العمل ، الزواج ...

[مشكلتي]

السلام عليكم ورحمة الله وبركاته
انا شاب في 29 من العمر متحصل على شهادة جامعية و اعمل ضمن عقود ماقبل التشغيل (anem) في شركة وطنية لمدة عامين و هذا الشهر التجديد لعام اخر
مشكلتي تكمن في انني خاطب بنت ولدي مفاهيم في الحياة انني يجب ان اكون مرسما في عملي حتى اتكلم عن الزواج ، كان لدي امل ان هاذا العام اخر عام لي و يرسمونني لكن للاسف لم يحصل هذا الشيئ ، للعلم انا خاطب لمدة عام ونصف و كنت على امل انه عندما تتصلح اموري العملية اتزوج في نهاية هذا العام .
اخوتي انا في حيرة من امري لا احب ان اتزوج وبعدها لا اعلم ما سيحدث ممكن يفصلونني عن عملي وادخل في دوامة انا في غنى عنها ... لم اجد حل هل اخاطر و اقرر متى اتزوج بغض النظر عن عملي او الوظعية الحالية ؟ هل انتظر حتى تتوضح اموري في العمل ؟ ( لا ادري هل هناك فتاة تنتظر 3 او 4 سنوات ) انا في حيرة من امري ...
ارجوا المساعدة وارجوا الدعاء وشكرا

[KARIO]

يا اخي عقود ما قبل التشغيل مفيهاش ادماج علاش تنجروا وراء الاشاعات و تامنوها الادماج يكون في قطاعات محدودة جدا جدا مثل البريد و التامينات و حتى هادو حبسو هاذ النوع من العقود, نتا سعى مشي شرط مين جامعي تشتغل عند الدولة لانك اذا قارعت الدولة راح تضيع وقتك و تتعب في باطل, سعى في جيهات اخرى بدا مشروع صغير على حساب قدرتك و ربي يفرج عليك و يرزقك من بابه الواسع و يكملك بالخير مع هاذ البنت ان شاء لله

[صمت الرجوله]

تزوج يا اخي و علاه راك خايف من حاجة كافلهالك ربي...الرزق راه بيدو سبحانه ,انت انوي الخير و ربي يعمل التاويل

[لحن الحياة.]

وبالاك المرا هاذي يجي على قصتها الرزق
ربي ما فيه الّا الخير

[ikrama09]

اتزوج خويا واللي فيها الخير ربي يجيبها ...كيما قالت الاخت بلاك ف جرتها يجي الخير
والرزق على ربي
وطبعا كاين بنات يستناو 3 او سنوات ...اذا كانت نيتها صافيه معاك وتحبك.وانت تاني متخليهاش علاش لالا
ربي يسهللكم انشالله ومكاش كيما الحلال خويا.

[dont be sad]

وعليكـــــــم السلام ورحمة الله تعالى وبركاتــــــــــــــه
أعوذ بالله من الشيطان الرجيم بسم الله الرحمن الرحيم ((وَأَنكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فَضْلِهِ وَاللَّهُ وَاسِعٌ عَلِيمٌ))[النور:32]
اتكل على الله أخي الزواج نصف الدين
وكما قالوا الإخوة جزاهم الله ان شاء الله يفتح عليك بعد الزواج
ويوجد العديد من أكملوا السنة الثانية و الثالثة في عقود ما قبل التشغيل و تم تنصيبهم و الحمدلله

ربي يفتح علينا و عليك خويا ^_^

[ام البنوتة]

خويا تزوج و هو يخدم لانام و بعد 4 سنين رزقوا ربي بمنصب ماكانش يحلم بيه
من يتوكل على الله فهو حسبه

[حمودية]

تزوج ترزق .....................يعني ان العروس راح تفتحل ابواب الارزاق

[*أم سجى*]

أنا في رايي تتزوج أحسن وتتكل على ربي وكيم قالو الاخوة المراة تجي برزقها.......ويلا قعدت تتنظر فالعمل بلاك تطول المدة وماتلقى لاالعمل لا المراة تبقى غير للتخمام والقلق..........ان شاءالله ربي يفتح عليك ويوفقك

[فتيحة الإسلام]

توكل عى الله وتزوج والرزاق هو الله ...اييه كاين يستناو أكثر من 3 سنين والدليل انا كنت نكمل دراستي وخطيبي كان يبني نفسو

[melissa lola]

ارمي حمولك على الله هو الرزاق ربي يفتح عليك بمنصب داءم ويسهلك امورك عليك بالاستغفار

[علي لقواطي]

كان الله في عونك أنا مثلك في الإدماج لكن عمري لا خممت نتزوج و أنا في عمل غير مستقر.

[katiya]

عليك بان تضمن عملا مستقرا كي لاتعاني بعدها كثيرا واما بالنسبة للفتاة فيمكنها ان تصبر سنة اضافية وان شاء الله تجد عملا افضل في اقرب الاجال ....اكثر من الدعاء فقط وبالتوفيق

[Brahim 9]

استقر في عمل ثم تزوج
اصــــــــــبر

[لينة المتفائلة]

خالي تزوج وهو بطال بعد يوم من عرسه اتصلو به يعلموه عن قبوله بالشغل والان هو اطار ماشاء الله تزوج اخي عله يفتح لك ابواب الرزق

[قدور بن عاشور]

لا يوجد في هذه الدنيا منصب عمل أبدي، حتى و لو تم ترسيمك، يمكن طردك في أي لحظة لسبب أو لآخر و بصيغة أو بأخرى.
توكل على الرزاق لا على عبد الرزاق، و تزوج و لا تضيع وقتك ووقت بنت الناس.

[صفيان 11]

حبيبنا اتوكل عل الله و صلي الاستخارة و شوف واش قال ربي بسم الله الرحمن الرحيم الشيطان يعدكم الفقر ويأمركم بالفحشاء والله يعدكم مغفرة منه وفضلا والله واسع عليم ) يل خو عام زوج غير يصراو مشاكل ربي لي يعلم بيهم مام تزوج بيها خمم مليح و توكل عل الله

[روح المي]

توكل على الله الخلاق رزاق

[imen rg]

تزوج الرزق على ربي