رمضان وعيد فطر 2016

[إلهام07]

البسملة1


مساء الخيرات والليرات على أحلى عضوات بطبوطات :1:

جبت طياباتي نتاع رمضان والعيد حتى أنا نعاند :cool:
:rolleyes:
كي العادة ديما نحب نبداكم بحاجة حلوة .. هذي الشهدة أول مرة نجربها مع أنو من ثلاث سنين وهي في راسي وندمت اني ماجربتهاش من قبل من أروع مايكون فعلا تحمر الوجه قدام الضياف خفيفة وساهلة وبنينة تقققققققتل :19:
:19::19: جرررررررررربوها يا بنات :mh31:http://www.up.djelfa.info/uploads/146965980614311.jpg
حطيتلكم صورة البيبرون نتاع زكازيكو باش تفهمو باللي تتشرب مع الحليب خخخخخخخخخخخخخخخ :D
:D:D:D
المرة الجاية نصغر الكرات أكثر باش جي أجمل ، أنا هنا درت غير كاس فرينة وشوية عايلتي صغيرة :Dhttp://www.up.djelfa.info/uploads/1469659806172.jpg
شوفو من داخل خفييييفة والعسل كي شرباتو العجينة زادها بنننننننننة :19: أنا خلطت العسل مع لا جولي ممممممممممم الريحة تقتل :19:
http://www.up.djelfa.info/uploads/146965980619613.jpg
وحشيتها زبيب وسكر بني وقرفة :19:
http://www.up.djelfa.info/uploads/146965992109821.jpg
هذي وصفة دجاج محمر بالموطارد تهبل هزيتها من النت حتى البطاطا رقدتها في التتبيلة وحمرت كلش مع بعض في الفرن مممممممممم :19:
:19::19::19:http://www.up.djelfa.info/uploads/146965992112062.jpg
طاجين الحلو نتاع ماما طبعا على أصولو بنة لا يعلى عليها :19:
:19:http://www.up.djelfa.info/uploads/146965992114333.jpg
قوارب الباذنجان دارتهم أختي المتزوجة وبعثتنا :19:
:19::19::19:http://www.up.djelfa.info/uploads/146966003642012.jpg
سلطة الفراولة درنا بيها حالة العام هذا :D:D
http://www.up.djelfa.info/uploads/146966003644453.jpg
بطاطا الاجبان وصفة اسمهان عمرتها فراميج أسمهان غير في التفرميج ماتغلبينيش هههههههههه :D
:D:D:D:D:Dhttp://www.up.djelfa.info/uploads/146966015358911.jpg
المحشي نتاع ماما على اصولو مممممممممممممم :19::19::19::19:
http://www.up.djelfa.info/uploads/146966015361622.jpg
هذي بيتزا درتها بالهوت دوغ ماعجبنيش مافيه حتى طعم تقولو كاشير :rolleyes:
:rolleyes::rolleyes::rolleyes:
http://www.up.djelfa.info/uploads/146967112648231.jpghttp://www.up.djelfa.info/uploads/14696601536543.jpg
جلبانة ماما هذي في عرضة لحسو الصحون دارتها بلحم خروف ودجاج ضحكنا عليها قلنالها هذا قرنون بالجلبانة هههههه:D
http://www.up.djelfa.info/uploads/146966025509971.jpg
ولسهرات رمضان العام هذا درنا حالة بالحلقوم انواع أشكال كخخخ فهمتو لاه رجعت انا دبدوبة ؟ :D
http://www.up.djelfa.info/uploads/146966569046681.jpg
http://www.up.djelfa.info/uploads/146966685151551.jpg
http://www.up.djelfa.info/uploads/146966685153852.jpg
http://www.up.djelfa.info/uploads/146966685156263.jpg
http://www.up.djelfa.info/uploads/146966699636751.jpg
:D:D:Dhttp://www.up.djelfa.info/uploads/146966025513022.jpg
http://www.up.djelfa.info/uploads/146966025515553.jpg
بيتزا الكامومبار طلبوها لاااااازم بهذا الشكل يدللوا عليا :rolleyes:
:rolleyes::rolleyes::rolleyes::rolleyes: http://www.up.djelfa.info/uploads/146966050420711.jpg
http://www.up.djelfa.info/uploads/146966050423312.jpg
هذا اسكالوب بصوص الموطارد والليمون مممممم حااااااامض :19::19: الوصفة هزيتها من النت طعم جديد ومختلف على واش تعودت أول مرة نجرب الاسكالوب بنكهة الليمون جي خفيفة مقارنة بصوص الكرام فراش :19:
http://www.up.djelfa.info/uploads/146966050425663.jpg
الروطي نتاع ماما حبيبتي :19:
:19::19::19:http://www.up.djelfa.info/uploads/146966078420161.jpg
هذي وصفة جديدة نتاع مطلوع جربتها سمعت البنات معايا في الخدمة كسرت وذنيا و..... المهم ، جربتها يا لالي يا دلالي نحسب فيها تخرج كيلة صغيرة خرجو ست قرصات الوحدة قد الطاجين واش نقوللكم درتها في السهرة نتاع رمضان حتان أذن الفجر وأنا نطيب شوفو العجين المهم جا خفيف بصح هو فيه الفرينة وسميد والطريقة جديدة يخمر بسرعة
ماما ماتحبش الفرينة في المطلوع على هذي درتو غير زوج مرات
http://www.up.djelfa.info/uploads/1469660784232.jpg
هذا أبن طبق درناه في رمضان فخذ دجاج محشي ومحمر بصوص الجبن ممممممممممممم والله جا عسل يا بنات :19:
:19::19::19::19: http://www.up.djelfa.info/uploads/146966078425483.jpg
هذي شوربة الأحرش ممممممم درتها بلحم الخروف للفطور يامامي نهار درتها والله كليت كليت ماقدرتش نحبش بصح بعد الفطور عييت نتحرك عمرتها هههههه :D
:D:D:D:Dhttp://www.up.djelfa.info/uploads/146966088368421.jpg
هذا الفطور نتاع نصفية رمضان داراتو ماما كامل وحدها :19:
:19::19::19:http://www.up.djelfa.info/uploads/146966088371242.jpg
http://www.up.djelfa.info/uploads/146966088373763.jpg
سلطة الفواكه من إعداد إختي هي تحب هذو الطوايش انا خاطيني ههههههه:D
:Dhttp://www.up.djelfa.info/uploads/146966123639371.jpg
هذي وصفة جبن كريمي جربتها جاتني عادي ماشي الطعم اللي نحوس عليه :rolleyes:
http://www.up.djelfa.info/uploads/146966123641832.jpg
http://www.up.djelfa.info/uploads/14696612364413.jpg
http://www.up.djelfa.info/uploads/146966159281711.jpg
قراتان جربتو من الفايس بطاطا ومحشي فرماج ولحم مفروم
http://www.up.djelfa.info/uploads/146966159284512.jpg
http://www.up.djelfa.info/uploads/146966159286643.jpg
هذا اسكالوب رولي محشي جبن في صوص لاكرام فراش داراتو أختي مممممممممم داراتو روعة :19:
:19::19:http://www.up.djelfa.info/uploads/146966169375881.jpg
http://www.up.djelfa.info/uploads/146966169378462.jpg
كبدة عجل مشرملة سخفت عليها أختي درتهالها :19:
http://www.up.djelfa.info/uploads/146966169380993.jpg
http://www.up.djelfa.info/uploads/146966182163921.jpg
قاليت التفاح بالعجين المورق ممممممممممممممم تهبل تعرفوني نموت عليها Galette de pommes
http://www.up.djelfa.info/uploads/146966202757511.jpg
http://www.up.djelfa.info/uploads/146966182168713.jpg
مورقات بالمرقاز والكامومبار والسلق والشيدار مممممممم طارت في السماء :19:
:19::19::Dhttp://www.up.djelfa.info/uploads/146966191518621.jpg
هذو فخذ دجاج بصوص الليمون والثوم رووووووووووووووعة أيضا الوصفة من النت لذيدة ممممممم
http://www.up.djelfa.info/uploads/146966191520772.jpg
شارلوت من إعداد اختي المتزوجة ;)
http://www.up.djelfa.info/uploads/14696619152273.jpg
هذا عسل أم انس درتو باللون العسلي ماما قاتلي نحبو أصفر عاودتو على زهري راكو تشوفو كل واحد يدلل عليا وحدو : واحد خليلو الكامومبار طراف كبار فوق البيتزا وواحد بدليلو لون العسل وواحد ديريلو الشرمولة وواحد مايحبش القريوش ديريلو الخشخاش
قلتلهم لقيتو اللي يطبلكم بديتو تشرطو :mad::mad::mad::mad::rolleyes:
http://www.up.djelfa.info/uploads/146966202759722.jpg
http://www.up.djelfa.info/uploads/146966202761993.jpg
اسكالوب محشي بالجبن ومع بطاطا بصوص الجبن لذيذ :19:
:19::19:
http://www.up.djelfa.info/uploads/14696684197161.jpg
http://www.up.djelfa.info/uploads/146966215992191.jpg
قراتان البطاطا بالسلق واللحم المفروم حطيتلكم الوصفة أصلا تعرفوها
http://www.up.djelfa.info/uploads/14696621599482.jpg
روطي الدجاج الشهير نتاع ماما :19:
http://www.up.djelfa.info/uploads/146966224833492.jpg

