مرة نسافر والحمد لله بشوية نتعلمت هدا وسواس برك خليك منو ربي يباركلك في زواجك

[Carinoso Darling]

انت تفكيرك راه سلبي بزاف حاولي تفكري بايجابية هذا الرجل راح يكون شريك حياتك انت تكمليه و هو يكملك ماكاش حاجة تخليه تحسي بالنقص كوني ذات شخصية قوية و خلي ثقتك في نفسك عالية ماهوش عيب اذا عمرك ماخرجتي من مدينتك كاين بزاف بنات كيما انت و تزوجو و لفو العالم مع ازواجهم و عايشين معاهم احلى عيشة بالعكس انا راجلي لي يديني و يحوس بيا البلدان و يوريلي و يعرفني بيهم نفخر بيه و نديرو في عيني و نتعلم منو و نحاول نكسبو خاصة اذا كان انسان مليح و يحبني كيما راكي تقولي... كوني انسانة متصالحة مع نفسك و فكري بإجابية

[أندلس]

بصراحة تعجبت من كلامك أين العيب في أنك لا تعرفين الخطوط الجوية و التذاكر و تركيا وو؟ هل تظنين الناس كلها تعرفها ؟؟ هناك ناس يعيشون في ولايات كبيرة و مرتاحين ماديا و لم يخرجوا من الجزائر و هناك ناس مثقفين و لم يركبوا الطائرة ...هوني عليك و لا تعقدي حياتك
و عندك الانترنت و ابحثي فيها عن كل ما يتعلق بتركيا و سيتفاجأ بك و كانك زرتها

[لينة71]

ياختي رايحة نوصيك من قلبي انا كنت كيما انتي قبل الزواج وتطفرت فيا غير انا حاولي تكوني ايجابية وحاولي تخلي مخك واسع بالمعرفة خلي روحك تحبي تفهمي ةتتعلمي وما تياسيش برك ديما ثيقي في روحك ومع الحيوية باش ما يملش راجلك منك ويكره لانو ادا شافك هك يعود يكره يخرج معاك فهمتي ظيما اتعلمي وحضري روحك للكلش كيفه تتعاملي وتتهياءي لكل شي ادا حصلتي تصيبي روحك تسلكها وراجلك مايخافو عليك فهمتي حنونة ربي يهنيكم ان شاء الله وحصني على روحك ولزوجكك ثاني لانو العين راهي واعرة بزاف والناس خاشاكم مترحمش
الله يكون في عونك وديما على الاستعداد ةتتعلمي من الانترنت تلقاي كل شي