بحاجة لنصائحكم بما يخص خطبتي

[مشكلتي]

السلام عليكم
انا في حيرة من امري
اريد النصيحة من شخص كبير خصوصي المتزوجين
تقدم لخطبتي ابن خالتي اخد رايي وانا قبلت بيه قالي ايلا قبلتي في عرس اختك رح نطلب ايدك من عائلتك انا قبلت وقتلو لي مكتبو ربي يصير المشكلة انو اخبرني الماضي نتاعي متجبديهش لانو حب يبدا حياة جديدة كل هاد صرا في اوت 2015 بحكم انو خالتي قاتلو متحكيش معاها قالي انساي وش قتلك حتى يكتب ربي انا نسيت وخلاص في مارس 2016 وفي عرس خوه عاود هضر معايا قالي خفت يديوك مني قتلو اوك ربي يسهل وليت نحكي معاه غير في الفايس عطالي الايمايل و الرقم السري لحسابو لكن قتلو مش رح نفتحو وش راح دار نحا الايمايل وفتحو بالرقم الهاتف انا هاد الايام حكمني الفضول دخلت لحساب نتاعو هةوهنا كانت الصدمة لقيتو في جانفي 2016 حاكي مع بنات اخرين على اساس حاب يخطبهم بصح مبعد لقيت هاد البنات حدفو الحساب نتاعهم قلت معليش مكانش لي معندوش ماضي ولي مصراتلوش حكاية في حياتو وكل شي يفوت مع العلم انا راني هاد الايام نستخير فربي ايلا مسهلي معاه او يكتبهولي كان كل يوم يقولي نحبك ونتي حلالي وخالتي راهي فرحانة بيا تسنى غير وكتاه تحكي مع ماما اليوم عاودت دخلت للحساب نتاعو لقيتو يهضر مع وحدة كان يمشي معاها قبل وتفارقو هو لي بعثلها طلب صداقة وبدا يهضر معاها قالها بلي منسيتكش ومزلت نحبك ونتي لي معرفتيش تكسبيني ومعرفتيش تحافضي عليا قاتلو بلي نتا كنت كذبة كنت تكذب عليا وعمرك لت حبيتني عاد يقسملها بلي يحبها ولي حب جامي ينسى
حكمتني صدمة داخلي مش حابة نقلو فتحت الفايس اكيد رح يبدل الرقم السري نتاعو معرفتش وش ندير كيفاه نواجهو وانا كنت متمنياتو هو حبيت نعرف الراجل صح مينساش؟؟ كيفاه رح نقدر نعيش معاه كيفاه رح ينسي منقدرش نعيش مع واحد مزال قلبو مع وحدة اخرى انصحوني ربي يعيشكم راني فصدمة
اسفة طولت عليكم

[لحن الحياة.]

.........اخطيك.........

[محمد جديدي التبسي]

أخطيك من هذا السوق اذا كنت صافية وخاطيك العلاقات
حتى وكنت متعلقة بيه كما يبدو وما جاوكش فرص للزواج لا ترمي نفسك في هذا المشاكل
كل يوم تلقايه يحكي مع وحدة زي واذا بدل كلمة السر يقتلك الشك
ولن ترتاحي ابدا فاربحي نفسك واقطعي علاقتك به وربي يفتح عليك.

[doba]

اخطيك من لعب الاولاد

[أم سلوى]

اصلا اعطيتلو ..فرصة يلعب بيك.. كي تتزوجي معاه تلقايه يلعب مع النسا...لانه طبعه هكذا

[إسلام الفاروق]

ارمي عليك هذا الانسان في اي لحظة يطلقك و يبدلك باسم الحب

ما تزيديش تدخلي فايسبوك تاعو راه يخرجلو في اشعارات بلي تنفتح من مكان اخر و اذا ماعلابلوش راح يجي نهار و يتعلم

و هاذ التبهليل تاعك راح يخلي وليد الحلال يهرب راكي تلعبي بالنار

[sunshine2013]

