لعوبات عقدوني [الأرشيف] - منتديات الجلفة لكل الجزائريين و العرب

مشاهدة النسخة كاملة : لعوبات عقدوني

مشكلتي

2016-07-30, 14:57

اولا السلام عليكم احبابي اطالع مشاكلكم واول مرة اضع مشكلتي باختصار انا انسان حنين وطيب موش حيلي او خبيث الحمد لله عامل 25 سنة المهم البنات معنديش زهر فيهم يعني الي نحبها تخدعني مع اخر ميسواش يدير فيها المنكر ولاني لدي قدرات في علم النفس اساعد اي شخص ولكن خطب 3 مرات في كل مرة تخدعني ومنحكيلكمش ايام الجامعة الي نحوس نتقرب منها ونيتي طيبة ونحكي ليما عليها باه نطلبوها تدور عليا وتخدعني ....
خايف تركبني عقدة لانو 3 خطوبات فاشلة يعني هل الانسان الطيب لهذي الدرجة يستكبرو عليه ؟ ويروحو للرخيس الي يلعب بيهم ؟ واش ذنبي لم اخض علاقة او امسس امراة
راسي حبس خصوصا لما نشوف مخطوبات يلعبو وراء ظهور ازواجهن ربي يستر وليت نخاف حتى اذا تزوجت ممكن يخدعوني لانهم يتمسكنو حتى يتمكنو منحكيلكمش شحال قاسيت مع الوظيفة ورغم توظفت الحمد لله مازلت اعاني
ارجوكم اشيرو علي براي صواب كيفاش نتجاوز هذي المشكلة...... رغم اني معنديش مشاكل اسرية والحمد لله لاهل الخبرة في العلاقات واش راهو ساريلي وهل عدم خبرتي هي السبب.....؟
جزاكم خيرا واتقبل كل انواع الرد ولو نقدا

لحن الحياة.

2016-07-30, 18:36

ربي يفرج عليك اخي

أم سلوى

2016-07-30, 18:39

ادعي فقط الله بالزوجة الصالحة تظهر امامك..وايضا اا تفكر في مساوئ النساء فتجلب لنفسك للسيئات فقط فكر في الجوانب الجيدة لها...

houda_jijel

2016-07-30, 18:51

ربي يكتبلك المراة الصالحة التي يشرح الله بها صدرك

samara lara

2016-07-30, 19:35

ادعي الله اخي ربي يرزقك الزوجة الصالحة

*أم سجى*

2016-07-30, 19:44

لا تخف أخي فعدم استمرار خطوباتك لايعني أنك فشلت في التمكن من خطيبة ...بل يعني أن الله سيقرنك ويلاقيك بالمرأة التي تشابهك وتناسبك وتعرف قدرك جيدا ...(الطيبون للطيبات والخبيثون للخبيثات)آية كريمة لو نظرنا الى أرض الواقع لوجدناها مطبقة وظاهرة جليا فكل انسان يلاقيه الله تعالى بمن يشبهه.......فلا تحزن ولاتجزع بل وافتخر مادمت انسانا طيبا

mrmilano1984

2016-07-30, 20:02

اهي سلامة راسك هدا ون فقت ان شاء الله ربي يعطيها حساب قلبها وحاسب نيتها انا نقولو البنات تاع دك واعرات بزاف بزاف ومالازمش تامن لازم تكون صنديد وراجل مش مراة تفشلك او طيجك مورال صح يغيضك حال لكن راه طيح غي مول الفول تاع الصح ويزكللها الفول العاصي تاع الصح ماتخافش ام كاين رجال خو حاسبات رواحهم قافزات وشاطرات وهي في قلبها تفونجي وتنتقم من راجل وتتلدد لكن الكاس لي شربتو نتا راه تدوقو مليح ان شاء الله وتدوقو مر شريطة طيح مع راجل مرحي في راسو يرحيها مليح مليح اه ياربي انا تلعب بيا مرا خصوصا هدا نوع منافق جدا
وبلاك تزيد تامن اخي في اي منتدي امشي بعقلك لاقلبك ابدا كما يقولو هوما مانمد قلبي لحتي راجل نخدم عقلي باش نمد قلبي ياو قاقو نتا ربما مشيت بنيتك اخي
ربي يعوضلك ببنت فحلة تاع الصح وهادي يعطيلها لي يلزمها

خاطرة

2016-07-30, 21:07

ولاتقنط من رحمة لله كلنا عندنا تجارب حتى انا من الرجال انخطبت 3 مرات الاول خطبني باش ينسى حبوا الاول والثاني والثالث راحوا بدون رجعة والله اصبر وابنت الحلال في مكان ما بانتظارك فقط اصبر وان شاء الله ربي يبعتلك على حساب قلبك

لمسة ابداع

2016-07-30, 21:11

السلام عليكم و رحمة الله و بركاته
عندك قدرات في علم النفس و خايف تتعقد اساعد اي شخص ولكن خطب 3 مرات في كل مرة تخدعني اعرف وين تتحط رجلك مايخدعوكش شوف بنات الفاميليا ومنحكيلكمش ايام الجامعة الي نحوس نتقرب منها ونيتي طيبة ونحكي ليما عليها باه نطلبوها تدور عليا وتخدعني ابدأ حياتك بالحلال ربي يباركلك فيهاااا ربي قال و اتو البيوت من ابوابها