طاجين القرنون داراتو ماما :19::19::19:http://www.up.djelfa.info/uploads/146966234180651.jpg
http://www.up.djelfa.info/uploads/146966245251692.jpg
بطاطا كوشة المسروقة خخخخخخخخخ
http://www.up.djelfa.info/uploads/146966257303192.jpg
http://www.up.djelfa.info/uploads/146966257305583.jpg
شارلوت بالفراز دارتها اختي المتزوجة وبعتهالنا ;)
http://www.up.djelfa.info/uploads/146966269979661.jpg
هذي الكفتة دارتها ماما مممممممممممم تهبل :19: لاخاطر ماما تقلي اللحم يجي ممممممممم يهبل :19::19:
:19::19::19:http://www.up.djelfa.info/uploads/146966279155141.jpg
http://www.up.djelfa.info/uploads/146966291396152.jpg
http://www.up.djelfa.info/uploads/14696629139853.jpg
تحلية بكريمة الجبن والنيستلي وصوص التوفي عجبتهم بزااااااااف قالولي خير من الباتيسري نتاع برا :19::19::19: سرقتها آآآآآه هزيتها من النت :cool:
;)http://www.up.djelfa.info/uploads/146966335667613.jpg
http://www.up.djelfa.info/uploads/146966346162291.jpg
http://www.up.djelfa.info/uploads/146966346164332.jpg
بيتزا بالأجبان وصوص الثوم :19:
http://www.up.djelfa.info/uploads/146966346166413.jpg
http://www.up.djelfa.info/uploads/146966356285651.jpg
http://www.up.djelfa.info/uploads/146966356287962.jpg
هذا من احلى السرقات اللي سرقتهم في حياتي ... مادلان بجوز الهند والليمون ,, نقوللكم خفيف هذي نورمال بصح البنة نتاع رووووووووووعة هايل والله احسن مادلان ذقتو لليوم رووووووعة طعم الليمون فيه :19:
:19::19::19::19:
حقة ماتضحكوش على حبة جوز الهند هذيك جاتني هدية :D:D:Dhttp://www.up.djelfa.info/uploads/146966356290073.jpg
وهذا من داخل فاااااااااااااارغ :19:
ماتتقلقوش على الوصفة هذي نحطهالكم بالسيف عليكم ههههههههه وجربوها ثاني بالسيف :D:D:D
http://gulf-up.com/do.php?img=131827
والله جاتني حمى السرقة والتجريب ... هذو رغايف بالتونة ممممممممم بنان يهبلو وحفاف عجينتهم سميد وفرينة خفت منهم بصح جاو خفااااف خلاص وبنان يهبلو والله حتى اللي قعد الغدوة سخنوه وكلاوه طاروا بيه
حبيت نقوللكم باللي لقيت سراقة هايلة نتاع وصفات راني نسرق فيها خخخخخخخخخ مسكينة ماعلابالهاش :D:D:D:D
http://gulf-up.com/do.php?img=131829
http://gulf-up.com/do.php?img=131830
http://gulf-up.com/do.php?img=131831
وتباعا للسرقة سرقت هذي أحسن وصفة نتاع بان كايك من اللي جربتهم كامل وجاتني زاكية زوج بيضات دارولي 12 حبة ماشي كبار بصح خفااااف بزاف ومثقبين كي نحط العسل تشربو ويدخل في الثقوب هذا وين قنعت الحمد لله هايلين في الخفة كيما حبيت والسر انو المواد الجافة قليلة في الوصفة والسوائل والخميرة أكثر على هذي خفاف :19:
:19::19:http://gulf-up.com/do.php?img=131832
http://gulf-up.com/do.php?img=131833
هذا رولي سامبل درتو العشية اليوم ( جربت وصفة من النت ) درتو من داخل مدهون بمعجون الفراولة وحشيتو بلاكرام فراش وزينتو غير بالسكر ناعم مايحبوش في دارنا بزاف لاكرام وحتى انا درتو ليه ليه عجبهم بزاف كي عاد خفيف
جا بنين بصح خفيف بزاف نحوس على وصفة تكون فيها الكيك ثقيل شوية ماشي خفيف :rolleyes::rolleyes: ديما الرولي نتاع جي عجينتو مثقبة بزاف مايجيش باهي كي يتقطع :confused:
http://gulf-up.com/do.php?img=131834

