الى اصحاب الخبرة بالحلويات ساعدوووني

[missen]

السلام عليكم خواتاتي حبيت نسقسي لي عندهم خبرة في الحلويات كنت نتصفح بعض صفحات الفايسبوك للحلويات لقيت هذا الڨاطو عجبني بزاف لكن للاسف مكانش الوصفة بصح ميش مشكل😋 نقدر نفكر كي عادتي😁 لكن لي منيش متأكدة منو هو لي من فوق هل هو عجينة السكر و تلك نقوش و لون ذهبي كيفاش مفهمتش انشاء الله نلقى عندكم لجواب ولي عندها وصفة تشبهلو تعطيهالي خاصة لي عندهم خبرة في الحلويات و صح فطوركم و ربي يجازيكم

[missen]

المشاهدات 50 و لا رد اين انتم يا اصحاب الخبرة ؟؟؟؟ لي جاوبني ربي يفتح عليه 10 ابواب من الخير

[لجين وفاء]

والله يا اختي أنا تاني حارتلي واشنو هداك نشالله يجاوبونا ام أماني والاخريات

[Fifilondon]

ايجاوبوك كي فوت العيد ههههههه
اختي هاذ القاطو شكلو شباب بزاف لكن ماشي واضح كيفاش مخدوم صح تبان عجينة السكر ولا فوندون مي لي تحير هداك الرسم الدوغي كيفاش داروه
ان شاء الله ايجاوبوك قريبا

[اريج 07]

حنونتي هذاك فوندون ذوبيه شوية و تحطيه فوق بابي ترنسفار خاص بالشيكولا و عندو عدة اشكال هو يجي ترنسباغو و فوقو رشومات من السكر كي تحطي عليه الحاجة سخونة راح تلصق هذيك الرشومات و مبعد حطيها في الفريجيدار تشد روحها و قطعيها بالمول لي تحبي و ادهني حبة القاطو بالكونفتير ولا اي حاجة و حطي الفوندون نتمنى نكون تفدتك اي سؤال انا في الخدمة

[لينا11]

هي عجينة سكر تلونيها كيما تحبي وتحطي فوقو بوشوار يتباع وتضغطي بالرولو مليح عليه فوق عجينة سكر وتمسحيه بالناكري ذهبي باش تخرج لك رشمة وتقصي بالطابع قلوب

[لينا11]

لك صورة واضحة اكثر

[missen]

حنونتي هذاك فوندون ذوبيه شوية و تحطيه فوق بابي ترنسفار خاص بالشيكولا و عندو عدة اشكال هو يجي ترنسباغو و فوقو رشومات من السكر كي تحطي عليه الحاجة سخونة راح تلصق هذيك الرشومات و مبعد حطيها في الفريجيدار تشد روحها و قطعيها بالمول لي تحبي و ادهني حبة القاطو بالكونفتير ولا اي حاجة و حطي الفوندون نتمنى نكون تفدتك اي سؤال انا في الخدمة
شكرا لك الاخت اريج ربي يعطيك ماتتمناي و يفتح عليك كامل الابواب في هذا الشهر الفضيل
نظن فكرة الاخت لينا هي الاصح
وشكرا مرة ثانية صح عيدك

[missen]

هي عجينة سكر تلونيها كيما تحبي وتحطي فوقو بوشوار يتباع وتضغطي بالرولو مليح عليه فوق عجينة سكر وتمسحيه بالناكري ذهبي باش تخرج لك رشمة وتقصي بالطابع قلوب
يعطيك الصحة و ربي يجازيك و يوفقك في كامل حياتك و يفتحلك ابواب الخير معليش الا عندك وصفة الحلوى ديالك لي حطيتيها عجبتني تاني ومعليش توضحلي صورة لبوشوار معقلتوش و شكرا مرة ثانية و صح صحورك