احبه جدا لكنه يقهرني كثيرا

[مشكلتي]

السلام عليكم احبائي حبيباتي اعضاء وعضوات المنتدي الكرام اردت ان اكتب موضوعي هدا وانا في نفسي مقهورة جدا جدا وفي قلبي غصة وحرقة ودلك كله بسبب زوجي المستقبلي نعم اقول زوجي حبيبي حبي الدي كنت اتمني ان يكون احسن مما هو عليه حاليا لكنه لم يتغير ابدا حاولت ان اغير في طباعه وسلوكاته وعقليته لكن للاسف ربما انا امراة سادجة امراة لاشخصية لها رغم اني اثق في نفسي لكن لم استطع معه انا اعمل محامية وهو يعمل في ميدان صعب جدا حتي تصورو عمله بالضبط لااعرفه تماما يخفي عليا منصب الدي يعمل فيه وكم ياخد الراتب يخفي عليا كل شيء صحيح هو انسان حنين بزاف لايبخل عليا بشيء يتصل بي يخرجني وقت مااشاء حاجة نسخف عليها يشريهالي كي نكون مريضة هو لي يجري بيا واحيانا امراض لي يستطيع علاج هو لي يعالجني يعني حاجة تاع شغل منزل واعمال منزلية يعني شاطر ماشاء الله طبعا هو شفتو كي رحت لدارهم كيف يطيب ويوجد اطباق يعني من صغرو وهو يعتمد علي نفسو وانسان مثابر و حتي انه دكي ويهتم بكل تفاصيل حياتي لكنه مقلقني بهدا الشيء يخفي عليا اشياء كثيرة جدا ولايقل لي الحقيقة انسان جد كتوم ومافهمتش لحد اللحضة عقليته مافهمتش واش يدور في دهنو صراحة هلعقليته هكدا ام استطيع فهمه مع الوقت والمعاشرة والعشرة لايحكيلي شيء عن تفاصيل حياته السابقة وعلاقاته رغم اني سمعت ماخرا انه كان خاطب وحدة وفسخ معاها الخطوبة لانو المراة التي كانت معه تسبب له مشاكل وعي تعمل مهندسة وكانت ند للند معه وحدثت مشاكل بسبب عدم ثقة بينهم ادت الي انفصال هو يعمل في ميدان البحري ودرس في مدرسة عليا للبحرية يعني انسان مثقف ومتعلم لكن صراحة قهرني بكتمانو كانه علبة سوداء رغم اني مخطوبة معاه لاكثر من عام وهو حب يطول الخطوبة وكي نقولو نسرعو دايمن يتحجج باساب مازال مازال راي صغيرة ماتقلقيش انا مفروض نتقلق هو 31 سنة وانا 24 سنة وصراحة تعرفنا وتعرف عليا في مكتبي وصراحة اعجبت كثيرا بشخصيته ورجولت ه لكن هدا الشيء لي مدوخني وصراحة انا نحبو بزاف بزاف ومتعلقة بيه لدرجة لا توصف وماكنتش ننتضر نطيح في راجل مثل هدا ابدا
ارجوكم عاونوني كفاش ندير باش نحيلو طبيعة هادي ونعرف اسرارو كيف اتصرف نحاول وحاولت ماقدرتش نفهمو وهو يفهمني بصح انا مافهمتوش عاونوني ياخبيرات وربي يجازيكم

[*أم سجى*]

اختي قلتي أنك تعرفيه شاطر وشفتيه كفاه شاطر فطياب في دارهم أنا هنا فهمت بلي انتوما فاميليا......ومبعد كي زدت كملت قريت لموضوع قلتي تعرف عليا وتعرفت عليه فلمكتب؟يعني انتوما أجانب!......المهم ليس هذا موضوعنا اختي وبالنسبة لمشكلتك يجب أن تتقربي له أكثر وتتعرفي عنه أكثرفإن كانت طباعه مخدومه هاك مع أهله وكامل الناس فلا جدوى لتغييرها خاصة بما أنك مخطوبة ..اصبري عليه ربما بعد الزواج تتغير طباعه ..وعلى كل حال هذه ليست صفة سلبية تدعو للقلق خاصة اذا كان ذو أخلاق عالية صدق..نزاهة....شفافية...حب واتقان للعمل وسعي للنجاح ...والظاهر أن خطيبك كذلك...لاداعي للقلق عزيزتي

[faty05]

