بنات بلييز ساعدوني على البقلاوة

[دعاء2]

بنات اسسمحولي بصح حبيت نسقسيكم كي نخرج السنيوة تاع البقلاوة من الفرن العسل نديره بارد ولا ساخن
++ درجة الحرارة ام اماني قالت 180 وكي دخلت مواضيع اخرى شفتهم دايرين 300 درجة ويينها الصحيحة

[حياتي نبع امل]

البقلاوة تطيب على نار متوسطة 180 درجة .وكي تخرجيها وهي سخونة اسقيها بعسل بارد

[~رآقية بأخلآقي~]

نعم كيما جاوباتك الأخت

وإذا بردت و شفتيها مزال ناقصها العسل هذيك الساعة لازم تسخنيه

[دعاء2]

صحيتوا على الجواب ربي يجازيكم

[haytoo82]

كيما تفضبو الاخوات البقلاوة تطيب على نار180 وكيتخرجيها سقيها بعسل بارد واذا شربت وقعدت ناقصة ارجعي غير دفيه مش تسخنيه ياسر راها تتعجن وماتجيش مقرمشة وبصحتك

[أم عمار السطايفية]

البقلوةتطيب بدرجة حرارة 180 و انا نحطها في الرف الاعلي و نخليها طيب براحتها امدة 45 دقيقة ثم نهبطها الى الرف السفلي و نطيبها من الاعلى و لما نخرجها نسقيها بعسل بارد بدون اضافات سمعتها في قناة سميرة وجربتها ثم نرجعها للفور طافي 5 دقائق القرمشة روعة

[ام ريحانة 02]

انا طيبتها على 160د وخليتها حتى بانولى الاطراف داو لون ذهبي بعدها شعلت الفوق وهبطت السنيوة للتحت وخليتها دات لون وبعدها سسقيتها بعسل كنت دفيتوا من قبل ولكن ليس ساخن