صابلي بنكهة النيسكافي

[إلهام07]

البسملة1


أخواتي للمرة الثانية أكرر تأخري في كتابة الوصفات راجع للكسل فقط و خاصة أن موقع التحميل رجع صامط بزاف
https://encrypted-tbn3.gstatic.com/images?q=tbn:ANd9GcTK6iN26hXqPopy3YKGLMrHqRaNbQBff eDEmh7kNMe0dtyRCbPk
أما البخل خاطيني https://encrypted-tbn1.gstatic.com/images?q=tbn:ANd9GcSPSvJ7-ZbtLIy3vFwnBrValhhaI7Yvl9NEUPGr5UFxOGYmN4BD وتعرفوني مليح منين نلقى وصفة مميزة نحب نشارككم بيها لسبب بسيط ....وهو دعاوي الخيرhttps://encrypted-tbn3.gstatic.com/images?q=tbn:ANd9GcQHjdUsVUKZDH1qXyaIa2ednuiA2TXg-c1Ws7cqZqrSbKqlUn5g




هذي الوصفة درتها في عيد الفطر ماتتصوروش الناس كامل تسأل على الوصفة ريحة وطعم النيسكافي فيه باين والريحة تضرب من البعيد وطري يذوب في الفم وبنييييييين يهبل من طعم الصابلي للكريمة للقلاصاج نتاعو كي تخدموه تشبعو لحيس هههههههههه

https://encrypted-tbn3.gstatic.com/images?q=tbn:ANd9GcTXgkkT0qRBW7R8Mp1oICA_BNffHsinl EYuoOK1riNVaavjEfxDJA
هذي طريقتي أنا يعني من راسي جربوها بإذن الله تعجبكم وعلى العموم سبقتكم أختي وجربتها فعلا روعة طري يذوب في الفم ونكهة القهوة محببة عند الجميع وقلاصيتو بالشوكولا بدلا من القلاصاج باش يجي بنين ... ديما نركز على البنة قبل الشكل https://encrypted-tbn0.gstatic.com/images?q=tbn:ANd9GcRONYHHZp5hcPZfOmIh4dhZ2Ym7B__pK 0wBwpvWUTo8fCwly1lq-w




للعجينة :




250غ مارغارين فلوريال ،5 م ك سكر ناعم،3 صفار بيض،3 م ك نشاء ،2 م ك نيسكافي سائلة مركزة،1 م ص نكهة القهوة( انا شريت نتاع الميزان اللي تتباع سائلة عند اللي يبيعو لوازم الحلويات نكهتها مركزة )


½ خميرة حلويات ، 1 م ك فاني ، فرينة لجمع العجينة



للكريمة :



100غ زبدة ستار،5م ك سكر ناعم،2/3 علبة دانيت شوكولا،1م ك فاني،2م ص نكهة قهوة، نيسكافي سائلة مركزة حسب الحاجة


للقلاصاج :



500-400شوكولا بيضاء ،1م ص نكهة قهوة، حليب حسب الحاجة،نيسكافي سائلة حسب الحاجة
وهذي صورة الشوكولا المستعملة ماديروش نتاع

الميزان ماشي بنينة كاينة بيضاء أو سوداء اللي تحبو أشريو منها للقاطو واستعملوها هي أحسن من شوكولا الميزان
http://www.up.djelfa.info/uploads/146983312946141.jpg




الطريقة :



- نحضر عجينة الصابلي:
نضرب الزبدة والسكروالفاني مليح ونضيف القهوة السائلة ونكهة القهوة ثم نضرب ونضيف النشاء والخميرة ونخلط ثم الفرينة نضيف غير بالشوية هذا الصابلي راهو ينشف بسرعة حذاري لازم نخلي العجينة طرية مايجيش الصابلي يابس لأن القهوة تيبس الصابلي
- ونطرحها ونطبعها ونطيبها ومانحمرهاش في الطياب باش يجي طري الصابلي .



