مساعدة عاجلة من فضلكن

[رفاه 32]

صباح الانوار حبيباتي وشراكم ؟ ان شاء الله تكونو بخير
اخواتي قصدتكم تساعدوني من فضلكن
حبيت نطيب نيستلي باش يولي كراميل mais ماعرفتش شحال ندير الماء
أنا موالفة نشريه واجد و هاد المرة مالقيتش
نتمنى تساعدوني في اقرب وقت
تقبل الله صيامكم و صحا فطوركم:sdf::sdf:

[{ حديث الوجدان }]

الله ابارك عليكم

خواتاتي مكسرين ما يعرفوا والووو ..

[houda1677]

عمري لا كوكوت تاعك قيس ما تتغطى لا boite برك موفقة

[Samara68]

صباح النور اختي ممكن الاخوات مش قاعدين علبيها مجاوبوكش المهم انا حطيت علبة النيستلي في الكوكوطة وحطيت الماء حتى عقب النص تاع العلبة واقفلي وحطي فوق نار متوسطة كي تصفر احسبي 45 دقيقة وطفي خليها تبرد وديريها في الثلاجة حتى تبرد خلاص واخدمي بيها وصح فطورك

[رفاه 32]

عمري لا كوكوت تاعك قيس ما تتغطى لا boite برك موفقة

شكرا حبيبتي ربي يعطيك ما تتمناي و صحا فطورك

[رفاه 32]

الله ابارك عليكم

خواتاتي مكسرين ما يعرفوا والووو ..


... بالاك مشغولات هدا ماكان

[رفاه 32]

صباح النور اختي ممكن الاخوات مش قاعدين علبيها مجاوبوكش المهم انا حطيت علبة النيستلي في الكوكوطة وحطيت الماء حتى عقب النص تاع العلبة واقفلي وحطي فوق نار متوسطة كي تصفر احسبي 45 دقيقة وطفي خليها تبرد وديريها في الثلاجة حتى تبرد خلاص واخدمي بيها وصح فطورك

يعطيك الصحة حنونة ربي يحققلك ما تتمني ان شاء الله
صحا فطورك

[fatima zohraa]

السلام عليكم.ديري اكثر من النص وطيبي 45 دقيقة.بالتوفيق.ماتقويش بزااااف باه ماتنشفش

[لطيفة بنت وهران]

حبيبي رفاه غادي نعطيك وصفة نيسلي كرامال تصنعيه وحدك فدار و ما تشريهش من برا
وصفة النيسلي كرامال
كاس سكر طيبيه في كاسرونة حتى يولي كرامال من بعد تزيدي كاس و نص حليب وخلطي مليح حتى يدوب الكارامال زيدي نص كاس حليب مدوبة فيه مغرف كبيرة مايزينة و مغرف كبيرة مارغرين و تبقاي تخلطي حتى يعقاد النيسلي و تفرغيه في غرفية و تخليه يبرد
صدقيني يخرج روعة و رانا هنا باش نتعلموا سييه و قوليلي