نهدرو شوية في مسابقة هاذ العام !! دعوة لكل مترشح

[culturel]

خاوتي....الف مبروك لكل ناجح أو ناجحة مع تمنياتي لكل أساتذة المستقبل بمشوار مهني مزدهر و مشرف...أما الراسبون مع أني أكره هذه الكلمة...نقوللهم...لا لليأس و الإحباط...واحد ما علابالو واش مكتبلو ربي منا لغدوة....خلي أملك في الله كبير....و الدنيا أرزاق و كل واحد يأخذ ما كتبه له الله عز و جل من دون زيادة و لا نقصان.

كنت قد كتبت البارحة موضوع على شكل تساؤل بخصوص عبارة : مقبول بعد الترتيب في حدود المناصب المفتوحة....هذه العبارة يا إخواني تعني أنك ناجح و هذا بعد قيام الديوان الوطني بترتيب كل من نجح في الإختبار الشفهي على حسب معدل كل مترشح في قوائم و ذلك في حدود المناصب المتوفرة.

مثال : عدد المناصب المتوفرة : 10

عدد الناجحين في المسابقة النهائية (كتابي + شفهي) : 75

أعلى معدل مسجل : 15.50

أدنى معدل مسجل : 12.30

يبدأ الترتيب من أعلى معدل يعني من 15.50 إلى أدنى معدل...لكن عدد المناصب هو 10...إذا ياخذو العشرة الأوائل لذلك يمكن يتوقف المعدل عند 14.20 مثلا بحيث صاحب هذا المعدل يكون في المرتبة العاشرة من القائمة.

و هذا ما يفسر حصول العديد من المترشحين على معدلات جيدة تصل أحيانا إلى 16 و لكنه لم ينجح لأن ترتيبه في القائمة كان خارج عدد المناصب المفتوحة و ما تنساوش بلي الفاصلة تلعب دور كبير...فيمكن واحد يفوتك ب 0.05 رغم حصولكما على نفس المعدل. لذا يا إخواني القضية قضية ترتيب معدلات...فإذا تحصلت على معدل 16 فاعلم أن هنالك من تحصل على 17 و أكثر.

--------------------------------------------------------------------------------------------------------------------------------------------------------------------------

فيما يخص المسابقة....لا ننكر حصول تجاوزات....باش تقولي المسابقة تمت في شفافية تامة...هذي مكانش منها....لكن تبقى المسابقة الأفضل و الأكثر نزاهة بنسبة متفاوتة مقارنة بمسابقات السنوات الماضية و اللتي لعبت فيها الرشوة و المحسوبية دور المعيار الوحيد للنجاح....الحمد لله....كيما قلتلكم سابقا....كانت هناك تجاوزات لكنها كانت بنسب ضئيلة و غير ذات تأثير كبير و ملحوظ بدليل نجاح فئة لا يستهان بها من أبناء الزوالية و البسطاء و اللي ما عندهم حتى سند غير ربي سبحانو.

-------------------------------------------------------------------------------------------------------------------------------------------------------------------------

الآن نتكلم على نفسي شوية بالاك ندير شوية كوراج و نعطي شوية أمل لباقي المترشحين اللذين لم يسعفهم الحظ هذا العام. و الله يا إخواني أنا إنسان بسيط عندي ماستر في اللغة الفرنسية...عمري ما استخلفت...و لا تعاقدت و لا فكرت باش نتعاقد رغم حصولي على فرصة للإستخلاف لكني رفصت بسبب مبدأ واحد و هو : ما ندمرش و ما نخدمش باطل...يا نخلص كالأستاذ المرسم يا ما نخدمش....كيفاش هو يخدم أقل مني و يخلص كل شهر و أنا أستخلف في مناطق نائية و نزيد نخلص أقل منو...هذا إذا خلصت أصلا و الخدمة الصعيبة أنا اللي نخدمها....سامحوني يا الخاوة...هذا ذل و ما بعده ذل....كنت أقول دائما لن أشارك في أي مسابقة تنظم على أساس الشهادة حتى يجي النهار اللي تولي فيه على أساس الإختبار....على خاطر على أساس الإختبار تساعدني بزاف و الحمد لله صبرت و جا النهار و أصبحت على أساس الإختبار...و قمت بالمشاركة فعلا...نجحت في الكتابي و ثم في الشفهي بمعدل 14 و الحمد لله....كان ذلك بفضل الله تعالى و بمجهودي الخاص و بلا مزية أي عربي...و كيفي بزاف اللي نجحو بعرق جبينهم و بدون تدخل أي وساطة.