حلويات عيد الفطر

حلوة التاج دارتها اختي المتزوجة وحشاتها بحلقوم نكهة ليمون جات تهبل فيه نكهة الليمون في العجين والحشوة :19:
http://www.up.djelfa.info/uploads/146966182166642.jpg
هذا قاطو الكورني ثاني داراتو اختي
http://www.up.djelfa.info/uploads/14696621599743.jpg
هذا مقروط سوريا وصفة بشرى جا يذوب في الفم بصح زدت فيه شوية فرينة باش يتلم وطبعا محشي لوز بالقشرة روووووووعة نال إعجاب جماهيري عريض :1:
http://www.up.djelfa.info/uploads/146966224830651.jpg
كي طاب هبطت شوية النقشة نتاعو هي أصلا هذي النقشة نتاع مشكلة بثح خالتي قاتلي المرة الجاية جربي بيتيه باش يحكم السكل نتاعو ... تكلحت :rolleyes:
:rolleyes:http://www.up.djelfa.info/uploads/146966224835623.jpg
هذا قريوش عين الجمل درتو وصراحة يندب يندب خدمتو ساهلة اما قليانو يندب يتقلى بالحبة الوحدة وعلى نار هادئة
يجي مورق وفارغ وخفيف بزاف كي تاكليه كلي كليتي الريح :confused::confused::confused::confused:
http://www.up.djelfa.info/uploads/146966234183542.jpg
http://www.up.djelfa.info/uploads/146966234185343.jpg
هذا صابلي بالنيسكافي وصفتي أنا ماتتصوروش هبل عليه الغاشي من العيد وجيب ماكانش اللي ماقاليش أكتبيلي الوصفة :D ريحة النيكافي تضرب منو من البعيد :D
هذاك ماشي قلاصاج منمر نونون درتو بالشوكولا البيضاء والسوداء خخخخخخخخ :cool:
http://www.up.djelfa.info/uploads/146966245253923.jpg
http://www.up.djelfa.info/uploads/146966257300531.jpg
نعلم في أختي البقلاوة نتاع الفيلو نسيت نصورها بعد الطياب :D
:Dhttp://www.up.djelfa.info/uploads/146966269981882.jpg
غريبية جوز الهند والليمون الوصفة من المنتدى نسيت صاحبتها بصح لعشاق النواد كوكو تحفة بالليمون مممممممممم
http://www.up.djelfa.info/uploads/146966269984033.jpg

هذي أختي المتزوجة عاندت عليا كي عجبها صابلي النيسكافي داراتو وعاونتها فيه :19:http://www.up.djelfa.info/uploads/146966279157842.jpg
وهذو لي دوم أو حلوة بومبي المهم جا يذوب في الفم وبنين لاخاطر حشيتو مادلان مستورد مرحي بنين يهبل :D:cool: :19::19: بصح ماهوش أفار خلاص في الصيف ذابتلي الشوكولا نتاعو خلاص هذا يليق غير في الشتاء
http://www.up.djelfa.info/uploads/146966279159413.jpg
http://www.up.djelfa.info/uploads/14696629139371.jpg
هذي بقلاوة تيركواز تعرفوها من تحت عجينة فيلو ومن فوق قطايف والحشوة لوز بالقشرة
http://www.up.djelfa.info/uploads/146966302426291.jpg
http://www.up.djelfa.info/uploads/146966323686583.jpg
جات تتقرررررررررررررمش قاتلي ماما هذي ماشي بقلاوة :rolleyes:
:rolleyes::mad:http://www.up.djelfa.info/uploads/146966302431213.jpg
هذو les carrés hongrois بنان وخفاف العجينة كي تاكلوها للي مايعرفوش تشبه في الجينواز خفيف بزاف ويعقب في صوص شوكولا ثم في النواد كوكو :19:
:19: هايل خفيف بزاف ديما يخلاص هو الأول :19:http://www.up.djelfa.info/uploads/146966302428912.jpg
هذا قاطو نيستلي داراتو أختي المتزوجة :19::19::19: http://www.up.djelfa.info/uploads/146966312308681.jpg
غريبية الكاوكاو دارتها اختي المتزوجة الوصفة ياخي حطيتهالكم في المنتدى تعرفوها جات تهبل عجبتني خاصة أنو عندي بزاف مادرتهاش
http://www.up.djelfa.info/uploads/14696631231112.jpg
هذا الخشخاش ليلة العيد على 12نتاع الليل درتو لبابا هذا مايحب
هذي اول تجربة ليا واش قلتو فيها ؟:D;)
http://www.up.djelfa.info/uploads/14696631231313.jpg
http://www.up.djelfa.info/uploads/146966323681491.jpg
http://www.up.djelfa.info/uploads/146966323684212.jpg
هذا صابلي الليمون تعرفوه جا ممممممممممم حامض يهبل
http://www.up.djelfa.info/uploads/146989596681221.jpg
عرايش تعرفوهم ثاني بالعجينة السحرية وقلاصاج طري كي العادة :19:
http://www.up.djelfa.info/uploads/146966335665172.jpg

