استفسار بخصوص افة التدخين

[karim2006]

السلام عليكم و رحمة الله و بركااته اخواني تحية طيبة و بعد ، عندي استفسار غريب نوعا ما بخصوص التدخين .
حيث انا شاب في الرييع 26 و للأسف ابتليت بهته الآفة منذ عدة سنوات و الآن أعلنت الحرب على التدخين ، فأردت التأكد من معلومة بخصوص ماركة سجائر "نسيم " الجزائرية هل هي بالفعل قل ضرر من الماركات الأخرى مثل قولواز و مارلبورو .
لأنني أريد دخان خفيف أدخنه لفترة ما قبل الاقلاع النهائي .
أرجو منكم الافادة و معذرةعلى غرابة الموضوع و شكراا

[فيصل_الحكيم]

الســـــــــلام عليـــــــكم
آفة التدخين التي صارة كالوباء نخرت جسم المجتمع الجزائري و التي غض البصر عن حرمتها لأسباب مجهولة أحدها هو التفشي الواسع ' أي كل ناس تتكيف 'Oo '' حالها حال العديد من المحرمات و الموبقات التي باتت عادي بل -فخرة- الله يعافينا !!
*-*
أخي الكريم ' كريم ' أبارك ثورتك و أحيي شجاعتك و أسأل الله لك الثبات
*-*
بالنسبة للسجائر الأقل تأثيرا و الاقل خطرا فيهي السجارة العلمية Siigarett eléctriiq الناجحة تجريبيا في العديد من البلاد حول العالم
*-*
و التي لاقت العزلة في مجتمعنا لصعوبة الاعتياد عليها حيث تترك أثرا رجعيا يترك مستخدمها يحس أنه ليس بحاجة للتدخين و هذا يتطلب صبرا كبيرا حيث أن بعض الفاشلين في التجربة يرددون " كنت نكمي 10 فالنهار حبيت نحبس بالسيجار الكتريك و لييت نكمي بالباكي 'Oo !! ".
*-*
أنصحك أخي بالصبر و التوكل على الله ليعينك على البلاء فالله ما ابتلى عبدا إلا لأنه يحبه و ليمتحن إيمانه و صبره
*-*
نسأل الله الثبات على الحق
هذا رأيي و شكرا

[دنيا الامل 18]

ادا اردت فاقلع نهائيا لان هده الطريقةلا تنفع توكل على ربي

[Aures Batna]

ادا اردت فاقلع نهائيا لان هده الطريقةلا تنفع توكل على ربي
+1
اذا حاب تحبسو خويا لازم تكون عند اراده قويه ومره وحده بدون استعمال اي طريقه اخرى ، كاين ناس يقولك نقص منو بشويه وكاين لي يغيرو نوع السجائر لكن اؤكد لك انهم يرجعو ليه ، كاين امور بلاك تساعدك ممكن تجنب الفراغ والامور التي تغير مزاجك للقلق ممارسه الرياضه وربي يوفقك

[الواثقْ بالله]

اخي الكريم ساقص لك قصة عن صديقي بالعمل

كان يشم لمدة 16 سنة

و كان يسكن بعيد عن الخدمة حوالي 50 كلم و كل يوم يجي يخدم بسيارتو و طول الطريق هو يسبح و يذكر في ربي و دايرة كالة شمة في فمو

في يوم من الايام جا قالي باذن الله مانزيدش نشم...قلتلو علاه.... قالي كنت جاي داير شمة و نستعفر و نسبح فجأة تذكر قال كفاش نذكر في اسم ربي و انا حاط هاذ لوسخ في فمي

في ديك الدقيقة نحي واش في فمو و رمى الشكارة تاع الشمة...صح عانا بعدها لمدة 3 ايام

ولكن من يومها الى اليوم معاودش قربها لفمو

الخلاصة صديقي : اتوكل على ربي و مع شويا ارادة تحبسو نهائيا

بالتوفيق

[karim2006]

شكرا جزاكم الله كل خير

[أم ياسين69]

عندي ابي الله يرحمو دار الشمة و تكيف الدخان لمدة 40سنة. و نهار جا قايلنا كاماين اي ولادو و قال لنا راني باغي نحبس كلش بصح راني خايف عليكم و على امكم من ردة فعلي اي الزعاف .التكسار.... ولا يتخيل غير وحدو. Alors تفاهمنا كامل و قلنالو توكل على الله و حنا نتقبلو كلش. و كان كدلك. نهار الاول ناد شرب قهوتو و خرج.و عاد للمنزل كالعادة و ريح مع العائلة بدون اي قلق او عصبية بالعكس..رفد علبة الشمة و السجائر و قالهم الله ينعلكم يا للي ضيعتولي حياتي.و الله ما صرالو حتى حاجة و بقى هاك لمدة 10 سنوات حتى لقى مولاه بعد مرض اصاب رئته طبعا من اثتر التدخين 40 سنة ماشي ساهلة. حبيت برك نوصلك بلللي كيما بديت تتكيف بسهولة تقدر تحبس بكل سهولة. حط في بالك بللي راح تكون عندك عايلة ان شاء الله.تحتاجك بكامل صحتك.وقبل العائلة كاين ربي سبحانو عاطينا قوة اليمان و الحمد لله. تبقى النية و ربي يعفو عليك و على كل مبتلى .آمين يا رب.

[alla1g2f0]

السلام عليكم
عن تجربة
هذا الفيديو
للشيخ : خالد الجبير
هنا (https://www.youtube.com/watch?v=-p_MHYwrSfo)
https://www.youtube.com/watch?v=-p_MHYwrSfo (https://www.youtube.com/watch?v=-p_MHYwrSfo)
هذا الفيديو ليس كأي فيديو لقد غير حياتي "الحمد لله"
بعد تطبيق هذا العلاج الروحي
أنصك الجري بعد صلاة الصبح للعلاج البدني

أسأل الله أن يحبب لنا طاعته ويكره لنا معصيته
والسلام عليكم

[Adel didou]

السلام عليكم و رحمة الله و بركااته اخواني تحية طيبة و بعد ، عندي استفسار غريب نوعا ما بخصوص التدخين .
حيث انا شاب في الرييع 26 و للأسف ابتليت بهته الآفة منذ عدة سنوات و الآن أعلنت الحرب على التدخين ، فأردت التأكد من معلومة بخصوص ماركة سجائر "نسيم " الجزائرية هل هي بالفعل قل ضرر من الماركات الأخرى مثل قولواز و مارلبورو .
لأنني أريد دخان خفيف أدخنه لفترة ما قبل الاقلاع النهائي .
أرجو منكم الافادة و معذرةعلى غرابة الموضوع و شكراا
لا يوجد تدخين اقل ضرر انا انصحك باستغلال رمضان للاقلاع عنة فانا فعلت ذلك واني اشعر بتحسن في صحتي وصحة اسناني

[Mendes]

فقط الارادة و الدعاء في الصلاة

[sunshine2013]

السلام عليكم
توكل على الله اخي و حبسو دربة وحدة تعاني بصح النتيجة تستاهل تضياع دراهم و صحة و تبدير و كاين الله اعلم اغدية و اعشاب تعاونك. باش تحبس شوف في النت
موفق

[مجاني8]

التهلكة .................................................. ...........................