وش راكي حابة تعرفي منه ؟؟
اذا راكي حابة تعرفي اسرار عمله هذ الشي غير انسايه
اما اذا راكي حابة تعرفي العلاقات السابقة ؟ وعلاه تحلي باب للمشاكل
المهم يعاملك مليح و ووفي ليك
كي تزوجو ان شاء الله يفتحلك قلبه لانك راح تكوني زوجته و صندوق اسراره

[*البنت الدلوعة*]

انصحكي يا أختاه لازم الانسان يفكر بعقله ماشي بقلبه خصوصا في القرارات الصعبة المصيرية المرتبطة بالمستقبل فالعاطفة لا تستعمل في هذه الحالات
و عن رايي يعتبر كتاب غامض مفعم بالالغاز فما عليك الى حسم الامور و اتخاذ القرار الصائب عن مستقبلك

[amrfre]

النصيحة الأولى : أختي بأنه لا يوجد حب حقيقي قبل الزواج
ولو كان حبه صادقا لإستعجل هو بالزواج وليس أنتي
فأنا لا أتهم خطيبك لكن هناك من يتخد الخطوبة ذرعا للوصول لأشياء لا يستطيع أن يصل إليها بدونها
النصيحة التانية :حسب ما وصفت به خطيبك فهو يعمل في الأمن لذلك لا يريد الإفصاح عن تفاصيل حياته
فرجال الأمن السريين تجدهم يمتازون بهاته الفات -الشطارة مصدر الرزق المجهول ... - وانظري لمهنتك فإنك محامية !

[روح المي]

اذا تحبيه علاه تغيريه ؟
لي يحب شخص لازم يحبوا كيما هو والا ينساه
وعلى زواج خطيه قدام امر واقع باه تشوفي حياتك اذا راح ينسحب
اختي اذا راك تدخلي وتخرجي معاه نصيحة لاتفعلي ذلك فانا عن نفسي لو كنت مكانه وقت ما اريدك اجدك
لماذا اتزوج اجعلي نفسك عزيزة

[- بصمة خير -]

حابة تغييره
غير انساي
انت تتغيري و هو لالا
تحبيه صح تقبليه
و تشوفي طريقة طيفاه تتعاملي مع شخصيته و خلاص
و الراجل من واكتاه يحكي كل شيء
الراجل يحكي واش يحب و خلااااااص
و المرا اللي تحكي كل شيء
راه مليح معاك
ما خصك والو
لاه حابة تقلقي روحك
مش حاب يحكي خليه
و اذا حابة تغييره
اعرفي راكي رايحة تفسدي حياتك بالمشاكل

[محمد جديدي التبسي]

اعذريني على قسوتي واسلوبي في الكلام راكم تحبسو الراس؟؟
اي حياة تعيشونها واي تفتح هذا؟؟
يا بنتي تخرجي معاه ودوري معاه ويشريلك ويحوس بيك وانت مخطوبة برك واش الفرق بينك وبين المتزوجة؟؟
حتى لو كان داير العقد الشرعي ما راحش يكون مستعجل ع الزواج !! لانه كل يوم يهدر معاك ويشوف فيك
صححي علاقتك به وضعي ضوابط والتزمي بالشرع حتى لو كان زوجك شرعا لا يحق لك ان تعيشي معه كالمتزوجين مادام لم يتم اعلان النكاح واقامة العرس
ومشكلك غريب هدرتو في كلش ولم تعرفي ماذا يعمل ام ان احاديثكم ولقاءاتكم تناقشون فيها قضايا الشرق الاوسط؟؟؟
اعذريني ولكنك ساذجة تؤمنين بالحب قبل الزواج يعني لو كان يفوت بيك في الوقت وتركك بعد فترة يحدثلك انهيار عصبي؟؟
ربي يفتح عليك

[رميساء خولة]

اختي ادا ماكاش عقد بيناتكم صححي حالك العلاقة راها تمشي في الحرام هكدا
ربي يهديكم ورب ان شاء الله يصلح بيناتكم

[visa uk]

