الإنجاب في أول سنة زواج

[آسيا 25]

السلام عليكم ورحمة الله وبركاته :dj_17:
إخواني الأعضاء والمشرفين والزوار عيدكم مبارك و كل عام و أنتم بخير:)
أردت مناقشة موضوع حساس ومهم في علاقة الأزواج و هو ضرورة إنجاب الأطفال في أول سنة زواج:o.
طبعا كل متزوج يحلم بإنجاب الأطفال و أن يكونو ذرية صالحة معافاة و هذا ما ينشده جميعنا و لكن ماذا لو شاء الله تعالى أن تتعطل الخلفة قليلا ? لماذا ينزعج أهل الزوج و الزوجة من الأمرحتى لو كان الزوجان غير منزعجين من ذلك? حسب علمي عند إنجاب الأطفال الوالدين وحدهما من سيتحمل أعباءهما من الإستيقاظ أثناء الليل و الإطعام و تغيير الملابس و الحفاظات و السهر على رعايتهم فلماذا القلق من طرف الأهل لدرجة إتهام الزوجة بالعقم و المرض بالرغم من فحوصاتها و تحاليلها السليمة?!!!
أرجو التفاعل و سرد قصص من الواقع لعلنا نجد في خبايا مجتمعنا هذا بصيصا من الأمل يغير وجهة نظرنا للأحسن, إليكم الخط إخواني أخواتي. :mh31:

[sindabad2010]

أنا عمري 50 سنة بعد معانات كبيرة و بعد زواجين و بعد عشرون سنة من الإنتضار ربي عز و جل رزقني بالذرية الصالحة إنشاء الله زوجتي حامل في شهرها الخامس أدعولي بأن بتمم بالخيرر

[آسيا 25]

أنا عمري 50 سنة بعد معانات كبيرة و بعد زواجين و بعد عشرون سنة من الإنتضار ربي عز و جل رزقني بالذرية الصالحة إنشاء الله زوجتي حامل في شهرها الخامس أدعولي بأن بتمم بالخيرر
الله يبارك أخي ألف مبروك ليك ربي يتمملكم بخير و يرزقكم الذرية الصالحة ربي كبير أخي شكرا على مشاركتك الطيبة.:)

[القمة انفو]

انا في نظري هاذي ولات في العادات تاع المجتمع الانجاب بدون انتظار او حتى التمتع بالزواج و انا في نظري عادة سلبية بالنسبة للمتزوجين في سن صغيرة و الله عيش حياتك قبل و من بعد المسؤولية و لي متزوجين في سن اكبر هاذوك يحق لهم يتقلقو على الانجاب

[القائدة]

المال و البنون زينة الحياة الدنيا
يعني المال ثم البنون ، يبدولي الفقر و يزيدو معاه الأولاد مصيبة كحلة الله لا يكحلها في وجه جلفاوي

[مجنونة بحبكم]

طاب مساؤكم
على حساب رايي انو الفراغ اهو المتسبب في هذا الشيئ ولات الناس تعس غير في بعضها البعض

[حياتي كلها امل]

انا في نظري الانجاب هو امر خاص بين الزوجين ويحقش لاي شخص يدخل في حياتهم الخاصة وكي حوستي على حكايات من الواقع كاين عاءلة تفرض على عرايسها انهم ميجيبوش اكثر من ولدين وخاصة اذا كان ولد وبنت هذا يكفي واذا زادت ولدت وجابت بنت فهذا كانها ارتكبت جريمة واياك ان تشتكي من ان الاولاد ماخلاوكش ترقدي او بايت سهران مع وليدك مريض يسمعوك كلام ويدخلولك حتى في حياتك الخاصة هذا في 2016

[zaho drr]

Ida kano sghar ydiro mlih Kon y3icho chwia wahadhom après 1 ans haka 3ada bech ykhamo f les enfants

[آسيا 25]

