من الاقارب عقارب

[مشكلتي]

سلام عليكم
حبيت نحكيلكم جزء من واقعي و حبيت رايكم سامحوني الحكاية طويلة شوي
اولا انا بنت عايشة مع بابا و ماما و خويا الصغير يقرا في الابتدائي و عندي زوج خواتاتي بنات متزوجات
ابي انسان تقي جدا عمرو ماسمعتو جاب سيرة واحد حاكم المصحف و صلاتو برك و مزال من ناس بكري يفرح بالضياف و يحب العايلة واللمة مهما حكيتلكم عليه متامنوش كان كاين ناس هكا يعني مثلا تصدق بزوج ديار تاعنا لمحتاجين----منهم خالي------ قال عندي طفل واحد ماعندي ماندير بيهم
الحكاية بدات نهار جاني خاطب في عمر 19 انسان مليح بابا وافق عليه درنا الرؤية الشرعية وقبل الخطبة بيومين سمعو لافامي جاو كامل يخطبو قالك خيري من ولادنا المهم ماتقبليش بالبراني انا رفضتهم و بابا ديجا مد كلمة للراجل
ايه جا نهار الخطبة بابا و خطيبي تفاهمو يديرو خطبة و عقد شرعي لانو خطيبي قال نحب نحكي معاها في لحلال و حضرنا رواحنا ع هادا الاساس يخي نهار الخطبة خوالي و عمامي مقبلوش قالو للامام ماكانش عقد شرعي خطبة برك و بابا محبش يكسر كلمة خيانو اكبر منو و صرات مشاكل كبيرة فاتت تما و مبعد بشهر جاب خطيبي الامام و عاودنا الفاتحة
خالاتي و نسا عمامي نهار الخطبة لبسو عباءات سوداء و ناضو يبكو تقول جنازة بهدلو بيا قدام الناس عادو يحاولو فيهم و روحو في نص الخطبة و حتا كلمة مبروك مقالوهاليش
ديجا كنت حابة ندير هيبة لروحي قدام دار خطيبي بالعايلة و كثرة خوالي و عمامي لكن للاسف فضحوني من اول يوم
خالي يوم الخطبة راح لوالد خطيبي يقلو احكيلي ولدك يعرفها الطفلة؟؟كيماه حتى جا خطبها
خطيبي او زوجي شرعا يسكن في ولاية خلاف و يخدم في ولايتنا كان يجي يزورنا في دارنا و يشوفني قدام والديا لاني عمري ماتلاقيتو لبرا ماخلاو ما يقولو فيا كانو يجو للدار كي يلقاوه عندنا مرة يقولو انا لقيناه راقد معاها قالو ع بابا مش راجل قالو راهي بالحمل صدقوني اي حاجة تجي في بالكم قالوها و هدا اكثر شي ضرني فلحكاية
و الاخيرة خالي اللي عطالو بابا الدار لم عمامي و قاللهم بالكدب او بابا راح ينحيهالو و يعطيها لنسيبو و عمامي قالو لبابا كون تنحيهالو نحرموك من الورثة حقروه كي معندوش لولاد و كي عاد عاقل هو قالهم كاين ربي
ماما راحت لبيت جدي رحت معاها طردنا خالي من الدار و جدتي قالتلنا تستاهلو و سبتني قاتلي يا ل؟؟؟؟؟
و بلا مانحكيلكم ع السحر عماونا لزوج المهم والله نكتب و نبكي حياتنا ولات ظلمة بعد عام من العداب بطلت انا من خطيبي غاضني بابا خاوتو عاداوه و تفاهمو ينحولو ورثو اكثر من زوج مليار و نص و قالهالو عمي خلي نسيبك ينفعك
المهم وكلت ربي

كي تطلقت منو رجعو لافامي يحبونا :rolleyes::rolleyes: جاني خالي قالي علابالك هاو وجهي كون تتزوجي تبقي هاكداك
المهم فاتو 4سنوات و درك ادا سهل ربي رح نتزوج و قررت ما نسمع حتى واحد قررت نخرج من دار بابا وحدي يفرحولي غير والديا و خاوتي و هدا راي ماما تاني
وش رايكم والله قلبي مكوي سامحوني ع الاطالة

[خولة خليفة]

هكا احسن ربي يسهلك

[*أم سجى*]

مادام كاين ربي متخافيش .......طالما هم بشر لايملكون سوى ألسنتهم ولا يملكون لكي ضرا ولانفعا

[خالد عنابي2]

وعلاه ابوك يتراجع ؟ نورمالمو ما يتراجعش تحت كل الظروف وعن تشويه السمعة كاينة العدالة يحطهم فالشرع وخليهم يبرهنوا اقوالهم

اقارب ومبعد ؟ ليسوا ملائكة

الغلطة تع باباك لي ضعيف شخصية ورضخ لضغوطات تع ناس ماعندهم حتى دخل

باباك ناس خصرة فوق عشا وليس ناس ملاح للاسف !!!!!!!

