مساعدة رجاء. حلويات النفاس

[mahopa18]

السلام عليكن حبيباتي
ولادتي راهي قريبة ان شاء الله ومدابيا تعطوني وصفات حلويات تجي للنفاس
يعني تكون تقطع بزاف وشابة
راكم عارفين الحلويات لازم تكفي للكل
دعواتي لكن بكل الخير
:)

[اسما38]

ربي يسلكك على خير انتي و البيبي، كاين بزاف وصفات فالمنتد اسمحيلي مانعرفش نحط الروابط دخلت باه ندعيلك فقط

[Fifilondon]

ربي يقومك بخير انت والبيبي وتفرحي بيه ان شاء الله ويكون من الصالحين والبارين يا رب
شوفي اختي انا مانعرف نحط لا روابط ولا صور بصح نقدر نمد راي
تقدري ديري في الحلويات المعسلة مثلا بقلاوة ولا سكندرنيات راهم زاكيين ويقطعو كمية مليحة تقظري تشوفي هنا في المنتدى ادخلي واكتبي حلويات ام اماني راهي كلها هايلة كاين المقروط كاين المنقوشة لي تشبه في البقلاوة كاين حتى لي سكار محشيين بالكوكاو وحلوة الترك ومعطسين في الشكولا
ديري تشاراك مسكر ولا لعرايش راهم زاكيين ويقطعو حتى80حبة في الكيلو تع مكسرات
لي سابلي تاني موالمين راهم اشكال وانواع في المنتدى خيري واش تخبي
كاين تاني المشوك ديري في قوقل مشوك ام وليد راهي دارتو باللوز و ادارتو بالكوكاو
مع لاتاي تقدري ديري قريوش ولا صامصة
تقدري تشوفي وصفات ام وليد فيديو
وزيدي حوسي في المنتدى راكي تلقاي ان شاء الله واش يناسبك

[فهيمة 7]

اختي الحبيبة ربي اسلكك على الف خيييييير شوفي هاذ الموضوع الخاص جدا بتحضرات النفاس
اطلعي على جميع صفحاتو انشاء الله نفيدك اي حاجة راني هنا

http://www.djelfa.info/vb/showthread.php?t=1737534

[abd_ser05]

ربي يسلكك على خير نشالله اختي تقدري ديري مقرود و بقلاوة و لي صابلي ديموريهم ديكوراسيون نتاع لي بيبي و لا قاطو تاع الكابريس تاع ام اماني هايل لعرايش و كروكي رولى شباب وبنين و ربي يسهلك انشالله

[mahopa18]

ربي يبارك فيكن اخواتي.. الانترنت كانت مقطوعة عندي شكرا لدعواتكن