إلى اختي السطايفية .. [الأرشيف] - منتديات الجلفة لكل الجزائريين و العرب

مشاهدة النسخة كاملة : إلى اختي السطايفية ..

" سرحات "

2016-07-13, 09:08

اختي السطايفية صحا عيدك وش رايك
تفكرتني هههههههه
اسمعي اني جوزت الباك هذا العام انااااا
بصح كاين حاجة خخخ : 13.40 لولولوو
وانا اريد وصول مدرسة العليا للاساتذة
هل لي حظ الإلتحاق بيهااا

وزيد مثال توقفت مدرسة العليا الاساتذة في القبة 12.45 وانا في الجلفة يوجهونا إلى الاغواط وكان في الاغواط توقف فيها بـ 14
وانا سجلت في الجامعة عادي
هل يمكنني ان اتحول إلى القبة عادي ام لا ؟

سطايفية بكل فخر

2016-07-13, 19:14

اهلا اخي سرحات مبروك عليك اخي
والله فرحتلك بزاف
ظرك اني خارجة
كي نرجع نجاوبك بالتفصيل اخي
ربي يوفقك

سطايفية بكل فخر

2016-07-13, 23:35

رجعتلك اخي سرحات ونجاوبك على واش سحقيت
بون معدلك ما شاء الله فرحتني بيه واحتمال كبير يضمنلك المدرسة خاصة وان النسبة هابطة هذا العام احتمال تهبط المعدلات
+
بخصوص التحويل راني سقسيتلك واكدولي التحويل من الجامعة للمدرسة يكون اذا كان فائض في المدرسة والمدرسة دارت اعلان وحبت تزيد مقاعد فهنا يحقلكم تحولو من الجامعات او اذا كان عندك معريفة
ان شاء الله يقبلوك مباشرة اخي
وةشا مخمم دير

" سرحات "

2016-07-13, 23:40

سطايفية بكل فخر

2016-07-13, 23:52

اختي العزيزة
لي نخمم فيها استاذ فيزياء يارب وانني وعدت ربي انني كي نتخرج انني ادرس يوم مجانا في سبيل الله
و 2 سوايع باطل صدقة لابي المرحووم

يعني لتيد
++++++++++++
الثاني إذا مكانش حاب نشوف تحويل في بوزريعة استاذ اجتماعيات ولا ادب عربي
+++++++++++
الثالث الشبه الطبي

مليحة استاذ فيزيا
ريب يرحمو ولي خلف مماتش بقيت انت وراه تلحقلو في الحسنات ان شاء الله
+
ان شاء الله تكون من نصيبك
+
خيارات ملاح اخي
نزيدلك حاجة البصريات راهم عطاونا الاعتماد وفي وهران حلو انستيتي جديدة يقبلو فيها 60 فيها تخصصين واحد اوبتيسيان والثاني تخرج تخدم في وزين تاع الزجا الطبي
لاني شفتك العام لي فات تسقسي عليها
وحتى تاع سطيف ديبلوكاو التخصص تاعي

" سرحات "

2016-07-13, 23:59

ختي سطايفية

بصح اني العام الجاي في الجامعة تخصص إتصالات ؟

اني رايح نراطيها فقط إذا عطاولي المدراس العليا او شبه طبي

سطايفية بكل فخر

2016-07-14, 00:03

ختي سطايفية

بصح اني العام الجاي في الجامعة تخصص إتصالات ؟

اني رايح نراطيها فقط إذا عطاولي المدراس العليا او شبه طبي

وعلاش تراطيها اذا قدرت اقراهم اونبرالال او بلوكي

بلاك تنفحلك ترجع للجامعة
+
وزيد هذا العام خير حاجة مليحة معدلك مليح مضيعوش
ربي يسهلك ان شاء الله

" سرحات "