اختي عيشي حياتك. وانسايه و ماتزيديش تقيميه فوق حدو و اهدري معاه في حدود و كانو من الاقارب و خلاص و زيد من الافضل تبعدي شوية راه يصرا مشكل فيما بعد العايلة كامل تتفكك اجبدي روحك. بلعقل و دون مشاكل
موفقة

[~أمة الله~]

عليكِ السلام ورحمة الله وبركاته أختي
اخطيك أختي، وعلاش عليك تكسار الرّاس، إلّا إذا أردتِ أن تبني حياتك على " مُمكن" تاع ممكن يحبس، ممكن يتوب ممكن ممكن، نعم ممكن ذلك وممكن لا، فالعِبرة بواش راكي تشوفي أمّا المستقبل بيد الله.
ربّي يرزقك الزّوج الصّالح

والله أعلم

[~فَصَبْرٌ جَمِيلٌ~]

ما اضعف الانثى وما اسهل اللعب بها ....ناس لا تخاف الله ...فراغ روحي يعوضه بحرام ...اكتملت الصورة القاتمة لكل الرجال بالنسبة لي وهذا ما كنت اخشاه

ابتعدي وصارحيه وليفعل ما يفعل او احكي لامه ....تتفهمك احسن منه

[kaderr09]

السلام عليكم
أولا أيتها الأخت هذا الشخص أجنبي عليك فالعلاقة الحالية بينكما حرام إن كنت تجهلين ذلك ، مع أنه لا يجب الحكم على أي شخص من مجرد الظن ، ولكن الحلال بين والحرام بين فعودي إلى الله وتوبي إليه واسأليه الحلال قبل تمتن العلاقة في الحرام.
فنظرة الرجال ليست نفسها نظرة النساء للنصيحة فقط.
بالتوفيق إن شاء الله

[ثلجَة]

موفقة أختي

[إيزابيل]

اخطيك من لعب الذري

[نور الفجر02]

قوليلو وصارحيه بلي دخلت فايس بوك تاعه واقطعي علاقتك به... مشكلة انو ولد خالتك اذا داوستو راح يأثر على العائلتين ...ربي يفرج عليك

[azzam 01]

خطيك منو,,,,,,,,نسايه

[mère des jumeaux]

يلعب بيك وبغيرك .... اربحي نفسك وبعيه...ما هوش راجل ما زالو ما كبرش...

[bello angel]

اخطيك منو
عن تجربة هدا اكثر نوع رجال يعيي

[الطيب الجزائري34]

زيادة انه اعطاء الفايسبوك و كلمة السر هذا مريض .. . استخيري اختي .

[الماسة النادرة]

اخطيييييك راح تعيشي في شك طول حياتك

[elhosseyn3483]

المهم الردود واضحة
والله يهديك ويهديك
انا حبيت نسقسيك سؤال باه نعرف برك
وعلاش صليتي الاستخارة وعلى اي اساس
يعني مخطبكش متقدملك.
متقدريش تصلي على اساس تكملي معاه لانك في الحرام هده العلاقة
الواحد يتقي الله
الواحد ميقدرش يصلي الاستخارة باه يكمل مع صحبتو ول يحبس
الحرام يبقى حرام
ومشي هو لي غالط بل انت
فتحتي فرصة يتمسخر بيك كيم راه يتمسخر بالبنات
خطيك منه ادا خطبك رسمي تم
ديري موضوع في مشكلتي وسقسينا نجاوبوك
االله يهديك

[روح المي]

راه يتمسخر

[حياتي نبع امل]

هذا من الناس اللي، يشدو بنت الفاميلية بيد واليد لخرى تلقط ف الفضلة تاع المجتمع. يعني بالمختصر اللي مايشدش فيك بزوج يدين اخطيك منو. ان شاء الله تكوني فهمتيني

[أمنيات معلقة]

خليك منو اختي و ربي يرزقك الزوج الصالج