انا محتارة اريد نصيحة طلاب طب/طب الاسنان/وطلاب المدارس العليا

[همساتْ المطرْ]

:mh92:السلام عليكم :mh92:
العائلة -الوالدين-تركا لي حرية الاختيار منذ الصغر و انا حابة طب او طب الاسنان ومام الولدين وكيما لحقت للصح
خالاتي و اخواالي قالولي حابين طب في العائلة و مهنة انسانية و شيعتها كثر منها
ااما عمامي و عماتي قالولي مدرسة عليا ثانوي في قبة روعة تزربي تكملي وتعيشي حياتك تخرجي صغيرة و تكوون لك فرص في الزواج :1::1::1: لا حياء في الدين-عدناا نموذج في العائلة دارت مدرسة عليا-و قالولي الطب 7 سنين والو لازم تخصص وتخدمي عند الدولة واذا حليتي وحدك تشمسي عامين او ثلاثة
وفرصك في الزوااج تقل تولي تقبلي باي وااحد-لنا طبيبة في العائلة دات واحد يبيع في طابلة تاع سوايع- الخدمة مدام حلال ماي عيب و لكن لانها كبرت في لعمر قبلت قالولي تتعبي بزااااااااااااف عرك متلقايلو الوقت وكتا تمشطييه


لذلك انا ارييد المجربين ولي في الميدان وش تنصحوني و لماذا وشكراا

[أمين الدين الميلي]

:mh92:السلام عليكم :mh92:
العائلة -الوالدين-تركا لي حرية الاختيار منذ الصغر و انا حابة طب او طب الاسنان ومام الولدين وكيما لحقت للصح
خالاتي و اخواالي قالولي حابين طب في العائلة و مهنة انسانية و شيعتها كثر منها
ااما عمامي و عماتي قالولي مدرسة عليا ثانوي في قبة روعة تزربي تكملي وتعيشي حياتك تخرجي صغيرة و تكوون لك فرص في الزواج :1::1::1: لا حياء في الدين-عدناا نموذج في العائلة دارت مدرسة عليا-و قالولي الطب 7 سنين والو لازم تخصص وتخدمي عند الدولة واذا حليتي وحدك تشمسي عامين او ثلاثة
وفرصك في الزوااج تقل تولي تقبلي باي وااحد-لنا طبيبة في العائلة دات واحد يبيع في طابلة تاع سوايع- الخدمة مدام حلال ماي عيب و لكن لانها كبرت في لعمر قبلت قالولي تتعبي بزااااااااااااف عرك متلقايلو الوقت وكتا تمشطييه


لذلك انا ارييد المجربين ولي في الميدان وش تنصحوني و لماذا وشكراا

وعليكم السلااام
ههههههههههههه عجبتني هدرتك :1::1: درك انا نقرى طب اسنان درك الشعب الطبية رجعت الشيعة كثر ههه مي عمامك عندهم الحق
شوفي طب الاسنان 6 سنين و متحتاجيش التخصص بزااف + عندك الدراهم تفتي واحد ميسالك ههه + كي تخدمي في السبيطار تخدمي نهار موش الليل خاطر كاين بزاف لي عندهم مشكل تخدم مرتو في الليل ههههه
زيدي خمي مليح وتوكلي على ربي

[♥ وآثقة الخطــــى ♥]

[b]كل الفروع في الجامعة مليحة

شوفي ميولاتك انت وين تديك

بالنسبة للمراة افضل طب اسنان اكثر

مع اني اقدس جدا مهنة الطب واعتبرها من المهن النبيلةوتعجبني جدا

قرايتها فيها تعب خصوصا ابتداء من السنة الرابعة

لازم تكوني صح مجتهدة ماشي اجتهاد تاع الثانوية برك

الجامعة لازملها اجتهاد خاص جداا فما بالك بالطب

على عكس طب الاسنان انا تجيني حلوة اكثر من كونها صعبة

زيدي سقسي وصلي صلاة الاستخارة

[ندرومة49]

