تسجيل الدخول

مشاهدة النسخة كاملة : كبدي ياكبيدي


فاطمة شلف
2016-07-31, 21:27
اهدي هذه الكلمات لكل عسكري او دركي او شرطي
عاشت بلادي الجزائر
والابيات الاولة من طرف الاخ محمدالذي اعطاني الفكرة كتبتها
في خاطر ابني وكل جميع جنود الخدمة الوطنية واتمنى اتنال اعجابكم وريضاكم
وادعوا ا لى اولادنا واولادكم اخواننا واخوانكم جراننا واقاربكم ياربي حتى تحفظهم من كل بلية
اللهم امين
كبدي ياكبيدي راه رجع جندي*** احفظ لي وليدي من كل بلية
في خاطر بلادي هذا ماعندي *** هاذي كلها ليك خدمة وطنية
تابع
ربي ياسيدي ربي تخليلي وليدي** ونعيش انا واياه بكل حرية
بالدعاء راني ندعي ونزيد نصلي* تحفظ وليدي من كل اذية
كبدي ياكبيدي راه رجع جندي *** وليدي صغير وتحمل المسؤولية
من اجل بلادي وليدي واقف جندي* ويحمي في بلادو بكل روح وطنية
راني مشتاق وبدمعة نبكي *** توحشت وليدي هو ضوئ عين الشفاوية
بلادي راني نفديك بروحي ** ونزيد كبدتي في سبيل ارض الثورية
واقف عساس فالشمس ماهو مغطي** الحذاء مزير في رجليه بالحمة مكوية
ياحماة الوطن بدمعة راني نبكي*** من وحش الميمة فالقلب مقدية
معرفتو ياكل ولا يشرب ولا مخبي* عساس فالغابة في وسط الذيابة
راه في لجبال مجند حربي ياربي*** تحفظ وليدي وجميع جنود الخدمة الوطنية

الشطر الاخير
البرد والمطر يصب عليه*** اليد ترتعش والجسم بلي فيه
صابر خايف عليك ياصغيري *** من وحوش الغابة ربي عالم بيه
درتك صغيري ياروحي وعمري*** ناقص حليب الام ماني نغذيه
فات البرد وشتاء جاءت الشمس تكوي* بنار تحرق والحمة في رجليه
اللبسة الخضراء تواتي وليدي ** مزينة بعلام الجزائر ياربي حتى تحميه
من وحشك ياوليدي فاطمة تبكي** ونار الشوق الدموع وما تطفيه
ياربي ياعظيم الشان تحمي وليدي***و جنود بلادي مني تحية ليكم وليه
فاطمة شلف

البدار12
2016-07-31, 22:03
السلام غليكم
ربي يحفظ لك اوليدك ويرجع سالم غانم إن شاء الله

ياربي يخالقي وأنت قيوم ///***///فاطمة يارب تقبل ادعاها
هي ترجا فيك والخاطر مهموم ///***///من كل ابلوات تحفظ أضناها

صبرينة لوتس
2016-07-31, 23:18
السلام عليكم

وليدي يا لعميرة قلبي راه يحوس عليك
الناس فالضلايل وأنت الشمس تحرق فيك

شكرا فاطمة على شعرك الجميل وما تضحكيش على محاولتي :)

فاطمة شلف
2016-07-31, 23:39
وعليكم السلام ورحمة الله وبركاته
اللهم امين
الله الله شكرا اخي البدار على المرور الرائع وعلى الاضافة الممتازة وليس مثلي
على العموم راني نتعلم

ياربي تحفظ لي ضنايا وكل كما انيا
وتهني بلادي ونعيشوا سواسية

فاطمة شلف
2016-07-31, 23:43
السلام عليكم ورحمة الله وبركاته
شكرا اختى صبرينة والله رائع عندك الحق الناس فالضلايل وانت الشمس تحرق فيك
بي امكانك تاليف قصيدة اعجبتني الاضافة الله يعطيك الصحة
راني نتعلم يااختي صبرينة
تقديري واحترامي

فاطمة شلف
2016-08-01, 18:24
لاتبكي ياميمتي لا تنزلي الدموع
ادعيلي بالخير يحفظني ربي من كل بلية

فاطمة شلف
2016-08-01, 18:49
لاتبكي يالميمة لا تسيلي دمعة
راني رايح للجيش والخدمة الوطنية واجب عليا

فاطمة شلف
2016-08-01, 18:51
ماتبكي ياميمتي مايغيضك الحال
انا وليد الجزائر ذوك الابطال

فاطمة شلف
2016-08-02, 08:42
انا ولد الجزائر جابوني لحرار
خلو التاريخ نكمل بالنية

medcherif03
2016-08-02, 11:22
بنت بلادي زاهية جابت ابطال****يا ربي تحفظ ضناها ما يتهان
بنت بلادي تحزمت ربات اجيال****فخر اللأمة يا الله زيدلهم الشان
غدوة يرجع ليك و نعم الرجال****من حقك تزهاي شنانة في العديان
ديري لو عرسو مع بنت الحلال****يعمرلك حجرك ببنات و صبيان

آمين يا رب العالمين

فاطمة شلف
2016-08-02, 11:51
السلام عليكم ورحمة الله وبركاته
اللهم امين
شكرا لك اخي محمد الشاعر على الكلمات الرنانة والاضافة التي من خلالها بكيت
وليد بلادي محمد ساندني فالهدات
بوبكر والبدار ومحمد زين الخصلات
ياربي تحفظ رجال بلادي وتحميهم من كل بليات
وفقكم الله ياشعراء

فاطمة شلف
2016-09-01, 09:06
الدمعة راهي تحرق فالذات
نبات نعد ف نجوم ونحسب فالوقات
من وحشك ياكبيدي النار قدات
طال غيابك وزادت حرقات
حرم نومي والليل طول نبات
نعنق فالصورة ونطفي جمرات

فاطمة شلف
2017-02-22, 09:37
خفكم الله ياخماة الوطن
ياربي تحرسم بعينك التي لاتنام وتحفظهم من كل بلية
وتحفظ بلادنا من اولاد الحرام