انا في نظري هاذي ولات في العادات تاع المجتمع الانجاب بدون انتظار او حتى التمتع بالزواج و انا في نظري عادة سلبية بالنسبة للمتزوجين في سن صغيرة و الله عيش حياتك قبل و من بعد المسؤولية و لي متزوجين في سن اكبر هاذوك يحق لهم يتقلقو على الانجاب
أهلا أخي الكريم
كما سبق و قلت كل متزوجين حديثين يحلمان بالإنجاب للإحساس بروح العائلة و لتتوطد علاقتهما أكثر فشتان بين أن يقول الرجل هته زوجتي و بين أن يقول هته أم أولادي نفس الأمربالنسبة للمرأة لكن نحن نشاء والله يفعل ما يشاء فهل ينبغي أن يضغط المجتمع و الأهل على المتزوجين حديثا فقط لأن الله لم يرزقهما في سنتهما الأولى? و هل هذا بيدهما?حسب رأيي ينبغي الدعاء لهما بالذرية الصالحة بدل جرحهما و أنا أتكلم على المرأة هنا فهي الضحية الأولى فأحيانا تكون المشكلة في زوجها لكنها تتكتم على الموضوع حتى لاتؤذي زوجها لكن المجتمع وخصوصا أهل الزوج يبدؤون في معاملتها بسوء و كأنها هي من لا ينجب أو بالأحرى لا تريد الإنجاب و الدليل قولهم لها ( واش قاعدة تستناي?)
شكراأخي على المرور العطر.

[آسيا 25]

المال و البنون زينة الحياة الدنيا
يعني المال ثم البنون ، يبدولي الفقر و يزيدو معاه الأولاد مصيبة كحلة الله لا يكحلها في وجه جلفاوي
ههههه الله يحفظك أختي طبعا لاأحد ينكر نعمة الأولاد فجميعنا نحبهم ونتمناهم لكن لا ينبغي الضغط على زوجين لم يكملا سنة زواج!!!
بارك الله فيك أختي.:)

[آسيا 25]

طاب مساؤكم
على حساب رايي انو الفراغ اهو المتسبب في هذا الشيئ ولات الناس تعس غير في بعضها البعض
نعم أختي مجتمعنا للأسف لا يترك أحدا على راحته و حتى لو أنجبت سيقومون بمعاينة صغيرك إذا كان ولد أو فتاة جميل أو قبيح......الله المستعان أختي, بارك الله فيك.

[آسيا 25]

انا في نظري الانجاب هو امر خاص بين الزوجين ويحقش لاي شخص يدخل في حياتهم الخاصة وكي حوستي على حكايات من الواقع كاين عاءلة تفرض على عرايسها انهم ميجيبوش اكثر من ولدين وخاصة اذا كان ولد وبنت هذا يكفي واذا زادت ولدت وجابت بنت فهذا كانها ارتكبت جريمة واياك ان تشتكي من ان الاولاد ماخلاوكش ترقدي او بايت سهران مع وليدك مريض يسمعوك كلام ويدخلولك حتى في حياتك الخاصة هذا في 2016
عجبا لمثل هؤلاء الناس أختي كيف يسمحون لأنفسهم تحديد النسل لغيرهم?ربي يهدينا و يهديهم كيما يدير العبد ما يمنعش منهم:mad::mad::mad:!!!شكراأختي على المشاركة سرني مرورك العطر.

[آسيا 25]

ida kano sghar ydiro mlih kon y3icho chwia wahadhom après 1 ans haka 3ada bech ykhamo f les enfants
ما يخليوكش أختي صدقيني حتى لو كنت 18 سنة في عمرك يقلقوك عندي مرت سلفي تزوجت 19 سنة في عمرها و ضرك راهي 21 سنة هبلوها راهي تظل تجري عند الأطباء.
بارك الله فيك عزيزتي.

[آسيا 25]

ماذا ألم يعجبكم الموضوع? أريد قصص من واقعكم و لا تقولوا لي لا يوجد لأن كل الأسر الجزائرية تعاني منو!