- نحضر الكريمة:نطلع مليح الزبدة على أقصى سرعة ممكنة مع السكر والفاني ثم نضيف الدانيت ونكهة القهوة ونضرب ثم نضيف النيسكافي بالشوية ونطلع حتى نحصل على كريمة خفيفة ونذوق إذا محتاجة سكر نزيد
حذاري ، القهوة المركزة نضيف بالشوية يعني بالملعقة نتاع الأكل كل مرة ونخلط لو نبالغ في وضع السوائل رايح تفسد الكريمة وترجع تشبه للحليب لما يروب

- نلصق حبات الصابلي بالكريمة وتكون طبقة الكريمة باينة (1م ص لكل حبة ) ... كمية الكريمة راهي مضبوطة لايفترض أن تبقى كريمة بعد الانتهاء .
الكريمة رايحة تزيد تبنن وطري الصابلي


- نذوب الشوكولا البيضاء : في حمام مائي نحط الشوكولا البيضاء مبشورة مع نكهة القهوة وشوية قهوة مركزة ونخليها تذوب ... لما تذوب نحرك ونضيف القهوة السائلة وإذا حسيتوها رايحة ترجع غامقة في اللون نضيف حليب حتى نحصل على القوام المطلوب ، المهم ضيفو السوائل غير بالشوية باش ماتجراش الشوكولا من بعد ماتجمدش مليح

- نغطس حبات الصابلي في الشوكولا والتزيين حسب الرغبة ونخليهم يقطرو فوق شباك .


هذه الكمية تعطيك حوالي 40 حبة .

http://www.up.djelfa.info/uploads/146983039155651.jpg
http://www.up.djelfa.info/uploads/146983039157652.jpg
http://www.up.djelfa.info/uploads/146983039159863.jpg
وهذي صورة الكريمة
http://www.up.djelfa.info/uploads/146983044547051.jpg

أنا نقصت شوية شوكولا اللي ذوبتها مع النيسكافي وزدتلها شوية صغيرة شوكولا سوداء ذايبة تحصلت على لون بني فاتح حطيتو في كيس وذوبت شوية شوكولا سوداء وحدها مع شوية حليب وحطيتها في كيس وعملت قلاصاج منمر
على العموم القلاصاج المنمر أحسن شيء يجي بالقلاصاج باش يسيح ويجي مستوي أما بالشوكولا يجي بومبي ماشي مسطح وكل وحدة وذوقها :mh31:

http://www.up.djelfa.info/uploads/146983044551282.jpg
http://www.up.djelfa.info/uploads/146983044553253.jpg
http://www.up.djelfa.info/uploads/146983077346371.jpg

وهذا تطبيق أختي
http://www.up.djelfa.info/uploads/146983077349042.jpg

كي تنشف الشوكولا مليح نزيل زوائد الشوكولا من الأسفل بالسكين باش جي خدمة نظيفة ومتقونة .
إذا عملتو قلاصاج منمر ماديروش ملمع أما إذا عملتو قلاصاج عادي كيما نتاع أختي لازم ديرو ملمع ذهبي يجي باهي بزاف انا نسيت ماصورتوش .

طبعا لازم منين تخلصو تحطو الحبات في حاويات ورقية ويتخبى في علبة محكمة الإغلاق باش ماييبسش القاطو ويحتفظ برائحة القهوة الزكية .

وماتخافوش الشوكولا البيضاء هذي ماتذوبش في السخانة كيما الشوكولا السوداء على بالي رانا في الصيف نتفاداو حلويات الشوكولا .