و لجماعة اللي ما ساعفهمش الحظ نقوللهم...أنا تاني كيفكم...سنوات من التخرج...عانيت من البطالة من بطاقة الإعفاء اللتي تحصلت عليها بعد عناء كبير....كنت المعيل الوحيد لعائلتي و المسؤول الأول و المباشر عن معيشتهم لكني لم أستسلم...اشتغلت في كل المهن...في كل أنواع التجارة...عملت في عدة مقاولات و شركات خاصة كتقني في الشبكات و المعدات الكهربائية....عملت ك كهربائي منازل...تاجرت و اشتغلت و مازلت أشتغل في كل شيء يأتي بمدخول و الحمد لله تمكنت من شراء سيارة و أنشأت شركتي المصغرة الخاصة...و كل هذا بمالي الخاص و بدون قروض و لا تدخل من الدولة.

اليوم أتى الفرج و نجحت في المسابقة بعد صبر جميل...و الآن أنا أنوي توقيف نشاطاتي الحرة و التركيز على مهنة التعليم نهائيا...بالعربية...كرهت من السفر و العمل الشاق و تذبذب المدخول...زوج شهور تخلص و 6 شهور بلا دخل...على الأقل الراتب على قلته مستقر و مضمون.

يالخاوة...و الله حكيتلكم حكايتي خصوصا للناس اللي ما نجحوش باش ما تفشلوش...و ما تستسلموش للواقع...المهم رفع التحدي و التوكل على الله وحده و عدم اليأس...و إلا طيحت و لا خسرت...زيد نوض و حاول مرة أخرى...و نحبسو شوية شكايات و نشمرو على ذرعينا و الله الموفق.

أما بالنسبة للي تحصلو على المناصب بالمعريفة و اللي وصاو عليهم في الشفهي...نقوللهم راكم ديتو حق الغير و تعديتو على المساكين اللي ما عندهم غير ربي سبحانو...و نزيدلهم ما يلي : ما تفرحوش بزاف بمناصب سرقتوها بغير وجه حق...لأنها مناصب حرام و راتبها حرام...و ما أعظم ما ينتظركم....لذلك يا جماعة الراسبين...ما يغيظكمش الحال من ناس سراقين حسابهم مع ربي. و عذرا على الإطالة.

[mahimed]

مشكور اخي الكريم على طرحك لهذا الموضوع وأضيف أنها أفضل مسابقة حصلت منذ وقت كبير في الجزائر رغم أن هناك بعض التجاوزات ولكنها محدودة جدا وسببها قلة أمانة بعض المسؤولين عن القطاع نسأل الله أن يهديهم وحسب رأي ولو تكون المسابقة بالشكل هذا معيار المسابقات في كل الميادين قسما بالله رايح يتحسن قطاع الشغل بنسبة كبيرة ورايح تشوف الرضا عند المترشحين بما فيهم من يرسبون عيدكم مبارك وكل عام وأنتم بخير وألف مبروك لكل مترشح نجح وحظ موفق لكل مترشح رسب

[culturel]