[حاملة المصحف]

انا متزوجة عندي فقط 3 اشهر و عائلة زوجي هداهم الله مرصوني بالاسئلة لكن انا منيش مقلقة هدا مكتوب ربي و كل حاجة في وقتها مليحة
و ربي يرزق كل محروم الدرية الصالحة و الاخ الي قال رزقني ربي و انا عمري 50 نقلو اف مبروك ربي يتتم على خير و توكلنا الباروك

[آسيا 25]

انا متزوجة عندي فقط 3 اشهر و عائلة زوجي هداهم الله مرصوني بالاسئلة لكن انا منيش مقلقة هدا مكتوب ربي و كل حاجة في وقتها مليحة
و ربي يرزق كل محروم الدرية الصالحة و الاخ الي قال رزقني ربي و انا عمري 50 نقلو اف مبروك ربي يتتم على خير و توكلنا الباروك
السلام عليكم :mh92:
أختي مازالك عروسة الله يبارك لكن عندك الحق حتى أنا 3 أشهر الناس بدات تسأل فيا!!!:mad: قلتلهم آآآآو هذا ملايكات السماء مازالو ما سمعوش بيا :1:!!!! شكرا أختي على المشاركة و ربي يرزقك الذرية الصالحة عاجلا باش تتهناي:mh31:

[آسيا 25]

rabi yerzak nchaleh koul wahed yestena w ifareh koul marboun
آمين أختي شكرا على الدعاء الجميل أتمنى أن تشاركينا بقصة من محيطك:) ربما نجد حالة خاصة أنو أهل الزوج يقولو لأولادهم و نسائهم مازال الحال بعقلكم:rolleyes: بارك الله فيك أختي الكريمة:mh31:

[عائشة 88]

السلام عليكم شكرا جزيلا على الموضوع
والله جا في وقتو تقول راكي حاسة بيا هههههههههه
انا عندي 4 اشهر زواج حاسيت بلي عندي 4 سنوات
اهل زوجي كل يوم اسمع منهم نفس السؤال كاش مكاين وعلاه محملتيش
تخيلي كرهت حياتي انا مكنتش نخمم بصح دارولي وسواس
وراني كل يوم عند طبيبة حتى ضحكت عليا
ربي يهدي لي متزوجش وعلاه مزوجتيش وكي تزوجي وعلاه محملتيش
الناس فارغة شغل وناقصة دين حتى اصبحو يدخلو في حكم ربي استغفر الله
يا كاشي بيد ربي سبحانو هو لي يرزق
اسفة على الاطالة دعواتكم لي ان يرزقني ربي الذرية الصالحة
بالتوفيق للجميع

[آسيا 25]

السلام عليكم شكرا جزيلا على الموضوع
والله جا في وقتو تقول راكي حاسة بيا هههههههههه
انا عندي 4 اشهر زواج حاسيت بلي عندي 4 سنوات
اهل زوجي كل يوم اسمع منهم نفس السؤال كاش مكاين وعلاه محملتيش
تخيلي كرهت حياتي انا مكنتش نخمم بصح دارولي وسواس
وراني كل يوم عند طبيبة حتى ضحكت عليا
ربي يهدي لي متزوجش وعلاه مزوجتيش وكي تزوجي وعلاه محملتيش
الناس فارغة شغل وناقصة دين حتى اصبحو يدخلو في حكم ربي استغفر الله
يا كاشي بيد ربي سبحانو هو لي يرزق
اسفة على الاطالة دعواتكم لي ان يرزقني ربي الذرية الصالحة
بالتوفيق للجميع
السلام عليكم:dj_17:
أختي ربي يهديهم برك بصح أنا عن نفسي ما قلقتش روحي ما نكذبش عليك رحت كي كنت 5 أشهر زواج عند طبيبة قالتلي راكي لاباس بيك و عطاتني تحاليل خرجولي ملاح قالتلي نعطيك l'acide folique باش لما تحملي يعاونك من تم ما زدت رحت لحتى طبيب حتى كملت عام, و هوما كلاوني:o ونفس الشيء الطبيب اللي رحت ليه و اللي مشهودلو بالخبرة في ولايتي قالي راكي ما عندك حتى إشكال وممكن الضغط النفسي اللي خلاك ما تحمليش بسرعة:sdf: و أيضا زوجي تحاليلو خرجت مليحة لما قلت لأمو قالتلي مالا بيكم العين روحو ترقيو:D
شكرا أختي على مشاركتنا حكايتك ربي يرزقك بالذرية الصالحة عاجلا غير آجل و تجي تفرحينا في هاد الموضوع و تقولينا راني حامل.

