موضوع اسناني معقدني

[مشكلتي]

السلام عليكم جميعا اما بعد انا فتاة ابلغ من العمر 22 سنة مشكلتي عقدتني كثيررر من صغري اسناني هشة الاطباء قالو لاني ماشربت الحلي نقص الكالسيوم صارو مسوسين كثر وانا صرت ما اتكلم قدام الناس ولا اضحك ابدا والان نزعتهم كاملين و لا اعرف واش ندير ممكن تساعدوني بنصائح الله يخليكم هادا الموضوع عقدني كثير ساعدوني اعطوني اقتراحاتكم واش ندير حتى ترجعلي بسمتي وضحكتي خاصة المجتمع يستهزئ كثير انا الان للتوضيح صرت بدون اسنان كليا وعمري 22سنة وشكرا

[دنيا الامل 18]

ركبي اسنان وادا عندك الدراهم ديري زراعة الاسنان لانه غالية

[لحن الحياة.]

الله يحسن العون ديري زرع اسنان عادي بالعكس ممكن المزروعين يجو خير من الي فقدتيهم فالشكل وتولي ابتسامتك زينة
ربي يفرج

[..بسمة أمل ..]

السلام عليكم عادي اختي

ركبي اسنان نتاع المطاط عادي

يا اختي جيل هاذ لوقت قع فمو

طااااح انا عندي 20 عام و بدا

يطيح فمي و درت عملية على ضرسة

ونحيت منها كيس و صرات فيا

الكحلة بصح انا من حسن حظي

ناضولي قالولي راهم نتاع حليب

الزرع مليح بصح عااالي قالو

20 في تونس و الله اعلم ديري فم

كامل نتاع لمطاط راه مليح بنت

عمتي دارتو قبل زواج و راه لباس

عليه و ميبانش اصلاااا

[ايمان نور الجزائر]

ربي يشافيك يا اختي
اختاري جراح اسنان معروف بعمله وهو سيرشدك ويقترح عليك ما يجب فعله
لاسنانك ويقدملك المعلومات اللازمة والاسعار ونتي شوفي لي يساعدك

[ام آدم]

ربي يشفيك ةييسر امورك

[زينة نور]

ربي معاك كاين الزرع لكن غالي يبدى من 8ملاين ويطلع
شوفي طبيب مليح ينصحك ويعطيك الاختيارات ربي معاك

[الرميصاءْ]

علاه تسرعتي وقلعتي اسنانك
اذا عندك الدراهم ديري الزرع
ولا ركبي فم اصطناعي وربي يفرج ان شاء الله

[biti]

اختي الحلول كثيرة حسب داهمك من الزرع للتركيب لي فيه انواع انتي برك في طبيب شاطر

[سماح 2]

ماش لآزم تزرعي فمـــك كــآملْ , ازرعي 2 من لتحت وزوز من الفوق وركبي فليكسيبلْ والآ فم résine
normal
باه يحكملك مليحْ ,

[نور الفجر02]

ربي يفرج عليك