المساعد الشخصي الرقمي

مشاهدة النسخة كاملة : طلب نصيحة حول تخصص طب

sarita02
2016-07-30, 20:34
السلام عليكم انا طالبة في المدرسة العليا للاساتذة في بوزريعة تخصص تاريخ وجغرافيا سنة ثانية يعني بقاولي عامين ونكم قراتي ولكن عندي مشكل انا كنت علمية لكن صراتلي ظروف و مخدمتش مليح فالباك ديالي فكانت االنتيجة انو المعدل التاعلي ملحقش لمعدل الطب وهو التخصص لي كنت حابا نديرو اومبعد درت مدرسة عليا رماوني تاريخ وجغرافيا لانو معدل مالحقش للعلوم ماعاودتش الباك حسبت بلي رح نتقبل الشعبة لي راني فيها والحقيقة عائلتي اثرت عليا بزاف انو التعليم مليح وكامل التخصصات كيفكيف لكن انا كل مالي ونكره التخصص لي راني فيه هل تنصحوني نعاود الباك 2017 علما وقتها اذا جبتو يكون عمري 22
عائلتي ضد اعادتي للباك خصوصا انو وقتها يكون بقالي عام ونتخرج ونتوظف وايضا انو دراسة الطب طويلة وصعيبة وانا انثى ماراحش نقدر نوفق بين البيت ومسؤولية الزواج و كذا الدراسة مع انني اعلم صعوبة الامر
راني حايرة انا نكره التاريخ والجغرافيا واكره اكثر التعليم واحب الطب كثيرابماذا تنصحوني وشكرااااااااا مسبقااااا
lordgaga
2016-07-30, 20:50
على حساب واش راكي تهدري راكي ملحة و عندك ارادة قوية و حب عظيم للطب فانا اقول لك و اترجاك ان تحققي حلمك فلا يهمك عمرك و لا المشوار الطويل للطب و لا العامين التي درستيها تاريخ و جغرافيا انطلقي و سجلي في نوفمبر للبكالوريا كمترشحة حرة
نبض قلبي
2016-07-30, 20:50
اختي تقدري تكملي تقراي المدرسة العليا باه ماتضيعيش اللي قريتيه و من بعد عاودي الباك و ديري طب ، واعلمي ان الارادة تصنع المعجزات ، و الحياة قصيرة يعني الانسان و ش عندو من فايدة غير يتمسك بدينو و يقرا قرايتو .
وتبقى في الاخير وجهة نظر لا غير فالقرار لك اختاه في الاخير .تقبلي تدخلي مع تحياتي
أم سلوى
2016-07-30, 20:56
رأيي الشخصي كملي هذو الاعوام..وبداي التعليم استاذة واقراي للطب...عادي استاذة تخدم وتقرأ..طب..يعني لديك وقت كثير المراجعة وحل تمارين
ستيفاني
2016-07-30, 22:39
انا مثال حي لك انا جوزت باك 2013 ودرت مرسة عليا علوم ومصحتليش طب وف 2016 عاودت باك جبت قريب 17 والحمد له راح ندير طب مي راح نكمل مدرسة عليا ثاني ربي يوفقك
sarita02
2016-07-31, 12:59
على حساب واش راكي تهدري راكي ملحة و عندك ارادة قوية و حب عظيم للطب فانا اقول لك و اترجاك ان تحققي حلمك فلا يهمك عمرك و لا المشوار الطويل للطب و لا العامين التي درستيها تاريخ و جغرافيا انطلقي و سجلي في نوفمبر للبكالوريا كمترشحة حرة

شكرااااااا عن التشجيع نزيد نعاود نصلي اسخارة لاني صراحة كي صليتها ماحسيت بوالو وربي يقدم لي فيه الخير لانو بزاف صعيب نقرا ونخدم في مجال منحبوش رغم انو المنصب مضموون :)
sarita02
2016-07-31, 13:04
اختي تقدري تكملي تقراي المدرسة العليا باه ماتضيعيش اللي قريتيه و من بعد عاودي الباك و ديري طب ، واعلمي ان الارادة تصنع المعجزات ، و الحياة قصيرة يعني الانسان و ش عندو من فايدة غير يتمسك بدينو و يقرا قرايتو .
وتبقى في الاخير وجهة نظر لا غير فالقرار لك اختاه في الاخير .تقبلي تدخلي مع تحياتي

شكراااا على النصيحة لكن اعتقد راح تكون صعيبة اني نخدم ونقرى الطب في نفس الوقت لانو الطب لازم التركيز و التفرغ ليه خاصة اني في سنة العمل الاولى راح نكون مظغوطة في جال الترسيم وكيما قلت واش عند الانسان غير يتمسك بدينو وقرايتو
رح نعاود نصلي استخارة وربي يفرجهااا
sarita02
2016-07-31, 13:11
[quote=ستيفاني;3995925769]انا مثال حي لك انا جوزت باك 2013 ودرت مرسة عليا علوم ومصحتليش طب وف 2016 عاودت باك جبت قريب 17 والحمد له راح ندير طب مي راح نكمل مدرسة عليا ثاني ربي يوفقك[/quo

الله يبارك اختي مبروك على النجاح والتفوق لكن كيفاه درتي باش تحصلتي على معدل عالي هل بلوكبتي العام فالمدرسة ولا لا واكيفاه راح ديري تقراي التخصصين في نفس الوقت وهل عائلة تاعك موقفوش ضد قرارك لانو الصراحة عائلتي ضد قراري لانو في نظرهم التعليم احس للمرأة من الطب لي طويل و مافيهش وقت للراحة وشكراا على المرور
sarita02
2016-07-31, 13:14
رأيي الشخصي كملي هذو الاعوام..وبداي التعليم استاذة واقراي للطب...عادي استاذة تخدم وتقرأ..طب..يعني لديك وقت كثير المراجعة وحل تمارين

شكرااااااااااااا على الرد لكن ماشي صعيبة نقرا ونخدم لانو الخدمة فالتعليم مسؤولية و الوقت ماراحش يساعدني يعني تقريبا نخدم كل يوم كيفاه راح نقدر نقرا الطب لي يحتاج حضور يومي و تحضير و مراجة يومية ايضا
ستيفاني
2016-07-31, 13:31
انا راني سنة ثاثلة في مدرسة عليا مبلوكيتش والله ارادة وزيد كن تبلوكي عام يزيد عليك ضغط فهمتي اقراي بارتياح متبوكيش فهمتي
sarita02
2016-07-31, 20:09
انا راني سنة ثاثلة في مدرسة عليا مبلوكيتش والله ارادة وزيد كن تبلوكي عام يزيد عليك ضغط فهمتي اقراي بارتياح متبوكيش فهمتي


والاختبارات تاع الفصل الثاني يكونوا تقريبا قبل البكالوريا بأسبوعين كيفاه قدرتي توفقي بين الاثنين خاصة انو الاسابيع الاخيرة مهمة جدا في المراجعة للبكالوريا
وشكرا