على بالي والفتو مع الأخير هذي كسوة زكازيكو :D
:D
تكسى ثلاث كسوات هذي برك اللي صورت شراتهالو ماما جا يا عمري يهبل فيها
http://www.up.djelfa.info/uploads/146966245249311.jpg

هذي قبل مانحيولو القطوشة خخخخخ طفيلة نتاعنا

قولو ماشاء الله :)

http://www.up.djelfa.info/uploads/146967072371492.jpg

وهذي بالكسوة الثانية نهار العيد حبي ولى راجل كي حفف شعرو :D
http://www.up.djelfa.info/uploads/146967072367981.jpg

راهو مشى عندو شهر بصح راسو يظل يبومبي كل يوم مسكين :D


أتمنى تكونو شبعتو تقرعيج :mh31:
:mh31::mh31::mh31:
تحياتي ........... أنا لهلوبة :mh31::mh31:

[maloo]

تبارك الله تبارك الله تبارك الله عليك يا احلى لهومة
تحف واتقان والله كل شيء رائع الله يبارك فيك وفي كل العائلة

مواضيعك كلها ممتازة

[غزالة1]

السلام عليكم
اولا ماشاء الله عليك و على زكازيكو
ثانيا راكي هبلتينا بالاطباق الرائعة و الحلويات الاروع
ثالثا جزاك الله خيرا

[أم سدرة]

ماشاءالله تبارك الرحمن على زيكازيكو ربي يحفظ من العين
والله يبارك على الطيابات والحلويات فحححححححلة نتاع الصح

[اسما38]

ماشاء الله كلشي روووووووعة ربي يجعلها في ميزان حسانتك و ربي يحفظ البوبون ما شاءالله الله يسترو و يحميه

[أحلام مؤجلة]

اللهم بارك ولا تضر بسم الله ماشاء الله خرجتيلي قلبي مع الصباح جاب ربي مانتوحمش سينو يخرج ولدي معوق هههههه كلش روعة الهام كي العادة تحف وروائع والله تستاهلي تكوني شاف في قناة سميرة كلما نشوفهم يديرو اعلان عن كاستينغ تجي انتي دايما في بالي ربي يبارك اختي وربي يهنيك ويحققلك اللي في بالك، موالفة نحشم بصح هاذ المرة نقولك الوصفات كامل :d دون استثناء خاصة تاع الأكل حطلنا كل مرة وحدة وربي يعطيك ماتتمناي فحلة ونص و25

[أ م ساجد وسيم]

سخفتيني بالابداعات هذو وسيغتو لفرامج هههههه كيما العادة فحلة وشاطرة يعطيك صحة مدابيك وصفة الشهدة تبان بنينة اممم تحياتي لزاكازيكو ربي يحفظه

[ايمان يمن]

ما شاء الله ماشاء الله تبارك الله عليك يالشاطرة كلش متقون ومتحوف ياريت تكملي خيرك وتعطيلي وصفة صابلي بالنسكافيه ريحتو ضربت من التليفون هههههههه وياريت وصفة عجينة البيتزا ربي يحفظك ردي عليا.

[x ام رحاب x]

ماشاء الله لاقوة الا بالله يارب يرزقك وليد الحلال الي يعرف قيمتك ان شاء الله كي العادة متالقة ومبدعة وكل شيء من يديك تحفة تسلم الايادي يالشاطرة

[sousou sahraoui]

444444444444444444444

[دعاء القلوب]

ماشاء الله تبارك الرحمن

روعة ياختي روعة يعطيكم الصحة

مادابيك تحطيلنا لي غوسات فضلا لا امرا حنونة

ربي يرزقك بوليد لحلال عاجلا غير اجل

[أم ياسين الزهراء]

الله يبارك وماشاء الله ربي يحفظ الرويجل

كلش يسخف وكلش هايل بصح سوال شحال راكم توزنو ههههههههههههههههه

[حسيبة2010]

ما شاء الله نموووووووووووت على مواضىعك نكمل تقرعيييييج ومن بعد نرجعلك

[حياتي نبع امل]

اهلا وسهلا لهلوبة
ا ولا بارك الله فيك رغم كل شي عمرك ادا تنساينا ودايما تحطيلنا شهيواتكم
تانيا انت كريمة وحنا نستاهلو وراح نبداو بطلب الوصفات ان شاء الله برك ماتطوليش علينا بيهم. انا نستنا بفارغ الصبر بريوش خلية النحل وصابلي النسكافيه انا وين يكون نسكافيه ولا كراميل نطيح. والتحلية تاع الكراميل تان
تالتا ربي يرزقك ويفرحك ويفرحنا بيك وربي يحفظكم الرويجل وتشوفوه في اعلى المراتب وربي يحفظكم الوالدة الكريمة اللي رجعتكم حراير و فحلات باتم معنى الكلمة

[فاطمة ياسين لخضر]

ماشاء الله يعطيكم الصحة

[ساندي 28]

ماشاء الله كل شيء بالطبع دخت وانا نشوف فى الصور يشهو يشهو امممممممممممممممممممممممم والله بارك على زكرياء ماشاء الله بوسيهلى بزاااااااااااااااف

