مطلوع بالسميد

[المسلم1]

سلام حبيباتي ♥
حبيت نسقسيكم على وصحفة تاع مطلوع سميد
و تاني كيفاش البابا تاعو تجي مثقبة ( تشبه للاسفنج )
شكرا

[Basketteuse]

نعطيك طريقتي تاع المطلوع تجي كي القطن، تكيل الدقيق مثلا 3 خبزات ، تبسسهم شوي بالزيت حوالي 5 ملاعق ك زيت ، وتحط لكل خبزة مغرف ص خميرة، تحطهم مع الدقيق ، وتزيد م ص سكر ، ومن جهة الملح والسينوج، وتحكيها شوي بيدك وتبللي بالماء الدافيء حتى تتلم وتعجني وتزيدي الماء بالشوي ، وتكوني ذوبتي مغرف ك زبدة، في نص العجن ابداي ضيفيها بالشوي واعجني، وكملي زيدي الماء واعجني حتى تولي تترتق، ودير فقاعات، وتولي تلصق في اليد شوي ، لانو سر المطلوع لازم يجي شوي جاري (، وتاني لازم في تعجبني مرة على مرة تخبطيها،)من بعد خليها تطلع مليح ، واقسميها على ثلاثة ولوزيها وخليها تزيد تطلع شوي حوالي ربع ساعة، تكوني حطيتي الطاجين يسخن، قرصيها( علابالي تجيك صعيبة وتلصق) ذرذري فوقها شوي فرينة وقرصيها على سرفيتة وخليهم حتى يسخن الطاجين مليح، ويطلعو شوي حوالي عشر د ، حطي بالوحدة في الطاجين كي تبدأ دير فقاعات اقلبيها واثقبيها بشوكة وخليها تطيب، ومن بعد حوشيها ، ان شاء الله تحربيها وتنجحلك وتعجبك