مشكور اخي الكريم على طرحك لهذا الموضوع وأضيف أنها أفضل مسابقة حصلت منذ وقت كبير في الجزائر رغم أن هناك بعض التجاوزات ولكنها محدودة جدا وسببها قلة أمانة بعض المسؤولين عن القطاع نسأل الله أن يهديهم وحسب رأي ولو تكون المسابقة بالشكل هذا معيار المسابقات في كل الميادين قسما بالله رايح يتحسن قطاع الشغل بنسبة كبيرة ورايح تشوف الرضا عند المترشحين بما فيهم من يرسبون عيدكم مبارك وكل عام وأنتم بخير وألف مبروك لكل مترشح نجح وحظ موفق لكل مترشح رسب


مشكور أخي على المرور....ربي يجيب الخير

[histoire]

بارك الله فيك وعيدكم مبارك....موضوعك يشفي الغليل....مشكور أخي

[culturel]

بارك الله فيك وعيدكم مبارك....موضوعك يشفي الغليل....مشكور أخي

و فيك بارك الله....عيدك مبارك خويا لعزيز

[معكرة]

السلام عليكم أخي
الف مبروك لك و ربي يعوض الجماعة اللي ما توفقتش
اضم صوتي الى صوتك و أؤكد كل كلمة و عبارة قلتها
انا حالي كحالك زوالي بكل اتم معنى الكلمة
ابي كان موظف بسيط و هو الان متقاعد
لم اشتغل يوما لا متعاقد و لا مستخلف و لم احصل حتى على ادنى فرصة
اشتغلت في مجال خارج و بعيد تماما عن شهاداتي و الحمد لله كنت دائما صابر و نصبر روحي ....
و كنت دائما من اشد الكارهين و حتى المقاطعين للمسابقات التي كانت تجرى على اساس الشهادة
حتى جاءت هذه المسابقة
نهار الكتابي لعبت النهائي الخاص بي..بذلت مجهودات كبيرة و الله شاهد
و نجحت و الحمد لله من دون معريفة و لا اي شيء
و نهار الشفهي طاحلي شوية المورال لكن لم اتراخى ولا يوم عن الدعاء
حتى جاء الفرج و الحمد لله نجحت بعد 6 سنوات من البطالة
و الان ما عسانا نقول سوى الحمد لله بفضله وصلنا هاد الموصل و مع تمنياتنا بالتوفيق للبقية و للجميع

[culturel]

السلام عليكم أخي
الف مبروك لك و ربي يعوض الجماعة اللي ما توفقتش
اضم صوتي الى صوتك و أؤكد كل كلمة و عبارة قلتها
انا حالي كحالك زوالي بكل اتم معنى الكلمة
ابي كان موظف بسيط و هو الان متقاعد
لم اشتغل يوما لا متعاقد و لا مستخلف و لم احصل حتى على ادنى فرصة
اشتغلت في مجال خارج و بعيد تماما عن شهاداتي و الحمد لله كنت دائما صابر و نصبر روحي ....
و كنت دائما من اشد الكارهين و حتى المقاطعين للمسابقات التي كانت تجرى على اساس الشهادة
حتى جاءت هذه المسابقة
نهار الكتابي لعبت النهائي الخاص بي..بذلت مجهودات كبيرة و الله شاهد
و نجحت و الحمد لله من دون معريفة و لا اي شيء
و نهار الشفهي طاحلي شوية المورال لكن لم اتراخى ولا يوم عن الدعاء
حتى جاء الفرج و الحمد لله نجحت بعد 6 سنوات من البطالة
و الان ما عسانا نقول سوى الحمد لله بفضله وصلنا هاد الموصل و مع تمنياتنا بالتوفيق للبقية و للجميع



ألف مبروك...خويا لعزيز لعقوبة للي مزال

[mohamed mahi]

لي رابح يقولك نزيهة ولي راسب يقولك العكس والحقيقة هي : أنت في الجزائر اذا جاك منصب ادخل في وسطهم وطفي الضوء .

[culturel]

لي رابح يقولك نزيهة ولي راسب يقولك العكس والحقيقة هي : أنت في الجزائر اذا جاك منصب ادخل في وسطهم وطفي الضوء .

