سؤال

[Hanane 05]

السلام عليكم
اولا أشكركم على كل النصائح القيمة اللي تقدمو فيها
سؤالي حول البقلاوة ماتجينيش مورقة ما فهمتتش علاه مع اني نتبع وصفة أم أماني 6 ورقات مي تجي فرد ورقة السمن ياك نحطوه مع اللاخر فرات نحطو شوي ولا بزاف ؟ والعجينة نعجنوها تجي طرية بزاف ؟ وكي نخلوها تبات نغطيولها نيلون ؟ فالسخانة ما يصرالها والو؟ ولا نغطيولها نيلون ونحطوها فالثلاجة
وكي تطيب الحشوة (الكاوكاو) تجي فونسي بزاااف
شكرا مسبــــــقا

[إيزابيل]

السلام عليكم
اولا أشكركم على كل النصائح القيمة اللي تقدمو فيها
سؤالي حول البقلاوة ماتجينيش مورقة ما فهمتتش علاه مع اني نتبع وصفة أم أماني 6 ورقات مي تجي فرد ورقة السمن ياك نحطوه مع اللاخر فرات نحطو شوي ولا بزاف ؟ والعجينة نعجنوها تجي طرية بزاف ؟ وكي نخلوها تبات نغطيولها نيلون ؟ فالسخانة ما يصرالها والو؟ ولا نغطيولها نيلون ونحطوها فالثلاجة
وكي تطيب الحشوة (الكاوكاو) تجي فونسي بزاااف
شكرا مسبــــــقا
شوفي حنونة ممكن مادرتيش النشا بكمية كافية على بيها ماجاتكش مورقة ولازم طيبيها على نار قليلة باش تعطيها وقت تتورق في الفور ولازم تحليها رقيقة والسمن ديري على الوجه غطيها مليح بيه والعجينة تكون وسط مايابسة ما طرية وتتخبى فالثلاجة لفيها مليح في البابيي فيلم والحشوة ادا حبيتيها فاتحة استعملي مكسرات مقشرة وان شاء الله يزيدوا الخبيرات يفيدوك بالتوفيق اختي

[Hanane 05]

شكرا على اهتمامك اختي ربي يجازيك كل خير
بالنسبة للنشاء نحط بين الطبقات كمية لباس بيها ما نكثرش باه ما تيبسش العجينة
السمن درت واحد كاس في بلا يهز كيلو كاوكاو قادر يكون هدا هو المشكل
معناها ندير السمن بزاف نعمرها 2 كيسان؟ الكاوكاو مقشر مي يجي فونسي ولا ولا المشكل فالتحماص
النار هادئة 170 درجة لمدة ساعة
قصدي كي نحطو الطبقة 1 +الحشو + الطبقة 2 ونقطعوها ونحطوا السمن و
قبل ما تطيبوها نغطيوها بالبابيي فيلم و نحطوها فالثلاجة ولا ما نحطوها فالثلاجة والغدوة هديك نطيبوها

[إيزابيل]

اختي البقلاوة غطيها مليح بالسمن اكثر من الدهن جي شوية عايمة والكمية بالضبط والله مانعرف عيني ميزاني وبالنسبة للكاوكاو حمصيه على نار قليلة وخرجيه قبل لا يولي فونصي وماكان لاه تحطيها فالثلاجة خليها برا وحطي فوقها غطاء يكون مرتفع عليها شوية على جال الغبرة برك وماتغطيهاش بالبلاستيك بالتوفيق حنونة وربي يجازيك خير

[Hanane 05]

بارك الله فيكي اختي ربي يعطيك ما تتمناي :)

[كريمة الجزائرية 48]

هاكي وصفة بقلاوة بلا ماشينة وتجيك مروقة روووعة الطريقة سهلة و النتيجة روووعة
http://www.4hawaa.com/vb/showthread.php?t=4197&highlight=%C8%DE%E1%C7%E6%C9

[Hanane 05]

جزاكي الله خيراا
شكرا على اهتمامكي

[إيزابيل]

وربي يعطيك انت كذلك واش تتمناي ويوفقك في صنع اطيب بقلاوة

[فستقية]

ردي يمكن متاخر لكن للافادة قد تكون هناك مبتداات تحتاج هذه النصايح
اختي فهمت من كلامك انك تحطي الطبقات دون دهن الزبدة بينهم حسب ما فهمت
اختي ضروري بين كل طبقة وطبقة تدهني زبدة او سمن وبواسطة ابرة تثقبي كل البالونات الصغيرة اللي تظهر حتى تكملي الست طبقات التحتانية الطبقة السادسة والاخيرة ما تدهنيهاش وتحطي الحشو ثم تغطي بطبقة وتدهني وهكذا حتى تكملي كل الطبقات الفوقانية ونت تدهني بينهم السمن او الزبدة الطبقة الاخيرة ما تدهنيهاش حتى تقطعي البقلاوة وترشقي اللوز او الكاوكاو وتسقيها بالزبدة راح تتورقلك وتجيك روعة ان شاء الله
بالنسبة للمكسرات ما تحمصيهاش بزاف كي تحمصيها بزاف مراحش تشربلك لعسل وكي طيب تقصيها ما تحافظش على شكلها وتريب او تنفصل على بعظها

[Hanane 05]

السلام عليكم
شكرااا اختي على هذه النصائح القيمة
بالنسبة للطبقات انا متبعة وصفة ام اماني دير النشاء فقط بيناتهم وفي الأخير دير كمية من السمن قالت هدي هي اللي تخلي التوريق يظهر
في رأيك تصلح ندير النشاء ونزيد السمن بين الطبقات؟
بارك الله فيكي

[فستقية]

السلام عليكم
شكرااا اختي على هذه النصائح القيمة
بالنسبة للطبقات انا متبعة وصفة ام اماني دير النشاء فقط بيناتهم وفي الأخير دير كمية من السمن قالت هدي هي اللي تخلي التوريق يظهر
في رأيك تصلح ندير النشاء ونزيد السمن بين الطبقات؟
بارك الله فيكي

مع احترامي لام اماني وصفاتها لا يعلى عليها
لكن انا متعودة مثل جميع امهاتنا وجداتنا نعملو الزبدة او السمن وخير اللمور اوسطها ديري السمن ورشي شوي نشا لاني جربت بقلاوة عملتها بالنشا جاتني الورقات ناشفة بالخف تتكسر يمكن الخطىء مني انا معرفتش نحظرها ان شاء الله اللي جربت طريقة الاخت اماني تفيدك اكثر و موفقة

[Hanane 05]

بارك الله فيكي اختي :)