صراحة انا راني حاير فيك انتي هدا نوع من راجل صدقيني ماراحش تندمي عليه بصفة عامة هدا عن تجارب لي اصدقاء واشخاصض اعرفهم تقريبا نفس العقلية يعملو في سلك الامن سواء شرطة او درك وطني او جيش ووو حتي جمارك مهم نعرف احد يعمل ايضا في نفس قطاعو في البحرية وهو منصبو جيد وزوجتو تعمل قاضية لكن نفس عقلية مزيرها بزاف بزاف ويراقب كل تحركاتها صحيح هو شخص عقلو بيطون لانه تربي هكدا وزد لي قراو في المدارس العسكرية ووو صعاب وماتفهميش عقليتهم صعبة جدا لكن انا شايفو معاها مايتخلاش عنها وماخانهاش او زير نساء من العمل للمنزل وكل حياتو راها مع زوجتو والان عندو بنت ماشاء الله وهم سعداء جدا يعني عاد جدا المهم مايخدعكش مايكونش تاع دعاوي شر ونساء وخرجات وشراب والعياد بالله وتاع امور اخري اما يعس فيك او يفرض امور عليك وو هم هكدا يمشون بعقلهم ولابقلبهم ولاتضني انهم ليسله قلب هو في داخل بلاك حنين بصح مايبينوش ابدا هدا نوع وانا صراحة هدا نوع نحبو لانو ماينحنيو ويحلل اي واحد تلقايه يعتمد علي نفسو لدا احمدي ربي وقعتي مع رجل دو شخصية وايضا قلتي مثقف ودرس في المدارس عليا لدا احمدي ربي بنات كاين لي يتمناو رجال هدا نوع اما عقليتو هه هدا نوع ناكدلك هو في حد داتو لغز وكتاب معمر بالالغاز وماراحش تفهمه بسهولة ماترفيش ابدا واش يدور في عقلو مهم راح يقوم ويعتني بك وماتعميش راسك بامور لبية راح تمرضي روحك برك

[نورسين.داية]

السلام عليكم

رأي و الله مترددة في إبدائه لكن الله غالب لا أستطيع كبت نفسي .....هههه شوفي عزيزتي الكتمان معناه إنعدام ثقة ....ليس لديها معنى آخر ......أو أن عمل البحرية هذا عبارة عن كدبة من الأصل لأنه منطقيا العمل الحلال هو نقطة فخر لأي إنسان مهما كان حجمه ....و إلا لما الكتمان ؟؟؟؟؟؟


صحة : المرحلة الثانية : إذا انتي مقتنعة بالزواج به .......مسألة تكتمه إلغيها من دهنك .(قصدي لا تعاودي البحث أو السؤال عنها خلي يضرب راسو على الحيط )....لكن أنتي بالمقابل لا تكوني بالنسبة له كتاب مفتوح .....هذه هي ....واحدة بواحدة ......و كل ما يخص عملك يصبح لا يعنيه لا من قريب و لا من بعيد ......و لما يتجرأ على الإستفسار ....راكي محامية و كملي من عقلك ....الله إبارك



بطاع بالية ................سبحان الله

وفقكي الله عزيزتي

[صفيان 11]

اعذريني على قسوتي واسلوبي في الكلام راكم تحبسو الراس؟؟
اي حياة تعيشونها واي تفتح هذا؟؟
يا بنتي تخرجي معاه ودوري معاه ويشريلك ويحوس بيك وانت مخطوبة برك واش الفرق بينك وبين المتزوجة؟؟
حتى لو كان داير العقد الشرعي ما راحش يكون مستعجل ع الزواج !! لانه كل يوم يهدر معاك ويشوف فيك
صححي علاقتك به وضعي ضوابط والتزمي بالشرع حتى لو كان زوجك شرعا لا يحق لك ان تعيشي معه كالمتزوجين مادام لم يتم اعلان النكاح واقامة العرس
ومشكلك غريب هدرتو في كلش ولم تعرفي ماذا يعمل ام ان احاديثكم ولقاءاتكم تناقشون فيها قضايا الشرق الاوسط؟؟؟
اعذريني ولكنك ساذجة تؤمنين بالحب قبل الزواج يعني لو كان يفوت بيك في الوقت وتركك بعد فترة يحدثلك انهيار عصبي؟؟
ربي يفتح عليك

خو نعم الرد تحوس تفهم تزيد تتكودا من هد الجيل

[سهام1]

الانسان فيه حوايج ملاح و فية حوايج ماشى ملاح لازم تتقبلى سلبياتو المهم يكون يحترمك كمراة
لكن اختي وعلاش ماراهش حاب يدير لعرس ياك راه خدام و انتي خدامة واش راه يتسنى و راكم في عام

[رَكان]

ولكن ..
ألا تخشين أن يحدث يوما ما تأملينه ويتغير فيصير كما الصفحة المفتوحة أمامك ..ألا تخشين وقتها أن يتوقف فجأة شعورك بالحب نحوه ..فترين فيه الممل الثقيل الظل الذي لم تتصوري يوما أنك أحببت رجلا بهذا الشكل ؟
هذه ملاحظة فقط من بين ملاحظات كثير ساوافيك بها لاحقا يا أستاذة ..

