تابع لمشكلتي خطيبيو الفيسبوك غادي يهبلون"اكتشفت انه يخونني مع انا ولست ادري مع من كذلك"

[مشكلتي]

السلام عليكم ورحمة الله وبركاته

رجاءا رجاءا ثم رجاءا بدون تجريح
انا صاحبة موضوع خطيبي والفيسبوك غادي يهبلوني بعد التوسويس لي كنت عايشة فيه والشك كذلك قررت نفتح فايس جديد ونراسل خطيبي على اساس وحدة اخرى لانه كان يراوغ ويكذب على بشأن صداقاته مع الفتيات
لكن هذه المرة وقع فالفخ قام بإظافتي الى قائمة صديقاته ومن اليوم الاول بدا يقول لي كلام معسول كان يقوله لي انا فقط خطيبته كما كان يدعي ذلك لكن اكتشفت الكارثة واننا في شهر الفضيل طلب صور لي وكذلك رقم الهاتف لكن انا راوغته ولم اعطه شيئا تركته ينتظر ومن الجهة الاخرى كان يتحدث معي في نفس الوقت وكأنه ملاك ولكن كلامه كان جافي نوعا ما معي نظن بدون اطالة فهمتو مشكلتي وبلا مانتعمق فالموضوع

لم اقرر فسخ الخطوبة لعدة اسباب انها نزوعة عابرة وتانيا ربما مجرد قضاء وقت

والله حرت وقلت بلاك نفسخ خطوبتي من هذا الشخص نرتبط مع شخص يكون اكثر منه خصوصا ان اغلبية رجال عندهم فايسبوك
اراءكم تهمني وخصوصا رجال لانهم يعرفو بعضاهم
وادعولي خاوتي والله محتاجة دعاء

[*أم سجى*]

زيدي استدرجيه اكثر وحاولي تسأليه على خطيبته وشوفي اذا كشما هدرلك فيها (على نفسك)...............ثم مبقاتش قعدة معاه......

[اريج 07]

مفهمتش وعلاه حطيتي موضوع نتي عاجبك الحال و محاباش تفسخي الخطوبة وعلاه تحوسي على اراء الاخرين

كون جيت منك والله مانزيد معاه دقيقة خخخخخ ياخي بنات ياخي يذلوا في رواحهم و يقولك اسباب ههههه واش من اسباب تخليك هك ربي يهدي

[القمة انفو]

بهاذ العقلية ما شكيتش كامل نتزوجو للاسف الفيس بوك اصبح عالة على مجتمعنا و ما بقاش لي يعرف معنى الزواج و الارتباط

[ROMMEL]

عندي فايسبوك بصح الحمد لله مانيش كيما خطيبك اصلا الاصدقاء نتاعي في الفايسبوك كامل نعرفهم تاخذي رايي اخطاكي من خطيبك و ماكانش حاجة يسموها نزوة عابرة و تحسبونه هينا وهو عند الله عظيم

[سفيان31]

نعطيك نصيحة اختى غير حبسي لانك تورطيه وتورطي نفسك

غير صارحيه

[زهر التوليب]

اختي الخيانة ماشي ساهلة هذا مخطوبين برك و بدا يخون وراح يبقى يخون للممات لان الخيانة تمشي في دمو و هو كيما قتلك المرة اللي فاتت انسان خلاط يعمل مئة علاقة نورمال و ما يهموش
اخطيك منو انتي باينة انسانة طيبة و هذا النذل ما يستاهلكش ديري قيمة لروحك و تو يجي مكتوبك للباب و اكثري من الدعاء بالزوج الصالح

[صمت الرجوله]

بما انك قلت نحن الرجال نعرفوا بعضنا بعض...انا نقولك فكي عليك و افسخي الخطبة
حنا عندنا من شب على شيئ شاب عليه. خاصة فيما يخص الجنس اللطيف...الكريم يبقى كريم و اللئيم يبقى لئيم
لي كبر على حب العلاقات و المراوغة راح يقعد كيما هاك...راكي غير تعيي روحك

[روح المي]

هذا راجل لعوب واذا حابة تتجرعي خيانة تقبلي لان ظروفك صعبة استخيري وواجهيه بالحقيقة

[nounounounou]

حسب ماقلتيه فانا مع راي الاخوه والاخوات قبلي..........اذا هو هك قبل مايزوجك ....مالا مبعدا كيفاه ....زيدي اسالي نفسك وخليها تجاوبك ....وزيد نتي حاليا ماكيش مدايرة فيه التيقة وحسيتي بلي كاينة حاجة وتاكدتي منها ومبعد كي يعود زوجك جامي توثقي فيه ......وزيد تمرضي روحك عليه .............من الافضل انك تستخيري واتبعي عقلك ةانشاء لي فيها الخير اي توصل ......
بالتوفيق ان شاء الله .