صديقي...احنا ما قولناش نزيهة 100%....أحنا قولنا بلي فيها نسبة معتبرة من النزاهة....و قولنا بلي شابتها خروقات كثيرة لكنها تعتبر الأفضل حتى الآن

[أبو عبد المصور]

الشدة في ربي ... لا تعلق قلبك بغير الله عز وجل !! في عمري 37 سنة .. تخرجت سنة 2002 .. ثقتي بالله كبيرة .. حتى نجحت في هذه المسابقة لا معريفة ولا شيء !!

والحمد لله .. (ومن يتوكل على الله فهو حسبه) ..

بالتوفيق للجميع

[hicham_8]

السلام عليكم
اولا مبروك عليك و حكايتك مثل حكايتي و بفضل الله نجحت ف الثانوي بمعدل 14 الصابر ينال و لي خلق ما يضيعش المهم فقط ممكن فقط تقولما الناجحين هل يزيدو يكملو ملفاتهم و ما هي الوثائق اللازمة و التربص و مدته شكرا

[culturel]

السلام عليكم
اولا مبروك عليك و حكايتك مثل حكايتي و بفضل الله نجحت ف الثانوي بمعدل 14 الصابر ينال و لي خلق ما يضيعش المهم فقط ممكن فقط تقولما الناجحين هل يزيدو يكملو ملفاتهم و ما هي الوثائق اللازمة و التربص و مدته شكرا


بالبركة عليك خويا.....في ما يخص الوثائق و إجراءات ما بعد النجاح....حتى للآن ما بان والو

[hicham_8]

شكرا الله يكملك بالخير

[المؤمنة الصابرة]

أولا مبارك لكل ناجح في المسابقة، وسواءا كانت نزيهة أو غير ذلك فإن كل شخص اخذ نصيبه ولكن الطريقة تختلف فمنهم من أخذ نصيبه بنزاهة ومنهم من أخذها بطرق ملتويه أما عن مدى نزاهة المسابقة فلا يمكن الجزم لو وضعوا على الأقل خطوة واحدة يمكن أن نعترف بنزاهة هذه المسابقة وهي اعلان النتائج علنا وبطريقة مفصلة حتى تظهر تلك التجاوزات واتساءل دائما لماذا لم يكتفو بالكتابي ويأخذون عدد المناصب حسب الترتيب على ان يكون التصحيح مثل البكالوريا.
عن نفسي أنا لم انجح والحمد لله قسمة ونصيب، بالنسبة للكتابي فكنت متفائلة ولو اني لم انجح لعرفت أنه حتى المسابقة الكتابية لم تكن نزيهة وساقول لكم السبب، أنا متحصلة على اربع شهادات شهادتي ليسانس وشهادة ماستر وشهادة ماجستير واحضر الدكتوراه علوم وادرّس ساعات اضافية في الجامعة اجتزت المسابقة في تخصص لغة فرنسية مادة التخصص كانت سهلة للغاية أما الثقافة العامة فقد كان الموضوع في متناولي فالتنمية المستدامة هو موضوع لدي فكرة معتبرة عليه كونه يتدرج ضمن تخصصي الثاني وقد شاركت به من قبل في ملتقى دولي أما الاعلام الألي فلم اجد فيه اي صعوبة وجميع اجوبتي كانت صحيحة بمعنى أن المعدل في الكتابي لا يمكن ان يقل على 15 كأسوأ تقدير، يوم الامتحان الشفهي كنت مريضة وقد قامت اللجنة بتسبيق دوري لما قمت باختيار السؤال لم تعطني للجنة اي وقت للتفكير وقد طلبت مني قراءة السؤال والاجابة فورا وقمت بذلك لكن اللجنة لم تقم باعطائي الوقت الكافي وقامت بقطع اجابتي بقول احد الأعضاء انت مريضة ربي يشافيك وانتهت المقابلة هكذا. ان كانت هنالك تجاوزات فلا يمكن ان نقول ان كل شخص اخذ حقه وذلك لأن اعطاء نقطة جيدة لبعض المترشحين سينقص من حظوظ اصحاب النفوذ خاصة في التخصصات التي كانت فيها نسبة النجاح كبيرة