ا سمحلي خويا ممكن كلامي قاسي شوي
نظن بلي من الطيبة الزايدة اللي تحكي عليها رايح تولي ساذج

و الحب يجي من وراء الزواج ماش قبل الزواج

ربي يرزقك الزوجة الصالحة

روح المي

2016-07-30, 21:43

نصيحة أرجع لطريق الله
وماذا تتوقع فمن أقامت علاقة معك إحتمال كبير عملتها قبلك الا من رحم
توب لربي واطلب منوا سماح وهو راح يسرلك

الدفن قبل الموت

2016-07-30, 21:48

كدت اتزوج شخصا لا يستحقني،اكتشفت خيانته لي مع اخريات بالدليل القاطع في اخر لحظة ،تخلصت منه و صبرت و عوضني الله بشخص احسن منه بسنين ضوئية،يعاملني و كانني اميرة ،و لا يرى امراة غيري على وجه الارض،بعدما جرعني الاول كاس الذل و الخيانة. الخيانة انتشرت بين الرجال و النساء على حد سواء و لاينبغي ان يكون هذا سببا في عزوفك عن الزواج و الثقة في زوجتك...اسال الله ان يقض حاجتك

نورسين.داية

2016-07-30, 22:11

السلام عليكم

يظهر لي مشكلتك غريبة نوعا ما ، و على حسب ما أسلفت أنك خبير في علم النفس لما لم تستفد بها في حياتك الشخصية أولا ؟؟؟؟

و هذه الخبرة عن دراسة أم ماذا ...لما لم تشرح خلفية الخبرة على الأقل نستفيد منك ....

عموما المشكلة و كأن لها علاقة أو تتمة بالقصة المفبركة التي راجت اليوم (30/07/2016 )من الصباح تحاول تكريس معنى واحد و هو أن الضحية هو الرجل ..و المجرم هو المرأة المحجبة المسلمة

الحمد لله الجزائريين لسوا أغبياء لهذه الدرجة

هذا رأي طبعا

خالد عنابي

2016-07-31, 00:19

عجبتني غير تع " لدي قدرات في علم النفس " هههههههه

صايي راني لقيتلك الحل استعمل قدراتك لكشف شخصية البنات فلا يلعبن بك هه

elhosseyn3483

2016-07-31, 10:58

احمد الله اخي على انك اكتشفت الخيانة قبل الزواج

فاصلة

2016-07-31, 11:03

الله يرزقك الزوجة الصالحة

الطائعة لزوجها

2016-07-31, 11:19

khelifa09

2016-07-31, 12:25

الطيبون للطيبات والخبيثون للخبيثات

نعم الطيبون للطيبات والخبيثون للخبيثات. ربي يرزق شباب المسلمين زوجات طائعات لأوزاجهم مثل اسمك. كينشوف اسماء مثل اسمك نقول مزال بنات الفامليا

ولي خافوا ربي ومازال الخير

إنسانة بسيطة

2016-07-31, 12:42

ميعقدوك ماوالو راك انت تعقد بلاد

أندلس

2016-07-31, 12:52

عدد الخائنات بعدد الخائنين و أكثر البنات أيضا يخفن من الخائن قبل و بعد الزواج خاصة مع مواقع التواصل التي تسهل كل شيء
قصدي أنا أكره التعميم و أكره أن يحكم على الكل انطلاقا من الجزء
و لعل الله صرف عنك هؤلاء لأنه رأى فيك الخير فيفترض أن تفرح لا تحزن و تتعقد

mrmilano1984

2016-07-31, 12:55

ياخويا طيش عليك ماتستاهلش ابدا تبكي عليها صدقني لانو حسب واش حكيت حقيقتها بنات ونتا تحزن من عبدة كما هادي الله يهديك لوكان زوجتك ماتت او مرضت او صرالها مكروه وتستاهل التضحية ماعليش اا هادي خاينة هادي خانت ربي نتا ماتخونكش

حيآتي أسمَى

2016-07-31, 13:36

Mazel kayak bnat l7lal
Rebi yfrej

يوسف سرار

2016-07-31, 14:31

ربي يرزقلك الزوجة الصالحة إن شاء الله

*أم سجى*

2016-07-31, 14:39

هذه قصة مفبركة صاحبها لديه 3عضويات ويفتري علينا الكذب ومعظم قصص مشكلتي من تأليفه

bello angel

2016-07-31, 15:25

عندكم يومين تدورو في نفس الحكاية باه توصلو بلي راكم ملائكة وباه تعمو بللي مكانش بنات فاميليا
من لاااااااااااااخر خلاص ادا حشاتهالك مرا فذلك لانك جايح ليس لان كل النساء سواء
وادا حشاوهالك زوج نسا فانت قمة الجياحة
وادا ثلاثة روح ادفن روحك

فاعرف وين تحط رجليك
لا داعي للاقتباس وبليز ماتحدفوليش ردي يا الادارة
وشكرا