أختي ظروفك هي التي تتحكم فيك
إذا والديك ملاح اجتماعيا خيري الطب خير لك, والمكتوب راه يجيك
وإذا تحوسي الظروف الإجتماعية تاعك تتحسن روح لمدرسة عليا أحسن , رغم أن التعليم تاع آخر الزمان متعب حقا, وقيمتك في المجتمع دونية يعني منحطة لدى عامة الناس بعكس الطب
أنا أنصحط بالطب أحسن والأشياء الأخرى من زواج ووو راها مكتوب وممكن انت 28 سنة ويجيك بن وزير او وزير قاااع إن شاء الله
المهم تعيشي تحت طاعة الله

[rahimoubile1]

نسال الله ان يرزقك الزوج الصالح

[ninosa42]

تخصص الطب روعة و عمرك ما تندمي عليه و الزواج راهو مكتوب ربي انا عندي بزااف من العائلة لي يقروا طب تزوجوا و راهم يقروا في نفس الوقت و بالنسبة للمناوبات الليلية عندك الخيار باش ترفضيهم و تخدمي النهار برك + راح تكوني مرتاحة ماديا انا هذا رايي و دبري راسك

[العاشقة الهائمة]

شوفي بما ان امي تعمل في مجال الصحة درك نعطيهالك بالتفصيل

الطب تقراي 7 سنين اتمعني فيها مليح باش كتخرجي يرموك فكاش كلينيك تخدمي عامين فلانام كما وحدة قرات 3 سنين وخرجت

عامين كامل وانت تخدمي ب 2 ملاين و 200

الخدمة نتاعك واش؟؟؟؟؟؟؟ تكتبي ليزوغدونونس (الوصفات الطبية) عنبالك كما فالمسلاسلات نتاع mbc4 والله واااااالو

بعدها تحوسي تكملي التخصص تولي تشاركي فليكونكوغ

هادا فالعاصمة والاخر قسنطينة والاخر وهران وياربي الى صحلك

درك تنجحي فكونكوغ قادر التخصص اللي صحلك ماتقدرش تفتحي بيه كما التخدير ....

امالا حياتك كامل فالسبيطار + تخدمي فاللييل

شفتي حياتك خلاصت وانت تقراي وتخدمي ب 2 ملاين

ايا ياسيدي لاباس بيك كملتي عامين فالسبيطار وفتحتي وحدك

ياو تضربي عامين ولا وانت تشوفي مع الحيوط خاصة الى جات عندك وحدة ومابراتش من غدوة تشيعها بيك انت ماشي مليحة خخخخخخخخ

بالمختصر الطب فالجزائر عندوا غير الشيعة نتاع بنتي طبيبة
ونظن بدا ينقص هاد المفهوم

انا كيقولي واحد راه يقرا طبيب ونشوف للواقع والسبيطارات كيفاش ندعيلوا غير بالرحمة
بالنسبة للزاج.... مممممم هو صح نصف الدين مي تطولي باش تتزوجي ومبعد الراجل ماتخدميش فالليل مانحبش مرتي تمس الرجال ... ويكرهلك حياتك

والمدارس العليا ملااااااح مي جيل مسوفج وحياتك كامل وانت تعاودي فنفس الهدرة مع ان رغبتي هي مدرسة عليا

لكن بما انك حابة طب اسنلن رووووحي وماتفكريش تقدري تكملي جراحة واحنا فالجزار ماعندناش كما هادو بزااف تولي كما شادي الشيخ ولا ... والله تنجحي فحياتك

ويبقى مجرد راي

[lamicce]

Okhti diri wech thabi wal haja li tmili liha.prsk ki ta9ray haja thabiha trohi b3id fiha nchallah. .. wraz9 X zwaj 3la rabi sobhano koul wahad wech rah katablo mana9adroch na3arfo al ghib. ..



nti ch3al la moyenne ta3ak ta l bac ???