[culturel]

أولا مبارك لكل ناجح في المسابقة، وسواءا كانت نزيهة أو غير ذلك فإن كل شخص اخذ نصيبه ولكن الطريقة تختلف فمنهم من أخذ نصيبه بنزاهة ومنهم من أخذها بطرق ملتويه أما عن مدى نزاهة المسابقة فلا يمكن الجزم لو وضعوا على الأقل خطوة واحدة يمكن أن نعترف بنزاهة هذه المسابقة وهي اعلان النتائج علنا وبطريقة مفصلة حتى تظهر تلك التجاوزات واتساءل دائما لماذا لم يكتفو بالكتابي ويأخذون عدد المناصب حسب الترتيب على ان يكون التصحيح مثل البكالوريا.
عن نفسي أنا لم انجح والحمد لله قسمة ونصيب، بالنسبة للكتابي فكنت متفائلة ولو اني لم انجح لعرفت أنه حتى المسابقة الكتابية لم تكن نزيهة وساقول لكم السبب، أنا متحصلة على اربع شهادات شهادتي ليسانس وشهادة ماستر وشهادة ماجستير واحضر الدكتوراه علوم وادرّس ساعات اضافية في الجامعة اجتزت المسابقة في تخصص لغة فرنسية مادة التخصص كانت سهلة للغاية أما الثقافة العامة فقد كان الموضوع في متناولي فالتنمية المستدامة هو موضوع لدي فكرة معتبرة عليه كونه يتدرج ضمن تخصصي الثاني وقد شاركت به من قبل في ملتقى دولي أما الاعلام الألي فلم اجد فيه اي صعوبة وجميع اجوبتي كانت صحيحة بمعنى أن المعدل في الكتابي لا يمكن ان يقل على 15 كأسوأ تقدير، يوم الامتحان الشفهي كنت مريضة وقد قامت اللجنة بتسبيق دوري لما قمت باختيار السؤال لم تعطني للجنة اي وقت للتفكير وقد طلبت مني قراءة السؤال والاجابة فورا وقمت بذلك لكن اللجنة لم تقم باعطائي الوقت الكافي وقامت بقطع اجابتي بقول احد الأعضاء انت مريضة ربي يشافيك وانتهت المقابلة هكذا. ان كانت هنالك تجاوزات فلا يمكن ان نقول ان كل شخص اخذ حقه وذلك لأن اعطاء نقطة جيدة لبعض المترشحين سينقص من حظوظ اصحاب النفوذ خاصة في التخصصات التي كانت فيها نسبة النجاح كبيرة






أهنئك أولا على المستوى الرفيع اللي وصلتي ليه و نتمنالك مشوار مشرف مليء بالإنجازات و بالإبداعات.....أما بخصوص المسابقة...أنا حسب ظني...أنو مستواك أكبر من أن تدرسي في ثانوية أو إبتدائية...على خاطر رايحة تضيعي مشوارك العلمي بهذه الطريقة....بالاك ربي سبحانو مخبيلك مناصب أعلى و أرقى....تقدري تثبتي فيها ذاتك و قدراتك....مالا ما تيأسيش و إلى الأمام....شكرا على المداخلة.