وهذا درتو الاسبوع اللي فات لعرس بنت خالتي
http://www.up.djelfa.info/uploads/147255561333082.jpg
http://www.up.djelfa.info/uploads/147255566459731.jpg

أتمنى جربوه ويعجبكم :mh31:

تحياتي .... أنا لهلوبة
https://encrypted-tbn3.gstatic.com/images?q=tbn:ANd9GcT0FyJcRkARlJtiRIz6jgVEGKmDp3srG Xzi6_Cammb3rpj0rl1YRA

[أمنية غفران]

تبارك الله عليك حبيبة الجماهير لهلوبة ماشاء الله عليك ربي يحفظك و يهنيك

دمتي متألقة

[ام صفصف]

شكرا يبان روووووعة

[أحلام مؤجلة]

موالفة نديرو بطريقة اخرى وبالقلاصاج نجرب هذا اكيد افضل بكثير روحي ربي يعطيك ماتتمناي ويفرحك كيما تفرحينا دايما ويرزقك من حيث لا تحتسبين

[ام رضوان]

السلام عليكم
يارب يرزقك بواش تتمناي يالهلوبة
جاوبيني الشيكولة كي تضيفيلها القهوة ماتييسلكش؟
انا الشيكولة البيضاء كون نضيفلها اي شيء تيبسلي
فهميني عيشك
وربي يرزقك على قد نيتك امييييين

[maloo]

جزاك الله خيرا
ربي يعطيك ما تتمناي ويحفظلك صحتك ويخليك ديما متألقة

[lila z]

ما شاء الله متألقة ك العادة لهلوبة
بارك الله فيك
و ان شاء الله يحققلك اللي في بالك آمين

[اسما38]

بارك الله فيك، ربي يعطيك ما تتمناي

[حياتي نبع امل]

اممممممممم لهلوبة عزفتلي ع الوتر الحساس
نقطة ضعفي الكراميل والقهوة يعني لاااازم نجربو بادن الله
بارك الله فيك

[حياتي نبع امل]

تم تقييم الموضوع. ممتاااااز

[أم ياسين الزهراء]

روووووووووووووووووووعة ربي يبارك فيك

[مياسم الصمت]

يعطيك الصحة انت واختك:)

انا شخصيا تعجبني نكهة النيسكافي في الحلويات
بارك الله فيك

[إيزابيل]

الله يبارك راكي فور لهلوبة لك مني اجمل دعوة في السجود

[feuilleblanche17]

يعطيك الصحة يا إلهام
رائع....نذوب النسكافي فس الماء و منكثرش ياك باه تجي ثقيلة...صح

[ايمان يمن]

ما شاء الله يبان بنين سلمت يداك قيد التطبيق ان شاء الله.

[mariana1]

ما شاء الله على هذوك اليدين قاطو رائع يعطيك الصحة

[إلهام07]

مشكورات حبيباتي على الدرود الجملية والكلمات الراقية :mh31::mh31::mh31::mh31:


يعطيك الصحة يا إلهام
رائع....نذوب النسكافي فس الماء و منكثرش ياك باه تجي ثقيلة...صح
أنا نذوب النيسكافي في قهوة سائلة نتاع البراس يعني هكذا جيك مركزة أكثر

السلام عليكم
يارب يرزقك بواش تتمناي يالهلوبة
جاوبيني الشيكولة كي تضيفيلها القهوة ماتييسلكش؟
انا الشيكولة البيضاء كون نضيفلها اي شيء تيبسلي
فهميني عيشك
وربي يرزقك على قد نيتك امييييين
أكيد في الأول كي تذوبي الشوكولا وتضيفيلها أي حاجة سائلة في الأول تيبس هذا عادي جدا ... أنت أبداي زيدي في القهوة وحركي بالشوية تبقى يابسة زيدي بالشوية القهوة أو الحليب حتان تطرى وترجع تلمع وأما الثقل المناسب جربي حبة وشوفي إذا جارية بزاف زيدي شوية شوكولا ( انا دايما نخلي شوية شوكولا بالزايد مانذوبهاش كامل باش مانحصلش من بعد لو كان تجرى ) وإذا ثقيلة زيدي شوية حليب أو قهوة ماتخافيش منها ;)

[ساندي 28]

باين عليه بنين رانى نتخيل فى طعم النسكافى امممممممم راهي حاكمتلى على الماكله الحارة والحامضه كرهت من الحلو بصح لازم نخبيها حتى نرجع لطبيعتى ونجربها ونتمتع بطعهما شكراااااااااااااااااااااااااا لهومتى

