كل البيبان مقفولين ساعدوني برأي

[مشكلتي]

سلام عليكم
شاب متخرج هذه السنة ليسانس
دفعت شحال من Cv وشفت شحال من واحد على خدمة والو لحد الآن
كل المسابقات مكانش أو ـأجلت في الوظيف العمومي
حتى مسابقات الدرك ولات بالباك بخصوص الضباط والعام الماضي برك كانت بليسانس
الشرطة كيفيكف مكانش وزيد الحماية مكانش
حسبي الله ونعم الوكيل في هذا الواقع وفقط وين نصد تتغلق
هل من حل ؟؟ أي شخص عندو خبر عن مسابقة قولولي يرحم باباكم محتاج العمل

[محمد جديدي التبسي]

وعليكم السلام ورحمة الله وبركاته
هناك باب لا يغلق أخي استعن بالله وتوكل عليه وتعلم حرفة افضل أخي
الوظائف من قبل وهي شحيحة فما بالك الآن في زمن التقشف
كما ان مدخول الوظائف ضعيف مقارنة بالحرف كالبناء وتركيب الانابيب وشبكات الكهرباء وغيرها
ربي يفتح عليك أخي..

[أمنيات معلقة]

كاين مسابقة
مستشار التوجيه و الارشاد المدرسي و المهني
- مقتصد و نائب مقتصد
- مشرف التربية
- ملحق رئيسي بالمخابر

سجل في موقع http://www.onec.dz/

وربي يفرج همك خويا

[ام رضوان]

السلام عليكم
ربي يفرج كربك ويفتح ابواب الخير في وجهك وييسر امرك اميييييين
بصح نصيحتي لك اكثر من الذكر والاستغفار وتوكل على العزيز الغفار

[samara lara]

ربي يفرج همك شوف كاش موقع من الخليج و ابعث cv

بلاك ربي يفرج عليك

و سيي زهرك هنا فالمسابقات تاع الدزاير

و مزالك صغير الخدمة بالليسانس شبه مستحيلة و انصحك اكمال الدراسة فالدكتورا و ربي يجيب الخير
بالتوفيق اخي

[ع.عيسى]

انصحك ،اكمل دراستك الماستر والدكتوراه وفي نفس الوقت حاول بناء مشروعك الخاص وان كان بسيطا ليكون مصدردخل ، لا تتوقف الا وشعادة الدكتوراه في يدك لان التوظيف بليسانس شبه مستحيل وايضا اجر الوظيف العمومي هو اشبه بالصدقة اي انه لا يكفي لمتطلبات العيش الكريم ، اكمل دراستك وفي نفس الوقت حاول العمل عند القطاع الخاص في قطاع البناء او القطاع الفلاحي او القطاع التجاري حتى تكتسب الخبرة لبناء مشروعك الخاص وبالتوفيق ان شاء الله

[كحالي]

هل أنت تمزح ؟
تحوس على عمل بشهادة الليسانس؟
الغلطة فيك درت في بالك تلقى خدمة بشهادتك
من الأفضل أنك تجمع قواك الرجولية وتسكر صفحة المنتدى وتفكر في مشروع تبدا بيه حياتك
تحياتي

[elhosseyn3483]

هدا ليس مشكلك وحدك
الشباب يعاني من البطالة وانغلاق الابواب في سنوات
كاين لي متخرج من 2005 ومزال يستنى
ادكر اخي ولايتك وشهادتك
بلاك يقدرو يساعدوك ويقتارحو عليك حلول
ربي يوفقك ويوفق الجميع

[دنيا الامل 18]

نعم هدا مشكل عام يحزنني منظر الشباب العاطل عن العمل خاصة عندما ارى النسء وانا منهم يخدموا ويخرجوا ويصرفوا كيما حابين والرجالة لا يجدون مصروف لشرب القهوة حتى لهدا كثرالمنحرفون وما يتبع دلك من قتل واغتصاب ............

