المساعد الشخصي الرقمي

مشاهدة النسخة كاملة : محتاجة نصيحتكم ضروووري

سارة ايروكا
2016-07-22, 04:08
السلام عليكم
انا متحصلة على البكالوريا بمعدل 15.60
لكنني اواجه صعوبة في الاختيار بين الطب وطب الاسنان
كل التخصصين يعجبانني لكنني سألت واستفسرت فوجدت اختلاف في الاراء
من جهتي اجد ان تخصص الطب مدة دراسته 7 سنوات وبعدها اتخرج كطبيبة عامة ويستوجب ان ادرس 5 سنوات للتخصص لان الطبيب العام في وقتنا اصبح بدون معنى ولكي افتح عيادة خاصة بي يجب ان اعمل عند الدولة لمدة 3 سنوات
من جهة تخصص طب الاسنان مدة دراسته 6 سنوات واتخرج كطبيبة مختصة في طب ودراسة الاسنان ويمكنني فتح عيادة خاصة بي بدون ان اعمل عند الدولة
لكن كلا التخصصين جيدين
لكنني اواجه صعوبة في الاختيار اخشى ان اختار الطب فأندم لعدم اختياري لطب الاسنان واخشى حدوث العكس
لذلك انا محتاجة آراءكم ونصائحكم الله يحفظكم
الطاهرة
2016-07-22, 08:10
اولا
صلي صلاة استخارة
انصحك بها
ثانيا يااختي كل حاجة تتعبي فيها تنالي فيها انا حاساتك شغوفة بالطب اكثر ،، كنصيحة اياكي و تسمحي فالحلم التاعك وفي ميولاتك لانو هذا ياثر بزاف على نسبة نجاحك فكل تخصص عندو مساوئ ومحاسن عليك بالاستخارة وانا من جهتي انصك بالطب اتعبي عليه وتنالي خاصة ادا كنتي تحبيه هادو 7 سنين يفوتو بربي ان شاء الله ووقتها ديري تخصص وراكي تخدمي وتخلصي
باذن الله نكون فدتك
وربي هوا الموفق
سلام وجمعتكي مباركة
،،
Xtinct05
2016-07-22, 09:16
اوافق الاخت الطاهرة
DTInfo
2016-07-22, 09:47
في المجال الطبي سيخبرونك او ستكتشفين ﻻحقا انك بحاجة دائما الى مواصلة الدراسة مهما توصلت اليه من درجات
يعني طبيب عام يجب مواصلة دراسة
تخصص يجبب مواصلة دراسة
بروفيسور يجب مواصلة دراسة
وهكذا
ﻷن المعلومات الطبية في تحديث مستمر
Hika Hika
2016-07-22, 17:14
الطب زعما تقراي 7 سنوات و طب الاسنان 6
بالنسبة ليا عام واحد ماشي فرق كااامل
الفرق الوحيد انو الطب يتطلب الحفظ كثيرا مقارنة بالاسنان
و انتي شوفي قدراتك و قرري
سارة ايروكا
2016-07-22, 19:12
اولا
صلي صلاة استخارة
انصحك بها
ثانيا يااختي كل حاجة تتعبي فيها تنالي فيها انا حاساتك شغوفة بالطب اكثر ،، كنصيحة اياكي و تسمحي فالحلم التاعك وفي ميولاتك لانو هذا ياثر بزاف على نسبة نجاحك فكل تخصص عندو مساوئ ومحاسن عليك بالاستخارة وانا من جهتي انصك بالطب اتعبي عليه وتنالي خاصة ادا كنتي تحبيه هادو 7 سنين يفوتو بربي ان شاء الله ووقتها ديري تخصص وراكي تخدمي وتخلصي
باذن الله نكون فدتك
وربي هوا الموفق
سلام وجمعتكي مباركة
،،

يسلم ذاك الفم اختي
الليلة ان شاء الله سأصلي صلاة الاستخارة
صحيح ما قلتي والانسان كي يحب حاجة ما يحسش بالوقت
انا صح نحبها الطب بزاف من صغري مي درك كي خممت في غدوا والمستقبل والخدمة وليت مترددة فيها
مي نشااله ربي يوفقني فالاختيار لي مانندمش عليه منبعد

الطب زعما تقراي 7 سنوات و طب الاسنان 6
بالنسبة ليا عام واحد ماشي فرق كااامل
الفرق الوحيد انو الطب يتطلب الحفظ كثيرا مقارنة بالاسنان
و انتي شوفي قدراتك و قرري

طب نقرا 7 سنين كي نكمل نولي طبيبة عامة ولازم نزيد نكمل نقرا 4 سنين باش ندير الاختصاص
عكس طب الاسنان كي نكمل نولي مختصة في الطب وجراحة الاسنان
وييي هاذيك هي مشكلتي "الحفظ" نكره نحفظ
أم سلوى
2016-07-22, 19:17
طريق الطب طويل...
طريق طب الاسنان..معقول
امممممممم
اختاري طبيبة عامة وخلاص...بناتهم ثم تزوجي وانجبي...ثم اكملي نص الطريق للاختصاص 4سنين اخرى
هذا رأيي..
asma-forever
2016-07-22, 19:19
يسلم ذاك الفم اختي
الليلة ان شاء الله سأصلي صلاة الاستخارة
صحيح ما قلتي والانسان كي يحب حاجة ما يحسش بالوقت
انا صح نحبها الطب بزاف من صغري مي درك كي خممت في غدوا والمستقبل والخدمة وليت مترددة فيها
مي نشااله ربي يوفقني فالاختيار لي مانندمش عليه منبعد