[Amouna.DZ]

لا حول و لاقوة الا بالله
وكلي عليهم ربي

[الرميصاءْ]

الناس تبدلت رجعو مايخافوش ربي
بصح وكلي عليهم ربي
وربي يفرج عليك ويرزقك ولد الحلال

[بريق الدجى]

قصتك تقطع القلب هدا كامل كي لقاو باباك عاقل و علابالهم بلي ماعندو ما يدير حقروه و كاين الطمع تاني يعمي عيون الناس شافو باباك كريم و عاقل حسدو خطيبك و خافو لا يربح من وراهم هادي هي الحقيقة الاقارب عقارب و افاعي و حيات ربي معاك و ما يكون غير الخير ان شاء الله كاين آية. تقول ( و يمكرون و يمكر الله و الله خير الماكرين) صدق الله العظيم

[حياتي نبع امل]

الحمد لله كاين يوم الحساب .الانسان عاد يتكورج كي يتفكر كاين يوم القيامة يوم لا يُظلم احد .كل وااحد يدي حقو
ربي يفرج عليك ويهنيك

[سومية88]

حاسة بيك ياختي حكايتك تقريبا كيما حكايتي ربي يهنيك

[أ م ساجد وسيم]

كثرو العقارب المشكل .....ديري واش تفاهمتي مع داركم ربي يسهلك ختي ويبعد عليك البلاء

[mehdi_mascara]

ههههههههه كنت أظن أنني أملك أسوء عائلة في الدنيا و لكن لما سمعت قصتك عرفت ان هناك من هو أسوء و لكن كما يوجد أسوء من عائلتي يوجد أيضا أسوؤ من عائلتك إذن إصبري و واصلي في تقوى الله و لا تهتمي بكلام الناس طالما انك تمشين في الطريق الصحيح و والداك يعرفان ذلك بكل تأكيد ...

[lalib40]

باباك هو السبب لازم ايكون ذاركاز...............

[الطيب الجزائري34]

ما اتفقت عليه انت و امك احسن . لا تسمعي اي احد . ربي يسهلك

[روح المي]

ادعي اللهم اكفينيهم بما شئت
ربي يسهلك
واستخيري
وحتى والدك تاعك كان لازمك يكون قوي في قراره

[صبرا13]

السلام عليكم و رحمة الله و بركاته
الحقيقة انني عندما اقرأ بعض المشاكل يحدث لي أشكال في الربط المنطقي لبعض التفاصيل، يعني لو اقتصر الامر على أخوالك فقط لقلنا معقول و جزمنا بأشكال العداوة لعدم توافق المصالح، اما ان يقف الأخوال و الأعمام على رأي واحد و يكون كل هذا الجمع على الظلالة في رفض الخاطب( و ربما لأسباب رشيدة لم ترينها في وقتها) و انت على الحق فالحقيقة انا عندي أشكال في هذه النقطة، اما قول الاقارب عقارب فهو قول لا خير فيه، و قد اوصانا ديننا بذوي القربى و صلة الرحم و الصبر على الاذى و الدفع بالتي هي أحسن، و انا أأسف لكل هذا اللغط اللذي وقع بينكم.
المفيد عسى الله ان ييسر لك امرك و يبارك لك في زواجك هذا، و الله المستعان

[آسيا 25]

يا لطيف واش هذا العباد? الغيرة و الحسد عماوهم ربي يهديهم برك و أنت مبروك عليك الزواج الثاني و ربي يكمل على خير إن شاء الله و إعملي كما إتفقت مع عائلتك إحتفلي بالعرس مع عائلتك الصغيرة فقط بالتوفيق.

[شخصية نرجسية]

ماعنك ما اديري بفامي كما هادو مستقبلا خلي كلشي سري خاص بداركم

[الفاتحة]

حكايتك يوجد منها الكثير وأفضع مما ذكرت أظن أن الغنسان النية كيما يقولو بالدارجة الكل يتفق عليه والكل يحتقره ويبرز عضلاته عليه أختي أبوك وأمك ضعفاء سمحوا لأهلهم باستغلالهم ومعاملتهم معاملة لا تليق بالبشر كان عليهما ان يضعا النقاط على الحروف ويحزما أمرهما ويتصرفا بحكمة لا اقول السب والشتم ولكن فرض الاحترام عبر الزمن ووضع كل واحد عند حده ومعاملة كل شخص بما يستحق...ثم بالنسبة للميراث يوجد القضاء كان على والدك ان يوكل محامي جيد يتولى الدعوى أمام المحكمة صحيح سيدفع له مبلغا كبيرا لكن سيأخذ حقه ورأسه مرفوع وليس عن طريق المنة من اخوته كأنهم يتصدقون عليه... وخالك ما دام اظهر لؤمه فيجب على والدك أن يطرده من البيت ميصلحش فيه الخير.... اما عنك أنت فخير ما قررت أنت وأمك افرحي بزواجك ولا تدعي إليه إلا الذين تثقين بأنهم يحبون لك الخير...موفقة

[نسيم الريح ش]

مبروك عليك وربي يهنيك مهما يبقاو فاميلتك عامليهم

[رميساء خولة]

واش بيهم الاعمام و الاخوال فسدوا هكا راها العايلات كامل تشكي والله واش رانا نشوفوا اليوم رب يلطف
اختي مقالولكش مبىروك احنا نقولولك 1000 مبروك ورب يسهلك ان شاء الله وينسيك في شر ناس كيما هكدا
ووكلي رب .😃😃😃😃😃😃رب يهنيك