العلاقات داخل الاسرة

[مشكلتي]

بعد التحية و السلام انا طالبة ابلغ التاسعة عشر اعيش حياة هادئة منذ طفولتي و الحمد لله والداي لا يحرمانني و اخوتي الثلاثة شئ و على الرغم من ان أحوالنا المادية سيئة الا اننا سعداء بما لدينا انما مؤخرا بت اشعر بتفكك الاسرة التي سببها والداي بدا الامر منذ سنة حيث انهما دائما الجدال بين بعضهما والدتي لم تعد تجالسنا و هي دائمة الانفعال علينا لا تضحك و لا تبتسم وقت العشاء و لا وقت الغداء و والدي في ركنه المنعزل بالمنزل لا ينفك يصرخ ان كلمه احد لقد قلت ان الامر غيمة عابرة لكن الامر طال و البقاء بالمنزل مهمة صعبة ماذا افعل و انا اكبر اخوتي و ما عساي افعل و تكليمهما بات صعبا؟ رجاءا كيف استعيد حنان ابوي و كيف اصفي مزاجها الذي تعكر منذ سنة كاملة دون ان افهم السبب حتى

[houssam_ddine]

السلام عليكم و رحمة الله و بركاته
لا حول و لا قوة إلا بالله العلي العظيم
يا أحتي عليك بكثرة الدعاء في سجود
وإن شاء الله ترجعوا عائلة من أسعد الناس

[بريق الدجى]

ربما كاين مشكل بين امك و ابوك انتم لا تعرفونه حاولو من تحت لتحت تعرفو واش كاين و كاين تاني ناس يوسوسو تذكري شكون يتردد على داركم بزاف او احد مشكوك في امره. لانه والديك ما يتغيروش هكدا 180 درجة بدون سبب كاين سبب و ربي يكون الخير ان شاء الله

[Amouna.DZ]

صارحي والديك وقوليلهم واش في قلبك. قلهم بلي راكم متوحشين ليامات لكنتو فيها متصافيين و متحابين قولي لوالدتك إنك متوحشة ضحكتها و لباباك مسحقين حنانتو قوليلهم ماكي حابة لا لبسة لا تقلاش حابة لهناء في هذي الدار. سمعوهم صوتكم بلاك ماهمش متولهين لواش راهم يديرو..... شوفي بلاك أمك تمر بمرحلة سن اليأس ( نورمالمون تعرفي واش نقصد) في هذي السن تكون المرأة حساسة و عصبية وتحس بالنقص ربي يعلم بأحوالها

[إيزابيل]

حاولي ترقيلهم بلاك هادي عين وقاستكم ويارب ترجع المياه الى مجاريها

[أ م ساجد وسيم]

ربي يفرج عليك ختي حاولي تقربي من ماماك وتشوفي واش بيها ونفس الشيئ بالنسبة لباباك غي بسياس وخلاص وحاولي تشوفي حل حسب المشكل وكثري من دعاء وخرجي صدقة بنية اصلاح الاوضاع