المساعد الشخصي الرقمي

مشاهدة النسخة كاملة : تعيشو اللي يقدر يعاوني ........

مسلمة عفيفة
2016-07-31, 17:14
السلام عليكم اخواني في الله ......حبيت نسألكم علة هاتف s3 شحال راه يدير........راه عندي galaxy note 2 شريتو ب3 و ميتين بصح تبانلي تكلحت فيه و خسارة دراهم برك حابة نشري واحد في حدود زوج ملاين ولا زوج و نص باش تنصحوني ....المهم تكون لاكاليتي ديماج مليحة و يشد لاشارج و شكرا مسبقا......
مسلمة عفيفة
2016-07-31, 18:00
اين انتم يا اهل الخير .......ولا جواااااااب
DjamelCr
2016-07-31, 18:23
ننصحك ب Galaxy s4 تلقيه ب 24000 دج الى 26000 دج
بالنسبة لل Galaxy s3 لا يتجاوز 17000 دج
و galaxy s3 4g بحوالي 21000 دج
و Galaxy s3 neo ب 23000 دج
مسلمة عفيفة
2016-07-31, 23:26
شكرا اخي بارك الله فيك ......lgg2 شحال راهم يديرو ......تبانلي عندكم طايحين شوية
DjamelCr
2016-08-01, 06:55
lg g2 فيه الرينوفي بزااف ...قليل وين تصيبي حبة نقية
khelifa09
2016-08-01, 08:03
أخي وش معناها الرينوفي شكرا
DjamelCr
2016-08-01, 08:55
rénové = معناه هاتف معاد التصنيع ... يعني مثلا شخص يشري هاتف ب 300 دولار و بعد فترة تحدث فيه مشكلة يرجعو للشركة و الشركة تمدلو هاتف جديد .. و الهاتف المعطوب يبعثوه للصين و يصلحوه و يرجعوه كيما كان جديد و يبيعوه بثمن متوسط و يمكنك البحث في أمازون و إيباي عن هواتف refurbished و ستجد العدييييد منها و بأثمنة متوسطة عكس الاصلي ... و يصعب تفرق بينه و بين الاصلي ... و الكثير من البائعين يستغلو جهل الزبائن و يبيعوهالهم على اساس اصلية بثمن مرتفع ... و أيضا قد لا يتوافق الجهاز مع التحديثات ... و ممكن ايضا يتوقف الجهاز نهائيا بعد مدة ..
يعني مش معقول تدفع 26000 دج في هاتف و بعد شهر او شهرين يخسرلك...
khelifa09
2016-08-01, 08:59
rénové = معناه هاتف معاد التصنيع ... يعني مثلا شخص يشري هاتف ب 300 دولار و بعد فترة تحدث فيه مشكلة يرجعو للشركة و الشركة تمدلو هاتف جديد .. و الهاتف المعطوب يبعثوه للصين و يصلحوه و يرجعوه كيما كان جديد و يبيعوه بثمن متوسط و يمكنك البحث في أمازون و إيباي عن هواتف refurbished و ستجد العدييييد منها و بأثمنة متوسطة عكس الاصلي ... و يصعب تفرق بينه و بين الاصلي

شكرا أخي على المعلومة
DjamelCr
2016-08-01, 09:35
شكرا أخي على المعلومة

Your :mh92:
مسلمة عفيفة
2016-08-01, 17:05
شكرا اخي بارك الله فيك ......و كيفاش نعرفوه كي يكون رونوفي ولا اصلي.....و جزاك الله خيرا.....
DjamelCr
2016-08-01, 17:23
Maybe you could try calling LG Customer Service and ask them to check the serial & IMEI numbers.
DjamelCr
2016-08-01, 17:31
من الصعب التفريق بينهم
مسلمة عفيفة
2016-08-01, 18:30
شكرا اخي ربي يحفضك اسمحلي كثرت عليك ........راني نحوس نبيع تيليفوني galaxy note 2 نضيف خلاااااص شحال يجيبلي السومة ....؟؟
DjamelCr
2016-08-01, 18:35
على حسب إذا كان lte ولا لا
.أيضا بلد الصنع كوري او فيتنامي او اماراتي فهم يتفرقو في الجودة
DjamelCr
2016-08-01, 18:39
لا شكر على واجب أختي . حفظك الله من كل سوء
مسلمة عفيفة
2016-08-01, 18:45
اخي كي ندير ليماي نتاعو تجيني 05
مسلمة عفيفة
2016-08-01, 18:45
و تحت البطارية مكتوبة made in vitenam by samsung
مسلمة عفيفة
2016-08-01, 18:50
يعني اصلي ....نحوس نعرف شحال السعر اللي نقدر نبيع بيه
DjamelCr
2016-08-01, 18:52
الهاتف أصلي جودة عالية ... هل هو lte ؟
DjamelCr
2016-08-01, 18:57
ممكن يجيبلك 28000 دج ... لكن من خبرتي .. ماتبيعيهش ... الجهاز راه مشاء الله عليه اجهزة النوت من أفخم اجهزة السامسونغ
و رأيك هو الأهم اختي .. انا عليا النصيحة
DjamelCr
2016-08-01, 19:03
تبيعيه و تحصلي سوق الهواتف في الجزائر راه فيه غير الخردة تاع الكوندور و اشباهه...
و بالنسبة لل lg راني شرحت للاخ كييفاه اهم يستغلو جهل الناس و يبيعولهم الرنوفي على اساس اصلي
مسلمة عفيفة
2016-08-01, 19:17
بصح انا كان عندي هاتف lg g2 عاجبني خيرمن note2 .....
مسلمة عفيفة
2016-08-01, 19:18
و كيفاش نعرف بلي lte ولا لالا...؟؟؟؟ انا زعمة نبيع فيه نحوس غير ب 25 اللي نقلو ب25 يتخلع و يقولي غالي و انا والله شريتو ب 3200000
DjamelCr
2016-08-01, 19:26
أسف اجهزة النوت 2 هي lte ... سعر 25 الف دج سعر جيد جدا...خاصة و انك تقولي نظيف بزاف
يا أختي يقولولك غالي لاخاطر شايفين اجهزة رخصية الثمن كالجيوني و الهيسنس المسمى ب condor ... و هي made in china و جودة متوسطة الى سيئة