[سهام 74]

هذه أول مشاركة لي في المنتدى انا نقرعج من بعيد برك ما نخلي حتى موضوع هنا في منتدى الطبخ اليوم قررت نشارك لخاطر الأطباق نتاعك هبلوني يعطيك الصحة علبالك هنا وين نخدم حنا لبنات نعرفوك كامل نحبوا نشوفوا طيابك متحوف و يدوخ من الفرماج يهبل يهبل ربي يحفظك و يعطيك ما تتمناي حطيلنا وصفات واش حطيتي كامل حتى طياب والدتك ربي يحفظها علبالي بلي تتعبي بزاف بتحميل الصور و كتابة الوصفات ربي يجازيك
اسمعي انا راني سطايفية مثلك قوليلي وين تسكني برك نجي ندي الوصفات بلما نتعبك
ربي يحفظك و يخليلك والدتك
سلميلي على الصغير زكريا و عظيه من خدوده في بلاصتي

[خميسة86]

يعطيك الصحة

[ام نور الهدى 2014]

اهلين لهلوبة
يعطيكم صحيحتكم انتي و امك و اختك كلش رائع
بصح العتب عليك محطتيش الوصفات تاع المرة لي فاتت تاع الغتاتوي و جماعتها و هدي المرة تان حطينا الوصفات
صابلي اليمون مالقيتوش و تاع الميسكافي و هادوك لي كاري تاع النواتكوكو
تحياتي ^_"

[sanfoura001]

kolach chbab wmathof tbarak lah macha lah

[سهام 74]

علبالك نرور نروح و نرجع لموضوعك دبري راسك اعطيني وصفة هذيك الشهدة لازم نديرها ان شاء الله و إلا رايحة نمرض ياخي أنا بنت ولايتك متحشمينيش وصفة قليلة تمنع سخفات كثيرة ربي يعيشك راني شفت في قوقل كاين وصفات بزاف اعطيني الوصفة الي عملتيها انتي و شكرا مسبقا

[oumefiras]

اي شكر واي كلام ميوفيكش حقك حبيبتي جربت كل وصفاتك روعة اصبحت مدمنة الهام دوختيني وسخفتيني داخلة خارجة نتفرج في الصور تعيشي حطينا كل الوصفات على شكل ردود وسامحينا في عذابك ان شاء الله ربي يحفظلك حبابك ويعطيك ما تتمناي في انتظارك

[أم شيماءْ]

يا سلام على الفنانة تاعنا دائما متالقة حنونتي وانا مع لبنات الوصفات حبوبتي لمكشردة ولا راكي تعرفيني ههههههههههههههههههههههههه
والله يبارك زكريا ولى يهبل خموس عليه

[منال9]

الله يبارك مالقيت مانقول ربي يحفظك و يجازيك فعلا مبدعة

[ام رضوان]

السلام عليكم
الله يبارك على العمرية بنت الاحرار واش راهي مدايرى
راكي هبلتينا دبري راسك حطيلنا الوصفات والا نهجمو عليك
يعطيك الصحة وربي يحفظك الهاموووو
وماشاء الله تبارك الله على زكريا ربي يحفظو امين
واحلى تقييم لاشطر الهاموووو.

[radia04]

Merci 444444444 sans commenraire

[radia04]

Svp les recettes rani sayma skhaftini

[ام فضل]

راكي قدمتي تحفة
باين فحلة ولالات النساء
تسفيقة كبيييييييييييييييييييييييييييييييييييييييييييييييي ييييرة :19:

[oum Haroun]

بارك الله فيك ياريت تحطيلنا و صفة الشهدة

[ام سمسومة 89]

ممممممممم ماشاء الله عليك لهلوبة مميزة كالعادة ...تعيشي طريقة البقلاوة تركواز ماخلاتلي مخ في راس و صابلي النسكافي و البيتزا تاع الثوم عجبتني هااايلة و قوليلي الرولي تاع الدجاج بثلصة الفرماج ...وربي يرزقك بولد الحلال ان شاء الله وتجيبي طبوز كيف زكازيكو ربي يحفظو

[ام موسى]

الله يحفظك اختي الهام، تعلمت منك بزاف ربي يفرحك ان شاء الله و يخليكم الوالدة الكريمة.
في انتظار الوصفات

[miryaham]

الله يبارك ربي يحفظك من العين والله كل طيابك تحفة سعد الراجل الي يديك شاطرة و فحلة و امراة تاع دار فقط نتمنى انك تحطينا هاذ الأكلات و أجرك على الله

[روعة الصحراء]

اممممممممممممممممممم بارك الله فيكي علي الاطباق متقونة تعيشي وصفة الرغايف والكيك بالنيسلي وحطيهم في مواضيع مستقلة وجزاك الله خير الدنيا والاخرة

[madjeda19]

ما شاء الله تبارك الله على مدللكم
و تبارك الله عيك, ننتظر وصفاتك

[حياتي كلها امل]

ماشاء الله كلش روعة وربي يحفظ ذاك الببون

[Doudina]

Y'a khti ilham daymen twarilna bark bla ma thoti al wasafat :(. Déjà rani mazelt nestena f ba3d el wasafat w eadtilna. Raki rayha thablina. Min Fadlik ma tabakhlich 3lina:1: Rabi yahafdak w yahfadlak ziko w kamel el 3ayla. Staifia fahla.