[sabrina206]

الله يبارك فيك يا الفحلة أبدعتي كالعادة
مبروك عليك التثبيت تستهلي حبيبتي راه صابلي زين و همة و تاع لمة مشكوووووورررررة على مجهوداتك في ميزان حسناتك
بلا ما ننسى نقول يعطيها الصحة أختك خرجته تحفةةةة ما شاء الله
فرحتينا بالوصفة ربي يفرحك في حياتك يا فنانة
موفقة

[كريمة الجزائرية 48]

الله يعطيك الصحة اختي الهام روووووووووووووعة دائما مبدعة نتمناولك الاستمرار وربي يخليلك صحتك باش تكوني دايما معانا

[om mouez]

شكرا يا غالية ربي يعطيك ما تتمناي انا من اشد المعجبات بطيابك ربي يحفظك الصابلي تحففففففة شكلا وذوقا حتى بلا ما نذوقو

[طالبة النجاحْ~]

بارك الله فيك وجزاكي خيرا

[أم ريمة*]

مممممم رائحة القهوة راهى تشهى ربى يجازيك خير الدارين امييين

[hawa19]

روعه يعطيك الصحه

[تهاليل]

بارك الله فيك اختي وربي يحفظك

[ام رضوان]

مشكورات حبيباتي على الدرود الجملية والكلمات الراقية :mh31::mh31::mh31::mh31:



أنا نذوب النيسكافي في قهوة سائلة نتاع البراس يعني هكذا جيك مركزة أكثر


أكيد في الأول كي تذوبي الشوكولا وتضيفيلها أي حاجة سائلة في الأول تيبس هذا عادي جدا ... أنت أبداي زيدي في القهوة وحركي بالشوية تبقى يابسة زيدي بالشوية القهوة أو الحليب حتان تطرى وترجع تلمع وأما الثقل المناسب جربي حبة وشوفي إذا جارية بزاف زيدي شوية شوكولا ( انا دايما نخلي شوية شوكولا بالزايد مانذوبهاش كامل باش مانحصلش من بعد لو كان تجرى ) وإذا ثقيلة زيدي شوية حليب أو قهوة ماتخافيش منها ;)
السلام عليكم
ربي يعطيك الخير حتى يرضيك
وربي يرزقك بولد لحلال اللي عمر عينيك
وربي يعطيك الصحة والهناء اميييييييييين
واحلى تقيييييم لك لهلوبة

[gaffour rofaida]

اريد من فضلك وصفة مربعات النواتكوكو

[sofia dj]

بارك الله فيك رووعة روووعة ربي يعطيك ماتتمناي

[RIMA.87]

السلام عليكم
قمة في الروووووووووووعة و الاتقان و باين الذوق مضمون من عندك اختي الهام
جزاك اللّٰه خيرا و جعل كل ما تقدمينه في ميزان حسناتك و ربي يرزقك من خيري الدنيا و الآخرة ،
ما شاء اللّٰه عليك و على اختك كل شئ متقن و منظم ربي يحفظك والديكم و يبارك فيهم .

[مرام 2016]

اممممممممممممم الله يبارك اختي الهام ما شاء الله
بس كنت حابة اشوف كيف عملتي طريقة قلاصاج النمر
يسلمووووووووووووووو ايديك

[شمس الملوك]

جزاك الله خيرا ويحقق امانيك

[حياة نور الدين]

بارك الله فيك وفي ميزان حسناتك وربي يفتح عليك من اوسيع ابوابه يا رب واحالى اقييم

[zizy princess of alg]

جزاك الله خيرا

[فاصلة]

الله يبارك روووووووووووووووووووووووووعة

[ايمان نور الجزائر]

واااااااااااااو الله يبارك ربي يحفظك

[آسيا 27]

قهوة و صابلي امممممممم الله يعطيك الصحة

[ام اسكندر31]

جزاك الله خيرا وصفاتك دائما في القمة دمت متالقة

[om kamilia]