[القناعة كنز]

اولا مبارك عليك و على كل الناجحين و وفقنا الله لنكون اساتذة اكفاء
و مثلما تفضلت فقد كنت مقاطعة المسابقات على اساس الشهادة للتجاوزات الفاضحة التي تحدث خلالها و الحمد لله مثلما يقال الصابر ينال
شكرا على الطرح اشفيت غليلي و قلت كل ما كان يجول بخاطري

[anouar chali]

مبروووك للناجحين والذين لم يسعفهم الحظ نتمنالهم الخير والرزق الوفير والقريب انشاء الله...حبيت نحكيلكم حكايتي والله على ما أقول شهيد...جوزت المسابقة للمرة الرابعة على التوالي تخصص تربية بدنية في المتوسط خبرة فالميدان عام كامل،كنا 165 واحد جوزنا الكتابي و بفضل الله ربحنا في الكتابي 12 واحد فقط وعدد المناصب هي 10 فقط،قلت الحمد لله هاد الخطرة راح تصدقلي بعد المعاناة تع 4 سنين ،طيحة و نوضة كيما كامل الزواولة واش عليه مانطواش عليكم،وصل نهار شفوي خاوتي وصلت للمتوسطة لي نفوت فيها مارانيش راقد كامل،خدام الليل الله غالب انا يتيم وربي كتبلي هكدا مانجهلش،دخلت على اللجنة عطالي السؤال المفتش إيسياخن هدا هو أسمو ماننساهش للممات و نوكل عليه ربي سبحانو،بدا يشوف فيا بواحد الخزرة قعدت نجاوب على السؤال لي طاحلي (العنف المدرسي) ساهل بزاااف المهم قالي وشنو هاد اللبسة قتلو وشبيها قالي ماشي جديدة قتلو معنديش باش نشري قيس مانعيش دارنا و المصاربف هداك هو بدا يهدر فهدرات والله غير غاضتني عمري... يدخل واحد قالو شيخ واحد حاب يهدر معاك و عطالو التليفون والله ماراني نكذب يا خاوتي والله ،هدر فالتليفون قالو ساهل ماشي بروبلام غير كوبا قالي تقدر تروح...يتبع

[badro2204]

انا تخرجت في 2009 و مادرتش استخلاف و جامي خدمت عند الدولة، 7 سنوات كامل اعمال حرة بدون تأمين، و كي كتبها ربي نجحت بدون معريفة و لا أي شيئ مع العلم نعرف عباد دارو حالة بالتليفونات قبل الامتحان الشفهي و ما نجحوش. الحمد لله الرزق من عند ربي

[Ahlam Sou]

مبروك على لي نجحوا و لي منجحوش ربي يوفقهم تاني
الحمد لله انا نجحت تعليم ابتدائي مي دك راني نقرا ماستر 1 و طلعت العام و محتارة نكمل نقرا ولا نخدم و الله محتارة ......

[anouar chali]

خرجت ومانكدبش عليكم هم الدنيا وهم المعيشة وهم الحڨرة لقيت الدموع يطيحو وحدهم،وصلت للدار لقيت يما تستنى فيا حكيتلها واش صرا كامل،لحق الآذان فطرت ورحت للخدمة،عيطلي واحد جوز معايا قالي الطفلة الي دخلت موراك و قالي غير برافو نتي نسحقوك برافو نتلاقاو ف 15 جويلية،قتلو شوف ربي واش كاتب،المهم خرجت النتيجة وكيما قلتلكم ربحنا 12 في الكتابي داو 10 وانا وواحدوخر مربحناش والطفلة لي زايدة ف 92 نجحت و راح تقري سبور نورمال من حقها،والله ياخاوتي ماغاضتنيش كي من 12 واحد انا واحدوخر مربحناش نعرف زهري غاضتني يما وهي تبكي بالدموع و تقولي يا وليدي ربي مافيه غير الخير الصحة ودوام الحال......

[culturel]

خرجت ومانكدبش عليكم هم الدنيا وهم المعيشة وهم الحڨرة لقيت الدموع يطيحو وحدهم،وصلت للدار لقيت يما تستنى فيا حكيتلها واش صرا كامل،لحق الآذان فطرت ورحت للخدمة،عيطلي واحد جوز معايا قالي الطفلة الي دخلت موراك و قالي غير برافو نتي نسحقوك برافو نتلاقاو ف 15 جويلية،قتلو شوف ربي واش كاتب،المهم خرجت النتيجة وكيما قلتلكم ربحنا 12 في الكتابي داو 10 وانا وواحدوخر مربحناش والطفلة لي زايدة ف 92 نجحت و راح تقري سبور نورمال من حقها،والله ياخاوتي ماغاضتنيش كي من 12 واحد انا واحدوخر مربحناش نعرف زهري غاضتني يما وهي تبكي بالدموع و تقولي يا وليدي ربي مافيه غير الخير الصحة ودوام الحال......