[hawa19]

باسم الله ما شاء الله حقا مبدعه يعطيك ااصحه عندي طلب طريقتك في ااقلاساج من فضلك و ربي يرزقك بولد لحلال اللي يعرف قيمتك و يستاهلك

[melissat]

الله يبارك ماشاء الله تبارك الرحمن
تسلم الأيادي الذهبية
عجبني كلش وبغيت كلش كلش
قولي لاختك تعطيني هد الوصفات وربي يجازيها خيرا على كرمها ويفرحها ويهنيها
شارلوت الفراولة. .قاطو التاج. ..قاطو الكورني ..
وحلوياتك يا لهومة أيضا عجبوني تحفة فنية ونهار اللي تقدري اعطيني وصفة مربعات النيسكافي ..ومربعات الشيكولا والنواة كوكو les carrés hongrois
فضلاً لا أمرا حبيبتي..لك مني أحلى تقييم
سلام

[loudjaine]

ما شاء الله انا نموت على طيابك ما نستعرفش لازم لي روسات كامل

[La reine Nour]

لهووووووووووووووووووووووووووووووبة راكي ديما تهبلي تبارك الله عليك.ربي يحميك ويفرحك ويعطيك ما تتمني~
ما شاء الله كل شيء روووووووووعة الله يبارك~
ربي يحمي هداك الامووووورالصغير ويبعد عليه العين.تبارك الله عليه~
بارك الله فيك شاف الهام على الوصفات.والله أمتعتينا بزاااااااف~
تقبلي مروري أيتها المبدعة~
حفظكِ الرحمان اختي الكريمة#

[ام عبدو و ملاك]

ماشاء الله ماشاء الله الله يبارك كل حاجة احلى من الاخرى اللي يديك يا سعدو كل صباع بصنعة
تعيشي قوليلي هادوك اللي محشيين تاع الطون والبيض المشرشم كيفاه درتيهم يشهيو

[ام نائلة09]

ماشاءالله كل اطباقك روعة ربي يحفظك ويحفظ زيكازيكو

[فردوس الرحمان]

ماشا، الله مبدعة لكن أرجو قبول نصيحتي زكازيكو يهبل مادريهش في النت تفاديا للعين راهي حق ، ممكن نطلب منك حاجة اريد الاتصال بك على الخاص لكن منقدرش كيف العمل، والله راني محتاجك اختي

[zohori]

روائع سلمت يداك

[إيزابيل]

الله يبارك كلش يشهي وتمنيت تحطي كل الوصفات

[تهاليل]

الله يبارك عليك راني ريجيم ودوختني بيني وبينك شعال راكي زايدة من كيلو ههههههههه ، بصحتكم

[شمس الملوك]

ماشاء الله سلمت يداك

[أم ريمة*]

ما شاء الله اطباق راقية والحلويات روعة والاروع زاكازيكو بسم الله ماشاء الله كبر الرويجل ربى يحفظو ويصونو امين

[مسلمة بالفطرة]

واو روعة ياالهام انا نضم صوتي للاخوات و اطالب بالوصفات ونا حابة وصفة مربعات الشوكولا والنواة كوكو من فضلك

[ام ابتهال]

الله يحميكم جميعا من العين، ويبقي عليكم الستر.بارك الله فيك.

[oumjiji]

توحشناك لهلوبه خليتي بلاصتك في المنتدى اطباقك كامل تهبل يا ريت تحطي الوصفات حنونه وربي يرزقك بالزوج الصالح يارب

[ام إسراء]

مساء الخير اطباق في منتهي الروعة والله غير درتيلي السخفة بسم الله مشاء الله تعيشي حنونتي حطيلي وصفة قريوش عين الجمل والقاطو لي درتيه في صوص الشيكولا ونواد كوكو تستاهلين بوسة علي الخد ربي يرزقك زوج صالح عاجل غير اجلا اني نستنا في الرد ومع السلامة

[om mouez]

الله يبارك كلش تحفة لعاباتي سالو نكرهو عائلة كلها محترفة في الطياب طابعا خارجين للأُم ربي يحفظهالكم راني نستنى كاشما تحطيلنا من هذو الوصفات خاصة روطي تاع امك عجبني بزاف ووووو.... هههه المهم تسلـــــــــــــــــــــــــــــــــــــــــــــــ ـــــــــــــــــــــم الايــــــــــــــــــــــــــــــــــــــــــــــ ـــــــــــــــادي حنونة وربي يحفظ زكازيكو ممممموااااح هذي البوسة ليه ;)

[nadjet boumaraf]

إلهام كلش بالطبع الله يبارك إتقان تحفة ربي يعطيك صحتك ويحفظلك وليدك يا رب ديري فينا مزية تحطينا الروابط ولا الوصفة عجبوني كامل سيرتوا صابلي النيسكافي و les carrés hongroi يعيشك حطيهمنا وصفات

[عصفور الجنة]

الله يبارك كلش رووووعــــــــــــــــــــــــــــــــــــــــــة روووووعــــــــــــــــــــــــــــــــــة يعطيكم الصحة ليك ولاختك وامك
ولي زاد حلى الموضوع زكازيكو تبارك الرحمان ربي يحفظو ويرعاه
وزيدي كملي خيرك يا الفحلة وحطيلنا الوصفات ههههه
مشكووووووووووووووووووووووورة غاليتي

[arwa alaa]

شوفي يا لهلوبة يا الفحلة كملي معروفك وحطيلنا الروابط والوصفات راكي سخفتينا
يعطيك الصحة كي العادة وصفاتك مميزة

[حياة نور الدين]

واش نقولك يا المهبووووالة هبلتيني وماخليتي فيا والو كلمة رووووووعة قليلة عليك
ربي يعطيك ما تتمناي كلشي تحفة الله يبارك
ربي يجمعك بوليد الحلال اللي يعرف قيمتك
واحلى بوسة لزكازيكو الله يبارك

[sofia dj]

ماشاء الله لا قوة الا بالله كلش فووووووور ربي يحفظك ويعطيك ما تتمناي

[foufamara]

ما شاء الله اختي و علاش ما ديريش فيديو و قاناة كما ام وليد
ممكن الروبط تاع كامل هذه الوصفات لانها روعة و شكرا

[tahiya]

بارك الله فيك و في العائلة الكريمة و ربي يحفظك من العين اختاه.

