عندي مبلغ من المال [الأرشيف] - منتديات الجلفة لكل الجزائريين و العرب

khelifa09

2016-07-31, 20:14

السلام عليكم ورحمة الله وبركاته

عندي مبلغ من المال في La poste هل أتركه في La poste أو اضعه في بنك. و ما هو أحسن بنك في الجزائر لادخار المال.

شكرا لكم

elhosseyn3483

2016-08-01, 08:10

كاين بنوك مليحة منها
الوسادة
المناطق السرية
مكانش الامان في الدولة

ابن غارداية

2016-08-01, 11:17

السلام عليكم

يمكنكم ايداع أموالكم على مستوى بنك البركة فهو يمنح فائدة استثمار عن كل ادخار للمال بنسب

khelifa09

2016-08-01, 11:19

كاين بنوك مليحة منها
الوسادة
المناطق السرية
مكانش الامان في الدولة

هههه. بصح وش هي المناطق السرية

khelifa09

2016-08-01, 11:21

السلام عليكم

يمكنكم ايداع أموالكم على مستوى بنك البركة فهو يمنح فائدة استثمار عن كل ادخار للمال بنسب

شكرا أخي الكريم سأذهب اليهم وأرى

elhosseyn3483

2016-08-01, 14:05

هههه. بصح وش هي المناطق السرية

وكان نقولك متوليش سرية

karime amrs

2016-08-02, 05:13

elhosseyn3483

2016-08-02, 10:41

البنك الوحيد الامن هو خزنة سرية تصنعها بنفسك و تدخر فيها اموالك
الدولة الان في زمن الافلاس و غير مستبعد لو تضع اموالك عندها يقولون السيولة غير متوفرة ارجع فيما بعد بعدها يقولولون لك لا توجد اموال ربي يعوض عليك
اخذر اخي
شكرا

انا قتلك
انا منحط فرنك عند الدولة
تبعد بالضرائب ومعلبليش
انا خبيت دراهمي في الدار
وقلت لزوجتي بحثي
بحثت مدة شهور وملقاتهم
درك وريتها وقاتلي الجن ميجبدهمش
استعمل دكاءك

moha23la

2016-08-05, 11:37

اشري خزينة صغيرة بلاندي كيما هادي
http://store2.up-00.com/2016-08/1470393380891.jpg
خبي وانسى

أم سلوى

2016-08-05, 11:53

انا قتلك
انا منحط فرنك عند الدولة
تبعد بالضرائب ومعلبليش
انا خبيت دراهمي في الدار
وقلت لزوجتي بحثي
بحثت مدة شهور وملقاتهم
درك وريتها وقاتلي الجن ميجبدهمش
استعمل دكاءك
يا اخي ورينا الطريقة....زوجي تاجر...والبيوت عندنا تنهب في النهار..وبما اني كنت ماكثة بالبيت لم نتعرض. للسرقة. و الان اصبحت نكمل القراية...خائفة جدا على البيت..ارينا الطرق..

mrmilano1984

2016-08-05, 12:54

والله خلعتني اخي صح انا حاط اموال في بنك وطني خارجي مند مدة عام تقريبا وصراحة وضع البلاد مقلق ونسالك هل لو بنك طني يقلك مال ماكاش او حتي يدورو عليك مثلا هل ينجمو او ننجمو مثلا الزبائن نشارعهم اي تشارع الدولة او مادا بالضبط من فضلكم انيرونا والواحد راه صح مقلق وتوسوس كما صرات للخليفة والجماعة وو

mrmilano1984

2016-08-05, 12:58

أم سلوى

2016-08-05, 13:09

يااخي هنا للاستفادة ولسنا كالعادة نحسد بعضنا نحن حتي في الافتراضي نحسد بعضنا والله عيب لو في الواقع رانا نعرفو العقلية جيدا بصح الشعب هدا في الافتراضي ويحسدك قراف اعطنا الطريقة ان وجدت

اخى رانا نتناقشوا واش جاب سيرة الحسد....
الاخ ذكر سره ...ونحن نفكر باماكن اخرى...ربما وضعها في السترنة تاع الماء من يدري...ؤبما وضعها في المدفأة..هذا قراره
نحن فقط ندردش ..نتعاون..
اما الاخ الكريم عن البنوك...لن يضيع حقك طبها راه محفوظ
لكن ما يزعجنا هو عدم وجود السيولة لما نحتاجها عند شراء بيت او مشروع ما..
ومهما طال الزمن اموالك محفوظة...
عكس البيت لو احترق لن يبق شيئ فيه...