و الله يا صاحبي...قطعتنا قلوبنا...بصح أنا نقولك كيما قلت للجماعة....واحد ما علابالو واش كاين منا لغدوة....ما يتقفل باب حتى يتفتح واحد آخر....الصبر ثم المثابرة و عدم اليأس....وين علابالك....بالاك الطفلة اللي داتلك حقك...تطرد...بالاك دير غلطة تخلصها غالية....بالاك تمرض....بالاك تموت....إن الله يمهل و لا يهمل....أكل حقوق الناس بالباطل لهو شيء عظيم....صاحبي...لا تيأس...ربي راه مخبيلك حاجة كبيرة.

[مطيعةالله]

ربي يكون معاك ياخي الخير مازال للقدام ان شاء يفتح عليك في الاحتياط وتتعين راهو امتحان من عند رب العالمين .

[نورالدين نورالدين]

هل عبارة مقبول بعد الترتيب..... معناها. ناجح
و عبارة غير مقبول بعد الترتيب.... معناها راسب او احتياطي
وهل هناك من ظهرت له عبارة اخرى

[ابراهيم داود]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[culturel]

التعليم صار مهنة لمن لا مهنة له كل من هل ودب دخله...الله يستر... المقرف انهم يسالون اولا عن الراتب ووضعوا صفحات لموعد دخوله


واش راح دير يا شريكي....بلادنا ولا زمنا نحملو لمعيشة فيها....أما بالنسبة لبعض الناس ربي يهديهم....راهم لقاو أنفسهم ناجحين بقدرة قادر.....لكن ربي خلق و فرق....و أكيد مزال هنالك الكثير من النزهاء و الشرفاء...و بيهم مازالت البركة تاع ربي سبحانو تنزل من السماء....لا للتشاؤم

[mohamed mahi]

أخي anouar chali (http://www.djelfa.info/vb/member.php?u=625616)

قول : حسبي الله ونعم الوكيل ... صاي لبلاد هاذي صارت لا تطاق .

[anouar chali]

حسبي اللّٰه ونعم الوكيل....والله ياخويا غير تغيضك والله،تغيض و توجع وتقيس القلب.......

[الفآرسُ المُلثَم]

]السلام عليكم
ألف مبروك لخوتي لي ربحو وبالتوفيق في مهنة المستقبل أكيد مراهيش ساهل لكن مع شوية كوراج وصبر راح تسلكوها
واخوتي لي ما نجحوش كي حالتي نورمال خيرها في غيرها أكيد رايحين تقولو قلبها ميت والله عادي لن يصيبنا الا ما كتب الله لنا وعندي مبدأ في الحياة مانبكيش على حاجة مصدقتليش خاصة اذا كنت متفائلة بيها لانه أكيد لو كان جات خير ليا لكتبها الله لي
" عسى أن تكرهوا شيئا وه خير لكم "
كيما قال الاخ منا لغدوة مراناش عارفين واش كاين
ولي فيها الخير نلحقوها ان شاء الله
وتستمر الحياة تقبلو تحياتي
أختكم خولة[/size]

[اكليل الجبل 23]

شكرا على كلامك المشجع
أنا عن نفسي لم أتوقع نجاحي في المسابقة لأني لم أحضر لها جيدا هذا من جهة، من جهة أخرى كنت متشائمة لأني طوال الست سنوات الفارطة كنت أشارك لكن دون جدوى....
الآن أشعر بالندم لعدم استعدادي للمسابقة فكثير ممن أعرفهم اجتهدوا وحصدوا ثمرة جهدهم ...