ما تسمعيش لكلامهم السعر راه معقول جدا و جهازك راه أصلي
مسلمة عفيفة
2016-08-01, 19:38
شكرا اخي بارك الله فيك ....حبيت نبيعو و حصلت....
DjamelCr
2016-08-01, 20:04
صدقيني تبيعيه و تحصلي ... زيد الا فيه صور ليك او اي صور خاصة غير ماتريسكيش
راهم يرجعو لوكان بعد 1000 فورمات
لازم تبيعيه لشخص تثقي فيه ثقة عمياء
راني نصحت و نزيد نعاود ماتبيعيهش
مسلمة عفيفة
2016-08-01, 20:16
علاش كي نفورماتيه ميروحوش طول طول؟؟؟ هاذاك النهار حذفت دوسي كااااامل و حرت كيفاش نرجعو فيه فوطوات و فيديوات ...تيليشارجيت discdiger رجعت بيه الفوطوات بصح الفيديوات محبوش يرجعولي جربت كل محبوش يرجعولي .....قلت نرجعهم و نهزهم في فلاش ديسك و نعاود نفورماتي التيليفون و قالولي كاين كود تديريه كيما اللي تشوف بيه الهاتف اذا اصلي كي تديرو يتحذف كلش من الهاتف نهائيا و متقدرش ترجهم باي طريقة
مسلمة عفيفة
2016-08-01, 20:17
وشكرا اخي في الله على اهتمامك .......
DjamelCr
2016-08-01, 20:38
try this : الطريقة الأولى

نبدأ بإدخال الكود التالي #7370#*

من اليسار لليمين «ابتداءاً من النجمة».

ثم يطلب إدخال رمز القفل للجوال

ندخل الرقم 12345 إذا لم يتم تغيير الرمز.

وبعدها...

سيعاد تشغيل الجهاز تلقائياً

or
قم بتصوير حائط... ما يقارب 60 صورة ومسحها أيضاً وذلك لأن الذاكرة الرئيسية "main memory" تحتفظ بآخر 50 صورة لا تذهب بعد المسح ولا الفرمتة وهذي الطرق قد تكون الأسلم لمن أراد أن يحفظ خصوصيته.
ويصبح الجهاز جديد وخالي من أي ملفات أو برامج.
-------------------------------
عفوا أختي و أعتذر على الاطالة
مسلمة عفيفة
2016-08-01, 21:40
شكرا اخي والله ربي يحفضك و يعطيك وش تتمنا و ربي يسرلك امورك و يسترك ان شاء الله دنيا و اخرة
DjamelCr
2016-08-01, 21:47
آمين يا رب . أجمعين
الله ينورك و يسترك اختي
و كيما قتلك أخطيك ماتبيعيه ماوالو راهم الهواتف كل كيف كيف .. و هذا عن خبرة .. و خصوصا أن هاتفك جيد جدا ما شاء الله
مسلمة عفيفة
2016-08-01, 21:49
شكرا اخي نخاول ندير الكود اللي عطيتولي في حالة تباعلي و فيما يخص قلتلي الهواتف كامل كيفكيف .....هو السامسينغ كامل كيفكيف بصح lgg2 جاني مميز عليهم فيه حوايج بزاف زايدين على السامسينغ ولا وش قلت.....
DjamelCr
2016-08-01, 21:55
صحيح أن هاتف جي2 متطور على نوت 2 ... لكن لماذا تبيعي بالخسارة يعني تشري ب 3 و ميتين و تبيعي ب 2.5 ولا أقل... بزاف والله

و بما أنك مصممة على البيع ننصحك بنسخة lg g2 d802 هي الاجدد و الاروع و أي إستفسار أنا موجود .
مسلمة عفيفة
2016-08-02, 10:53
شكرا اخي .....ربي يجازيك..
DjamelCr
2016-08-02, 11:06
عفوا أختي . أتمنى اني نكون أفدتك
حفظك الله
مسلمة عفيفة
2016-08-02, 16:08
السلام عليكم راني نقلت كل الصور و الفيديوهات للكارت ميموار و حاولت ندير الكود اللي عطيتولي مصلحليش وليت عاودتلو الفورما و صورت 100 صورة ( الدوبل على وش قلتلي نتا .....ههههه)
DjamelCr
2016-08-02, 16:12
هههههههههه ممكن الكود مش متوافق مع نسخة الاندرويد

بالتوفيق