[lamicce]

Okhti diri wech thabi wal haja li tmili liha.prsk ki ta9ray haja thabiha trohi b3id fiha nchallah. .. wraz9 X zwaj 3la rabi sobhano koul wahad wech rah katablo mana9adroch na3arfo al ghib. ..



nti ch3al la moyenne ta3ak ta l bac ???

[خُِـَِـَلُِْْـَِوِْدْ☆°]

السلام عليكم أختي

أولا أنا لست طالبة أي من التخصصات المذكورة بل متحصلة على البكالوريا مثلك


أنا لا أنصحك بتاتا بالطــب و هذا ما جاء على لسان ابنة عمي و هي دكتورة كبيرة حفظها الله

قالت لي بالحرف الواحد أن الطب مهنة شريفة و لكني سأضيع أمورا كثيرة في حياتي من أجلها

و ربما كان مقصدها كما شرحت أنتِ

و لكن تخصص طب أسنان جيد على ما أظن فقط مشكل فتح عيادة بعد التخرج و و و

أما المدارس العليا فلا يمكنني إفادتك عنها للأسف

[manel 26]

مستقبلكاولى من بعدالراجل ساهل


انا عن نفسي الزواج راه في سلة المهملات سورتو كي شفت زواج اختي


شوفي واش يخرج عليك

و زيد انا شفت الطبة يزوجو فيما بيناتهم زيتنا في دقيقنا يتسمامضمونة
د
بصح على حساب هدرتهم راني استخلصت بلي الطب مزيرية

[amira/]

السلام عليكم أختي
_ أول شيئ مبارك عليكِ النجاح العاقبة لنجاحات أخرى إن شاء الله ^^
أنا أدرس بالمدرسة العليا لكن عندي إطلاع على باقي التخصصات أنا تحصلت على معدل 15.57 في الباكالوريا و قد تمكنت من إختيار اي تخصص أريده , كنت محتارة بين طب الأسنان و المدرسة العليا للاساتذة , لم أفكر بالطب قط لأن الطب أصبح الكل يتوجه إليه دون وعياً منهم فقط من أجل اللقب و هذا الشي لي تقدر تستفيده من الطب لانو ولا مفخرة بالإسم أما الأعمال التي تحصل في المستشفيات فحدث و لا حرج قيمة الطب في تدحرج مستمر , حتى في النقطة التي ذكرتها فالرجال أصبحوا يرهقون زوجاتهم الطبيبات بلومهم على المناوبات و الإختلاط و غيرها ... , وحتى الاطباء أصبحوا لا يفضلون الزواج بالطبيبات , بما أنكِ أنت تحلمين بطب الاسنان أدرسيه هو تخصص جيد لكن ستعاني عند التخرج من البطالة في اللأول الا اذا رحتي للصحراء تلقاي خدمة و تكوني روحك و ترجعي مكان مولدك و تحلي وحدك لان لأنه باه تحلي وحدك لازمك دراهم بزاف
أما المدالاس العليا فهو تاني تخصص جيد وماتخافيش من لي يقولك هذا الجيل مايحترم حتى واحد لأن الأستاذ هو من يفرض إحترامه على تلاميذه , و الخدمة كاملة فيها مشاكل وتعب , و المهن كامل في الجزائر تعاني من الدونية( الطب . التعليم و الهندسة ....... ) أنتِ أفضل شيء تديريه أنك ماتسمعي لحتى واحد لأانه أنتي لي رايحة تعيشي حياتك و انت من يحدد واش حايبة ديري أستخيري و إن شاء الله ربي يوفقك فيما إخترته ☺

[Lina Benb]

خلاولك حرية الإختيار ومبعد أثروا عليك ديريلنا طب؟
انا قتلهم الي يحوس على طب يروح يقراها
ومخيرتش الطب وخيرت طب اسنان ليس حبا فيها خلاص