[doba]

أخي لا تيأس فمسابقة الشرطة تم الإعلان عنها
ربي يوفقك والصبر جميل

[إنسانة بسيطة]

راه شباب في 40 وما فوق بدون عمل وانت متخرج حديث وتقول هكذا ؟
يا اخي اصبر رزقك يطلبك اكثر ما اكنت تطلبه

[عبدو33]

أخي ليس الوظيف العمومي والشهادة هي من يسترزق منها الإنسان فقط فكثيرا ممن يحملون شهادات يعملون في مجال غير مجال اختصاصهم . فيجب عليك طرق كامل الأبواب وحتى ولو عملت - منفري مع بناء - وهذا ليس إنقاصا من هذه المهنة وإنما أردت من خلالها أن أقول لك اليد العليا خير من اليد السفلى فلا تتكل على شهادتك واستعن بالله ولا تعجز

[صمت الرجوله]

سلام عليكم
شاب متخرج هذه السنة ليسانس
دفعت شحال من cv وشفت شحال من واحد على خدمة والو لحد الآن
كل المسابقات مكانش أو ـأجلت في الوظيف العمومي
حتى مسابقات الدرك ولات بالباك بخصوص الضباط والعام الماضي برك كانت بليسانس
الشرطة كيفيكف مكانش وزيد الحماية مكانش
حسبي الله ونعم الوكيل في هذا الواقع وفقط وين نصد تتغلق
هل من حل ؟؟ أي شخص عندو خبر عن مسابقة قولولي يرحم باباكم محتاج العمل


و الله غريب امرك ...عندك شهور على التخرج و و يضهر انو عمرك على الاكثر 23 سنة و راك مقلق على الخدمة كيما هاك...يا اخي هذا مشكل عام ...رانا ڨاع ڨعدنا اعوام بطالةبعد التخرج نعمل اعمال شاقة و دفعنا عشرات السيفيات و شاركنا في عدة مقابلات حتان فرج ربي
الحياة ليست بالسهولة التي تتوقعها....اصبر و تسبب و اعمل اعمال جانبية او ابتدا مشروعك الخاص و انتظر الفرج فليس بعد العسر الا اليسر

[الفاتحة]

اولا لازملك الصبر راك تخرجت هدا العام دير في حسابك ناس تسنى سنوات حتى يلحقها فرصة العمل
ثانيا لا تيأس تبع اعلانات التوظيف وشارك فيها كلها لعل وعسى
اخيرا لا تربط نفسك بالوظيف العمومي ابحث عن عمل عند الخواص او افتح تجارة صغير بالاشتراك مع آخرين يملكون السيولة .

[hicham batna]

والله يا اخي وش رح نقولك انا متخرج من 5 سنوات ولا جديد لا خدمة لازدمة 5 سنوات وحنا وراء المسابقات من غير اي جديد حتى اني فقدت الامل فيها انا نقولك لا تعول كثيرا على المسابقات ابحث عن اي عمل اللي تمشي بيه روحك وراك تشارك فالمسابقات وربي يفرج يارب

[hicham batna]

والله عندك الحق اختي وهدي هي نظرتني كدلك ان لما تشوفي النساء متجهات للعمل وراكبين سيارات وحنا كيا قلتي والله يفوتو يامات والله معندنا حق قهوة للاسف واللي ايمانهم ضعيف راهم تأثروا كثيرا راني نشوف في كثير من أصدقائي أصيبوا بمشاكل نفسية من جراء هاته الوضعية والله المستعان

[روح المي]

والله غريب امرك
شهادة ليسانس مثلها مثل البكالوريا
اكمل دراستك
لما تحصل على ماستر
وقتها يكون عندك امل تخدم
وكل واحد ربي واش يعطيه
ادعي ربي يفرج عنك
ولازم تشوف خدمة اخرى ليست بشهادتك
هذا هو الحال في بلادنا
اذا معندكش معريفه
توكل واخدم اي شيء