عرضة 5 نجوم

[mariamalak]

السلام عليكم
حبيتكم اليوم تشاركونى فى اعداد عرضة 5 نجوم لضيفة غالية على قلبي رايحة تزورنى هذي ليامات
جات من الجزاءر و حبيت نعرضها عشاء
واش تقتارحو عليا
يعنى كون تزوري صديقتك فالخارج واش تحبي تاكلي هههه
يا ريت الوصفات و الصور حتى تكون الفكرة واضحة
و غير نلقا حاجة نحطهالكم

[om kamilia]

ربي يجازيك خير لى عرضة
انا راني جاية عندك ههه
اكيد فصل الصيف فصل السخانة , تليق غير ماكلة خفيفة, و في فرنسا معروف بالاطباق و المقبلات البسيطة الراقية , نوعي خاصة المقبلات ,انا قريبتي كي تجي تطيب لنا طباق خفيفة في دارها تعمر طابلة كل نوع ما يدوش بزاف الوقت و بريزونتابلو كلو انواع

[om kamilia]

كمقبلات انت ادرى نوع المقبلات ليتتناولوها مثلا بالسمون , بزاف , ميني كيش بالعجينة المورق بحشوات مختلفة , , سلطات متوعة بالافوكادو , , تاع البطاطا المحشية بخليط التونة , حميس , و تتباع عندكم بزاف مخللات تقدري تشبحي بيهم سلطاتك
واطباق رئيسية تقدري تديري جاج بنكة الليمون يعجبني وخفيف , بطاطا نوازت , كاين عدة انواع من المعجنات ترافقيها بالخضر او بصوص الفرماج , غرتان خفيف , بالخضر و للحم المرحي, و ماتنسايس لمستك في تقليدي و خاصة الى الضيفةتحب التقليدي و كذلك التحليات المعاصرة , كاين بزاف الاخوات و روحي مواضيعهم تلقاي الخير , و يعجبوني اطباق اسمهان نحس فيها لمسات ابداع و اطباق عالمية دون ننسى كل الاخوات الكريمات
ان شاء الله يزيدو يدخلوا الاخوات يفيدوك اكثر,
وبالنسبة للعرضة حاولي تحضري قائمة الطعام لي رايحة تديريها, و المقادير اللازمة و التجهيز المسبق يكون احسن خلي الحاجة الخفيفة ليوم العرضة , هكا تقدري تقضي وقت اطول مع ضيفتك و كل شيء يكون تقريبا جاهز و ما تتقلقيش وعلى قهوةتاني وجدي انواع القاطو اووفينوز راه فرنسا فيهابزاف انواع يشهو ووبحثي دائما على الحلال
وبصحتك مسبقا
راني قريب نجي و تعرضيني نسناك هههه

[om kamilia]

http://www.djelfa.info/vb/showthread.php?t=1623257
وبالاك هذا الموضوع يفيدك تدي منو نصائح و اقتراحات, تاني موضوع العزائم لبريق الامل رائع

[mariamalak]

http://www.up.djelfa.info/uploads/146954460854821.jpg (http://www.up.djelfa.info/)

اخترت هذا النوع من السلطة

[mariamalak]

