مستقبلي

[مشكلتي]

السلام عليكم
ربما مشكلتي تافهة أو مهمة لا أدري
المهم اليوم عند خروج النتائج تحصل الكثير من معارفي على معدلات عالية فرحت معهم ولكن أحسست ببعض التعاسة في قلبي لأني تحصلت على باكالوريا 2014 بمعدل قريب من الجيد كان تخصصي مدرسة عليا تعليم ابتدائي رغم أني كنت من الممتازين في الثانوية كان الجميع متوقع اني أكون من الأوائل المهم أنا الذين آلمني أن هناك من رأيتهم اليوم تحصلوا عليها العام الماضي واعادوا هذا العام تحصلوا على معدلات ممتازة هل أخطات بعدم اعادته الكثير من التساءلات في رأسي أكاد أجن أريد أن أبكي
انصححوني أرجوكم

[مصطفى_س]

متقارنيش نفسك بالناس كل واحد عندو اهداف و طموحات و متندميش على لي فات لي فات مات و راح
توكلي على الله و عاودي وين راه المشكل و جيبي احسن منهم المهم تكون عندك الارادة القوية و تاكدي بلي كل واحد و مكتوبوا كاين لي تعب و مكتبلوش ربي و كاين لي تعب في الايام الاخيرة برك و كاين و كاين
متخمميش في الماضي انسايه و النجاح تاع الباك ماشي هو النجاح الاخير ياما نجحو ناس و طلعو للجامعة و سقطو
المهم الجد و المثابرة و التوكل على الله و ان شاء الله يوفقك ربي
افرحي لانو كاين لي عاود خمس و حتى 8 مرات و مكتبلوش ربي
ربي يوفقك

[eltorrero]

هذه الدّنيا معادلتها بسيطة لكن علينا فهمها بيقين الخير في الّذي اختاره الله لك ضعي نفسك أمام هذا الميزان واختبريها هل هي مؤمنة حقّا لا تقارني نفسك بالآخرين أنظريإلى ما أعطاك الله من نعم جعلتك أفضل من الكثيرين وكل واحد مساره في الحياة الّذي قدّره الله له فلا تقلقي من قدرك بل بالعكس أنظري إلى مان هم دونك وإن أردت شيئا أعلى فاسعي إليه يمكنك الإعادة السنة القادمة إن شئت المهم اقتنعي بخطواتك سلاممممم

[خالد عنابي2]

هل هذه مشكلة ؟

نحن في قسم مشكلتي

واذا اردتي عاودي الباك واحد ما حكمك

[elhosseyn3483]

لي يشوف للخلف عمرو ما ينجح
وفهمي اختي وخلينا من الحسد نتاعك

[الرميصاءْ]

ارضاي بليكتبهالك ربي سبحانو

[سماح 2]

بــآكْ 2014 أصعب من العامْ هدا , وانتي مدام مــآ عودتيش الباكْ و درتي مدرسة عليــآ يعني أنتي مقتنعــة بيهـــآ , أو كنتي مقتنعــة بيهــآ , ولكــآنْ كنتي حابة أكثرْ عــآودي العام الجاي , مع العلم صحبتي في 2014 جابت 14,67 وجارت شبه طبي , وماعودتش في 2015 و السنة عاودت ودات 14,81

هادي هي الي تخوفْ , لآزم ارادة قوية , =)

[البيت السلفي]

عليكم السلام ورحمة الله
المقارنات تُحطّم الانسان ، لا تقارن نفسك بأحد، كلّ واحد واش كتبلو ربّي في هذه الدّنيا
امضي في أمرك ولا تلتفت إلى أحد وإلّا ستشقى بالمقارنات طول عمرك،
وفي الأخير، اعمل على زيادة ثقتك في نفسك، فهي مريط الفرس

[نور لاتراه]

السلام عليكم
http://www.djelfa.info/vb/showthread.php?t=1972100

[لمسة ابداع]

عسى ان تحبو شيئاااا و هو شر لكم
مدرسة عليا مليحة منين تتخرجي ان شاء الله تحكمي خدمة هدي ناس ببزاااف يتمناوهاااا
ربي يوفقك

[- بصمة خير -]

و لا راكي تشوفي للناس
كل واحد و مكتوبو
و لاه راكي تشوفي لواش فات

حابة تعاودي عاودي
لكن ما تقولش لو

[~الحمامة المطوقة]

اياك و احذري فالمقارنة هي اللص الذي يسرق الفرح ،،

[*الطالب المجتهد*]

الباك هد العام كان سهل جدا وزيد عطوهم فرصة اخرى ومدة للحفظ على عكس 2014 الدي كان صعب جدا ++ ما يخلعوكش درك يروحو للجامعة وتما يظهر مستواهم الحقيقي ++ انت راكي في مدرسة هايلة شديها وحمدي ربي

[الفاتحة]

ما تجن ما والو ربي كتبلك لعله خير