هذ واش نحب طليتي على قلبي لهلوبة بارك الله فيك وصفة هايلة ناوية باذن الله نجربها

[دائمة الشكر]

بارك الله فيكي على الوصفة امممممم

[maloo]

جزاك الله خيرا لهلوبة الفنانة

[ibta]

شكرا على المجهود يبان هايل

[jojo dj]

رووووعة روووعة الله يعطيك واش تتمناي درتي الخير كمليه ياريت تحطينا صور المنكهات او اكتبيلنا لامارك لي استعملتيها

[*توبــــة*]

ربي يخليك يا لهلوبة ويعطيك ما تتمناي

القاطو هااااااااااااايل ماشاء الله وعجبتني بزاااف فكرة نخلطو الشوكولا البيضا مع السوداء

[زومبي]

بارك الله فيك طرح رائعsiz
نتمنى ان تكوني في تمام الصحة والعافية
لي عندك طلب وين ممكن نلقى بالضبط في سطيف هذاك المول الخاص بطياب المادلان وهو تاع الحديد وكذلك الاكواب المعيارية هذيك تاع ربع كوب ونصف كوب.....
نتمنى الإجابة في أقرب وقت وبارك الله فيك ورب يعطيكي ما تتمناي.

[أم لجين هيثم]

روووووعة تسلمي على الوصفات

[samsouma70]

يعطيك الصحة يهبل روعة يا طفلة ربي يرزقك ما تتمناي يااااارب

[نودي بوقرة]

متميزة كالعادة .............ننتظر منك المزيد .

[خدو خديجة]

يعطيك ربي ما تتمناي

[خدو خديجة]

الله يبارك فيك

[خدو خديجة]

مركز القهوة وين نلقاه أفيدووووووووووووووووووني

[جنة الفردوسْ]

نموت على ذوق النيسكافي....تسلم الايادي

[إلهام07]

مشكورات بطبوطاتي على المرور :dj_17:


بارك الله فيك طرح رائعsiz
نتمنى ان تكوني في تمام الصحة والعافية
لي عندك طلب وين ممكن نلقى بالضبط في سطيف هذاك المول الخاص بطياب المادلان وهو تاع الحديد وكذلك الاكواب المعيارية هذيك تاع ربع كوب ونصف كوب.....
نتمنى الإجابة في أقرب وقت وبارك الله فيك ورب يعطيكي ما تتمناي.
كلش يتباع عند اللي يبيعو لوازم الحلويات شوفي الحانوت هذاك اللي في ماليزيا عندو كلش جاي في الدخلة
وكاين واحد آخر في مارشي 1014 في الطابق الأول يبيع حوايج القاطو ماشي اللي تحت في الطابق الأرضي لالا اللي الفوق عندو العجب
أي سؤال أنا في الخدمة :mh31:


مركز القهوة وين نلقاه أفيدووووووووووووووووووني
عند أي حانوت يبيع لوازم الحلويات كاين قارورات صغار وكاين المخير يتباع بالميزان قارورة كبيرة جاي سائل يبيعلك قوبلي بعشرة آلاف بصح هايل مركز وريحتو يا مامي تهز الدنيا الكوزينة نتاعي يومين بريحة النيسكافي شريتو البارح ودرت بيه اليوم صابلي النيسكافي هذا عاودتو لعرس بنت خالتي

[عازفة الناي]

رااااااااااااااااااااااااااااااائع جدا وان من عشاق النسكافيه اذا حب ربي نديره فالعيد
الف الف شكر لهلوووووووووووووبة الغالية

[اريج 07]

امممم يعطيك الصحة

[aichachabane]

:mh31::mh31::mh31::19:باين هايل
السلام1

[hamous]

روعه روعه روعه باهي وبنين اممممممممممممممممممم

[ام ريحانة 02]

السلام عليكم اختي الهام وصفاتك رائعة وجميلة جدا تعلمت منك الثير سلمت يداك ومزيدا من التالق