[wahiba T]

yatik saha mashalah 3lik madabia ida 9darti w habiti tmadili la recette du gateau li dertih bel 9tayaf je veux dire la recette ta3 patte a filou w les astuces ta3ha psk mana3rafch ndirha en plus rani haybatha w khayfa ndirha

[feuilleblanche17]

الله يبارك تسلم الايادي
كلش متحوف و باين بنين...يعطيك الصحة انت و امك و اختم
عندي طلب...وصفة تحلية بكريمة الجبن و قاطو دوم و اكيد انا من عشاق النواة كوكو..المادلين

[محبة الفردوس]

الله يبارك ما شاء الله في ميزان حسناتك ان شاء الله

[أمنية غفران]

تبارك الرحمان تحفة يا الهامو ربي يحفظك و يبقي الستر
ياريت لوكان تحطيلنا موضوع على الشهدة فضلا و ربي يهنيك

[بسملة ايمان]

يعطيك الصحة تباىك الله مشاء الله كل شي تحفة

[ام رحوبة]

ماشاء الله عليك كلشي تحفة ياريت لو تعطيني وصفة المربعات اللي بصوص الشوكولا والنواتكوكو

[الاريام]

اللهم بارك و ادمها نعمة و احفضها من الزوال
الله يبارك كلشي بيفلج على قولت السوارا و الي قالهم اسكتو زكازيكو ربي يبقي عليه الستر نشالله

[oum batoul]

الله يبارك ما عندى ما نقول الاخوات راهم كفاو و وفاو الله يحفضك لاهلك و لينا ثانى رانا اصبحنا ما نستغناوش عليك طلى علينا لاشتا بلا وصفات نحبو بزاف تقرعيجك و ما تطوليش علينا بالوصفات

[om kamilia]

آمممممم, شبعت لحيس من اطباقك واطباق الام الحنو و صبعا قاطوات ختك وتحلياتها بارك الله فيكم , تفكرت ايام كنت عازبة قلشت عائلتي
بصح ماننساوش الوصفات , لي قدرتي عليم حطي كل شيء رائع ,انا نطلب وفات كل الصور ههههه
وبوسة على الامور الطبوز , ربي يحفظو من العين , شيان من الضروووس

[اميرة77]

الله يبارك سلمت يداك

[زهرة الساكورا]

شكرااااااااااااااااااااااااا ايك حبوبة كي العادة كلش عالي المستوى ربي يعطيك ماتتمناي حبيت اتهدريلنا على صوص الليمون و الموطارد اللي درتيهم و كدا وصفة مربعات الشكولاطة و النواة دو كوكو نحبككككككككككككككككككككككككك بزاففففففففففففففففففففففففففف:19:

[jojo dj]

رووووووووعة ماشاء الله عليك الله يفرحك لهلوبة لوتتكرمي وتحطيلنا وصفة البان كيك ووصفة بيتزا بصوص الثوم والاجبان

[fadoula fcb]

روووعه يعطيك صحه من ندخل منتدي ندخل عندك نبقي نشوف منشبعش تبارك الله عليك كلشي متقون ياليت وصفة سكالوب اللي حطيتهم وقاطو لي دوم. تعيشي ختي وربي يعطيك ما تتمناي

[ام سامي15]

مواضيعك تححححححححححححححححححححححححححححفة اختي
فعلا استمتع بها
ربي يعطيك ما تتمناي

[halouma tita]

:19: تحفة ماشاء الله وبارك الله فيك يا الهام أطباق تشهي وقتلتيني أنا جعت بزاااف لازم تعطيني وصفات لازم ندوقهم كامل الله يسهل عليك :1:

[ام عبودة م]

واااااااااااااااااااو ماشاء الله ربي يحفظك من العين اختي
راكي مراة وفحلة وعليك الكلام ربي يجازيك كل خير ويبعثلك زوج صالح ان شاء الله
بارك الله فيك

[samsouma70]

ماشاء الله روعة الله يعطيكم الصحة

[koukita4]

الله يبارك تقول عليك تحكيلنا في قصة اكشن مليانة تشويق والله استمتعت 😊😊😊😊😊😊😊 ربي يحفضك يا الفحلة

[مسعودي خولة]

اااااه يا لاهام اااه واش راكي دايرة فينا راني رايحة نموت كي شفت اطباقك ماخلاو فيا والو هبلتينا هبلتينا شوفي دبري راسك كيفاه تحطيلنا الوصفات ماعليش دون صور المهم الوصفات كتلتيني بالسخفة (راني نتوحم) و في اقرب وقت شوفي يعني كي يقولو البراني و لا ولد الدار ليكاري اونغوا ديرهم عمتي و نموت عليهم و شحال من مرة نقولها اعطيني الوصفة تسمطني بالصح نتي تعطيني الوصفة نديرهم ونديهملها زكارة قد ماندعيلك قد مانشكرك قليل عليك ماديرينيش نسيت راكي مكملتيليش الوصفات لي قتلك عليهم بيناتنا برك سيرتو دك تدخلي تخدمي مانزيدوش نشوفوك واذا حبيتي نجي ليك وتعطيني الوصفات راكي قريبة ليا و انت خيري

[ام رحموني]

ماشاء الله عليك انتي و امك واختك سلمت الايادي والله حراير تاع الصح

[جنة الفردوسْ]

تباااارك الله كلش تووووووووووب......قلبي راح يخرج شهيتيني مممممم ممممممم......يعطيك الصحة

[maloo]

4444444444444444444444444444444444

[Mabelle]

الله يبباااااااارك كلش بالطبع

[أم أماني وعبدو]

الله يبارك عليك حنونة ربي يعطيك واش تتمناي
وربي يحفظلك ميمتك
الله يبارك على ذاك الرويجل ربي يحفظو ماشاء الله عليه

[نورانيات]

الله يبارك دائما تهبلينا مع وصفاتك الناجحة من أول تجربة الحق الحق انا عجبني طياب الأم الفاضلة الله يطولكم في عمرها علابيها بناتها خرجو شاطرات وربي يبارك على زكازيكو اذا كان يشبهلك ياو ياسعد اللي داك جمال وقفازة ربي يهنيك أختي ويرزقك من واسع فضلك ويفرحك كيما دائما تفرحينا