كمقبلات انت ادرى نوع المقبلات ليتتناولوها مثلا بالسمون , بزاف , ميني كيش بالعجينة المورق بحشوات مختلفة , , سلطات متوعة بالافوكادو , , تاع البطاطا المحشية بخليط التونة , حميس , و تتباع عندكم بزاف مخللات تقدري تشبحي بيهم سلطاتك
واطباق رئيسية تقدري تديري جاج بنكة الليمون يعجبني وخفيف , بطاطا نوازت , كاين عدة انواع من المعجنات ترافقيها بالخضر او بصوص الفرماج , غرتان خفيف , بالخضر و للحم المرحي, و ماتنسايس لمستك في تقليدي و خاصة الى الضيفةتحب التقليدي و كذلك التحليات المعاصرة , كاين بزاف الاخوات و روحي مواضيعهم تلقاي الخير , و يعجبوني اطباق اسمهان نحس فيها لمسات ابداع و اطباق عالمية دون ننسى كل الاخوات الكريمات
ان شاء الله يزيدو يدخلوا الاخوات يفيدوك اكثر,
وبالنسبة للعرضة حاولي تحضري قائمة الطعام لي رايحة تديريها, و المقادير اللازمة و التجهيز المسبق يكون احسن خلي الحاجة الخفيفة ليوم العرضة , هكا تقدري تقضي وقت اطول مع ضيفتك و كل شيء يكون تقريبا جاهز و ما تتقلقيش وعلى قهوةتاني وجدي انواع القاطو اووفينوز راه فرنسا فيهابزاف انواع يشهو ووبحثي دائما على الحلال
وبصحتك مسبقا
راني قريب نجي و تعرضيني نسناك هههه

بارك الله فيك
رانى بصدد كتابة قاءمة الطعام
ارواحى مرحبا بيك حنونة

[اسما38]

تفضلي ماريا ميني صالي

[أم سدرة]

ماريا فكرة السلطة مليحة وزيدي مقبلات تقدري ديري سمكة سلمون في الكوشة او دجاج تبليه ليلة قبل وسوب خفيفة وكاشما نلقى راني نقولك

[حياتي كلها امل]

انا نقترح علبك سوب خفبفة وزيدي ديري جاج محمر بطماطم تاع ام ثازيري هايل زيدي معاه خضر مشكلة وزيدي شويا مقبلات وسلايط والتحلية والعصاءر راه المنتدى معمر اذا حبيتي في السهرة شوية شاي مع مكسرات وكاش قاطو معسل وبصحتكم القعدة

[mariamalak]

تفضلي ماريا ميني صالي

صحيتي اسما هايلين رانى شريت العجينة المورقة و الديول و نشكلهم

[mariamalak]

ماريا فكرة السلطة مليحة وزيدي مقبلات تقدري ديري سمكة سلمون في الكوشة او دجاج تبليه ليلة قبل وسوب خفيفة وكاشما نلقى راني نقولك

عندك الحق ندير حاجة فالفور باش تبقى الكوزينة مخملة

[mariamalak]

انا نقترح علبك سوب خفبفة وزيدي ديري جاج محمر بطماطم تاع ام ثازيري هايل زيدي معاه خضر مشكلة وزيدي شويا مقبلات وسلايط والتحلية والعصاءر راه المنتدى معمر اذا حبيتي في السهرة شوية شاي مع مكسرات وكاش قاطو معسل وبصحتكم القعدة

بارك الله فيك
قواو الوصفات حتى تلفتنا واش نخيرو ههه

[فردوس الرحمان]

العام الماضي زعمة قررت نعقب عطلة الشتا، في فرنسا كوني استاذة كامل الناس لي عرضوني دارولي يا شخشوخة يا بريوشة باللحم ، كرهت حياتي انا مرحتش لفرنسا باه نعاود هاد الماكولات كنت حابة أشياء، جديدة، وعليه اخطيك اختي من التقليدي الناس كي تسافر تحب تتمتع

[mariamalak]

العام الماضي زعمة قررت نعقب عطلة الشتا، في فرنسا كوني استاذة كامل الناس لي عرضوني دارولي يا شخشوخة يا بريوشة باللحم ، كرهت حياتي انا مرحتش لفرنسا باه نعاود هاد الماكولات كنت حابة أشياء، جديدة، وعليه اخطيك اختي من التقليدي الناس كي تسافر تحب تتمتع

ههههع ضحكتينى اختى فردوس و الله عندك الحق
ما تخافيش رايحة نمتعها و كى تجى ارواحى تتمتعى عندي ههه
صحيتي على النصيحة

[فردوس الرحمان]

شكرًا جزيلا حبيبتي انت تاني راك معروضة عندي واش تحبي نديرلك على الراس والعين