ادخلي و قولينا كيفاه تعلمتي الخياطة

[naila166]

:mh31😄😎:كل وحدة تدخل و تحكي كيفاه تعلمت فن الخياطة، موهبة، في مدرسة، علمتهالك وحدة
افيدونا باه الي حابة تتعلم تأخذ فكرة;)✌

[Faiza-21]

انا تعلمت نكف غير فالدار و حابة نتعلم فصالة نعاون بيها روحي لي تقدر نفيدني فيكم وتعاوني ربي يجازيها

[ام كنوز]

انا بطلني بابا كي كنت صغيرة من المدرسة السنة الثامنة قريب هبلت لاني كنت ناجحة ومن المتفوقين الخياطة انفضتني من الفراغ الي خلاتو الدراسة

[تفاحة تفاحة]

:)انا تعلمت على اختي ربي يخليهالي
اختي ام كنوز

[طالب الغفران]

انا عندي هواية نبغيها بزاف بصح مانيش محترفة فيها دخلت وحد المركز عندنا اسمو باستور لكن لم يسعفني الحظ جيدا لاني حظرت غير سوايع برك لكن والله غير ديت منهم فايدة و البركة في الاخوات في المنتدى ربي يرزقهم خير الدنيا و الاخرة ما همش مقصرين غير اللي ما هيش باغية تتعلم......وراني نحاول نتعلم قد\ما نقدر

[إيزابيل]

عقبالي انا تان حابة نتعلم ومع الاطفال الصغار مانقدرش نخرج من الدار زوج ماشن محطوطين نشوف فيهم غير بالعين

[naila166]

انا بطلني بابا كي كنت صغيرة من المدرسة السنة الثامنة قريب هبلت لاني كنت ناجحة ومن المتفوقين الخياطة انفضتني من الفراغ الي خلاتو الدراسة

الله يبارك و بفضل باباك اصبحتي
خياطة ماهرة

[naila166]

انا عندي هواية نبغيها بزاف بصح مانيش محترفة فيها دخلت وحد المركز عندنا اسمو باستور لكن لم يسعفني الحظ جيدا لاني حظرت غير سوايع برك لكن والله غير ديت منهم فايدة و البركة في الاخوات في المنتدى ربي يرزقهم خير الدنيا و الاخرة ما همش مقصرين غير اللي ما هيش باغية تتعلم......وراني نحاول نتعلم قد\ما نقدر

و أنا كذلك حابة نتعلم من المنتدي و معرفتش
كيفاه نبدا

[*أم سجى*]

أنا عشقت الخياطة وأنا صغيرة تعلمتها بفضل يمة ربي يخليها....في الحقيقة منيش محترفة أو خياطة نعرف نكف ..نسليمي...نطايي...ولا نفصل حوايج خفاف كيم دراوات ..لاووس...مخايد ...بصح الروبات والقنادر يجوني صعاب شويا في فصالتهم....وهي عالعموم الخياطة مهيش فن صعيب بالنسبة للتعلم بصح تتطلب صبر واستحمال وبال وااااااسع ...راها لي موسعتش بالها تطرطق من مشاكل الخياطة ومعاناتها هههههههههههه

[*أم سجى*]

ملاحظة : لي عندها مشكل في الخياطة أو حابة تتعلم نوع من الأصناف التي ذكرتها تتفضل نساعدها معنديش مشكل

[ماريا205]

بارك الله فيك اختي على الموضوع نفس السؤال في بالي كيفاش تعلنتو الخياطة
والله حلمي نتعلمها من قبل كانت عندي الرغبة وضرك زادت مين كبرو بناتي ربي يحفضهم كل مرة يحبو يخيطو حاجة ومع البلاصة اللي راني فيها ما نعرفش خياطات
ثم عرفت قيمتها نتمنى الاخت اللي قالت تساعدنا تعطينا مبادئ اولية كيفاش تفصلو قندورة سامبل تاع دار كيفاش نهزو القياسات ونطبقوها على القماش

[halouma92]

انا تاني حابة نتعلم الخياطة

[المتألقة]

أنا الوالدة الله يشافيها كانت تخيط تعلمت من عندها المبادئ الأساسية للخياطة

و حبي لهذه الهواية خلاني نبحث و نتعلم كل حاجة جديدة فيها,

[المتألقة]

أنا الوالدة الله يشافيها كانت تخيط تعلمت من عندها المبادئ الأساسية للخياطة

و حبي لهذه الهواية خلاني نبحث و نتعلم كل حاجة جديدة فيها,

[امّ اياد]

ان الحياطة نموت ععليها ملي كنت صغيرة كانت عدنا مشينة فدار بديت وحدي نكف ومبعد فصلت بجامة تاع دار ليا وذرك راه عدي سنين مخيطتش حوايج لي ننصح بيهم فالخايطة اول حاج لازم تتعلمي خياط متقنة جبي قماش قديم وخيطي خط مستقيم كريها شحال من مرة حتان تلقاي روحك مش تعوجي فالخياطة ومبعد حاولي تتعلمي كفاه تكفي ومبعد ابداي بحوايج خفيفة مثلا فصلي وساد وخيطيها باش يطلعلك مورال ومتجسيش بالفشل من اول مرة
ومبد جربي فصلي سروال راه اسخل حاجة جيبي كاش سروال عندك واثنيه على نصف وحطيه فوق قماش تاعك تكوني ثانيتيه على اربع وقصى ودائما خلي جق الخياطة
انا هذي طريقتي منعتمدش على قيسات نجيب جاجة لي تكون قدي ونفصل عليه ونفس شيء فروبة تاع دار واهم حاجة لازم تتعلي في قماش سامبل مش تبداي بزوبزو ومبد تقولي فشلت لتزم يكون قماش شاد روحو باش يعطيك طوع فالفصالة والخياطة وكلما خيطتي كلما تتعلمي اكثر وتتبتكر طريقة فصالة لي تساعدك