2016-07-14, 00:44

وعلاش تراطيها اذا قدرت اقراهم اونبرالال او بلوكي

بلاك تنفحلك ترجع للجامعة
+
وزيد هذا العام خير حاجة مليحة معدلك مليح مضيعوش
ربي يسهلك ان شاء الله
يا ختي وش نخير قتلك شوفي انا نحوس ندخل استاذ
قولت نخير
استاذ تعليم ثانوي
استاذ تعليم متوسط
استاذ إجتماعيات { شبه مستحيل لانها تتوقف عند 14 }
استاذ لغة عربية ابتدائي
مدرسة تخضيرية للإحصاء بالقليعة
علوم المادة باب الزوار

سطايفية بكل فخر

2016-07-15, 00:30

متستبقش الامور اخي سرحات اني قتلك احتمال يهبطو المعدلات النسبة هبطت
كي يمدولك التخصصات ونتناقشو فيهم كيما العام لي فات وانش ءالله هذي المرة تجيك الشعبة لي انت حابها
ربي يوفق

" سرحات "

2016-07-15, 11:21

متستبقش الامور اخي سرحات اني قتلك احتمال يهبطو المعدلات النسبة هبطت
كي يمدولك التخصصات ونتناقشو فيهم كيما العام لي فات وانش ءالله هذي المرة تجيك الشعبة لي انت حابها
ربي يوفق
اختي السطايفة ادعيلي ربي ندخل لمدرسة علبا للاساتذة

نقسملك بربي الكعبة غير نهار كومبيلي كي نتخرج نخليه في سبيل الله مثل يوم السبت من 8.30.............11

و 2..............4

والله غير دعم بااااطل باااااطل

" سرحات "

2016-07-15, 11:21

لانني حاب نقريهم من قلبي والله

سطايفية بكل فخر

2016-07-15, 12:02

السلام عليكم
راهي ليوم الجمعة ان شاء الله ربي يلحقك وترجع استاذ اخي سرحات
اكثر الدعاء

hakim park

2016-07-18, 23:11

سلام عليكم ورحمة الله تعالى وبركاته
مبروك عليك النجاح ولعقوبة لانجازات أخرى أن شاء الله
انا اريد ان احيطكم بامور يجهلها الكثير من الطلبة الحائزين على شهادة البكالوريا.،، وبالأخص في مرحلة التوجيه واختيار الشعب
اول شي يجب على الطالب أن يختار الشعبة التي يراها مطلوبة جدا في. الوقت. الحالي
ثانيا بعد اختيار الشعبة يجب عليه أن يتأكد من مدى توافق هذه الشعبة. مع قدراته الفكرية يعني هل استطيع ان اصخر كل مجهوداتي في الفكرية. لمزاولة هذي الشعبة بدون عراقيل
ثالثا أن تكون راضيا على الجامعة التي تدرس بها وتزيل من تفكيرك الجامعة أو المعهد الذي تدوسه فيه. لأنه حقيقة يؤثر جدا على الحالة النفسية مما يؤدي إلى إحباط داخلي قد يضيع على أثرها كل ما تريد تحقيقه بمعنى المعهد أو الجامعة التي. سجلت بها هي كغيرها على باقي الجامعات يعني اذا اردت ان ترفع التحدي عليك أن ترفعه. بنفسك لا تقول الجامعة الفلانية أفضل من. هذه الجامعة. لأن المرحلة الجامعية هي مرحلة البحث. العلمي وليس التعلم العادي. يجب أن تكون نفسك بنفسك
بالتوفيق ان شاء الله

سطايفية بكل فخر

2016-07-20, 16:09

http://www13.0zz0.com/2016/07/20/01/519070201.jpghttp://www7.0zz0.com/2016/07/20/01/934748025.jpg
http://www7.0zz0.com/2016/07/20/01/388359586.jpghttp://www7.0zz0.com/2016/07/20/00/855748344.jpg
http://www7.0zz0.com/2016/07/20/00/689584499.jpg

http://www7.0zz0.com/2016/07/20/01/429210165.jpghttp://www7.0zz0.com/2016/07/20/00/755558969.jpg

