استفسار حول الليزك [الأرشيف] - منتديات الجلفة لكل الجزائريين و العرب

مشاهدة النسخة كاملة : استفسار حول الليزك

نوال زهرة

2016-07-06, 18:10

السلام عليكم انا اود ان اسال خاوتي انا رايحة ندير عملية الليزك نشالله الشهر الجاي اللي دار العملية او طبيب في المنتدى يفيدني هل هي ناجحة في تقويم قصر النظر الطبيب قالي بلي العملية ناجحة 100/100 بصح مزال عندي تردد وهل لديها مضاعفات مع العلم انودرت طبوغرافي و قالولي تنجحلك العملية

سطايفية بكل فخر

2016-07-07, 00:25

السلام عليكم
انا دراسة لتخصص القياس البصري ونقدر نفيدك
فقط غاليتي قوليلي وشحال ناقصة وكم عمرك
وممكن صورة لاتوبوقرافي تاعك

+
وينا طبيب رايحة ديري عندو
تحياتي

نوال زهرة

2016-07-07, 19:25

فـــرح

2016-07-08, 01:16

السلام عليكم
والدي عملها وهي ناجحة ونظره تحسن بشكل جيد
ويعمل في كل الظروف بدون تحسس العين
وكلينيك السعادة فه امهر الاطباء
والدي عملها في تلمسان عن طبيب بريكسي

سطايفية بكل فخر

2016-07-08, 12:46

انا ناقصة اليمنى ب 2.5 و اليسرى ب 3.75 و الطبوغرافي معرفتش كيفاش نحطولك و شكرا ليكم على النصيحة انا خفت علي قريت في النت بلي يصرى جفاف العين بعد العملية و انا رايحة نديرها في كلينيك السعادة بصح كي ندير العملية وشحال يلزملي وقت باش نرجع نخدم انا اعمل متصرف اداري و خدمتي كلش مع الكمبيوتر وهل نقدر نخدم اشغال اليدوية كي نريح عادي كيما كنت من قبل

اه يعني مش ناقصة بزاف
رايحة تنجحلك بنسبة كبيرة غاليتي
+
ارفعي الصور على احد مواقع رفع الصور وحطيهم هنايا غاليتي
+
مش ديما اختي وزيد راهم يمدولك القطرات والدوا ويبقاو يسويفيو فيك
+
ديار السغادة كلينيك محترمة فقط قوليل عند اي دكتور رايح ديري ثما
+
شوفي اخاتي الليزك رايح يعطيك درجة نظر كيما كنتي تشوفي بنظاراتك
وتتخلصي منهم نهائي وترجعي لحياتك طكبيعيا كانك متلبسيش نظارة
+
مش رايحة تستغرقي وقت طويل وزيد الطبيب هو لي يقلك وشحال تستراحي خبريه فقط وهو يقلك غاليتي
+
ربي يسهلك متخافيش منها هي عملية سهلة وبسيطة
بانتظار الطوبوقرافي تاعك غاليتي

نوال زهرة

2016-07-17, 19:46

128215128215

128215

128216

128217

128218

128219128216

نوال زهرة

2016-07-17, 19:47

هاذو هوما صور الطبوغرافي منعرف اذا يبانولك

نوال زهرة

2016-07-17, 19:57

128220

128221

سطايفية بكل فخر

2016-07-19, 17:32

السلام عليكم الطوبوقرافي تاعك مليحة اختي تقدري ديري ليزك
+
اختي يخي فتي العشرينات من العمل يعني من 21 و22 فمااكثر لانو العمر مطلوب
+
رشاحة نهدرلك شوية على ما بعد الليزك بصح اونجينيرال مش شرط تكون نفس حالتك
في النهاية قتلك طبيبطك هو الادرى بحالتك ورايح يمدلك نصائح خاصة بيك
شوفي اختي بعد العملية قادرة تحرقك عينك شوية وتحسي بالجفاف او يحمارو عادي الطبيب يمدلك دوا يكالميهم
+احتمال ثاني تحسي بالضو يجينيك ولا تحسي بضو في عينيك ولا حوايج يفوتو فيهم في الايام الاولى عادي ثاني واحتمال متشوفيهمش ايضا
+
بخصوص العمل اختي هي نورمالمون تخدمي مي كاينين حوايج مديريهمش كيما ثتلك طبيبك هو لي يسويفيك وهو يقلك وشا لازم ديري
نقطة مهمة كونك طفلة حذاري من الماكياج القرنية تكون رهيفة في هذي الوقت لازم ميقيسها حتى حاجة
وربي يسهلك غاليتي
طمنينا عليك بعد العملية

نوال زهرة

2016-07-19, 20:35

شكرا لكم ربي يحفظكم

نوال زهرة

2016-09-28, 12:06

شكرا لكل واحد جاوبني ربي يحفظكم و يعط\يكم متتمناو انا عملت الليزك عندي 10 ايام و الحمد الله بصري بدا يتحسن الايام الاولى كانت صعيبة عليا تحسس للضوء و دموع و حرقان لكن ظرك الحمد الله بدات ارى الاشياء بوضوح

سطايفية بكل فخر

2016-09-29, 19:09

الحمد لله على سلامتك غاليتي
تهلاي في روحك هذو الايام وبعدي على الضو وحاصه الشمس
+
ممكن تقوليلي ثمنها في ديار السعاده سقساتني وحده عليه
وشكرا مسبقا وربي يشافيك

نوال زهرة

2016-10-02, 18:01

الثمن نتع العملية 17 مليون و 600 للعين في زوج و ربي يشافي كل واحد

اشراقة منارة

2016-10-02, 18:07

السلام عليكم
الحمد لله أختي شفاكِ الله وألبسكِ ثوب الصحة وحفظ لكِ بصركِ

سطايفية بكل فخر

2016-10-02, 19:56

بارك الله فيك غاليتي
ربي يشافيك
حافظي على عينيك هذي الاي
حتى تشفا تماما

دنيا الامل 18

2016-10-03, 08:18

ربي يشافيك

مريومة محمدد

2016-10-19, 20:58

باك الله فيك وعطاك العافية