[sarl02]

ما يفعله خطيبك عمل دنيء نسال الله له الهداية ...لكن لا يصل الامر لفسخ الخطبة ...وانتن يا الي راكم اتقولولها حبسي اتحدى اين منكن ان تدمر مشروع زواجها لهذا السبب ...لهذا لا تقلن بما لا تستطعن انتن فعله كفاكم مثاليات ..وربي افرج على الاخت ويهدي هذا الاخ لجادة لصواب

[لمسة ابداع]

المكتوب مبين من عنوانو
خطيبك هدااا رجل لعوووووووووووووب و اكيد كون تديييه رايحة تعاني معاه و مكانش حاجة يسموهاااا نزوة عابرة رايح يتزوج و مزاال متربااااش
المهم كبيرة و تعرفي صلاحك و تعرفيي مليح ايجابياته و سلبياتو مانفدر نقولللك كملي مانقدر نقولك حبسي
ربي يوفقك

[~طَـــمُـــوحْ~]

البداية وكانت هكذا باينة كيفاه تخلاص ... الباب اللي يجي منو الريح اغلقوا واستريح
يجب ان يكون اب اولادك ناضج وقد المسؤولية وواعي ماش طايش وزيد باين ناقص دين كون جا يخاف ربي ميتلاعبش ببنات الناس المهم حاولي تجبدي الدليل الدامغ واعلنيها صراحة مراكيش سلعة لازم يكون عندك موقف وابني حياتك مع من يقدرك ولاتسمحي لنفسك ان تغطي الشمس بالغربال قبل ان تتطور العلاقة معه ... اشباه الرجال ودايرين روحتيهم حاجة لامسؤولية لا ضمير يبقاو هوما اسفل السافلين

[إنسانة بسيطة]

لم اجد موضوعك الاول
لكن دعيني افرك لك اذنك قليلا فان كان هو لعوبا فانت لا تقلين عنه في الامر شيئا فكيف تفتحين حسابا اخر وتقومين بتجربته ؟ وتوهمينه بانك انسانة ثانية ؟ انت مخطئة ولا يوجد شيء اسمه حقي في كشف خيانته
حتى ولو فسخت وجاءك خاطب اخر ستلجئين لذات الطريقة لكشف ان كان وفيا ام لا وتجدين نفسك مع الف حساب في الفايس بوك لارضاء شيئ اسمه الوفاء وانت تفتقدينه قليلا ثم لماذا تستغربين طلبه لصور في رمضان وانت اصلا تخدشين صيامك بالحديث معه ؟؟؟؟؟؟

صلي صلاة استخارة وحاولي التحدث مع خطيبك في امر الخيانة وانظري لرايه وما هدفه من الزواج بك

كلامي لا يعني اني مع تصرف الخاطب فهو واضح للغاية طينته لكن لا تظني نفسك ملاكا وانك في موقف المظلومة مئة بالمئة

[فارس الخيال]

سأعود للرد و بعد أن أقرأ كلا الموضوعين حتى أفهم القصة و لأطرح حلولا إن شاء الله

[أناييس الربيع]

مكانش رجل مثالي ،ولكن يوجد رجل ذو أخلاق ويتقي الله
إذا قدرتي تصلحيه فافعلي من اليوم واستخيري وانصحيه وممكن راه ماشي قابل بك ،وخطبك فقط حتى لا يحطم مشاعرك بعد علاقة
ولست اتهمك فقط مجرد تخمين
لأنو كيفاه يمدلك فيس بوك نتاعو
وإذا انعدمت الثقة اتركي عليك وربي يعوضك خير

[فارس الخيال]

