مشكلة النحافة المفرطة

[مشكلتي]

هل من حل للنحافة المفرطة وجزاكم الله خيرا

[ام رضوان]

السلام عليكم
يقولو الحلبة مليحة للنحافة
وزيدي استشيري طبيب مختص

[نور لاتراه]

السلام عليكم
عدم الراحة النفسية
واحداها قلقك من ضعف بنيتكِ

[*أم سجى*]

جربي مربى الحلبة هايل نافع 100/100 اشريه من عند العشاب يدير20الف برك على ضمانتي ....بصح فيه أنواع غدوة نصورلك ضرك ران بالتلفون محبش يطلعلي لي فوطو

[صفيان 11]

نقس من التخمام و الرقاد بكري و تشوف النتيجة ان شاء الله

[♥سهام♥]

عليك بالحلبة مع العسل ............. كولي قد ما قدرتي و تشوفي النتيجة ان شاء الله .... انا جربتها و زاد وزني

[mrmilano1984]

صراحة للنحافة المفرطة عدة اسباب لكن اهمها كما قالولك القلق والتوتر الشديد يعني مشاكل نفسية اي التخمام بزاف بزاف يشين انسان ويزيد ماياكلش مليح ومايرقدش مليح يضعاف بزاف كاينة نعرف واحد من عائلتنا تشوفيه كادافر جثة من قوة يتقلق لاتفه الاساب يعني عقليتو هكدا عاملة من بكري وجابها في صحتو عندو اكثر من 30 سنة يزن اقل من 50 كغ تصور او تصوري هدا كلو من هدا الشيء حاول تنقص ومارس رياضة مثلا جري فوتينغ

[طموح متجدد]

إذا كانت نحافة عادية فالرياضة و الأكل المتوازن و التقليل من التوتر و العصبية ، و تجنب السهر لوقت متأخر تفي بغرض معالجتها ، أما إذا كانت نحافة مرضية فعليك مراجعة طبيب أمراض باطنية ، فهناك ما يعرف بالنحافة المرضية الذي يصاحبها فقدان الشهية دون مبرر

[دنيا الامل 18]

ادا كنت تاكلين جيدا فلا داعي للقلق

[لحن الحياة.]

حسب خبرتي و تجاربي و ابحاثي التي دامت 10 سنوات من المعاناة

يا اما اصلا عودك رقيق
يا اما عصبي(ة)
او صرالك مشكل اثر فيك نفسيا وهو ما حدث معي (ونتج عنه فقر دم حاد وراني نتعالج عليه منذ سنييييييييييييييييييين)
احسن حل تعمل(ي) تحاليل طبية تبين حالتك
شخصيا عملت تحاليل و ديتها لطبيب لقيت روحي ضيعت الكثييييييييييييييير من الوقت 9 سنين وانا نسمع في كلام الناس ديري حلبة ديري تمر ديري روينة ديري ديري ديري ديري حتى وليت عشّاب
نصيحة في سبيل الله قبل ما يفوت الحال احسن حل تحاليل

[adel big]

التحاليل عند شكون ! ديرال fns و تحليل السكر مالقيت والو حتى الفيتامينات مكاش نقص مع اتي كادافر :'(

[حياتي نبع امل]

لازم تعرف(ي) السبب اولا ممكن يكون هرموني او وراثي

[ShEriF21]

تحاليل الغدة الدرقية خاصة ادا كنت تاكل بزاف

[kaka9999]

ديري تحاليل هي اولى
ركزي على غدة درقية
سكر
كالسيوم
الحديد
باسكو هذو ما الي يحدولك مرضك
وانا كان عندي خلل في غدة درقية اثر على صحتي
وضركا راني ضعيف
و شعري سقط و الحديد ناقص
ونسهر بزاف ونتقلق
ادعولي بشفاء برك
الحمد لله على كل حال

حلبة +حبة لعزيز + مكسرات +وكثرة الماء اليومي
وفظور بالبيض

[إنسانة بسيطة]

اول شيء القيام بفحوصات طبية لمعرفة الخلل
ثانيا عليك بممارسة الرياضة .... نعم حتى النحيف يجب عليه ممارسة الرياضة فالمفهوم الشائع انها للبدناء فقط فبذل جهد عضلي يشعرنا بالجوع مما يزيد من نسبة استهلاكك للاكل كما ان الرياضة تبني العضلات مما يعني سمنة صحية وليست مجرد تراكم دهون مضرة

ثالثا اكل الزبيب الاسود وشرط ان يكون اسود لانه يزيد من نسبة الكريات الحمراء بدرجة كبيرة وملحوظة والطريقة : مقدار كمشة يد من الزبيب توضع في كاس ماء مدة ليلة كاملة وفي الصباح تخلطه في الخلاط وتشربه مباشرة مفيد للغاية وعن تجربة

رابعا زيادة حصص الوجبات وخاصة وجبة الفطور يجب ان تكون جيدة وليس مجرد خبز وزبدة او مربى بل تكون سندويتش غني حيث ان كتلة جسم الاشخاص من المشرق او الخليج مختلفة كثيرا عن بنيتنا نحن اصحاب المغرب العربي فوجبات افطارهم زيتون وجبن وشاي وخيار وطماطم وووو اما نحن دهون وسكريات مضرة زبدة ومربى حتى المصريين اكلهم غني كشري ( ارز ، معجنات ) وفول مدمس وفول بطعمية ونحن اكلنا خفيف مقالي و مرق

الوصول للوزن المثالي سياخذ منك وقتا لذلك لا تتوقع ان تزيد 10 كيلو في شهر فهذا ما يبيعه اصحاب المحال الشعبية

[Om yaser]

الحلبة مليحة بصح دير الريحة سورتو مع هذ السخانة

[mrmilano1984]

الزواج مليح ايضا ينفع بزاف كاين نساء رقاقات تزوجو جابو رواحهم هدا حل ايضا

[كلنا راحلون]

كيما قالت اخت جيل التحاليل توضح كل شي ربما مشكل امتصاص ربما سيلياك ربما بومزوي مع انو مرض اخير ليس له علاقة بطب ربما حالات لا داع لقولها ربما السهر ربما سجاءر عند الرجال ربما وراثة.وكيما قال اخ ميلانو رياضة هو الحل امثل و رده 2 اخطأ
كاين نساء رقاقات تزوجو جابو رواحهم هدا حل ايضا
صح 90ف100 زوجو سمنو بصح ادا شاب اسمن يقدر يجري يرجع فلوزن ولكن كارثة عند نسا ادا كانت رقيقة وتزوجت سمنت واش دير تجري وين تجري وهكا تصير سمينة وكرش ومعاناة .... ومعلوم نحفاء اي شي فلملابس 44444444 مش كيما سمنة فحداري نسوة من سمنة وشراهة اكل