[fadila34]

بارك الله فيك لهوما خرج ررررررررروعة رررررروعة ربي يحفظك ويخليك ويعطيلك ماتتمناي يارب

[جزيرة الحكمة]

السلام انت روعة حفظك الله وراعاك

[ام ريان عبدالله]

رووووووووووووووووووووووووووووووووووووووعة

[أنواار الإيماان]

يعطيك الصحة لهومة كي العادة مبدعة في كل شيئ ربي يرزقك على قد طيبتك والله علمتينا انت ولبنات ربي يجازيك
سلامي لماما ولبنات ومواااااااااااااااااااااااااااااااااااااااااح لزكازيكو

[حياتي نبع امل]

السلام عليكم
الهام جربت الوصفة وخرج واش نقولك .ديك الريحة وديك الطراوة والهشاشة وديك البنة .ياجدك عشقتو .بزاف بزاف فووووور الله يعطيك ماتتمناي .درتو لعرس فاميلتي صدقيني خدمتو بكل حب ههههه لعشقي للقهوة والنسكافيه والنتيجة خياااال تمتعت بكل لحظة معاه هههههه ف خدمتو وفالكريمة وفالقلاصاج اممممممم .اللي ماجرباتوش نقولها ضاع من عمرك الكثيييير .والله حمرلي وجهي لانو صح صابلي راقي جدا .هدا صابلي 5 نجوم
الله يعطيك ما تتكناي حبيبتي وربي يخلينا لينا

[hindooo]

الله الله عليك يا الهام زعمة قلت ندير رجيم وعندي مدة مقاطعة قسم الحلويات بالصح اليومكي دخلت عقلي يدي ويجيب على الوصفات اللي شفتهم الله يبارك راكي شهيتيني:)

[أميرة الورووود]

يعطيك الصحة
شكرا لك أختي

[ساجده 82]

رائع يسلمو انا ماعنديش منكه القهوه باش نستبدلو.

[nour algerienne]

بارك الل فيك يا الشاطرة ربي يخليك و يعطيك ما تتمناي و يحفضك واش من قروب فلفليس بوك راكي فيه ديما نسقسي عليك و ما يجاوبونيش واش اسمك

[amira43100]

متألقة كالعادة ربي يهنيك:19::19::19:

[amel...]

يعطيك الصحة يا لهلوبة ... ان شاء الله نجربو و تشوفي تطبيق في اقرب وقت

[Ilafloufa]

الهام حبيبتي دايما متألقة

[sama nano]

يعطيك.الصحة باين بنين ان شاءالله نجربو

[zokhrofa]

جزاك الله خيرا

[ghaloula]

شكرا حبوبتي الهام وصفاتك روعة

[بسمه العمر]

يعطيك الصحة شكل راهو هايل مزال الذوق لازم نجربوها ... ماشاء الله عليك وعلى اختك شاطرات وفحلات🍩🍰🍪🍔

[أندلسيات]

بارك الله فيك

[riheb razane]

عضو جديد هل من ترحيب وتعليم

[riheb razane]

مشكورة موالفة نشوف لروسات اتوعك يعجبوني عليها كتلك علميني

[riheb razane]

مشكورررررررررررررررررررررررررة

[ام حذيفة ومريم]

روعة ماشاء الله

[feuilleblanche17]

يعطيك الصحة يا إلهام....جربتو و خرج روووعة هشيش و بنين

[ايمان ايمانو]

44444444444444444

[ام جنى ص]

يعطيك الصحة يسخف

[هناء 16]

إلهام حنونة ربي يحفظك ع هادي الوصفة طبقتو في العيد و جا يهبببببببببببببل شكل و لون وركزيلي علي ريحة القهوة ولا الهشاشة و البنة ما عندي ما نقوول
لي مزال ما جرباتوش راحت عليها تاع الصح...