بما أنك تريدين معرفة الرجل الفايسبوكي كيف يفكر و بعد ما قرأت كلا الموضوعين عدة مرات
هذا ما خلصت إليه و راح نجيبهالك من الأول
أولا أنتي لم يكن عندك فايسبوك من قبل و ممكن كنتي تتواصلي معه فقط عن طريق الهاتف
بعدها هو فكر و شاف بلي حتى ما تضيعيش له تلك الأوقات الجميلة
لي راه يقضيها في الفايس في الدردشة مع الفتيات و لي سكنتله في الدم
قالك لازم تفتحي حساب في الفايس حتى يقدر يتواصل معاك من خلاله
و هو ما اقترحش عليك باش تفتحي الحساب علا جالك نتي بصح
حتى هو يقدر يدردش في نفس الوقت مع أي فتاة و يتكلم معاك أيضا بكلمات قليلة و ما راحش تفيقي بيه
و بذلك يصيب عصفورين بحجر و يربح دراهم الفليكسي ههههه
و دار في باله بلي ما راحش تبالي إدا شفتي صديقاته فتيات باعتبار كاين غير لي يضيفهم بلا ما يهدر معاهم
و تفكير الرجل دايمن في هاد الحالة و باش يخفي عشيقته لي يكون يحكي معاها
يضيف في قائمة أصدقائه الكثير من الفتيات و بلا حساب حتى لا تكون هناك شبهة
لأنه إدا كانت عنده فقط صديقة أو اثنتين فسيطرح الأمر عدة تساؤلات
و العذر لي قالهلك بأن حسابه مبرمج لعمل هاد الشي هو عذر أقبح من ذنب
و نظن راه عارف بلي نتي خاطيك الفايسبوك
باعتبار ما عندكش تجربة مسبقة أو خبرة فيه علا هاديك راح يقنعك بأي شيء
و نتي بما أنك واجهتيه بهاد الأمر و قالك أنه خاطيه هاد الشي و بدا يراوغ
زاد ركبك الشك أكثر و التوسويس و التفكير بشكل مفرط
و أنا شبه متأكد بأنك لو استطعت و عرفت كود حسابه لدخلت لتقطعي الشك باليقين
و تعرفي بالضبط الشي الذي يخفيه عنك و الظاهر فإنه يخفي عنك الكثير
و بخطوة يائسة قررت أن تفتحي حساب جديد و تراسليه من خلاله كانك شخص آخر
و حتى لو واجهته بالأمر و بأنك هذه أنت أنا متأكد بأنه يمكنه التملص في تلك الحالة
فقط بأن يقول لك بأني كنت عارف بلي هاديك نتي و كنت أجاري فيك فقط
و هل تظنين أني نقول كلام مثل هذا لغيرك وووو
يعني الرجل الفايسبوكي يمكنه إخراج نفسه من أي مأزق بكل سهولة
نعود الأن لطرح السؤال لماذا أنتما الآن مخطوبان و في حين عليه التركيز في هذه الفترة للتعرف عليك أكثر
ما زال متعلقا بفايسبوكه و يحكي مع الفتيات الأخريات بشكل عادي ؟
و الإحتمال الأكبر أن هذا الشخص بطبعه لعوب و يحب التبديل بين هذه و تلك
و قد يكون خطبك أنت طمعا في مال أو منصب يمكنه تحقيقه من خلالك
أو أنه خطبك فقط لأن والديه فرضوا عليه أو أنه يعرف عائلتك و لا يمكنه التراجع في قراره أمام عائلتك
و في كلتا الحالات و حتى و لو تزوج بك سيظل دوما يمارس عاداته الفايسبوكية و يكلم النساء
باعتبار أن الزواج يضيق عليه و يحد من حريته و هو أصلا ليس متعلقا بك 100%
خلاصة الأمر في الأخير مشروع زواج إذا دخل في وسطه الفايسبوك فإنه يفسد و يضيع
و حتى و إن وعد ذلك الشخص بحذفه فستعود نزوته لتدعيه مستقبلا أو أنه يفتح حسابا سريا آخر في الخفية
فلا توجد أي ضمانات يمكن أن يعطيها لك ذلك الشخص بأنه تاب و تراجع
لهذا كما يقال آخر العلاج الكي و يمكنني رؤية بأن هذا الشخص لا يليق بك و سيعذبك أكثر إذا ارتبطت به
لكني أرى من جهتك بأنه في قرارة نفسك لا تريدين فسخ الخطبة معه
لأن الظاهر من قولك أنك إذا ارتبطت بعده بشخص آخر قد يكون أسوأ منه
هذا يدّل بأن لك عدة تجارب فاشلة سابقة لمن تقدموا لخطبتك و لعل هذا الأخير كان نوعا ما أحسن من الذين قبله
و ما يعيبه هو قضية الفايسبوك و الدردشة مع الفتيات
و هذا هو الخطر الكبير فالفايسبوك يهدم البيوت الآن و لا يبنيها و عليه هذا الشخص حسب رأيي هو الأسوأ
لكن أقول لك بأن الرجال ليسو كامل كيف كيف كما تعتقدين و كاين لي ما عنده فايس ما يسمع بيه
لازم كيما قالولك الأخوات من قبل لا تقبلي بشخص إلا بعد أن تتأكدي من أخلاقه و دينه في الأول
و لا يهمك لا ماله و لا منصبه و لا سمعته بين الناس
ما عليك الآن إلا أن تضعي النقاط على الحروف و تعرفي السبب لماذا قام بخطبتك و هو ليس وفيّا لك
عسى الله أن يعوضك خير منه و لا تقومي أبدا بتنازلات من أجل إرضاء الآخر
و ليس عدم الزواج نهاية العالم و ليس كل شخص متزوج هو سعيد
و الزواج الذي لا يبنى على الثقة و المودة و الحب و المسؤولية راح يجيبلك غير تكسار الراس و الهموم
ربي يرزقك الزوج الصالح أختي الذي تقر به عينك