" ريزونيت كيما يقولو "
وتاع تخرجي وتكون عندك فرص زواج، عزيزتي اعزائي
المكتوب راه مكتوب مش يجي الطب يحبسهولك
ولا المدرسة العليا تجيبهولك؟ رانا قاريين وواعيين
قادر تتخرجي وتقعدي هكداك
نتعلموا نبنوا حياتنا، دنيا هادي مش راجل ^^
ما خلاتش كي متديش، تخلى كي تكملي عمرك في التعليم
وانت متحبيهش، وتقصري في حق الكثيرين

[Xtinct05]

اظن المدرسة العليا ثانوي افضل.العمل فيها مضمون و لا تحتاج لمجهودات كبيرة اثناء الدراسة
بالنسبة لطب الاسنان اعرف الكثير لي تخرج و الان هو بطال لانه لا يملك الامكانيات لفتح عيادته الخاصة و المقاعد المتوفرة للعمل عند الدولة قليلة و محدودة

[amin lacoste]

.................................................. ..........

[~الحمامة المطوقة]

السلام عليكم ،، الامر متعلق ببساطة بميولاتك و قناعاتك
اما دراسة الجامعة عامة تتطلب جهد مقارنة بدراسة الثانوية و خاصة التأقلم في العام الاولى -بالنسبة لي صراحة كان مجهدا نوعا ما - لكن ستصبح لديك خبرات
منتقلة الى سنة 2 طب و الحمد لله
أرى أن دراسة الطب تتطلب البحث و الجد و الاجتهاد
شاوري نفسك جيدا و اتمنى ان تهتدي الى الخيار الصائب ،،

[آلغآردينيآ]

ههههههههههه هدرتك في الصواب
انا أيضا متحيرة -_-
والله حلمي لكن ملي قريت هدرتك بطلت

[منار العلم]

السّلام عليكم ،

أختِي كلامُك صحِيح وواقعيّ جدّا خصوصا في وقت كهذا ،

الطبّ العام أصبح على التكنولوجيا ، تبحثي عن أي علاج ودواء لتجديه دون الحاجة إطلاقًـا للطّبيب + في أيّ مكان نجد طبيب عام وما بالك بعد دراسته كم ستجدي من الأطباء ؟

لذلك فوجب على طالب الطب أن يكمل تخصّصه ، وهذا حسب رأيي مضيعةٌ للوقتِ .. إلّا لمن أراد أن تضيع حياته هباء ، ومن يدري لعله لن يجد منصبه في الدولة ويضطرّ ليفتح وحده ،، وهذا صعب في وقتنا هذا وكذلك في كل ناحية هناك طبيب وبالتالي يقل الاستقطاب عندك ،

مجرّد رأي

أنصحك بالمدارس العليا ، وحتى الجامعات العاديّة لا بأس بها ، فقط تحلّي بالعمل وواصلي المشوار

البكالوريا ماهي إلا انطلاقةة

جاااينا التّعب والنجااح أكثـر *_*

[kara hk]

مستقبلكاولى من بعدالراجل ساهل


انا عن نفسي الزواج راه في سلة المهملات سورتو كي شفت زواج اختي


شوفي واش يخرج عليك

و زيد انا شفت الطبة يزوجو فيما بيناتهم زيتنا في دقيقنا يتسمامضمونة
د
بصح على حساب هدرتهم راني استخلصت بلي الطب مزيرية

الزواج في سلة المهملات :sdf::sdf::sdf::sdf::sdf:
اين هي متعة الحياة التى لا استمتع بها بصفة الابوة و تحمل مسؤولية العائلة و رؤية اولادك يكبرون امامك و عند هرمك يقفون امامك و بعد موتك يدعون لك و لا استطيع ان أضع لك محاضرة هنا في ما يخص فضل انشاء الاسرة المسلمة الصالحة

[kara hk]

