ساعدوني في وجبات خالية من الدهون و الزيوت [الأرشيف] - منتديات الجلفة لكل الجزائريين و العرب

غليزاني 26 سنة

2016-07-12, 11:47

السلام عليكم

عمري 31 سنة و انا اعاني من انتفاخ في المرارة وافراز الصفراء للكبد

و الطبيب نصحني بالريجيم و الابتعاد عن الزيوت و الدهنيات

لكن لم اعرفم ماهي الوجبات التي اتناولها و ماهي التي يجب ان ابتعد عليها

ساعدوني في اعطائي وصفات للغذاء و العشاء

ساعدوني في ايجاد نظام غذائي اتبعه
بارك الله فيكم

زينب 83

2016-07-14, 11:03

السلام عليكم

كل انواع المرق تقدر تأكلها لكن عند الطبخ لا تستعمل الزيتو اللحم يكون دجاج منزوع الجلد
و تقدر تاكل كلشي كسكس ، شخشوخة ، تليتلي ، ارز ، جلبانة يعني كلشي برك الطبخ يكون بلا زيت او دهون

ابتعد عن المقليات تماما و نفس بالنسبة المحاجب و معجنات العجينة المورقة

تقدر تاكل البيتزا المنزلية لكن مايديروش الزيت في العجينة او يديرو زيت الزيتون بدلا من الزيت العادي و ماديرش فيها الجبن
المطلوع تاكلو عادي لانه بلا زيت
الكسرة يعجنوها بلا زيت
الحليب كاين كانديا سيلوات بدون دسم البقالي كامل فيهم دهون
الياوورت كان منزوع الدسم
ابتعد عن صفار البيض نهائيا ، البياض تأكلوا عادي لانو غالي من الدهون
الحوامض ملاح للمرارة مثل البرتقال و الليمون ، العنب مفيد جدا
المهم تقدر تاكل كلشي فقط الطهي يكون بدون زيت

السلطات تقدر تاكل عادي فقط الفينيغرات تكون بالليمون و زيت الزيتون
تقدر تاكل سلطة بطاطا و جزر مسلوق ، بيتراف ، سلطة خضرا ،،،،،،،،،،،
التونة معلبة تتباع بدون زيت مصبرة في الماء
الكاشير و الاجبان بعد عليها
الأسماك تقدر تشويها في مقلة غير لاصقة
المايونيز كارثة
البوراك تقدر تاكلو لكن مطهي في الفرن
هذا واش اتذكرت
حبيت ننصحك نصيحة فقط الوالدة كانت عندها أحجار في المرارة لكن من النوع الصغير جدا
نصها الطبيب الجراح بالريجيم بدون دهون و تناول زيت زيتون الأصلي و الليمون في الطعام ، هي كانت ديرهم في السلطة ، بعد مدة سنة الأحجار اختفت نهائيا
اي سؤال اخر انا في الخدمة