karime amrs

2016-08-05, 13:40

الى الاخ mrmilano1984
عندك درس الخليفة بنك و العبرة بالدروس
مجهوداتك و تعب سنينك يروج بجرة قلم و لا توجد عدالة لتنصفك و ترجع حقك
ناس ضحايا البنك المفلس منهم من جن منهم من مات بسكتة قلبية و منهم من مازال يمني النفس ان ترجع امواله
هذي هي نصيحتي ليك اخي الكريم

ghilas smail

2016-08-05, 19:15

khifach nifteh un compte ccp min fadlikom

mrmilano1984

2016-08-05, 20:44

والله اخ كريم تفكرك مثل تفكيري مقبيل كنت نتكلم مع عائلة وقلتلهم تخاف تصرالنا كما الخليفة بنك جمع جمع مال وخلي الناس تحط مالهم ووو اتعابهم وزد نسبة الفائدة كبيرة ايا من بعد دار الهدة واعطاها وكما قتلي كل واحد واش صرالو
بنوك الدولة صحيح تاع دولة انا عمري مانحط خواص ولكن كما قلت لو البنوك وضعها يصبح حرجا وتعلن افلاس هل تسترجع حقوق الناس اضن لو تشارع راح تشارع الدولة واكيد عدالة لن تعطينا حقنا هدا ماافكر فيه صراحة اي حق يرجعلك واحد يخبي 100 واخر 200 وفي الاخر حقك يروح لازم واحد يسال خبراء اقتصاديين باش تفهم مليح

mrmilano1984

2016-08-06, 11:42

هي حاجة ضاهرة البنوك الخاصة مافيهمش كامل لامان اصلا انا مانخممش نحط فيهم كامل وامثلة راها معروفة بنك الخليفة راح المدير العام عبد المؤمن خليفة خلي الحسابات تاعو يتعمرو ايا من بعد دار ضربتو وهرب وخلي الشعب كل واحد واش صرالو واحد هبل واحد مرض واحد حكماتو سكتة قلبية وووو اما البنوك الوطنية ايضا رغم انها احسن من خاصة لكن لو يحدث مثلا افلاس لااضن ان اموالنا تسترجع ابدا وحتي لو تشارع الدولة ماراحش تربحهم ابدا واش في ميزك ولي يقول لا تربحهم اسال الخبراء الاقتصاديين خير دليل هم يعطوك اجابة كافية مش اي واحد يتفلسف ويقولك لا لا تربحهم مايصرا والو ويصبر روحو ووو كي تجي الضربة يفيقو

أم ياسين69

2016-08-06, 15:49

بنك الخليفة و قضيتو c exceptionel. بصح البنوك الوطنية ما منها حتى خوف. و مالك محفوظ لاخر يوم. اما عن السيولة اخي فالدولة هي راهي تشجع في استعمال الصكوك و التعامل بها بدلا عن espece. و هدا ما يعنيش انك ما تخرجش دراهمك mais اصحاب المال.يخرجو ب 5 ملايين دينارو اكثر واش يخلو للقليل.علا بيها السيولة ماكانش. روح حط دراهمك تحب بالفائدة او بدونها راهي دايرتها bdl.

elhosseyn3483

2016-08-07, 09:18

يا اخي ورينا الطريقة....زوجي تاجر...والبيوت عندنا تنهب في النهار..وبما اني كنت ماكثة بالبيت لم نتعرض. للسرقة. و الان اصبحت نكمل القراية...خائفة جدا على البيت..ارينا الطرق..

http://www.masralarabia.com/%D8%A7%D9%84%D9%85%D8%B1%D8%A3%D8%A9-%D9%88%D8%A7%D9%84%D8%A3%D8%B3%D8%B1%D8%A9/745917-15-%D9%85%D8%AE%D8%A8%D8%A3-%D8%B3%D8%B1%D9%8A%D8%A7-%D8%AA%D8%AD%D8%AF%D9%8A-%D8%A8%D9%87%D8%A7-%D8%B9%D8%A8%D8%AB-%D8%A7%D9%84%D8%A3%D8%B7%D9%81%D8%A7%D9%84-%D9%88%D9%85%D9%83%D8%B1-%D8%A7%D9%84%D9%84%D8%B5%D9%88%D8%B5

شوف هده الصور تعاونك
المهم بعدي مناطق النار
والصندوق يكون اهم شئ يكون عازل للنار ادا كان المبلغ كبير
تبغي نجي انا نخبيهم (ومن بعد نديهم هههههه)

mrmilano1984

2016-08-07, 10:29

elhosseyn3483

2016-08-07, 11:46

صراحة تكلمت مع الاب تاعي والله اعلم قالك دراهمك يبقاو محفوضين تاع لي يحط عند دولة فقط كي يكثرو يقولك ماعندناش ولي وارجع اما باش يخرجولك الطريق مستحيل حتي لو نقع في ازمة صحيح مايكونش مال ولكن حقك لايهضم مثلا بعد عام عامين ترجع يعطولك مالك والله اعلم نريد توضيحات اكثر