انا صراحة العام الماضي كانت لدي رغبة في الطب و لكن بعد ها ذ العام تغيرة هذه الرغبة بعد لقائي بابن عمي الذي اكمل هاذ العام 10 سنين في تخصص الطب و نصحني بعدم اختياره و هذا لعدة اسباب منها ما ذكرته

[manel 26]

الزواج في سلة المهملات :sdf::sdf::sdf::sdf::sdf:
اين هي متعة الحياة التى لا استمتع بها بصفة الابوة و تحمل مسؤولية العائلة و رؤية اولادك يكبرون امامك و عند هرمك يقفون امامك و بعد موتك يدعون لك و لا استطيع ان أضع لك محاضرة هنا في ما يخص فضل انشاء الاسرة المسلمة الصالحة

راني مادية فكرة سيئة على الزواج و انا عندي طباع شوية صعيبة العناد و الراس اليابس و ما نحملش واحد يتحكم فيا يتسما تجيني صعيبة نجي تحت سلطة الرجل
و زيد كيما قلت شفت زواج اختي كرهت قاع الزواج
مع انو الخطابة بداوني من سن صغير
بالاك مع الوقت تتبدل الفكرة

[ino sweet]

انا الحمد لله متوكلة على ربي و باذن الله راني مختارة طب عن قناعة حلم الطفـولة

و لا افكر في العواقب

كلام الناس فاليذهب الى الجحيــــــــــــــــــــم

[kara hk]

راني مادية فكرة سيئة على الزواج و انا عندي طباع شوية صعيبة العناد و الراس اليابس و ما نحملش واحد يتحكم فيا يتسما تجيني صعيبة نجي تحت سلطة الرجل
و زيد كيما قلت شفت زواج اختي كرهت قاع الزواج
مع انو الخطابة بداوني من سن صغير
بالاك مع الوقت تتبدل الفكرة
ههههه
علاه تشوفي في الراجل على انو سلطان متجبر لا يملك مشاعر
قد اخذت فكرة سيئة عن الزواج بانسبة لزواج اختك لكن هذا مجرد 1 من الالف
لماذا لا تفكري في نفسك و عائلتك كيف نشأتي في اسرة استطعت بفضلها ان تصبحي كما انت الان
انظري لالرجل على انه شريك في مصنع اذن عليك ان تنسقي مع شريكك في العمل من اجل انتاج افضل السلع

[تقوى القلوب ^_^]

يا أختي شوفي نتي ميولاتك ورغبتك الشخصية ؛ متخليش الاخرين يقرروا في مكانك ،، وبالنسبة لحكاية الزواج ، راه كلش بالمكتوب ؛؛ نتي لهاي في قرايتك دروك ولكل حادث حديث متبقايش طلعي فالحسابات ،،،

[~رآقية بأخلآقي~]

انا نقرا طب رايحة للسنة السابعة ان شاء الله

نصيحة لوجه الله ديري مدرسة عليا خييير للأسباب التي ذكرتها وأخرى كثيييرة ;) خاصة وأن الرغبة على ما يبدو غير موجودة

[همساتْ المطرْ]

.................................................. ................................................

[asma-forever]

انا نقرا طب رايحة للسنة السابعة ان شاء الله

نصيحة لوجه الله ديري مدرسة عليا خييير للأسباب التي ذكرتها وأخرى كثيييرة ;) خاصة وأن الرغبة على ما يبدو غير موجودة

اختي راقيه كيف الحال تذكرتيني ؟؟عموما ساحتاجك في الايام المقبله ان شاء الله اعتذر من صاحبه الموضوع على التدخل
يااختي اختاري ماتميلين اليه وعلا حساب هدرتك معندكش ميول بزاف للطب ديري مدارس عليا مليحة ومده الدراسه قصيرة ومستقبل مضمون

[lokdz]

الطب = البورة
طب الاسنان افضل لان الدراسة 6 سنوات فقط و تتزوجي بشردون ان شاء الله