[soumia zozo]

يعطيك صحة اختي شاطرة الله يبارك برك حبيت نسالك كيفاش نعرف اسمك في فايس بوك باه نتبعك اكثر وصفاتك كامل عجبوني الله يحفظك ويجعلها في ميزان حسناتك

[48TALIBA]

چربتها وخرجت هايله مشکوره حبيبتي

[tong2]

الله يعطيك الصحة

[tchenchouna]

Merci bcp pour la recette

[ماماخالد]

الله يبارك مبدعة

[أم يحي فراس]

حلوة رائعة يعطيك الصحة و ننتظر الجديد:19:

[مونيا غنية]

والله يشهي الهام دائما متالقة

[أم عائشة أنفال]

اممممممم هاذي باينة بلي بنينة بزاف
رايحة نجربها اكيد
مشكورة يا اخت بارك الله فيك وجعله في ميزان حسناتك

[زنجبيل11]

ما شاء الله الهام راكي فور

[Oum Iskander]

ماشاء الله اختي خرجلك رووعة انا جربتو العام المضي لكن على شكل خمسة وقلاصيتو بالشوكولا ودرتلو خمسة من الشوكلا خدمتها في لابلاك الخاص بالشوكولا وعجبهم كامل بصح رايحة نجرب تاعك بالقلاصاج تحفة اصلا النمري عندو طلة خاصة شكرا حبيبتي ومزيدا من التالق

[fatisid]

تسلمي حبيبتي وشكرا

[zamilio]

اخت الهام وصفاتك كلها فى القمة وانا نحب نجربها يعطيك الصحة

[وفاء 77]

اول مرة راح نكتبلك يا اختي الهام متتصوريش شحال نحبك صحيح ان تسجيلي في المنتدى جا متاخر غير اني متتبعة وفية له وخاصة ليك لام اماني اسمهان ونجرب وصفاتكم كل ما جيني الفرصة العمل يدي كل وقتي لكن صدقيني استكتع كينطيب او ندير حلوى اتمنى ان نتواصل من خلال هذا المنتدى الرائع مزيد من الابداع بارك الله فيك اختي لهلوبة

[كوثر التائبة]

اكيد من يديك تحفة بنة وبهى كي نجربو نحط تطبيقي

[nidabaize]

يعطيك الصحة فى زوج هايلين

[مليكة 1434]

ولا اروووع

[nadiatlemcenia]

الله يبارك روووعة يعطيك الصحة

[fatima zohraa]

ماشاء الله لهومة.جربتو كلمة رائع قليلة عليه

[كمال خان]

رووووووووووووووووووووووووعة

[هبة الرحمان انشراح]

دهشتيني وانا نجري مورا وصفاتك يعطيك الف صحة

[اولادي حياتي]

امممممممم يشهي ربي يحفظك حبوبتي .

[minaminadz]

Merci beaucoup

[edelweiss_dz]

يعطيك الصحة:الاثنين تحفة

[لميس حواء]

ما شاااااااااااااااااااااااااااااااااء الله

[belseme]

روووووووووووووووووووعة ربي يبارك فيك

[عصفور الجنة]

روووووووووووووووووووعة ربي يبارك فيك

[LINA 97]

بارك الله فيك ربى يحفظك.

[إلهام07]

مشكورات اخواتي على المرور الطيب بالموضوع وعلى التشجيع

لكل الاخوات اللواتي جربن الوصفة .. مشكورات على الثقة وبصحتكم يا الشاطرات


لكن مني ألف تحية :mh31:

[bienetresurterre]

تبارك الله عليك ماشاء الله عليك ربي يحفظك :19::19::19::19:

[عالم حواء]

ما شاء الله.

[المطمئنّة]

السلام عليكم ورحمة الله
شكرا جزيلا لكِ، سلِمت يداكِ
ودمتِ ناجحة ومتألّقة

[أم يونس وفارس]

امممممم سخفتيني وانا نموت على نكهة القهوة يعني يعطيك الصحة مظهر وذوق

[إلهام07]

صحة فطوركم اخواتي ومشكورات على المرور

[صوفيا27]

ما شاء الله
بارك الله فيك