[صبرا13]

السلام عليكم و رحمة الله و بركاته
اما قولك انك ساذجة فأظنك كذلك، يعني رجل ستتزوجنيه (هذا اذا تم الزواج) لا تعرفين عنه اقل التفاصيل الا ما يتكرم و يحكيه ( طبعا اذا كنّا نحن ايضا ساذجين و نسلم ان هذا النوع يصدق القول) ، ثم تأتين هنا لتطلبين النصح، الحقيقة ليس لي أمل كبير في انك ستستهعين النصيحة، اولا بعض المقاطع توحي أنكما اصبحتم كالازواج و لكن دون زواج و انا لا المح الى علاقات حميمية لا سمح الله و لكن تتحدثين عن طبخه فلا اعلم أين طبخ لك، و كما يقال البعرة تدل على البعير و اثار القدم تدل على المسير، ثانيا الظاهر انك تهوينه مما اعمى بصرك و بصيرتك، هذا النوع من الرجال يا عزيزتي عندما يقع في امرأة ساذجة سهلة الانقياد، يمضي بها من الوقت ما يشفي فضوله ثم تصبح كتابا مملا قد يركن على الرف مثل اللتي كانت قبلك
الخلاصة اذا كان فيك النيف ديري قدر لروحك، و التزمي بيتك و قدرك و اذا عينو فيك يحدد موعد العرس، اما اذا كان شعارك يجوز مع الحبيب ما لا يجوز مع الغريب فهذا النوع من القصص يبدأ في الطرق و ينتهي في الطرق
آسفة على القسوة لعل و عسى تستفيقي

[نسيم الريح ش]

فيه كتير من الرجال كتومين ولكن ما تعرفيش خدمته وراتبه شعال هاد النقطة المفروض من البدية تعرفيها يوم الخطبة

[أناييس الربيع]

بداية أشك إن كنت محامية .فأنت أصلا لا تجيدين تركيب جملة لها معنى ولا تفرقي حتى الضاد والظاء ،وهذا من تتحدثين عنه أشك أنه خطيبك وحشمتي تقولي (..)
لأنه من البديهي أن أي خاطب يقصد الرجال وهم من يتعرفون إلى عمله حيث يتم السؤال عن أخلاقه في البيت والعمل ككل أسرة جزائرية ،وإن كنت محامية حقاً اجعلي مكان عملك شريف لا مكان للتعارف عن زوج المستقبل ،فلا تدري ماسيحصل معك ،فأنت لديك زبائن وأسرار الناس ،فما يدريك لعله يتجسس .ويفتعل لك مشكل ويتم غلق مكتبك.
وكما لا أنسى نقطة أعرف أن من سيصبح محاميا إن ربح كل سنواته دراسته دون رسوب سيتخرج في سن 22ويلزمه حوالي ثلاث سنوات لفتح مكتب .
ومن الاخير اخطيك من العلاقات العابرة راكي ناضجة

[النجمة القطبية]

انتى راكي تقولي مخطوبة مند سنة
امالا لما جا يخطب واش قال لوالديك نخدم !!!!!!!!
لان موضوعك فيه حلقة مفقودة فكيف تكونين مخطوبة لرجل سنة كاملة ومتعرفيش مجال عمله
اما الراتب فلا اعتقد انه من الادب ان تسال المخطوبة الرجل عن راتبه بالضبط العمل يكفي فهنا تجاوز للحدود
وحابة ننبهك لامر انك تركزي كثيرا على الجانب العاطفي والحنانة والخروج ويجري بيا ولا ادري مادا يا بنت الناس كامل الرجال في فترة الخطوبة هكا
بعد الزواج ارواحي احكيلنا على الحنانة ويخرجني ويجري بيا ماشي دركا
مالا ديري العقل في راسك وحطي حدود للعلاقة وعززي روحك قبل ما تندمي
موفقة

[حياتي نبع امل]

وهذا كيفاش قبلو بيه اهلك. يعني ماسقسيتوش عليه. ماعرفتوش حتى واش يخدم

[koupkoup]

كي نكون مريضة هو لي يجري بيا واحيانا امراض لي يستطيع علاج هو لي يعالجني يعني حاجة تاع شغل منزل واعمال منزلية يعني شاطر ماشاء الله

sm7ili mi hna grave markich meme pas martou yedawik fe dar