[عائشة 88]

ان شاء الله انتي كذلك ربي يفرحك

[آسيا 25]

ان شاء الله انتي كذلك ربي يفرحك
آمين أختي ربي يرزق كل مضغوط:1:

[riiiitej]

تخلف و تخمام ناس بكري

[mimi hano]

السلام عليكم ورحمة الله وبركاته. أولا زواج المرأة او أو الرجل طريق الأمومة أو الأبوة. ثانيا الأولاد هدية هبة من عند الله لا أحد يعطينا إياه إحساس جميل جدا. ثالثا أجد أن الحمل والرضاعة و وووووو أجمل لحظات حياتي.ربي يرزق كل محروم

[روح المي]

هو شيء في نهاية يخص زوجين كل زوجين حسب تفكيرهم
وارى انه من جهل الاهل تدخل في امور زوجين

[آسيا 25]

تخلف و تخمام ناس بكري
للأسف أخيتي تخلوا عن عادات ناس بكري إلا في هذه النقطة ما حبوش يتخلاو بارك الله فيك:)

[آسيا 25]

السلام عليكم ورحمة الله وبركاته. أولا زواج المرأة او أو الرجل طريق الأمومة أو الأبوة. ثانيا الأولاد هدية هبة من عند الله لا أحد يعطينا إياه إحساس جميل جدا. ثالثا أجد أن الحمل والرضاعة و وووووو أجمل لحظات حياتي.ربي يرزق كل محروم
معك حق أختي الكريمة هي نعمة كبيرة ربي يرزقنا أجمعين, لكن هل أنت مع أو ضد أن يتدخل الأهل في الموضوع و أن يتوصل بهم المطاف حتى لمعاداة الزوجة لأن الله لم يرزقها!!!!

[آسيا 25]

هو شيء في نهاية يخص زوجين كل زوجين حسب تفكيرهم
وارى انه من جهل الاهل تدخل في امور زوجين
فعلا أختي يبقى أمر الإنجاب متعلق بالزوج و الزوجة و هما إنسانان بالغان و راشدان و لا أحد يعرف مصلحتهما مثلهما!!!!شكرا على المرور الكريم:)

[دنيا الامل 18]

هدا مكتوب ربي لا احد يتحكم في الخلفة والناس ربي يهديهم

[دنيا الامل 18]

الى الاخوات ربي يرزقكم الدرية الصالحة

[آسيا 25]

الى الاخوات ربي يرزقكم الدرية الصالحة
آمين يا رب العالمين بوركت أختي الكريمة:)

[فاصلة]

المال و البنون زينة الحياة الدنيا
يعني المال ثم البنون ، يبدولي الفقر و يزيدو معاه الأولاد مصيبة كحلة الله لا يكحلها في وجه جلفاوي

Machi chart. Allah yaerzokohom wa iyakom

[it31pro]

ما هي الأدعية الخاصة بليلة الزفاف؟؟

[آسيا 25]

kima ihab rabiiiiii el wahed ma yetkalkch hadi kelma mahich sahla el mra ki tkoun testena defois ma ihas biha ghir li koun yestena w defois la famille iikalkouha mechi hak a3lihoum
مجتمعنا لا يزال متخلفا للأسف الشديد يا أختي لدرجة أنه بمجرد مرور سنة على الزواج دون حمل الزوجة يبدؤون في التحدث أمامها عن الرجال الذين طلقوا زوجاتهم لأنهم لم يحملوا و بالتالي حتى لو ماكانتش الزوجة مقلقة يقلقوها بالسيف ترجع كل يوم عند طبيب باش تحمل و تخليهم يسكتوا عليها و يخطيوها!!!!بارك الله فيك على المشاركة الطيبة.