طب نقرا 7 سنين كي نكمل نولي طبيبة عامة ولازم نزيد نكمل نقرا 4 سنين باش ندير الاختصاص
عكس طب الاسنان كي نكمل نولي مختصة في الطب وجراحة الاسنان
وييي هاذيك هي مشكلتي "الحفظ" نكره نحفظ
بصح كي تزيدي تقراي راكي تكوني تخلصي وخدامة عادي في المستشفى يعني وينو المشكل اما كلا التخصصين راهم يحتاجو لجهد لان كليهما تخصص مرموق وانساني بدرجة اولى
Hika Hika
2016-07-22, 20:29
طب نقرا 7 سنين كي نكمل نولي طبيبة عامة ولازم نزيد نكمل نقرا 4 سنين باش ندير الاختصاص
عكس طب الاسنان كي نكمل نولي مختصة في الطب وجراحة الاسنان
وييي هاذيك هي مشكلتي "الحفظ" نكره نحفظ[/quote]

و الله ما يعطيني قلبي نقرا كل السنوات هذي و مانديرش اختصاص :3:

انا ثاني كيفك نكره الحفيظة و خايفة ما نقدرلهاش اذا اخترت طب و فنفس الوقت ما عنديش اهتمام كبير بطب الاسنان لكن اراء الناس اللي قالولي تخصص ممتع خلاتني نديرها خيار اول بصح مازلت متعلقة بالطب خخخ و زادو هدرولي على البيوتك زدت حبيتها اكثر من التخصصات الطبية و دركا راني حابة نقسم روحي على ثلاثة :(
manel 26
2016-07-22, 20:37
شوفي اختي الا ماراكيش حابة تقراي بزااف طب الاسنان و الا العكس طب

الا عندك القدرة على الاحفظ. طب. و الا العكس طب الاسنان

هههه شوفي تخيلي روحك طبيبية

و تخيلي روحك طبيبة اسنان

اما خدمة راح تقدريلها اما خدمة راح تبدعي فيهاا

انتي ليمن مايلة ؟ كي تلقاي الاجابة هدي تلقاي الاختيار تاعك
manel 26
2016-07-22, 20:38
ان شسا الله ما نكونشس دخلتك في متاهة برك ههه


بالتوفيق
ik raam
2016-07-22, 20:41
ممكن مساعدة أنا ايضا معدل 15,63 لازم نخموا الا يعطونا الطب و لا لا ؟ خايفة مايعطونااش
Hika Hika
2016-07-22, 21:04
ان شسا الله ما نكونشس دخلتك في متاهة برك ههه


بالتوفيق


هههههههه لا هي نفسها المتاهة اللي كنت ندور فيها xD
خلاص نخليها على ربي و ندير اسنان ربي يوفقك انتم ايضا
manel 26
2016-07-22, 21:06
هههه

بالتوفيق ان شا الله

ان شا الله يكون اختيارك في محلو

و زعما تقدري تنحي ضرسة هههه
Hika Hika
2016-07-22, 21:12
ههههه عادي نشفا وحدة نحيتهالهاا بالمسطرة فالقسم فالابتدائيxD
manel 26
2016-07-22, 21:18
ههههه بالمسطرة.

مالا كثري المساطر ههههه

انا تهربت منها على جال الضرسة ما نيماجينيش روحي نحي ضرسة هه
Hika Hika
2016-07-22, 21:47
lol
الله غالب هذاك واش لقيت قدامي
حتى الطب تنحي فيه حوايج كثر على الضرسة تولي تبانلك ناس ملاح
Med ani
2016-07-22, 22:37
اذا ميدسين لازم سبيسياليتي واذا اسنان بلا سبيسياليتي
منار العلم
2016-07-22, 23:55
أنصحك بطبّ الأسنـــآن أختي
لأنه قليلا من يعملون فيه عكس الطب العام، وطب اختصاص آخر لازمك تكملي بالاك لكثر من 10 سنوات
موفقة في اختيارك أجمعيين
سارة ايروكا
2016-07-23, 04:48
والله ضحكتوني
سيرتو لقطة تع نحات ضرسة بالمسطرة ههههههههه
انا نحب الطب وحبيت طب الاسنان بصفتهم لزوج في ميدان الصحة
بصح المستقبل يكون اولى من الطموحات
يعني قادرين تحبو حاجة ومافيهاش فرص العمل وتكرهو حاجة فيها فرص عمل اكثر وفي هاذي الحالة تكونو اوبليجي تخدمو فالحاجة لي تكرهوها باش تضمنو مستقبلكم
انا هكاك سقسيت على الميدسين قالولي راهي ما تسوا والو كون ماتكمليش تقراي للاختصاصات والطب العام فرص العمل تاعو قليلة بصفة الغاشي كامل راهم يقراو طب ههههه لي تسقسيه يقولكك راني طب وزيد طبيب ما يقدرش يفتح يخدم وحدو حتان يخدم 3 سنين عند الدولة
مي الدونتيست نقرا 6 سنين نخرج مختصة وفوق هكاك نقدر نحل كابيني تاعي فيها المشكل غير تع الماتريال قالك غالي
وانا يا جماعة تخلطتلي بيناتهم خايفة ندير الطب ونندم وخايفة نديرر طب اسنان ونندم
Hika Hika
2016-07-23, 11:26
ههههه دوم الضحكة :)
انا زادو شجعوني على طب الاسنان و عقلي تقبل الامر ... مازال قلبي ما حبش يتقبلو ... قتلو ارواح لهنا درك نرجعك تحب دونتيست بسيييف xDD
البارح ليل طول و انا نتفرج فالفيديوهات على طب الاسنان و مزاياه و زادو اقاربي شجعوني عليه ... الحمد لله دركا تقبلتو وليت نحب التخصص
ان شاء الله يكون من نصيبي و ربي يوفقكم