[سماح 2]

كن جيتي انتي الي مدايرة هكــآ أكي في خبرْ كــآنْ ’ واحد كيفو خاطب مزال يتمسخر واش تسناي يجيكْ منــو ؟!

[thorpe]

باش تطفي النار وتحبسيه على حدو
يقولولك زيدي ستدرجيه البهلولات ؟؟
تبعيهم تفسخي الخطوبة اكيد
واذا حابة تفسيخيها افسخيها ضرك عن طيب خاطر خير ما تفسخيها ونتي كارهتو وهو كارهك
سينو اخرجيهالو طاي طاي وريقليه طول
الله يهدي

[خولة لبابة]

سامحيني اختي....لكن مثل هذا الشخص لو كنت مكانك لن اثق به بعد اليوم.....فان انعدمت الثقة بين الزوج و الزوجة ماذا سيبقى في رايك؟ ؟؟؟؟ نزوة عابرة و هو على وشك الزواج؟؟ فو الله الامر محير فعلا....لن اقول لك افسخي و لن اقول لك لا تفسخي الخطوبة....لكن ابقي مع نفسك و فكري ان كنت ستعيشين مع مثل هذا الشخص؟؟....فكري جيدا.....فلا نعرف ان سيفعل هذا بعد الزواج......فعلا انا اخاف من هذه الامور......و الله المستعان......

[mrmilano1984]

الله يهديك وهادي حتي تعملي موضوع هنا باش نجاوبوك باينة السيد زير نساء ويتبع البنات هدا من الاحسن تفسخي الخطوبة من الان واي واحد عاقل وعقلو كامل او وحدة عاقلة تقولك نفس الكلام اوك ردي بالك لو تزوجتي بيه راح يعمل اكثر واكثر ويخونك اكثر فاكثر الله يهيدك هدا بلا ماتحطي موضوعو هنا
الطيور علي اشكالها تقع كما الراجل لي يتبع النساء والمراة لي تبع النساء نفس المعدن

[mrmilano1984]

مفهمتش وعلاه حطيتي موضوع نتي عاجبك الحال و محاباش تفسخي الخطوبة وعلاه تحوسي على اراء الاخرين

كون جيت منك والله مانزيد معاه دقيقة خخخخخ ياخي بنات ياخي يذلوا في رواحهم و يقولك اسباب ههههه واش من اسباب تخليك هك ربي يهدي
هداها الله ويعطيها العقل الكامل باش تفكر بعقلها راه كل شيء واضح وضوح الشمس هدا رجل طبعا كادب وجد خائن لايؤتمن ابدا انا لو نفيق زوجتي تخوني صدقوني نرفع ضدها دعوة طلاق ولامشاعر ولاهم يحزنون ابدا نفكر بعقلي دائما لابعاطفتي