راني رجعت هنا باش نجاوبك ونتناقش معاك بلا متتخلط الردود وتخلا :1:
شوف بداية رايحة ندير قائمة بالتخصصات لمليحة ولي تعتمد على المواد التقنية بما انك تقني

ومن بعد نصفيوها
-بصريات وميكانيك الضبط وهران هذي راهي جديدة نشرحالك ويقبلو فيها 60 طالب ثلاثين يقراو اوبتيسيان وثلاثين يقراو على الزجاج وليماشين
ليزوبتيسيان يمدولهم لاقريمون وتاع لانديستري يخدموهم عند الوزين راهو كاين عقد معاهم وفيها مقابلة شفوية ايضا
الماستر فيها مدمج يعني تقرا طول 5 سنين فيها المساتر وليسانس مع بعض
بصريات وميكانيك الضبك سطيف اذا حاب تقرا تخصص اوبتيسيان باقي التخصصات مننصحش بيها وباش يطيرلك لازم تقرا مليح لانو تخيرو في العام الثاني والماستر ماشي مدمج معاه
-صناعات بترو كيمياوية سكيكدة
- رايضيات واعلام الي الجزائر
-مذدرسة تحضيرية اعلام الي بلعباس والجزائر وان كان معدلهم يطلع
- نظافة وامن صناعي باتنة ووهران
-تعدين
مناجم تاع عنابة
محروقات ورقلة
- مذارس الاساتذة كيما راهم ولي هوما حلمك
- مدارس تحضيرية علوم وتقنيات
الان انا قتلك على هاذو باش لاقدر ربي ومدرتش مدرسة تاع اساتذة تلقا البديل
لكن عمر بالمدارس العليا للاساتذة اولا
بما انك قريت تقرني دير
1) استاذ تعليم ثانوي علوم دقيقة
2) استاذ تعليم متوسط علوم دقيقة
3) استاذ لغة ثانوي ادب
4)استاذ لغة متوسط ادب عربي هذو اللاولوية فيهم لاصحاب الادب مش للتقنينيين انتم في اخر مرتبة
5) استاذ اجتماعيات ثانوي
6) استاذ اجتماعيات متوسط هذي اياض انتم لخرين في الاوليوية

ياه خلاصو الستة هههه يامرشي كي كانو عشرة تلقا وشا تحط
ولا كي كانو عشرة كنا نقولو وشا يعمرهم
امزح فقط مع اخي
شوف هذو راهو اقتراح على واش حاب انت القرار الاخير يرجع ليك
ونصيحة خمم في تخصصات اخرى كيما المدارس التحضيرية والجامعات اونسيجامي مطيحلك المدرسة وتتشوكا ومتلقا وشا تحط هذا احتمال ثاني لازم نقولولك مي منتمناش يوقعلك
وربي يوفقك راني هنا لاي سوال

" سرحات "

2016-07-20, 23:44

أختي سطايفية قالولي الادب متوسط متخيرهاااااش اهي صعيب بزااااااف
وانا منعرفش نقرا ادب عربي
+++++++++++++++++
لوكان يخرجوا شوا 0 ؟؟ وين يبعثني للجلفة برك ؟؟؟؟؟؟؟؟؟؟؟؟

سطايفية بكل فخر

2016-07-20, 23:50

أختي سطايفية قالولي الادب متوسط متخيرهاااااش اهي صعيب بزااااااف
وانا منعرفش نقرا ادب عربي
+++++++++++++++++
لوكان يخرجوا شوا 0 ؟؟ وين يبعثني للجلفة برك ؟؟؟؟؟؟؟؟؟؟؟؟

لا علم لدي بالمدارس سقسي الاخت عفة تفيدك
+
ادا معكاوكش اي خيار من الستة يمدولك حق الطعن في السيت وثما تعاود تخير احد التخصصات لي منحوهالك ولي تتناسب مع معدلك مش شرط الجلفة اخي