المساعد الشخصي الرقمي

مشاهدة النسخة كاملة : مساعدة شوكولا الصابلي

محبة الكتاب
2016-07-04, 21:38
لسلام عليكم بنات اشترينا شيكولا زيكو باش انزينو بيها الصابلي بالصح كيذوبناها القينا الذوق انتاعها مش مليح كاللي فيها حاجة محروقة وماراحش نشري واحدة اخرى اعطوني الله يبارك فيكم طريقة انزن بيها الصابلي بالكاكاو والا الشيكولا غبرة بالصح تكون مجربة وصحة عيدكم
sabrina206
2016-07-04, 22:07
أختي وجدي عسيلة بيضاء: نصف لتر ماء مع 200 غ. سكر ( حوالي ربع كيلو سكر ناقص 2 صباعتين) يغلو مدة 10 دقائق و أجبديهم من فوق النار
فرغي في وعاء ثم خليه ييبرد مليح و أضيفي السكر غلاص المغربل عدة مرات ( حوالي 3 مرات ) حتى تتحصلي على خليط ثقيل ثم أضيفي 1 بياض بيض مع ملعقة قهوة عصير ليمون مصفى من الشوائب
في الأخير أضيفي الكاكاو المغربل حتى تتحكم في اللون المطلوب
بعدها أجلي حبات الحلوى
عيدك مبارك
موفقة أختي
mimi_belle
2016-07-04, 23:56
انا الشكلاطة لي نزين بيها البيسكوي او التيراميسو تجي روعة بصح صراحة جامي سييتهإ فوق الصابلي لاني صابلي نغربل فوقه فقط طبقة من السكر قلاصي اليك الوصفه:
كاس سكر قلاصي + نصف كاس كاكاوو+ملعقة كبيرة مرغرين+2ملاعق حليب سائل+ 1صفار بيض
ضعي الكل في كسرونة تكون ثقيلة و حطيها فوق نار جد هادية و خلطي بملعقة خشب او سيليكون (لا بملعقة اكل) تجي شابة بزاف بصح يخص الكاكاوو يكون من النوعية الجيدة و اذا بانتلك خفيفة زيديلها خوية برك تاع نشاء و عاودي ثقليها فوق النار شوية
ان شاء الله نكون فدتك و صح عيدك
ملاحظة مهمة نسيت نقولهالك : السكر قلاصي و الكاكاوو غربليهم مليح قبل ما تديريهم
محبة الكتاب
2016-07-05, 01:27
ربي يحفظك اختي و عيدك مبروك