[عبير ريمة]

ما شاء الله تبارك الرحمان على زكازيكو و على طاطاه ربي يحفظكم في زوج و الله يا الهام غير طروشتينا بهاذ الاطباق يعطيك الصحة فحلة و عمرية نتاع الصح . اذا قدرتي اعطيتا شوية وصفات قبل ما ترجعي للخدمة

[رحيق الورد]

بارك الله فيك

[belseme]

الله يبارك كلش روعة ربي يخليلك صحتك دائما اطباقك بريزونتابل
الهام علبالي هبلناك حبيت الوصفات هذو الىى تقدري تمديهملنا معليش كل متدخلي اكتبي سطر حتى تكمليهم
حلوة التاج
قاطو الكورني
حلوة التاج
قاطو الكورني
الخشخاش
صابلي الليمون
تحلية بكريمة الجبن
اخيرا ربي يرزقك بوليد حلال لي يعرف قيمتك وربي يحمي زكازيكو من العين

[mari84]

ماشاء الله ربي يحفظك حبيبتي ويحفظ زكازيكو ربي يبارك عليه
راكي هبلتيني بالوصفات تاعك كامل مشاء الله راني جربت صابلي نيسكافي روووووووووووووووووووووووووووووووووعة حبيبتي

[القبايلية]

الله يبارك تعطيلنا الإلهام المطبخي في مواضيعك الهايلة ربي يعطيك ما تتمناي

[salwa78]

الله يبارك اختي الهام روووع وصفاتك اكل و تعليقاتك مووووت نتمنى نشوفلك الجديد غبتو على المنتدى من اللي درتو قروب ساكنين في لاكويزين
ارجعيلنا بابداعاتك نستانو فيك و شكررررررررررررررررررررررررا

[mosta*limoges]

الله يبارك فحلة و نص وماشاء الله عليك و على زكازيكو

[hope of life]

الهام حطيتي الوصفات بمقاديرها ولا مازال.....راني كيندخل للمنتدى طوووووول نحوس عليك

[mounia5]

Yaatik essaha bismi allah maachaa allah

[amilaz]

الله يبارك فحلة و نص وماشاء الله عليك

[ابني نور عيني]

الله على رمضانك يا الهام بنة و حطة يعطيك الصحة

[Simsim.rd]

يعجز اللسان عن التعبير قدام هاد الابداعات يعطيك الصحة

[OUM TAKIEDDINE]

يعطيك الصحة كل شيئ هايل

[zatch]

عجبوني بزاف واش حطيتي راكي فعلا لهلوبة لوكان تكملي جميلك و تحطي الوصفات خاصة الحلويات

[fatihmd]

بارك الله فيك

[Doudina]

من فضلك يا اختي الهام اعطينا شوي وصفات. راني غير نستنا فيهم.

[إلهام07]

أخواتي مشكورات على المرور


الاخوات اللي طلبوا الوصفات راني حطيت المادلان بالليمون وحطيت تحت كل وصفة الرابط نتاعها تقريبا بقاو قلال الوصفات اللي يخصو

أختي hope of life إذا راكي تسألي على الوصفات اللي من قبل راني حطيتهم تقريبا كامل فقط أدخلي لملفي الشخصي تلقاي واش تحبي

[Doudina]

من فضلك يا لهلوبتنا اعطينا وصفة لي دوم. وصفة البيتزا بصوص الثوم. صلصة الجبن تاه الاسكالوب الرولي. و التحلية تاع كريمة الجبن و النيستلي بصوص ال توفي من النت. ربي يبعتلك ولد الحلال انشاء الله.

[سحابة باردة]

:19::19::19::19:

[ابني نور عيني]

واااو رمضانكم جاز روووعة ياريت لوكان حطيتي الروابط معليش مشكوورة حنونة وديما للامام

[sousou 16]

لهومة راكي 444444 ان شاء الله يبعث لك الي يعرف قيمتك تعيشي كملي خيرك و اعطيني وصفة المطلوع تاع السميد و الفرينة

[sousou 16]

ووصفة فخد الدجاج المحشي

[قمر 77]

ما شاء الله عليك الهام دائما متالقة الوحدة كي تكره الكوزينة ترجع لمواضيعك تدخللها تجري
و ربي يحفظ زكازيكو الله ايبارك رجع رويجل ما شاء اللله عليه

[مطبخ ام سارة]

كل الشكر لكي على مجهوداتك

[مطبخ ام سارة]

الله يجزيكي كل خير

[أسامة عبدو]

يعطيك الصحة حطينا وصفة الصابلي بالنسكافي و حلوة التاج بالليمون

[zinna]

ما شاء الله عليك و على وليدك ربي يحفظهولك

[أم البراء 2017]

بارك الله فيك

[سمية 61]

مليح من دوك نتعلم لرمضان الكريم

[chouchouta26]

اممم بارك الله فيك الله يبارك ما شاء الله .....في انتظار الوصفات

[medzoui]

.يعطيك الصحة..مواضيعك كلها ممتازة

[امونة الشاوية]

الله يبارك ويدوم النعمه

[Tasnim.hope]

allah ybarak yaatik saha khtiti

[anaris]

سلام ممكن وصفة المطلوع يا حبوبة

[إلهام07]

مشكورات اخواتي على المرور


أخواتي راكم تطلبوا في وصفات اصلا راني حطيتهم كمواضيع في المنتدى أدخلوا فقط للملف الشخصي نتاعي تلقاوهم :mh31:

[moulmoul]

رووووووووعة

[نانا الحيرانة]

ماشاء الله بارك الله فيك

[ام جهاااد]

مشكوووووووووووووووووووووووووووره تسلم الايادي

[messaoudiKanza]

machaa allah ya3tik saha

[Kingo.Fitness]

شكرآ جزيلآ ..

[Kingo.Fitness]

جميل جدآ ..