بالتوفيق لجميع الناجحين

[المؤمنة الصابرة]

أهنئك أولا على المستوى الرفيع اللي وصلتي ليه و نتمنالك مشوار مشرف مليء بالإنجازات و بالإبداعات.....أما بخصوص المسابقة...أنا حسب ظني...أنو مستواك أكبر من أن تدرسي في ثانوية أو إبتدائية...على خاطر رايحة تضيعي مشوارك العلمي بهذه الطريقة....بالاك ربي سبحانو مخبيلك مناصب أعلى و أرقى....تقدري تثبتي فيها ذاتك و قدراتك....مالا ما تيأسيش و إلى الأمام....شكرا على المداخلة.


شكرا على رفع المعنويات صحيح ان مستواي اكبر من ادرس في الثانوية لكن لم اجد عملا حتى في الحضانة ومنذ 10سنوات تقريبا، التحضير للدكتوراه يحتاج الى دعم مادي والساعات الاضافية في الجامعة ذل بالنسبة للباحثين، صراحة فقدت الأمل خاصة وان البطالة مست حتى المتحصلين على شهادة الدكتوراه

[أبُو الخَيْرِ]

هذه المسابقة كانت تعني لي كلّ شيء، عائلتي كلّها كانت تنتظر النتيجة

ولكن...قدّر الله وما شاء فعل بذلت كلّ ما بوسعي ولم أنجح، وحسبنا الله ونعم الوكيل

أصعب شيء في هذه الدنيا هي البطالة والفقر، بل هما وسيلة للكفر والعياذ بالله

الحمد لله على كل حال

[redioz]

النتائج مشكوكة، إليك الدليل:
الجزائر شرق، جرب رقم التسجيل 41611578، 41611620، 41611631، 41611624، 41611690،41611664،41611629 والامثلة كثيرة.
قارن و احكم!!!!!

[mohRline]

هل "مقبول" تعني ناجح نهائي أم ممكن تكون احتياط

[nihal159]

خرجت ومانكدبش عليكم هم الدنيا وهم المعيشة وهم الحڨرة لقيت الدموع يطيحو وحدهم،وصلت للدار لقيت يما تستنى فيا حكيتلها واش صرا كامل،لحق الآذان فطرت ورحت للخدمة،عيطلي واحد جوز معايا قالي الطفلة الي دخلت موراك و قالي غير برافو نتي نسحقوك برافو نتلاقاو ف 15 جويلية،قتلو شوف ربي واش كاتب،المهم خرجت النتيجة وكيما قلتلكم ربحنا 12 في الكتابي داو 10 وانا وواحدوخر مربحناش والطفلة لي زايدة ف 92 نجحت و راح تقري سبور نورمال من حقها،والله ياخاوتي ماغاضتنيش كي من 12 واحد انا واحدوخر مربحناش نعرف زهري غاضتني يما وهي تبكي بالدموع و تقولي يا وليدي ربي مافيه غير الخير الصحة ودوام الحال......

rabi yfarage 3lik ncha allah

[omar5050]

عليك بتقوى الله ان كنت غافلا .......... يأتيك بالارزاق من حيث لا تدرى
فكيف تخاف الفقر والله رازقـــــا .......... فقـد رزق الطير والحوت فى البحر
ومن ظن أن الرزق يأتى بقـــوة .......... مـا أكل العصفور شيئا مع النســــر
تزول عن الدنيا فأنك لا تـــــدرى .......... أذا جـن عليك الليل هل تعيش للفجر
فكم من صحيح مات من غيرعلة .......... وكم مــن سقيم عاش حينامن الدهر
وكم من فتى امسى واصبح ضاحكا .......... وأكفانـة بالغيب تنسج وهولايدرى
فمن عاش الفا والفيـــــــــــــــــــــــن .......... لابد مــن يــــوم يسير الــى الـقـبـــر