[كاميلا]

انا اتفقت مع زوجي اول سنة مكانش انجاب بصح بطرق طبيعية
بصح رد ربي في الشهر التاسع لزواجي حملت والحمد لله في 9 اشهر هادوك شفت النجوم في عز االظهر اللي يسمعك كلمتين واللي يعاير بطريقة غير مباشرة واللي تي تقولك روحي للطبيب وخصوصا اهل الزوج
كي حملت هههههههههههههههههههههه واحد مقيمني وقالي كلش مبروك من اعل زوجي والله يا اختي حماتي مقاتليش كلمة مبروك ولا سالت عني طوال اشهر حملي ولا حتى جات للسبيطار كي زيدت بالعكس طوال شهور حملي غير اللي يحب يطلعلي لاطونسيو وخصوصا كنت معرضة وبشدة لسكري الحمل واحد مراعاني وواحد منهم مشفق عليا تمني بربي شيخي مذل عليا مشاف حفيده ؟ حتى للعيد كي رحت عيدتلهم
ههههههههههههههههههههه كنت نبكي نقول وش درتلهم درك نضحك ونقول عجب العجاب

[كاميلا]

وكي حملت كانوا يستناو وش نجيب كي عرفت باللي ولد ضرب عليهم الحزن والزعاف هههههههههههههههههههههه عقلية تاع بكري راهي جابتله الولد دوك تحكم فيه حسبي الله فيهم

[آسيا 25]

انا اتفقت مع زوجي اول سنة مكانش انجاب بصح بطرق طبيعية
بصح رد ربي في الشهر التاسع لزواجي حملت والحمد لله في 9 اشهر هادوك شفت النجوم في عز االظهر اللي يسمعك كلمتين واللي يعاير بطريقة غير مباشرة واللي تي تقولك روحي للطبيب وخصوصا اهل الزوج
كي حملت هههههههههههههههههههههه واحد مقيمني وقالي كلش مبروك من اعل زوجي والله يا اختي حماتي مقاتليش كلمة مبروك ولا سالت عني طوال اشهر حملي ولا حتى جات للسبيطار كي زيدت بالعكس طوال شهور حملي غير اللي يحب يطلعلي لاطونسيو وخصوصا كنت معرضة وبشدة لسكري الحمل واحد مراعاني وواحد منهم مشفق عليا تمني بربي شيخي مذل عليا مشاف حفيده ؟ حتى للعيد كي رحت عيدتلهم
ههههههههههههههههههههه كنت نبكي نقول وش درتلهم درك نضحك ونقول عجب العجاب
مبروك عليك الإنجاب أختي الكريمة ربي يجعلو ذرية صالحة بإذن الله و إن شاء الله تفرحي بيه و تربحي عليه, و الله يا أختي هاد العباد ربي يهديهم لأنو كيما قلتي ما هامهمش الأولاد قد ما هامهم ينكدو عليك حياتك:confused: والدليل يهدرو يهدرو على الضناية و نهار تقوليلهم راني حامل عاااادي ما يفرحولك ما يقيموك و إذا شكيتي و قلتي الوحم صعيب أو مانيش قادرة يبدا الغمز و اللمز ووووو:rolleyes: و إذا جبتي طفلة وكأنك جبتي نص عبد لازم تزيدي وراها مباشرة حتى يجي الولد:rolleyes: و كي تجيبي الولد يموتو بالقنطة و يقولو (صايي ضركا حكمت)ههههه,و حاشا اللي ما يستاهلهاش لأنو مازال كاينين ناس يفهمو و يحترمو خصوصية الزوجين و هم قليييييلون جدا.
بارك الله فيك يا أختي.

[إسلام الفاروق]

الزواج مسؤلية والاطفال مسؤلية

خلي الزوجين يوالفو بعضهم من بعد الاولاد

كل شي في مرة ماشي مليح

[آسيا 25]

الزواج مسؤلية والاطفال مسؤلية

خلي الزوجين يوالفو بعضهم من بعد الاولاد

كل شي في مرة ماشي مليح
صدقت أخي و جميعنا يحلم بإنجاب أطفال يملؤون عليه حياته و لكن لم القلق ? إذ بعد الإنجاب يندم الإنسان لأنه أضاع شهورا و أحيانا أعواما من عمره حزينا مهموما على شيء لم يئن أوانه بعد فقط!!!بارك الله فيك على إبداء الرأي أخي.

[آسيا 25]

http://forum.imageslove.net/photos/img_1396566060_217.gif
و فيك بارك الله أخي الكريم نورت الموضوع:)