راك تفكي وتحاجي
كي نحتاج دراهمي نبقى عامين باه نديهم
وزيد قضية الخليفة عطاوهم دراهمهم
الدولة صعيبة وكثيرة القوانين

mrmilano1984

2016-08-07, 15:37

يعني علي حسابك لو قدر الله يحدث مكروه لينا في البنوك الوطنية قصدك يعني اموالنا مضمونين تقصد نعم بصح داو دراهمهم شوف واش عمل في الناس قبل كاين لي مات كاين لي مرض وكاين لي هبل

karime amrs

2016-08-07, 15:48

ياناس الخير انقولكم حاجة خطيرة
اخطر من ان الدولة انها تفلس و ما تعطيك حقك
شوفو و تبعو الاخبار الاقتصادية
الدينار راه يطيح من شهر لاخر ففرضا لو كان عندك مبلغ انقولو 100 مليون في البنك في عام 2016
الدينار كي يطيح في 2017 بنسبة معينة راهي 100 مليون تاعك تاع 2017 اقل من 100 مليون تاع 2016 و هكدا مع مرور الوقت تخسر مالك بلا ما انت عارف
التضخم راه يزيد و الدينار راه في الهاوية
تقولولي ممكن تقلبوها دوفيز انقولك ايضا ماشي مضمون
اهل الاختصاص يعطونا الحل ان امكن و شكرا

mrmilano1984

2016-08-07, 16:37

صح اخي عندك حق قليل لي يفهم امور هاته تاع التضخم وووو الدينار يتغير وووو بارك الله فيك واصلا امور هاته فيها خبراء اقتصاديين هم لي يعرفو اشياء هاته

نصيرة الإسلام

2016-08-07, 17:01

http://www.masralarabia.com/%d8%a7%d9%84%d9%85%d8%b1%d8%a3%d8%a9-%d9%88%d8%a7%d9%84%d8%a3%d8%b3%d8%b1%d8%a9/745917-15-%d9%85%d8%ae%d8%a8%d8%a3-%d8%b3%d8%b1%d9%8a%d8%a7-%d8%aa%d8%ad%d8%af%d9%8a-%d8%a8%d9%87%d8%a7-%d8%b9%d8%a8%d8%ab-%d8%a7%d9%84%d8%a3%d8%b7%d9%81%d8%a7%d9%84-%d9%88%d9%85%d9%83%d8%b1-%d8%a7%d9%84%d9%84%d8%b5%d9%88%d8%b5

شوف هده الصور تعاونك
المهم بعدي مناطق النار
والصندوق يكون اهم شئ يكون عازل للنار ادا كان المبلغ كبير
تبغي نجي انا نخبيهم (ومن بعد نديهم هههههه)

جميل و لكن بعضها معروف و البعض الآخر لا يسع للكثير من المال
افضل طريقة ان تحفر في الحائط و ان تضع اموال ,,كما مبين في احد الصور ( البلاط ) ,,أحسن طريقة ,,,يعني حتى و ان فكرو فيها فلن يستطيعو ان يتحسسو كل الحائط او كل البلاط :1:
::::
أما البنوك أظن واحد يبعد عن الخاص احسن ,,و الله اعلم ,,,صليو استخارة :)
هاذي هي للي يقولك ( الفقير يبات مهني و المرفه يبات يخمم)

محمد جديدي التبسي

2016-08-07, 21:06

الافضل ما تتعاملش مع البنوك لانها تتعامل بالربا ولو كان الصندوق الوظني للتوفير والاحتياط فهو يأخذ مالك ويتعامل به بالربا.
ديرهم في الدار في خزانة او اشترهم ذهب او عملة اجنبية

elhosseyn3483

2016-08-08, 08:10

جميل و لكن بعضها معروف و البعض الآخر لا يسع للكثير من المال
افضل طريقة ان تحفر في الحائط و ان تضع اموال ,,كما مبين في احد الصور ( البلاط ) ,,أحسن طريقة ,,,يعني حتى و ان فكرو فيها فلن يستطيعو ان يتحسسو كل الحائط او كل البلاط :1:
::::
أما البنوك أظن واحد يبعد عن الخاص احسن ,,و الله اعلم ,,,صليو استخارة :)
هاذي هي للي يقولك ( الفقير يبات مهني و المرفه يبات يخمم)

ربي يحفظك اختي
انا قصدي لما تشوفي الصور يجيك الالهام
وعجبتني نتاع متكفيش دراهم بزاف
الله يبارك راك معمرة الشكارة هههه

Adel didou

2016-08-09, 14:09

السلام عليكم ورحمة الله وبركاته

عندي مبلغ من المال في la poste هل أتركه في la poste أو اضعه في بنك. و ما هو أحسن بنك في الجزائر لادخار المال.

شكرا لكم
ضعه في بنك التوفير والاحتياط وتاكد من القيام بالتبرع بالفوائد لتجنب الحرام

نصيرة الإسلام

2016-08-09, 16:38

ربي يحفظك اختي
انا قصدي لما تشوفي الصور يجيك الالهام
وعجبتني نتاع متكفيش دراهم بزاف
الله يبارك راك معمرة الشكارة هههه

هههه لا انا اتكلم عن صاحب الموضوع بما ان الشخص يبحث اين يضع امواله فاكيد يكون مبلغ معتبر
اما انا فليس لي مال اخاف عليه ,,الحمد لله :1: